الهام واللي كان الحلقة الاخيرة

 

 الوش الثاني 

                 ★الحلقة الخامسة★

من تاليفي، ، 
محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

ويبص المجنون في مرايا التسريحة وعلاء بينزل سلاحه وبيقول وهو مصدوم 

انت زين

فيضحك المجنون بشدة ويضحك ويضحك. ويبص بطرف في مرايا التسريحة ويلاقي علاء نزل سلاحه فيجري بسرعه ناحية شباك الاوضة ويطير بجسمة ناحية شباك الاوضة ويكسر الازاز بجسمه ويبقي خارج الاوضة. فيجري علاء ناحية الشباك بسرعه ويبص من الشباك علي المجنون اللي كان في جنينه الدوار. وبيجري ناحية البوابة فيقول علاء باعلي صوت عنده للحرس الموجود حوالين البيت 

امسكو المشتبة في اوعي يهرب منكم

ولكن المجنون يبص له وهو يقول

رجالتك كلها نايمة هووووووووووو

ويخرج المجنون من بوابة الدوار وعلاء يبص عليه باستغراب شديد ويخرج موبيله مسرعا ويتصل برقم زين ويلاقي الموبيل مقفول. فيروح لحنان اللي كانت بتاخد نفسها بصعوبة من شدة الخوف ويقول لها

انتي بخير مش عايزك تقلقي. زين باعتني علشان احميكي

ولكن حنان تبص له ولا ترد وتفضل تترعش من الخوف.،،،،،،

وبعدها بكام دقيقة كان زاهر داخل للاوضة بعد ماعرف اللي حصل ومعه علاء وياخذ زاهر حنان في حضنه ويقول لها

بنتي. عمل فيكي اية المجرم ردي علية طمنيني عليكي

فتبص له حنان وتقول

انا فعلا بنتك. ولا بنت حرام زي ما قالي 

زاهر باستغراب

طبعا بنتي. اية السؤال الماسخ دة

علاء

اعذرها يا حاج زاهر اصل المجنون قالها انها مش بنتك. وان اخر بناتك اسمها حنين

زاهر مصدومه مما سمعه ويقول

حصل امتي الكلام دة 

علاء

انا سمعته بوداني من وراء الباب قبل ما ادخل الاوضة عليهم 

زاهر

دة كذب انتي بنتي 

حنان

لو انا بنتك ما قتلنيش لية

زاهر بارتباك 

وهو انا بس اعرف هو بيفكر في اية ولا عايز اية. اوعي تخلي المجنون،،،،،،

فتحط حنان ايدها علي بوق زاهر وتقول

انا مصدقاك ومش عايزا اسمع اي كلام تاني. ومهما كان دة مجنون ما ينفعش اصدق كلامه

فيحضنها زاهر بشدة ويقول

هو دة الكلام. ربنا يكملك بعقلك يا حنان دة انتي اللي فضاللي من اخواتك

فتبص له حنان وهي في حضنه وبقي عندها اصرار تعرف الحقيقة، ،،،،،،،،،

وبعدها بكام دقيقة تفتح حنان باب اوضتها وتبص يمين وشمال فتلاقي الطريق فاضي فتخرج من الاوضة وتتسحب. وتروح ناحية اوضة الخدامة سميرة الست الكبيرة اللي في خدمتهم من سنين وتفتح باب اوضة سميرة وتدخل للاوضة وتلاقيها نايمة فتقعد جنبها علي السرير وتهزها في دراعها وتقول لها

خالتي سميرة.

فتفتح سميرة عيونها. وتبص لها وتقول لها

ستي حنان خير يا بنتي في اية

حنان

انتي في البيت دة من ايام ابويا ماكان عنده 20 سنين واكيد شوفتي كتير وعرفتي اكتر

سميرة وهي بتتعدل في قعدتها وتقول

طبعا يا بنتي 

حنان

انا بنت زاهر الفيشاوي ولا. لا 

فتصدم سميرة من السؤال وتبلع ريقها بالعافية وتقول بارتباك شديد

أية السؤال دة يا ستي حنان 

حنان

ردي علية يا خالتي سميرة. انا بنت زاهر الفيشاوي

سميرة بارتباك شديد

بنته طبعا 

حنان

اومال مين حنين

سميرة مصدومة

انتي ما تعرفيش مين حنين. اية نسيتيها

حنان

هو انا اعرفها. 

سميرة

تعرفيها الا تعرفيها دي كانت زي اختك وانتو الاثنين مت

وتسكت سميرة لثواني وتقول بارتباك

اني ماعرفش حاجة وسيبيني انام. لبعدين سيدي زاهر يخرب بيتي 

وتستعد سميرة للنوم ولكن حنان تمنعها وهي بتقول لها 

مين حنين دي يا خالتي سميرة. وخايفة لية من ابويا لو عرف انك حكيتي لي عنها 

سميرة

ماعرفش ماعرفش. واخرجي بقي خليني انام

وتبعد سميرة ايد حنان عنها وتحط الغطاء علي وشها وحنان تبص لها. وفي الوقت دة كان علاء قدام باب الاوضة بيسمع كل من يقال ويمشي بسرعه قبل ما حد يحس بي. وحنان تخرج من الاوضة ،،،،،،،،،،،،

وبعدها بساعه ومن جوة شقة زين ينام زين علي سريرة زي المقتول وما يصحوش من النوم دة الا صوت جرس الباب. فيقوم من فوق السرير ويروح ناحية الباب ويفتحة علشان يلاقي علاء واقف قدام منه وبيبص له بشك رهيب ويقول

موبيلك مقفول لية

زين

انت عارفني عمري ما قفلت موبيلي

علاء

غريبة اشمعني المرة دي اتقفل

زين

ماعرفش

ثم يوسع الطريق لعلاء ويقول له

خش طيب هانفضل نتكلم علي الباب كدة

فيدخل علاء ويروح زين الحمام. ويغسل وشة وعلاء بيبص في كل حته في الشقة بتركيز شديد ويقول زين لعلاء 

خطفت مراتي

علاء

ماتخفش علي مراتك المجنون عايز حنين مش حنان

★اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي ★

وفي الوقت دة. يبص زين في مرايا الحمام وهو زي اللي الكهرباء مسكتة وشاف في المرايا بنت صغيرة بتلعب تحت شجرة وهو بيلعب معها وهي بتضحك وبتقول له

لما تكبر هاتتجوزني انا ولا هاتتجوز اختي حنان

زين

انتي يا حنين

حنين

بس حنان بتحبك

زين

لكن زين بيحب حنين

وفي الوقت دة يسمع زين صوت علاء اللي كان معه في الحمام وفي ايدة نص تذكرة القطر والنص التاني كان معه برضو وقال علاء 

في حد حطه لي نص تذكرة قطر في عربيتي والنص التاني من التذكرة. لقيته في اوضة نومك. هو انت ركبت القطر يا زين. اللي كان علية ولاء 

فيبص زين للتذكرة ويسكت فيقول علاء بعصبية

ما ترد علية ركبت القطر ولا لا

زين بعصبية شديدة

ماعرفش ماعرفش.

علاء

زين خليني اساعدك كل تصرفاتك وكلامك معايا بيقول انك انت اللي بتعمل كدة

زين

مافيش دليل علي اني انا المجنون

علاء

الدليل انا شوفته بعيني النهاردة

زين باهتمام 

ازاي

علاء 

مراتك حنان كانت هاتموت علي ايد المجنون اللي دخل لاوضتها من غير ما حد يحس بي واللي كان بيتكلم معايا وعارف انك انت اللي باعتني اخطف حنان وقالي اقول انه عايز حنين مش حنان وهرب مني 

زين بمنتهي العصبية

ازاي تسيبة يهرب والحرس اللي كانو حوالين الدوار

**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **

علاء

كلهم كانو متخدرين. يعني المجنون دة عارف ان في حراسة وعارف اني جاي وعارف انت قولت لي اية يبقي مين غيرك المجنون 

زين بانهيار شديد

يعني انا كنت هاقتل مراتي وابني بايدية دي

ويبص لايدة بمنتهي الغضب ويقول وهو ثائر

مش انا اللي بعمل دة كله انا عندي مرض نادر اسمه متلازمة اليد الغريبة هي اللي بتعمل دة كله بعد نص الليل

علاء باستغراب شديد

انت بتقول اية. انا مش قادر استوعب اللي انت بتقوله

فحكي له زين كل اعراض مرضة والدكتور اللي سافر له انجلترا وانتهي زين من الحكاية وهو يجلس في ارضية الحمام وهو منهار

هي دي الحقيقة انا مجنون وعايش وسط الناس بوشين وش مفتش المباحث ووش المجرم اللي مطلوب من مفتش المباحث انه يقبض عليه 

ويبص لعلاء ويقول

انا المفروض اقبض علي نفسي. تخيل

ويبكي زين بشدة ويقول

اشمعني انا دون الناس كلها انكتب علية اعيش بالمرض دة

علاء

ممكن تهدئة وخلينا نفكر ازاي نقدر نخرج من المطب دة. وقولي مين حنين دي. اللي حكي عنها المجنون لحنان وهي فعلا حنين اخر بنات زاهر الفيشاوي 

زين

حنين دي كانت جارتنا وكانت بتعتبر حنان اختها لانها من نفس سنها وكانو قريبين جدا من بعض واختفت حنين في عز ما انا كنت متعلق بيها وخلاص ها اتجوزها وماحدش يعرف هي فين حتي اهلها دوره عليها كتير 

علاء 

غريبة اوي الحكاية دي.

زين

فعلا غريبة. لانها اختفت وماحدش يعرف عنها حاجة

علاء

مش دة اللي انا اقصده. انما انا اقصد ازاي حنان ما تعرفش حنين وانت بتقول انهم كانو زي الاخوات

زين باستغراب 

هي حنان قالت انها ماتعرفش حنين

علاء

قالت. وراحت وسالت الحجة سميرة عن حنين والحجة سميرة قالت انها ما تعرفهاش

زين باستغراب

ازاي. حنين متربية في دوار عمي وكلهم يعرفوها

علاء

اهو دة اللي حصل

زين

انا ما بقتش فاهم حاجة وبقيت محتار اللي بيحصل دة كتير. اقبض عليه يا علاء واحبسني واشهد بكل اللي عرفته خلي القاضي يحكم علية بالاعدام يمكن ارتاح

علاء

وتفتكر دة الحل

زين 

ماهو لو انت ما قبضش عليه انا هاخلص الناس كلها من شري

علاء

ناوي تعمل اية يا زين 

زين

هاقطع ايدية اللي حابه للشر والدم قبل ما في يوم اصحي الاقي نفسي قاتل مراتي وابني بايدية 

ويجري زين ناحية المطبخ بمنتهي السرعة وعلاء وراء منه بيحاول ان يلحقة ويفتح احدي ادراج المطبخ ويخرج ساطور ويمسك الساطور بايدة الشمال ويحط ايدة اليمين قدام منه ونزل بالساطور علي ايدة اليمين وبمنتهي السرعة، ،،،،،،،،،، 

يارب تكون الحلقة عجبتكم. مستني رايكم.