وجع الذل
★الحلقة الثالثة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
بعد ما حرقت الورقة اللي فيها اسامي الثلاثة اللي حسسوني بوجع الذل قررت اتحدي الدنيا كلها و اعمل العملية لاختي غصبا عن الظروف مش هاقدر اعيش وانا شايف اختي محرومة من الهواء ومش قادرة تاخد نفسها والسبب في دة كله انا. علشان كدة كان لازم اجل انتقامي من حازم واميرة لبعد عملية اختي وبدات بالدكتور صالح وسلط خالد عليه وقدر يجمعلي في خلال يومين كل المعلومات عنه. وجمع كل اللي عرفه في ملف وقبلته علي القهوة واول ما شوفته وشوفت الملف في ايدة قولت بلهفة
قولي كل اللي عرفته عنه
خالد
اخد نفسي طيب. واطلب لي شاي خليك جدع
حسن
هاطلب لك قول بقي وصلت لاية
فتح خالد الملف وبدا يقرا اللي في بصوت عالي وقال
شوف بقي يا سيدي الدكتور صالح عنده بنت وحيده اسمها ريري متجوزه وقاعده في فيلا في التجمع الخامس وجوزها مهندس ومعظم الوقت مسافر يعني أغلب الوقت بتبقي قاعده في الفيلا هي والخدامه وعيالها الاثنين وانا جيبت لك مداخل ومخارج الفيلا ورسم كروكي للفيلا وبنت الدكتور صالح هي نقطه ضعفه بيحبها جدا عشان ماعندوش غيرها والدكتور صالح عنده رصيد في البنك خمسه مليون جنيه غير العقارات والعربيات اللي عنده اللي تمنهم يساوي حوالي 20 مليون كده انت معاك كل المعلومات اللي ممكن تنفعك علشان تضرب الدكتور صالح في مقتل
حسن
انا عايز نص مليون بس من اللي في البنك
خالد
عاوزهم. شوف هتاخدهم أزاي وانا معاك في اي حاجه انت عايز تعملها
حسن بعد تفكير للحظات
هاخدهم عن طريق بنته
خالد
يعني هاتعمل أيه
حسن
نخطفها بس مانخطفهاش
خالد
حسن. أنت من أمتي بقي ليك في الفوازير
حسن
هي فعلا فزورا بس لازم نحلها علشان اعمل العملية لاختي وما تحبس
خالد
ماتقريني اللي في دماغك خليني أفكر معاك
حسن
بكره هاتعرف كل حاجه المهم هانعرف نخش الفيلا بتاعتها بالليل وهي نايمه
خالد
بكره بالليل نخش الفيلا وهي نايمه بس كده عينيه ليك
حسن
طيب يالا نقوم
خالد
والشاي اللي أنا طلبته
حسن
شاى أيه يالا يا خالد عيب عليك وعلي شنبك ده أنت شنبك يكنسوا بي الشارع هاتستني كوبيه شاي،،،،،،
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
وتاني يوم بالليل الساعه 2 وصلت انا وخالد عند بوابة الفيلا وبنجنا حارس الفيلا ودخلنا جوة الفيلا وبشويش ومن غير اي غلطة روحنا ناحية باب المطبخ اللي وراء وخرجت طفاشة وفتحت الباب بعد ما اتمرنت طول اليوم علي فتح اي باب بطفاشة ولقينا في طريقنا الخدامة واقفة قدام الثلاجة وظهرها لينا راح خالد بشويش وبنجها ورمها علي ارض المطبخ وخرجنا من المطبخ وطلعنا الدور الثاني من الفيلا ودخل خالد اوضة عيال ريري وانا دخلت اوضة ريري نفسيها وبنجناهم كلهم. وطلعت لصق شفاف وكممت بوق ريري ومسكت الموبيل بتاعها اللي كان جنب منها ومسكت ايديها وجربت صباع صباع لغاية ما الموبيل اتفتح و خرجت من جيبي ازازة كاتشب وفتحت ازازة الكاتشب وخد منه شوية علي ايدي وبدات الطخ وش ريري فاستغرب خالد وقالي
انت بتعمل اية
لكني ما ردتش عليه وجبت شعرها علي نص وشها بقي وشها نصين نص متلطخ بالدم ونص شعرها مغطي باقي وشها وروحت ناحية ملاية بيضاء وحطيت الملايا دي وراء ريري علشان تخفي ملامح الاوضة بتاعتها وقولت لحازم
عايزك تقعد وراء ريري وتحرك فيها وكانها بتطلب حد يلحقها
خالد
لية
حسن
علشان لما اكلم ابوها فيديو يصدق انها فعلا مخطوفة وانها بتطلب انه يلحقها
خالد
طيب ماهي عينيها مغمضة وهايبان انها نايمة
حسن
ازاي يعني ونص وشها عليه شعرها والنص التاني الكاتشب مغرقة وكانها متصابه
فبص خالد ساعتها لريري وفعلا ماكنش باين انها نايمة وقالي
صدق صح. ولا يبان انها نايمة
حسن
طيب اجهز بقي عقبال ما اتصل باابوها فيديو ومش عايز اي غلطة تكشفنا
وبدات ادور علي رقم الدكتور صالح وببص في الايفون اللي في ايدي وقولت لخالد
عشر موبيلات من اللي في ايدي دة يعمله العملية لاختي
خالد
هي الدنيا كده يا صاحبي ناس معها الفلوس زي الرز وناس مش لاقيه فلوس تجيب بيها رز
حسن
طيب اجهز علشان اتصلت بصالح. نزل الماسك بتاعك
ونزلت انا وخالد المسكات بتاعتنا واول ما رد صالح قال
أيوه يا ريري يا حبيبتي. بتتصلي متاخر لية كدة
حسن. باستهزاء
انا مش ريري معاك سونه اجدع ناس
وروحت بالكاميرا ناحية ريري اللي كان خالد بيحركها وكانها فعلا عايزا تصرخ. فقال صالح
انتو مين وعاملين لية في بنتي كدة
حسن
ما انا قولت لك انا سونه اجدع ناس. أسمعني كويس عشان الكلام مش هيتعاد تاني بنتك تحت أيدي عايز تشوفها تانى تحضر. نص مليون جنيه وتحطهم في شنطة كتف بتاع المدارس علشان ما تلفتش النظر وتروح فيلا بنتك دلوقتي حالا وترمي الفلوس في جنينة الفيلا وما تبصش وراك ولو بلغت البوليس هاقطع بنتك حتت صغيرة واعبيها في أكياس. اوعي تنسي ان بنتك معايا وفي مكان عمرك ما هاتوصل له ودلوقتي انا هاقفل معاك صحيح يا دكتور بنتك حلوه قوي وانا حايش نفسي بالعافيه
الدكتور صالح منفعلا
لو جيت .......
لكني قفلت في وشة وقولت لخالد
رجع كل حاجة زي ما كانت وامسح وش ريري وشيل البلستر من علي وشها
خالد وهو بيعمل اللي انا بقوله. قالي
مش خايف يبلغ البوليس
فكرت شوية وقولت
الخسيس طول عمره جبان وهو خسيس وهيخاف علي بنته وهايجيب الفلوس
خالد
وبعد كدة
حسن
هو يمشي من هنا واحنا ناخد الفلوس ويطلع النهار وساعتها الدنيا هاتبقي بخير
خالد
مش كنت خليته يودي الفلوس في اي مكان تاني غير جنينة الفيلا
حسن
خايف يعني يجي ويخش الفيلا
خالد
مش ممكن يعملها
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
حسن
لا. ما افتكرش هو كل اللي هايعمله هايحدف الفلوس ويجري علشان بنته تفضل بخير. ومستحيل يشك اننا جوة الفيلا. ودلوقتي انت متاكد ان خزنته في الفيلا ديما فيها فلوس
خالد
الا متاكد دة بوق البت الخدامه اللي عنده. اول ما قولتها هاتجوزك قالت علي كل حاجة
حسن
يعني احنا قدمنا نص ساعة بالظبط وصاحبنا يكون هنا
خالد
واقل من نص ساعه
حسن
لو اتاخر يبقي بلغ البوليس
خالد
ولو جه في الميعاد المظبوط
حسن
يبقي احنا بخير
وما ضحكش عليكم عديت الدقايق وكانها ساعات وفضلت مراهن نفسي انه مش هايبلغ وما عداش الا تلت ساعه بالظبط وسمعنا صوت فرمة عربية قدام بوابة الفيلا بصيت بسرعه اوا وخالد من وراء شباك اوضة النوم ولقينا الدكتور بينزل من عربيته وبيرمي شنطة الفلوس وركب عربيته بسرعه ومشي وحتي ما بصش وراء منه فعلا كان خايف علي بنته ونفذ كل اللي انا طلبته بالحرف. لو كان اعتير سميرة زي بنته ما كنتش بقيت حرامي. لكن هو اللي خلاني اسرقة وبفلوسه هايعمل العملية لاختي وهايبقي علي قلبه زي العسل. وخدنا الفلوس ومشينا وهو فضل طول الليل يتصل علي موبيل بنته اللي انا كنت قفلة لغاية ما صحيت ريري ولقيته بيرن عليها واول ما سمع صوتها قال
ريري حبيبتي انت كويسه طمنيني عليكي
ريري وهي دماغها تقيلة بسبب البنج
صباح الخير يا بابا في أيه مالك قلقان عليه لية كدة
صالح
عملو فيكي ايه المجرمين عرفتي شكلهم
ريري
مجرمين ايه يا بابا انت مالك النهارده
صالح
مالي أيه انتي مش كنتي مخطوفه امبارح بالليل
ريري باستغراب
انا. بابا يا حبيبي انا في الفيلا ونايمه علي سريري انت شكلك كنت بتحلم
الدكتور صالح
بحلم أيه في حد أتصل امبارح من تيلفونك وقال لي بنتك تحت ايدي تجيب نص مليون او تموت
ريري باستغراب
حد أتصل من تيلفوني ازاي ونص مليون أيه انا مش فاهمه حاجه خالص
الدكتور صالح بعصبية
انا فهمت. انا أتنصب عليه يا ريري ودفعت كل اللي الفلوس دي علشان أفديكي بس أنا مش هاسكت انا لازم أجيب أبن الكلب اللي عمل فيه كده،،،،،،
وطلعت من النص مليون ج. حق عملية اختي. ومسيري هارجعهم لصالح بس بعد ما اعلمة الادب واديت داغر فلوسه وخلصت منه. وبعد اسبوع بالظبط كنت عنده في العيادة وقاعد قدام منه ومعايا اختي ومش عايز اقولكم حالته كانت عاملة ازاي وقولت له
انا جمعت لك مبلغ العملية وجيت علشان تعملها لاختي
صالح وهو بيحاول يفتكر حسن
انا شوفتك قبل كده
حسن
انا اللي انت طرده من كام يوم عشان ماكنش معايا فلوس اعمل بيها عمليه أختي
صالح
اختك اللي عندها ثقب في الرئة
حسن
الله اكبر ذاكرتك حديد يا باشمهندس
صالح بعصبية
باشمهندس. أخلص انا مش فاضي لك ومش فايق لك جاي عايز أيه
حسن
ما انا قولت عايز أعمل العمليه لأختي
صالح يقف بعصبية ويقول بنرفزة شديدة
تاني ما انت ممعاكش حق العم،،،،،،،،،
وقبل ما يكمل كلامه كنت حاطط قدام منه ال 150 الف ج بص للفلوس وهو هايتجنن وقال
أنت معاك 150 الف جنيه. جيبتهم منين
حسن
اصل أنا عملت جمعيه وقبضها الاول
صالح
انت بتتريق ولا أيه
حسن
لا خالص. دي جمعيه مع خالتي أم الواطي
الدكتور صالح بضيق
خالتك أم الواطي. معها الفلوس دي كلها
حسن بمكر الثعالب
بقول لك اية يا دكتور هو كل عيان بيجيلك هنا بتسأله جاب الفلوس منين. اعتبرني سرقتهم من واحد حمار
صالح بشك
انت بتقول سرقتهم
حسن
انت سمعت سرقتهم وما سمعتش اعتبرني وبعدين يا دكتور هايفرق معاك الفلوس اللي في الشنطة حلال ولا حرام
صالح
لا.
حسن
أمال عمال تسألني ليه
صالح
أصل. .. ..
ثم يسكت ويقول
ولا حاجه احنا هانعمل النهارده لأختك شويه تحاليل وبكره الصبح هاتخش العمليات،،،،،،،
وعديت الليلة وتاني يوم الصبح وقفت انا وخالد قدام العمليات وسميرة جوة ومش عارف ازاي اوصف لكم حالي بس كل اللي كنت بقدر اعمله اقراء قران وادعي واقول يارب مع اني كنت مكسوف من نفسي ان بعمل العملية بفلوس حرام بس هما اللي خلوني ابقي حرامي المهم خرج الدكتور صالح من اوضة العمليات وجريت ناحيته وكان معايا خالد وقولت بلهفة
خير يادكتور
صالح
الحمد لله العمليه نجحت
نزلت علي الارض سجدة شكر وانا بقول
اللهم لك الحمد
ووقفت علي رجلي وخدني خالد بالحضن وهو بيقولي
مبروك يا حسن
حسن
الله يبارك فيك يا أبن عمي
ويبص حسن للدكتور صالح ويقول
مش خساره فيك يا دكتور كمان 50 الف جنيه
وخرجت من جيبي رزمه فلوس تساوي 50 الف جنيه واديتهم للدكتور صالح فمسك صالح الفلوس وفضل يبص لها وهو بيقول
أيه ده
حسن
تيبس
صالح
50 الف جنيه تيبس
حسن
يا دكتور. هي كانت فلوس أبونا
صالح
قمال فلوس مين
حسن
خالتي أم الواطي مأنا قايل لك
وفي الوقت دة نلاقي ريري بنت صالح جاية علينا ومعها ولادها الاثنين وكانت بتقول
اية يا سي بابا ماحدش بقي يسمع صوتك ولا بيشوفك. لية انت زعلان مننا ولا اية
صالح وهو ياخذ ريري بالحضن
لا يا حبيبتي بس مشغول اليومين دول
ساعتها شوفت عيل من عيال ريري عمال يبص لخالد ولشنبه الكبير وصرخ وقال
هو ده يا ماما الحرامي اللي كان عندنا في الاوضه
بصيت لخالد اللي اتوتر من اللي قاله العيل دة والدكتور صالح قال
أنا كنت شاكك فيكم انتم اكيد اللي سرقتوني.
وندهه علي امن المستشفي. وامن المستشفي جه ومسكوني انا وخالد.،،،،،
خلصت حلقتنا اللي يارب نكون عجبتكم.
روعه
ردحذفممتاز بتوفيق
ردحذفتم
ردحذفيانهار ابيض
ردحذفجميلة
ردحذفجميييلة
ردحذفتم
ردحذفتم
ردحذفحلوه
ردحذف