وجع الذل
★الحلقة الثانية★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
لكني ما سمعتش صوتهم ودخلت في المقطورة اللي كانت ماشية جنب مني لكن الحقيقة انا ما دخلتش في المقطورة مع اني دة اللي كنت نفسي اعمله لكني للحظة تخيلت سميرة وكانها واقفة قدام مني و بتبص لي وبتقولي
عايز تسيبني. خلاص زهقت مني
حسن
لا. والله بس مش مستحمل يجبو سيرتك كفاية اني انا السبب في اللي حصل لك
سميرة
وانا مش زعلانه منك. بس لو طوعت شيطانك وحرمتني منك عمري ما هاسمحك. انا مستنياك ترجع لي
حسن
هارجع لك باذن الله ومش هاسيبك الا وانتي سليمة
سميرة
وهاقدر اخد نفسي من غير تعب وما كحش
حسن
ما فیش تعب تاني یا نور عیني هاتخفي. ان شاء الله
وماخرجنيش من خیالي وكلامي مع أختي الا صرخه من حازم وهو بيضربني علي قفاية وبيقول
كنت هاتموتنا يا حمار
دوست فرامل وبصيت لحازم وقولت
هي حصلت لمد الايد. ملعون ابوه الشغل معاكم. هو الرزق ما يجيش منكم الا بالذل
فیقول حازم بعصبیه شدیده
انت بتكلم مین كده یا أبن الكلب
فتقول أمیره بعصبیه
انت أزاي تتكلم كده مع حازم انت أتجننت
حسن
اولا انا مش ابن كلب وتاني حاجه انا ماتخلقش اللي یمد ایده علیه انا استحمت اهانتكم كتير انما توصل لمد الاید لا
حازم
بفلوسي یا حیوان امد أیدي واضربك بالجذمه كمان وان كانت زعلتك ابن الكلب فأنت كلب أبن كلب
امیره تقول لحسن
انت شغال عندنا اوعي تنسي ان لولا أحنا أختك مش هتتعالج وتخف
حسن
أنتوا.. اللي بیعالج ویشفي هو ربنا مش انتوا
حازم
بقول لك أیه رغي كتیر أنا مش عایز انت زیك زي الجذمه اللي في رجلي لو الجذمه أتكلمت معایا أنت تتكلم
نزلت من العربیه وبصيت لهم وقولت
انا مش جذمه أنا بني أدم اسمه حسن وربنا مكرمني وان كانت الظروف حوجتني لیكم فربنا موجود ومش هینساني وهایبعد رزقي ورزق أختي المریضه
امیره بغضب
انت هاتسینا في الطریق كده یا حیوان هو احنا بنعرف نسوق هنوصل أزاي
حسن
خلي فلوسكم توصلكم
وقبل ما امشي بصيت لحازم وقولت بغل
انت أدیتني حاجه انا مش عاوزها
وضربت حازم بالقفاه زي ما ضربني بالظبط واتوجع حازم وانا بقول له
معلش القفاه جه جامد شویه وانت أبیض فصوابعي علمت
ومشيت وانا حاسس اني مرتاح وسمعت صوت حازم بيقول
أنا حازم عابدین كلب زيك يضربني وشرف أختك العیانه لتعیش أسود أیام في حیاتك
أمیره
الكلب ده لازم یتربه مش ولاد أحمد عابدین اللي یتعمل فیهم كده لازم یكون عبره لاي كلب یتجرا علینا أحنا اسیاد الاسكندریه. ودلوقتي شوف لنا طریقة نروح بيها من هنا
حازم
المشكله. دلوقتي مین هایقف لنا في الحته المقطوعه دي و أحنا بعد نص اللیل،،،،،،
وركبت مع عربيه بيجو كانت راجعه اسكندرية وروحت للمستشفي جري وقابلت عم فاروق واول ما شافني قالي
حسن انت مش كنت رايح الساحل الشمالي
حسن
سيبت الشغل
عم فاروق
لية بس كدة
حسن
مش دلوقتي بقي يا عم فاروق المهم سميرة
وروحت للدكتورة اللي متابع حاله سميرة وقولت له
واخرتها يا دكتور. سميرة هاتفضل كدة كتير
الدكتور
والله يا حسن حاله اختك مش مطمئنه والثقب مش عايز يستجيب للعلاج ويلم لان الرصاصة انضربت عليها من مسافة قريبه ودة عمل مشكلة كبيرة وتلف في جزء من الرئة ومش هاقدر افهمك المشكلة بالظبط. لان موضها معقد. بس كل اللي لازم تعرفه انها لازم تعمل عملية وفي اسرع وقت
حسن
نعملها يا دكتور
الدكتور
بس یا حسن العملیه دي هاتكلف حوالي 150 الف جنیه
انصدمت ولقيتها عماله تتعقد وقولت بصوت حزين
150 الف مش كتیر كده یا دكتور
الدكتور
ده سعر العملیه وكمان الدكتور. صالح الجندي الاستشاري اللي بیعمل العملیه دي دكتور مابیرضاش ینزل ملیم من حساب العملیه
حسن
حتي لو عرف انها حاله مش معها المبلغ ده كله
الدكتور
مش مع الدكتور صالح الجندي ده ماشي بمبدا اللي معه حق العلاج هو اللي یتعالج
حسن
واللي مش معا
الدكتور یقول بعد ما یتنهد
یموت. كان نفسي أساعدك یا حسن بس الدكتور صالح هو الدكتور الوحید في أسكندریه ومصر كلها الشاطر جدا
في العملیات دي ولازم اختك تعمل العملیه عنده ده في مصلحتها فكر وشوف هاتعمل أیه وانا هاحاول اساعدك علي قد ماقدر
وسابني الدكتور ومشي ورجعت لسميرة وسمعت كحتها واللي سببها ان الاكسجين ما بيوصلش للرئة بشكل طبيعي
وما كنش قدامي غير اني احجز كشف عن دكتور صالح الجندي في العیاده الخاصه بي. وروحت في ميعاد الكشف وكشف الدكتور علي اختي وشاف كل الاوراق الخاصة بحالتها وقال
اختك لازم تعمل عملیه خلال شهر مش أكتر
حسن
والعملیه دي هاتكلف كام
الدكتور صالح
150 الف جنیه
حسن
كتیر علیه یادكتور ممكن تعمل العملیه واقسط المبلغ لحضرتك
بصي لي الدكتور من تحت لتحت وقالي باستهزاء
التقسیط ده في عمر افندي مش عندي انا
حسن
اصل المبلغ كبیر وانا.......
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
قاطعني الدكتور وقال بصوت جاحد مايعرفش الرحمة
اسمع یا أستاذ انا كلمتي واحده وماعندیش حاجه اسمها تقسیط او حاجه اسمها ببلاش معاك حق العملیه تعالي ممعاكش اتفضل بالسلامه علشان اشوف غیرك
حسن وهو بيشاور علي اخته
مصعبتش علیك وهي حالتها كده وفي أیدك تشفیها
الدكتور صالح بلامبالاه
هو انا هاكون احن علیها من اللي خلقها ممكن بقي تشوف انت رایح فین عندي مرضي غیرك
بصيت لفوق وقولت بحرقة
یارب،،،،،،،
وخرجت من عنده وانا مش عارف ممكن اعمل اية وفضلت اسبوعين ادور علي شغل في كل حته لكن خالد قالي
حازم عابدين قفل كل ابواب اسكندرية في وشك ومش هتلاقي حد يشغلك
اتخنقت وقولت
حتي ابواب الرزق بتتقفل. احنا بقينا فين
خالد
في زمن ولاد ابليس
حسن
واختي التعبانه دي اصرف عليها منين
خالد
ما انت برضو اللي عملته في مش شوية. دول راجعين في عربية بهايم ليلة ما سيبتهم في السكة
حسن
يعني اسيبة يضربني واسكت
خالد
انت عملت الصح يا صاحبي لكن في وقت غلط
حسن
هو ماحدش بقي يرحم حد
خالد
اللي زي ولاد ابليس عاشو وكبروا وسط الحرام ما يعرفوش الرحمه
حسن
يعني لازم ارجع لهم
خالد
عندك سكة غير سكتهم
★اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي ★
سكت ومن سكات خد اللي فاضل من كرامتي وروحت للفيلا ووقفت قدام حازم واميرة اللي كانو بيلعبو مع الكلب بتاعهم وبصيت لحازم ومش عارف اقول اللي جاي علشان اقوله لكن لازم اتكلم لازم اقول له حقك عليه لازم الذل يكمل علي اللي فاضل مني وقولت ودموعي سبقو كلامي
حازم بيه أنا أسف علي كل حاجه عملتها. ممكن أرجع الشغل
حازم وهو يضحك
شغل أيه
نزلت عند رجل حازم وبوستها وانا بقول
أبوس رجلك أنا من ساعه مامشيت من هنا وماحدش عايز يشغلني. في اسكندرية كلها ومصاريف علاج اختي كبيرة. لدرجة ان أختي ممكن تموت لو ماعملتهاش عمليه في خلال شهر
حازم يقول بمنتهي القسوه
انت كنت فاكر انك لما تمد أيدك عليه هاسيبك تعيش أسكندريه دي كلها في أيدي انا اللي قولت لهم ماحدش يشغلك واديك رجعت ليه زي الكلب مزلول ولو عايز ترجع
الشغل عندي أديني قفاك
بصت له ومن سكات اديته قفاية وهو رفع لاياقه القميص بتاعي وقلع جذمته وضربني بيها علي قفاية صرخت صرخة تموت كرامه اي راجل حر لكن دي اختي وساعتها حازم قال
معلش الجذمه وسخه فعلمت في قفاك
وضحك حازم وضحكت أميره. ودموعي هربو من عيوني وقولت بصعوبه
خلاص يا حازم بيه خد حقك ممكن بقي ارجع سواق تاني عندكم
اميره
لسه مش لما أنا اخد حقي
بصيت لاميرة وهي بتقول
عشان تشتغل عندنا تاني لازم تعرف أنك كلب وعلشان تثبت أنك كلب روح هات الطبق اللي بياكل في الكلب وكل الاكل اللي فاضل منه
حسن بوجع شديد
كده كتير اوي يا أميره هانم انا بردو بني أدم زيك
أميره بشدة
انت هاتشبه نفسك بيا يا حيوان انت واللي شبهك اتخلقتو علشان تخدمونا
حسن
غلط يا أميره هانم احنا أتخلقنا عشان نبعد ربنا مش عشان خدمتك
اميره بخبث
صدق صح. طيب قولي عمليه اختك محتاج لها كام عشان تتعمل
حسن
محتاج 150الف جنيه
اميره
انا هاديك المبلغ ده وتعمل العمليه لاختك بس تاكل من طبق الكلب
حسن وهو فرحان ومن غير تفكير
وانا موافق
وبصت اميرة لحازم وتقول
هات له يا حازم الفلوس اللي هو عاوزها ونبقي نخصمها من قبضه
ودخل حازم الفيلا يجيب الفلوس واميرة بتقولي
يعني وافقت تاكل من طبق الكلب للدرجه دي بتحب أختك
حسن
سميرة مش اختي وبس سميرة اكبر من كدة بالنسبه لي
ورجع حازم و هو ماسك في أيده 150 الف جنيه وتمسك اميره الفلوس من حازم وقالت
الفلوس اهه يالا كل من طبق الكلب
روحت ناحية طبق الكلب وخالد صاحبي كان واقف عند البوابة زعلان من اللي بيحصل فيا واول ما مسكت الطبق قالت اميرة
لا هو في كلب بياكل وهو ماسك الطبق نزل الطبق علي الارض وانزل للطبق راكع وكل من غير ما تستخدم ايدك
والكلب عمال يهوهو اول ما شافني قربت من طبقة لكن اميرة خليته يهدا وبصيت لخالد وانقهرت. لكن ما كنش قدامي غير اني اقول حاضر ونزلت الطبق علي الارض وروحت للطبق بوشي وبدات اكل وانا هاموت بجد من وجع الذل وسمعت اميرة بتقول
ايه رايك يا حازم لو نسمي ريكس
حازم
ريكس اسم جميل
وخلصت الاكل وقومت وانا حاسس اني عايز اجيب كل اللي في بطني لكني روحت ناحيتهم وقولت لاميرة. وانا بمد ايدي
عملت اللي انتي عايزا. ممكن بقي اخد الفلوس
اميره بمكر
فلوس ايه
حسن
ال 150 الف اللي انتي وعديني بيهم
فتقول اميره لحازم
عايزه ولاعه
خرج حازم ولاعه ومسكت اميرة الولاعه ورميت الفلوس جنب منها في سلة حديد. ودلقت بقيت ازازة البيرة اللي كانت في ايديها علي الفلوس وولعت فيهم وهي بتقول
انا احرق الفلوس ولا ان كلب زيك مد أيده علي سيده
يا خدهم
بصيت علي الفلوس وقولت بقهر
حرام عليكي ليه عملتي كده الفلوس دي كانت ممكن تكون السبب في علاج أختي. وتخليها تخف من الوجع اللي هي في
حازم
كده انا خد حقي و اختي خدت حقها عايز تشتغل معانا اشتغل عايز تمشي الباب يفوت جمل
بصيت لهم وانا قلبي قايد نار. بركان غضب هايحرقهم وقولت
هاشتغل معاكم وهاكون كلب مطيع
وسيبتهم وخرجت من الفيلا وانا بقول
اللي جاي من عمركم هايكون علي ايدي نار تحرقكم وهاعيش لغايه ما أذلكم
ومسكت ورقة وطلعت قلم وكتبت اسم الدكتور صالح واميره وحازم وحرقت الورقة، ،،،،
خلصت الحلقة الثانية اللي يارب تكون عجبتكم
جميلة جداً
ردحذففظيعه
ردحذفرووووووعة
ردحذفروووعة كلمه ماكفهاش حقها دي اكتر من روووعة بكتييير
ردحذفايه الذل ده ربنا يكفينا الشر يا رب
ردحذفرائعه جدا جدا
ردحذفجميله
ردحذفلا حول ولاقوة الابالله
ردحذفاللهم صل وسلم وبارك على سيدنا ونبينا محمد وعلى آله وأصحابه أجمعين
قصه هايله تسلم ايدك
ردحذف