الهام واللي كان الحلقة الاخيرة

 الشيطان يعزف 

                           ‏★الحلقة الثالثة★

من تاليفي، ، 

محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                           ‏

في الوقت دة يقف عند باب الاوضة سامي والد سامح ويبص لهم وسامح يبص له فيقول سامي بعصبيه 

انت بتعمل ايه يا ابن الواطيه 

سامح

بحاول اوقف النزيف. 

سامي بعصبية شديدة

نزيف ايه شيل ايدك من علي صدر مراتي

سامح

يا بابا النزيف شديد ولازم اكتمه بايدي

سامي

فين النزيف ده

سامح 

النزيف اهو 

ويبص سامح ناحية صدر ليلي فيلاقيها سليمه ولا يوجد دم فيبعد سامح ايده مسرعا ويقول

صدقني كانت بتنزف من صدرها وانا حاولت اوقف النزيف علشان المسمار ده دخل في صدرها

ويبص الي الحائط فلا يجد المسمار فيخلع سامي حزام بنطلونه ويتجه ناحيه سامح ويضربه بالحزام اكثر من مره وسامح يحاول الهروب منه وهو يتوجع ويقول 

والله يا بابا كانت بتنزف انا برضو اعمل كده معه مراتك دي زي امي

سامي وهو يضرب سامح بكل قوه

أخرص يا أبن الواطيه بس اقول ايه طالع واطي زي امك

سامح وهو يحاول تفادي ضربات الحزام

طيب اسال ليلي والله المسمار كان في ظهرها صدقني

سامي

أصدق أيه يابن الكلب انت من النهارده مالكش قعاد في بيتي

ويمسكه سامي من شعره ويروح بي ناحيه باب الشقة ويفتح الباب ويرمي سامح بره الشقة بمنتهي العنف والقسوه فيقف سامح علي الباب وهو يقول

والله ما عملت حاجه والله انا مظلوم صدقني يا بابا

فتظهر ساره خلف منه وتقول

كان فيها ايه بقي لو كنت سمعت كلامي وبقيت معها كان زمانك دلوقتي جوه الشقه مش بره منها

فيبص لها سامح ويمد أيده لكي يمسك رقبتها ولكن أيده تمر من خلالها فتقول له ساره

انت فاكرني زيكم ممكن تلمسني ، انا مجرد روح

سامح بغضب شديد

 

روح خبيثة. 

ساره

انا مش روح خبيثة. انا روح في خدمت من يختاره الشيطان لعزف الموسيقي الخاصه به 

سامح

وانا مش عايز خدمتك

ساره

مش بمزاجك. طالما عزفت الموسيقي. انت اصبحت ملكي

سامح

انا مش ملك حد وعمري ما هاكون ملكك 

ساره

بلاش تغضبني انا غضبي جحيم

سامح

وانا ما يفرقش معايا غضبك من فرحك انا كل اللي اعرفه اني عمري ماهاكون ملك ليكي او للشيطان

ويتركها وينصرف فيجد ساره امامه وتقول

اسمعني كويس انا في ايدي اخلي ابوك يرضي عنك ويرجعك تاني للشقه بس بشرط تزني في ليلي 

سامح وهو يبص لها بتحدي

اسمعيني انتي كويس انا عملت ذنوب كتير وبعترف اني واطي وخسيس لكن عمري ما زانيت ولغايه ما هاموت مش هازني لان في حاجات كده ما اقدرش اقرب منها علشان غضب ربنا بيبقي شديد بسببها

ساره

هو انت فاكر ان ربنا راضي عنك انت كلك ذنوب 

سامح

فعلا. كلي ذنوب بس انظف حاجه فيا اني مؤمن وموحد بالله أنا عايش عاصي أه. لكن عمري ما كنت كافر ولا ملحد ومش هايجي عليه يوم وانا فيا الروح واكون ملحد 

ويتركها وينصرف مره اخري وهي تنظر له وتقول

غبي

وتصرخ ساره صرخه كلها غضب صرخه لا يسمعها الا سامح فيضع أيده علي ودانة لانه ماكنش قادر يستحمل صوت الصرخه ويبص ناحيه ساره بصعوبه ويقول لها 

كفايه كفايه طبلة وداني هاتنفجر 

ويسقط علي الارض من شده الصرخه فتنظر له ساره وتقول بصوت مخيف 

من الان لن يرحمك أهل الارض وهايتقفل باب الرحمه في وشك و هتعيش منبوذ هاتشوف نار الجحيم علي الارض وهذا جزاء من تغضب عليه ساره 

وتختفي ساره من امام سامح فيرفع سامح أيده من فوق ودانه وينظر ناحيه ساره فلا يجد لها اثر ويقول

يارب رحمتك وانقذني من أيدها انا عارف أني عاصي لكن هافضل عبدك ابن عبدك أرحمني، ،،، 

ويخرج سامح من بيته ويمشي في الشارع رايح لبيت خاله وكانت الساعه تدق الثانيه عشر ووقف قدام باب شقه خاله ورن جرس الباب ورغم ان كل اللي في الشقة لسة صاحين لكن قدرت سارة تخليهم ما يسمعوش باب الجرس او خبط سامح واستغرب سامح اوي وفضل يخبط وينادي علي خاله لانه شايف نور الصاله منور وسامع صوت التيلفزيون لكن ما فيش فايدة. ولقي سارة قدام منه وبتقول له

ماحدش هيسمع ولا هيشوف اي شئ يخصك 

فيبص لها سامح بغضب شديد ويسيبها وينزل من البيت وراح لشقة صاحبه حسام ونفس اللي حصل عند شقه خاله حصل عند شقه حسام ومن بعدها شقه باهر الكل لا يستجيب وبدأ التعب يتمكن من سامح وكان نفسه يرتاح وينام شوية. فقرر انه يروح للسيبر وفتح القفل و حاول ان يرفع باب السيبر لكن الباب ما كنش بيترفع. وشاف سارة قدام منه وبتقول له

عارف قلة النوم ممكن تعمل اية في خلايا مخك. وتخليك تشوف اية 

وفي الوقت دة يلاقي ظل راجل اسود شكلة مخيف وبيخرج من تحت باب السيبر وبيهجم علي سامح ويلف حوالين راسه كيس بلاستيك ويكتم نفسه بكل قوه فيختنق سامح ويحاول ان يتخلص من هذا الرجل ولكنه لا يستطيع ويبدأ سامح في الاختناق وفجاه. وقبل مايموت يفتح سامح عيونه فيلاقي نفسه نايم علي الرصيف فيتنفس بسرعه سرعه تتناسب مع مقدار خوفة ورعبه وكان بيقول 

أعوذ بالله من الشيطان الرجيم

ويقف علي رجلية بصعوبه وهو بيقول لنفسه 

باين كده مافيهاش نوم انا هاروح أشرب قهوه علشان أفوق واستني الجامع يفتح واصلي الفجر وانام في الجامع

ومن علي القهوة يقعد سامح وقدام منه فنجان قهوة دوبل وبيتفرج علي الشاشة الموجودة في القهوة واللي كانت بتعرض فيلم اجنبي لكن فجاة تختفي صورة الفيلم ويشوف قبائل أفريقيا بترقص علي موسيقي عيون القمر وقدام منهم كوم من القش وكان كوم القش يتحرك ويتراقص علي الموسيقي بشكل مخيف رقصه تسمي برقصه الموت ويخرج من كوم القش نار زرقاء ثم يتحرك كوم القش الراقص ناحية المقابر ويفتحوا اهل القبيله مقبره ويخرجوا جثه من المقبره وحول هذه الجثه ذباب أزرق كتير وتكون الجثه خاصه بفتاه وتخرج من كوم القش يد من نار وتسحب جثه الفتاه الي داخل كوم القش ولا يمر سوي لحظات حتي تتحول الجثه الي هيكل عظمي فيصدم سامح ويقول

ايه الكفر ده الموسيقي دي باين عليها بتحضر ارواح شريره انا ايه اللي خلاني اعزفها. وافتح ابواب جهنم بنفسي 

ويرجع يبص للشاشة من تاني فيلاقي الفيلم الاجنبي رجع. يعرض علي الشاشة فيمسك فنجان القهوة ولسة هياخد رشفة من الفنجان لقي ذبابه زرقاء تخرج من فنجان القهوه فيبعد فنجان القهوه عن بوقه فيلاقي الفنجان كله تحول لهذا الذباب وبداء الذباب يدخل في ودانه وفي بوقه ويقف سامح وهو مفزوع وبيبعد الذباب دة عنه وكل الموجودين بيبصوا لسامح باستغراب شديد لانهم مش شايفين الذباب الازرق. وسامح بيجري في الشارع ويسمع صوت موسيقي عيون القمر ولكنه يحط أيده علي ودانه ويروح ناحيه الجامع فيلاقي باب الجامع مقفول لسة فاضل تلت ساعات علي اذان الفجر فيحبط وفي الوقت دة يلاقي كفن اسود جوة منه جثة البنت اللي شافها في الفيديو والافارقة بيرموها لكوم القش اترعب واتصدم ولقي عيون البنت فتحت وبصت ناحيته وقالت 

أنت السبب انت اللي رجعتهم كانوا في الجحيم انت اللي خرجتهم من الجحيم انا لازم أموتك 

وتخرج الفتاه أيدها من داخل الكفن وتمسك رقبه سامح رغم انه كان بعيد عنها وتحاول ان تخنق سامح ولكن سامح يهرب بعيد عنها ويجري ويجري ولا يتوقف عن الجري حتي يحل عليه التعب فيقف وينظر الي السماء ويقول

يارب 

ويقعد علي رصيف فتخرج أيد محروقه ومشوهه من تحت الارض وتمسك برجل سامح وتسحبه الي تحت الارض ولكن سامح يقاوم ويقاوم هذه اليد وهو يقول

الحقوني

لكن ما حدش كان سمعه وسارة تقول

اهل جهنم اللي انت منهم. عايزينك 

فتخرج أيد أخري لا تختلف عن الايد اللي قبلها ويد اخري ويد اخري والكل يحاول سحب سامح الي تحت الارض ولكن سامح يقدر يهرب ويلاقي باب الجامع بيتفتح قبل ميعادة علشان يعلن عن حالة وفاة فيجري سامح بسرعه ناحية الجامع وتظهر سارة قدامه وتقول 

عايز تخش المسجد ليه خايف مني

ما يبصش ليها سامح ويقول 

اعوذ بالله من الشيطان الرجيم 

ويكررها اكثر من مره فتختفي ساره وهي بتصرخ ويلاقي سامح نفسه جوة الجامع وبيرمي جسمة علي سجاد الجامع مش مصدق انه وصل لهنا وهو علي الارض تقع عينه علي كلمة الله. فيبص لكلمة الله ويعيط بحرقة. ويشوفو الشيخ المسئول عن الجامع. واسمه مرسي ويستغرب ويقول

سامح. في اية مالك بتعيط لية كدة 

سامح

مخنوق من نفسي مش مصدق اني جوة الجامع. يا شيخ مرسي 

مرسي 

طيب خش اتوضاء وصلي ركعتين واستغفر ربك. دة انت باين عليك متبهدل خالص

سامح وهو لسة بيعيط بحرقة

اوي. اوي. يا سيدنا الشيخ. دة البيت الوحيد اللي ماحدش يقدر يقفلة. 

مرسي 

بيوت ربنا ملك لعباد ربنا. ومهما عملت انت عبد من عباد الله. وابواب ربنا طول عمرها مفتوحة وهتفضل مفتوحة مهما حاولو يخلونا ندور علي ابواب تانية. ونصدق ان فيها الخلاص

ويفضل سامح يعيط بحرقة وعينه تقع علي قطة سوداء وشها وش سارة بتبص له بصة ترعب اتفزع سامح وبعد عن باب الجامع وقال وهو بيشاور علي القطة 

 

خليها تبعد عني. انا خايف اوي

فيبص مرسي مكان ما شاور سامح وملقاش اي حاجة فقال مرسي 

سامح قوم صلي وخليك اقوي من وسواسك 

فيقوم سامح وهو بيبص لسارة اللي لسة في صورة القطة ويروح يتوضاء ويرجع. ويقف قدام القبلة وما يصليش فيلاحظ مرسي وقوف سامح فقال له

صلي مستني اية

سامح بحرقة وندم

مش حافظ الا الفاتحة. 

ويعيط سامح علي حاله فيقول مرسي

لا حول ولا قوة الا بالله. صلي يا سامح بالفاتحة وبعدها قول.  

قل هو الله احد الله الصمد لم يلد ولم يولد ولمن يكن له كفوا احد

سامح

وربنا هيتقبل مني. السورة الصغيرة دي 

مرسي

قل هو الله احد. اياتها صغيرة لكنها ثلث القران. وحكاية بقي ان ربنا يتقبل منك. طالما جيت للجامع يبقي ربنا هو اللي عايزك تقف بين ايده. صلي يا سامح وخلي قليك متعلق بالله

 ويصلي سامح ويفضل يصلي لغاية اذان الفجر ويصلي الفجر وينام في الجامع ،،،،،،،،

وتاني يوم الصبح يخرج سامح من الجامع ويروح السيبر فيلاقي خاله صبحي في السيبر وهو مفتوح وعمرها ما حصلت ان خاله ينزل السيبر الصبح بدري كدة فقرب سامح من خاله وهو بيقول 

صباح الخير يا خالي ايه المفاجاه دي

فيبص له خاله بمنتهي الغضب ويضربه بالقلم. قلم يدل قد اية صبحي كان متعصب وقال صبحي وقبل سامح ما يفوق من القلم 

هات مفاتيح السيبر وماشوفش وشك تاني

سامح

ليه بس ياخالي هو انا عملت أيه

فيخرج صبحي الموبيل بتاعه ويفتح الفيديو الخاص بسامح وهو مع بنته هاجر فيبص سامح للفيديو وهو هايتجنن ويقول 

الفيديو ده راح لك ازاي

لكن في الوقت دة تدخل هاجر للسيبر وكان باين عليها انها مضروبه وكان في أيدها سكينة وبتبص لسامح وهي ناوية له علي الشر وبتقول 

انت بتصورني وانا معاك وبتنزل الفيديو علي النت. لازم اشرب من دمك 

وتروح بالسكينة ناحية قلب سامح، ،،،،،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام