الهام واللي كان الحلقة الاخيرة

 رغم فرق التوقيت 

                     ★الحلقة الثانية عشر ★

قبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وهنا يلاقي جيهان في صورة وعد بتفتح باب المسرح من جوة وواقفة عند الباب بتبص له بصة ترعب بصة تجمد الدم في الوريد وشهاب مش مصدق اللي شايفة واترعب وكان هيقع من هول المنظر فبص ل عامر وقال

مالك يا فنان

شهاب وهو بيبلع ريقة بالعافية. وبيشاور ناحية جبهان

مش شايفها

عامر وهو بيبص للباب بحركة تمثيلية وقال

شايف مين.

شهاب

اللي واقفة قدامك دي

وهنا تمشي جيهان خطوات بطئية مميته وهي بتبص ل شهاب نفس بصة وعد وقال عامر

مافيش حد هنا غيري انا وانت

فيمسك عامر ايد شهاب اللي تلجت وقال

تعالي بقي اوريك المسرح من جوة

فيبعد شهاب ايدة عن ايد عامر. وهو بيقول

انا مش هخش المسرح دة

عامر

لية بس. دة هيعجبك جدا من جوة

شهاب بعصبية

اسمعني كويس انا لا هخش المسرح دة ولا همثل الفيلم لو دة مكان التصوير اظن كلامي واضح

عامر بحدة وبا سلوب مخيف

واضح يا فنان انك فاكرني لقمة طرية. وهقول حاضر ونعم وخلاص

شهاب

يعني اية هتخليني امثل هنا بالعافية

عامر

مش عافية بس احنا كاتبين عقد وانت ماضي عليه واستلمت مقدم الاجر بتاعك. ومن ضمن بنود العقد انا ليا حرية الاختيار لا ماكن التصوير و.،،،،،،،

فيقاطعه شهاب قائلا

اسمعني كويس كل الهري دة ما يخصنيش واللي انا قولته دة اول واخر كلامي. اظن انت بتفهم عربي كويس

ويتقفل الباب بشكل يخوف يتفزع بسببة شهاب ويبص علشان يلاقي جيهان بتضحك نفس ضحكة وعد فيترعب اكتر واكتر ولسة هيمشي مسكه عامر من ايدة وقال

هتسيبني وتمشي واحنا لسة بنتكلم

شهاب بعصبية

انا حر 

عامر

لا. يا فنان مش حر. في عقد بيربط ما بينا واللي يخل ببند من بنود العقد دة. يدفع شرط جزائي 30مليون.  

شهاب بارتباك

يعني اية

عامر

يعني هتصور الفيلم وفي المكان اللي انا اختارة او العقد يروح المحكمة وهناك بقي الكلام يبقي وحش

شهاب وهو مش عارف يعمل اية لكن عامر سابه ومشي وراح دخل المسرح وهو بيقول

تعالي يا فنان اتفرج علي مسرحكم القديم

فضل شهاب واقف مش عايز يتحرك وعامر يقول تاني

مش عايزك تحسبها كتير كدة

فبص شهاب للمسرح وقال لنفسه 

مافيش حاجة اسمها عفاريت يا شهاب. اتقل وما ضحكش عليك العيل دة. لاني باين عليه كترت في الشرب

واتحرك شهاب ناحية المسرح خطوة تقدم وخطوة تاخر وهو عمال يبص للمسرح بخوف ورعب شديد ودخل المسرح وفضل يبص في كل حتة وهو مرعوب وعامر بيقول

هنا بقي بتحصل جريمة قتل

اتصدم شهاب وبص ل عامر وقال

جريمة قتل

عامر

اة ما هو الفيلم بوليسي 

شهاب بتوتر شديد

وبعدين

عامر

الظابط اللي في الفيلم بيشك في كل اللي في الفيلم. لكن بطل الفيلم بيشوف شبح القتيلة

وهنا تظهر جيهان وتبص ل شهاب وعامر بيقول

وتفضل كدة تطاردة في كل مكان 

شهاب وقلبة بيدق بسرعه قال

حلوة القصة. بس انا ما نفعش ليها

وجه يخرج شهاب من المسرح اتقفل الباب بشكل يرعب اتفزع شهاب وبص ل عامر وقال

اية اللي قفل الباب كدة

عامر

الهواء. انت مالك في اية. ولية مش هتعمل الفيلم

شهاب بحدة

افتح الباب دة وخليني اخرج

عامر 

طيب والفيلم

شهاب

ملعون ابوة الفيلم. افتح الباب دة. بدل ما ارتكب جناية

فيفتح عامر الباب ويخرج شهاب من المسرح باقصي سرعه، ،،،،،،،،

وفي نفس الوقت ومن تركيا تقعد تماره وهي هدومها مقطعه قدام جثة امها وكانت بتكلمها وبتقول

يا ماما والله ما اعرفه. هو مين زياد دة اللي ابص له. دة شحات.  

وتعيط تماره وتقول

عايزا الحق انا كنت بكذب عليكي. شوفي بعد كل السنين دي عايزا اقول لك اني انا اللي وقعته كنت ديما اشوفه وهو قاعد مع صاحبة علي القهوة. ابص له واشغله مع ضحكة كدة من تحت لتحت. ما هو برضو كان امور

وتمسك ايد امها وتمسح دموعها بايد امها وتقول لها

عارفة انك ما بتستحمليش تشوفيني بعيط. بس انا زعلانه منك انتي وابويا. لية خربتوا عليه لية خلتوني اغلط في زياد واحسسه انه مهما اشتغل وجاب فلوس فانتم اللي بتصرفوا علي البيت. خلتوني بعد ما كنت بحبه ابقي قاسية عليه. واتبل عليه وناخد العفش ونقول ان هو اللي سرقه وكمان نحرمه يشوف ابنه.  

وتعيط بحرقة وتقول

خربتوا بيتي انتي وابويا

وتمسك ايدها وتقول

ايدك ساقعه اوي. لما اقوم اجيب حاجة اغطيكي بيها

وتقوم تجيب بطانية وتغطي امها وتفضل ماسكة ايدها وتقول

انتي برضو ايدك سقعانه. لا يا اما. انا اعرف ان ايديهم يسقعوا يبقوا ماتو. انا ما ليش غيرك في الدنيا

وتبص لكل حتة في الاوضة وتقول

يا زياد. عارفه انك سامعني. خليني احصلهم. وحياة كل دقيقة حلوة عبشتها معاك وانا مراتك اقتلني. لاني اجن من اني اقتل نفسي. لو سايبني علشان تعذبني. اظهر واديني رجلك ابوسها. بس خلصني. مش هقدر اعيش كدة.

وتقف تماره وتقول

يا زياد. لو عاوز تجنني انا اتجننت خلاص. بقيت اكلم امي وانا عارفة انها ميتة. خلاص بقي ارحم اللي فاضل فيا وخلصني من الدنيا دي 

وتصرخ تماره قائلا

اقتلني. ابوس ايدك ورجلك اقتلني.

وتقع علي الارض منهارة فيفتح باب الاوضة ويدخل كبير ورجالته ويبص لها ويقول

جاهزة تدفعي اللي عليكي

تبص لهم تماره وعيونها بلون الدم من كتر العياط وتقول ل كبير

هاديك الفلوس اللي انت عايزها بس تقتلني

فيضحك كبير ويبص لرجالته اللي هما كمان كانو بيضحكو ويقول

في شغلتنا اتعود اخد فلوس من اللي عايز يقتل. لكن لاول مرة اخد فلوس من مقتول. 

تماره

علشان عايزا ارتاح ومش هقدر اقتل نفسي

كبير

وناوية تدفعي كام ثمن حياتك

تماره

بعد موتي القصر دة مش هايبقي لي صاحب خدوا حلال عليك

كبير وهو بيبص لرجالته

طيب دة وحقي. فين حق الرجاله

تماره

ما فيش اي شي اقدمه ليك الا دة

كبير

في المتعه

تمارة باستسلام

مش كفاية اللي حصل امباراح

كبير

اصلك عجبتي الرجاله.

تماره

هتقتلوني بعد ماتاخده اللي انتم عايزينه

كبير

الرجالة تاخد الاول حسابهم وبعد كدة نفكر هنعمل فيكي اية

وبمجرد ما يخطوا رجاله كبير اول خطوة ناحية تمارة ينقطع النور عن القصر لمدة تلت ثواني ويرجع النور علشان تشوف تماره خيال اسود بيخرج من باب الاوضة وسايب وراء منه جثث كبير ورجالته وتسمع صوت غريب بيقول

الحق رجع وانتي حرة.

استغربت بشدة وما بقتش عارفة تعمل اية. ،،،،،،،،،

ومن جوة فيلا شهاب يقعد شهاب علي كرسي مكتبة وهو متوتر جدا وعمال يفكر بتركيز شديد في كل اللي حصل في المسرح وفي الوقت دة يرن الموبيل فيتفزع ويبص لرقم المتصل اللي كان رقم غريب فيرد قائلا

الو

صوت وعد

شوفتك مرعوب

لكن شهاب مستحملش ورمي الموبيل بتاعه علي الارض وقام وقف وهو مذعور وخرج من اوضة المكتب وطلع اوضة ونام جنب شريهان وهو عمال يترعش فحست بي شريهان فصحيت وقالت

شهاب

قال بفزع شدبد.

اية

شريهان

شهاب مالك 

شهاب

وانتي مالك. نامي ومالكيش دعوي بيا

وسمع صوت خبط علي باب الاوضة وخيال اسود رابح جاي قدام باب الاوضة فقال

امشي امشي. امشي

شريهان وهي بتاخد شهاب في حضنها

شهاب مالك

يزقها شهاب بعيد عنه وهو بيقول

قولت لك مالكيش دعوي

شريهان

شهاب انت اول مرة تبقي بالشكل دة مرعوب وعمال تترعش،

شهاب

قولت اكتمي بقي

وتخيل ان شريهان وعد فهجم عليها وحاول يخنقها وشريهان تضرب في بكل قوتها لغاية ما شهاب سابها اول ما شاف انها شريهان اللي كانت بتقول بعصبية

بتخنقني علشان بسالك مالك

شهاب

مش قصدي انتي انا شوفتك هي

شريهان بعصبية

هي مين.

شهاب

شريهان انا مش قادر اتكلم دلوقتي سيبني في حالي واسكتي دلوقتي 

شريهان

مش هاسكت الا لما تقولي انت تقصد مين

شهاب بعصبية

قولت بس بقي بس بقي، ،،،،،،،،،،،

وتعدي الليلة ومن جوة شقة حسيب تاني يوم كانو كلهم قاعدين ودامس بيقول

مدبر اعمال شهاب بدأ يسال عليك ويجمع عنك معلومات 

عامر بثقة

ما يسال. هو انا كذبت عليه لما قولت اني كنت عايش حياتي كلها برة مصر وراجع معايا قرشين وعايز انتج فيلم

جيهان

برضو الامر ما يسلمش لازم تخلي بالك

عامر

من النهاردة مش انا اللي لازم اخاف من شهاب. لان شهاب بيموت كل دقيقة

حسيب

اظن كدة انت لازم تسيبة يومين تلاته يستوي

عامر

ما فيش وقت. لازم اضرب علي الحديد وهو سخن واخلي يتجنن كمان وكمان

حسيب

ناوي علي اية

عامر

المحامي اللي كتب العقد بيني وبينه زمانه دلوقتي عنده وبيهدده بالشرط الجزائي ومش هتعدي كام دقيفة الا وهيتصل بيا شهاب.

دامس 

تفتكر ممكن يرجع برجله تاني للمسرح

عامر

هيرجع. اللي زي شهاب ما بيرجعش فلوس خدها وكمان ما يقدرش يدفع قيمة الشرط الجزائئ. من الناحيتين هو تحت ايد،،،،،،،،

ويرن موبيل عامر والمتصل شهاب فيبتسم عامر ويقولهم

حصل

جيهان

طيب ما تفتح ورد عليه

عامر

شوية بس لغاية ما يقول حقي برقبتي

ويرن شهاب تاني وتالت فيرد عامر فيقول شهاب

عيب لما تكون شايف رقمي وما تردش عليه

عامر

ما انت سيبتني امبارح ومشيت وانا لسة بكلمك

شهاب

علشان كان عندي ظروف

عامر

يارب تكون خير

شهاب

خير. بس انا زعلان علشان ما وصلش بينا الكلام لدرجة انك تبعت المحامي بتاعك يهددني

عامر

يا فنان انا من حقي اجيب حقي. ولا عادي اصرف كل الفلوس دي علي المسرح ومقدم عقد ليك وفي الاخر تقولي انا مش هصور هنا شوف غيري. مين بقي اللي لي حق يزعل 

شهاب

انا هكون صريح معاك. المسرح دة ابويا وامي ماتوا في قدام عيني وانا صغير فلي معايا ذكريات مش حلوة.

عامر

الفلوس اللي خدها مني المفروض تنسيك اي ذكري

شهاب

انا ممكن اشوف لك مسرح تاني نصور في

عامر

اسف. مش مكتوب في العقد ان حضرتك اللي تختار مكان التصوير. هستناك النهاردة بالليل علشان نبدأ نتكلم في شوية تفاصيل تخص فيلمنا 

شهاب 

لازم المسرح

عامر

لازم، ،،،،،،،،

وبعدها بشوية ومن جوة جامع يقعد شهاب قدام شيخ كان بيقول

انا سمعتك للاخر واقدر اقول لك ان مافيش حاجة اسمها اشباح لحد مات.  

شهاب

اومال اللي انا شوفته امباراح دة كان اية

الشيخ

مجرد تخيلات مش اكتر. وانا مستعد اديك حجاب يحميك من اي شر

شهاب

ياريت يا سيدنا الشيخ ،،،،.،،،

وراح شهاب للمسرح مرة تانية وقابله عامر وقال له

وحشتني من امباراح للنهاردة

شهاب وهو عمال يبص في حتة في المسرح

سيب العواطف دي لبعدين وخلينا في الشغل

عامر

طيب هتكلم معاك ازاي وانت عمال تبص يمين وشمال

شهاب

انا كويس اتكلم انت بس

وهنا تظهر جيهان ناحية ابواب الحمامات فانصدم شهاب ومسك الحجاب اللي حوالين رقبته وهو بيقول

دي تخيلات مافيش اشباح

لكن شهاب قرر انه يواجة الرعب فقال ل عامر اللي كان بيتكلم

هخش الحمام واجي لك

اتصدم عامر لان جبهان مستخبيئة في الحمامات فقال

طبعا اتفضل

ومشي شهاب فقال عامر في السماعه البلوتوث

جيهان اهربي، ،،،

قالت جيهان اللي اتعورت في صباعها الشمال 

سمعتة وفعلا انا اتحركت.  

لكن شهاب بخبث ماراحش ناحية الحمامات وراح الناحية التانية من المسرح علشان يلاقي جيهان قدام منه فاترعب واتخضت جبهان لكنها مسكت نفسيها وقالت بصوت وعد

اية مش عايز تطلب مني الرحمة

بص لها شهاب واترعب لكنه بالصدفة نظرة جة ناحية ايدها الشمال وابتسم ابتسامه خبيثة وقال

ارحميني 

وجري من قدام منها. وشافو عامر قاله

بتجري لية

لكن شهاب ما ردتش وخرج من المسرح جري. وتقول جيهان في السماعة 

طبعا سمعت

عامر

سمعت. بس هو لو شك في حاجة ما كنش خرج جري كدة

جيهان

كدة احنا خلصنا. هروح اطمئن علي بابا. واشوفك بكرة الصبح، ،،،،،،،،،

وبالليل ووقت ما كانت جيهان داخلة بيتهم يخرج لها من الظلمة شهاب وكان شبة الشيطان وبص لها وقال

عاملة شبح وعد يا روح امك

لسة هتصرخ جيهان كتم شهاب نفسها وقال

صباعك اللي في ايدك الشمال كان بيجيب دم. واللي اعرفه ان الاشباح ما بتخرش دم. حتي شوفي

ومسك راسها وخبط دماغها في الحيطة بمنتهي القوة خلاها تفقد الوعي، ،،،،،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام 

وباذن الله اشوفكم بكرة علي خير والحلقة الاخيرة.