الهام واللي كان الحلقة الاخيرة

 رغم فرق التوقيت 

             ★الحلقة الحادية عشر ★

قبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★زكريا

اللي انتي بتتفرجي علي فيديوهاتها دي. تبقي امك وعد

برقت جيهان من الصدمة وقال زكريا

ما تستغربيش. من سنين كتير اوي سنين تساوي عمرك. كنت دكتور تشريح تبع البحث الجاني وفي ليلة ما كنت في المشرحة شغال دخل علية الممرض بالترولي وعلية وعد، ،،،،،،،،،

ونرجع بالاحداث لليوم دة ووعد علي الترولي والنار اكلت من لحمها كتير بص زكريا للمنظر وقال للممرض.

اية اللي عمل فيها كدة

الممرض 

سمعت الظابط بيقول ان خطيبها الاولاني حرقها جوة مسرح علشان سايبته وراحت لواحد تاني

زكريا

يا ساتر يارب اية اللي حصل في الدنيا. بقي القتل اسهل من انك تروح تجيب فول

الممرض وهو بيدي الملف الخاص بوعد لزكريا وبيقول

استلم يا دكتور. الملف بتاع وعد. واسيبك انا بقي

زكريا وهو بياخد الملف من الممرض

مش هتقعد معايا تساعدني في تشريحها

الممرض

لا. انا مسافر ما انت عارف عندي فرح. اشوفك علي خير سلام

وخرج الممرض من هنا ووعد قالت اة اتصدم زكريا وبص لها وقال

انتي لسة عايشة بعد ما جسمك حصل في كدة

وعد بصعوبه شديدة

انقذ اللي في بطني

اتصدم زكريا وقال

انتي حامل

وعد

انا في شهري السابع. وحاسه ان اللي جوة مني لسة عايش 

زكريا

صعب طفلك يكون لسة عايش بعد اللي حصل دة

وعد بصعوبه شديدة جدا جدا

اعمل اللي تقدر عليه

فكر زكريا للحظات ورفع هدوم وعد من علي جسمها وكان المنظر بشع الهدوم ماسكة في اللحم لكنه قال 

افتح الرحم ازاي واللحم بالشكل دة

تمسك وعد ايد زكريا وتقول 

ابوس ايدك 

زكريا

مش هتستحملي مشرط يمشي في لحمك

وعد

انا الوجع اللي اتوجعته النهاردة يخلي اي وجع تاني سهل استحمله

ونزلت دمعه من عيون وعد علي وشها المشوة وقالت

ابوس ايدك طلع ابني مني وخلي يعيش. وبلاش حد من اهلي يعرف باني ولد. لانها ممكن تموت مقتوله. اوعدني اوعد واحدة بتعيش اخر كام دقيقة في حياتها

زكريا

اوعدك 

وفكر زكريا تاني لكام دقيقة وقرر انه ينفذ طلب وعد ومسك المشرط وبدا يفتح الرحم ووعد بتتوجع بسكوت وكانها من صخر واستغرب زكريا لما لقي الجنين عايش بس محتاج حضانه وبسرعه فقال ل وعد 

كنتي حامل في بنت وطلعت عايشة. اللي حصل دة معجزة 

بصت ل وعد اخر بصة وماتت اتالم زكريا للمشهد وخد البت في حضنه بعد ما قطع الحبل السوري وجري باسرع ما في للحضانه وحط الطفلة في الحضانه لمدة شهرين كاملين وتكفل بيها وبمصاريفها ،،،،،،،،،،

ونرجع لشقة زكريا وهو قاعد قدام جيهان المصدومة وبيقول

وخدك وربيتك لان ربنا رمي حبك في قلبي. 

جيهان وهي بتعيط

وماما ازاي توافق تربي بنت مش بنتها وكمان تسميني علي اسمها في شهادة الميلاد

زكريا

لانها هي كمان حبيتك بعد ما عرفت حكاية والدتك

جيهان وهي منهارة

وطول الفترة دي وانت مخبئ عليه

زكريا

هقول اية بس وافتح في جرح ياذيكي لية.   

جيهان

واشمعني النهاردة بتحكي

زكريا

علشان شوفتك امباراح بتتفرجي علي فيديوهات لوالدتك ودة اللي خلاني اتصدم والاقي نفسي بكدب وبقول الشاشة مش شغاله

جيهان

يعني زي ما عامر لي تار عند شهاب. انا كمان ليا تار

زكريا باستغراب

عامر مين وشهاب مين. وتار اية

جيهان وهي بتقف بصعوبة

بعدين يا بابا بعدين.  

زكريا

ليكي حق تزعلي مني

جيهان

ابدأ. بس انا محتاجة الفترة دي اكون مع نفسي شوية

زكريا

حقك يا بنتي وانا هقدر اي رد فعل ليكي

ودخلت جيهان اوضتها ورمت جسمها علي السرير وهي بتعيط بحرقة وتفضل علي الحال دة لكام دقيقة لكنها تقف مرة واحدة وتمسح دموعها وتشغل الفيديوهات اللي معها ل وعد وتبدأ تقلد كل حركة كانت بتعملها وعد وضحكتها ومشيتها حتي وهي بترقص وتقع تاني علي الارض وهي بتعيط وبتقول بصوت يوجع القلب

امي، ،،،،،،،،،،،،،،

ومن جوة فيلا شهاب يقف عامر قدام شهاب والمسدس في وشه وبيقول عامر

مش عايز تقول حاجة قبل ما تموت

شهاب

انت مين وعايز تقتلني لية

عامر

اقتلك وبعدين اقول لك

وداس عامر علي الزناد لكن الرصاص اختفي من المسدس اتصدم عامر وداس مرة تانية وتالتة ولاحظ شهاب اللي بيحصل فقرر عامر انه يلعب عليه لعب الثعالب فقال وهو بيضحك 

مش دة كان اخر مشهد في فيلمك الاخير.  

شهاب بعصبية

انت مجنون. انا صدقت فعلا انك عايز تقتلني. بس بقول لنفسي وهو اللي عايز يقتل حد يجي لغاية عنده والناس كلها شايفة وهو داخل الفيلا. وكمان صوت الطلقة لما تضرب ما كنتش هتخليك تخرج من هنا الا علي المشنقة 

عامر

ازاي بس اقتل اكتر نجم انا كنت بتمني اشوفه وعيشت وكبرت علي افلامه. ومش هخرج النهاردة من هنا الا وانا واخد منك كلمه بانك بطل فليمي الجديد 

شهاب اللي راح ناحية الميني بار اللي عنده في المكتب وطلع ازازة بيرة وخد منها بوق وقال

 ابل ريقي الاول وبعد كدة نتكلم

عامر

اللي يبل ريقك الفلوس اللي هتاخدها من وراء شغلك معايا

شهاب بطمع

انت هتدفع كام

عامر

مش تعرف قصة الفيلم الاول اللي هتمثلها

شهاب

دي شكليات المهم عندي هقبض كام

عامر

50 مليون. 

شرق شهاب اللي البيرة كانت علي بوقة وقال بجشع 

50 مليون.

عامر

قليل

شهاب

بالنسبة للابراد اللي هيدخلة فليمك بسبب اسمي. دة مش رقم اساسا

عامر

سابني اجرب حظي دة اول انتاج ليا في عالم السينما. اظن احنا كدة اتفقنا 

شهاب 

افكر الاول وهرد عليك

عامر

تمام هرن عليك يا فنان علشان تسجل رقمي وهستني منك مكالمة

شهاب

قريب جدا، ،،،،،،،،،،،،

وبعدها بشوية ومن جوة شقة حسيب يقعد عامر قدام دامس وحسيب وكان بيبص للمسدس وبيقول

انا هتجنن. يعني اية خزنة المسدس تكون مليانه بالطلق وادوس علي الزناد الاقي الخزنه فاضية

حسيب 

ابوك ما رضيش تبقي زي شهاب. وتقتل والدم يعرف طريقك

عامر بعصبية

وهو فين بابا دة. اللي بيتحكم في كل اللي بيحصلنا من غير ما نشوفو

دامس

انت عارف بس بتكابر

عامر بعصبية اكتر واكتر

تاني هتقولي روحه

دامس

وانت لسة شايف غير كدة. تبقي غبي

عامر

العقل بيرفض اللي انت بتقوله دة

دامس

مش لازم عقلنا يصدق. لان في حكايات البطل بتاعها اسمه الغموض. في عالم اسمه عالم الجن. عقلك يصدق ان كائنات مخلوقة من نار عايشة حوالين منك شايفاك وانت ما تقدرش تشوفها

عامر

دامس ما تحولش تقنعني بشي رفضة عقلي.

دامس

انت حر. وفكر بقي في المصيبة اللي كنت السبب فيها بغبائك 

عامر باستغراب

مصيبة اية

دامس

جيهان قررت، ،،،،،،،،،،،،،

وفي الوقت دة باب الشقة يخبط فيقوم يفتح دامس علشان يلاقي قدام منه جيهان بتبص له وبتقوله

سمعاك بتجيب سيرتي

دامس

مش مصدق انك رجعتي تاني

جيهان

انا راجعه المرة دي علشان اخد تار امي وعد 

بصو لها كلهم وهما مستغربين، ،،،،،،،،،،،،،

وفي نفس الوقت كان زكريا والد جيهان اللي قاعد في الصاله بيتحول الي خيال اسود وبيختفي من الصاله ويخرج من الاوضة زكريا الحقيقي وهو بينادي علي جيهان وبيقول

جيهان. جيهان

وراح وفتح باب الاوضة علشان يلاقيها فاضية فيقول 

معقوله لسة ما رجعتش دي من الصبح برة وحتي  

ما شفتوهاش قبل ما تروح العيادة بتاعتها 

وفي الوقت دة يرن موبيل زكريا فيرد علشان يسمع صوت جبهان بتقول

اسفة يا بابا غصب عني سافرت شرم علشان احضر مؤتمر طبي هناك هيفدني جدا

زكريا

من غير ما تقول لي يا جيهان. دة انا يا بنتي قلقت عليكي اوي 

جيهان

معلش يا بابا والله غصب عني. وما تزعلش مني ووعد كل. يوم هكلمك علشان اطمئنك عليه. سلام

زكريا

سلام يا بنتي. ربنا يوفقك

وبمجرد ما يقفل ويدخل اوضة. يظهر الخيال الاسود في الصاله ويختفي مرة واحدة، ،،،،،،،،

وفي نفس الوقت كانت جيهان قاعدة معهم وحكيت كل اللي حصل بينها وبين زكريا وبعد ما انتهت قال عامر

دة ولا في الخيال. انا ابقي ابن زياد وانتي بنت وعد وتارنا واحد عند شهاب

جيهان بحرقة وبدات الدموع تخونها وتنزل

شهاب اللي قتل امي ومش بس كدة ولع فيها وهو عارف انها حامل. لازم بموت زي ما امي ماتت

عامر

لما بقي التار تارك. بقيتي تقولي نفس اللي انا قولته قبل كدة. صحيح ما يحش بالنار غير اللي بيتلسع بيها

دامس وهو بيبص لجيهان وعامر

انتو الاثنين لازم تنسوا خالص ان شهاب يتقتل بايديكم شهاب الموت للي زية راحة. لازم يتعذب وبعد ما ياخد اللي يستاهلة نسلمة للحكومة تخلص عليه بالقانون

عامر

يبقي نبدأ اول ما المسرح يبقي جاهز. للعرض الاخير في حياة شهاب ،،،،،،،

ومن تركيا ووقت ما كانت تمارة قاعدة مع امها عزيزة بعد دفن جبران يدخل عليهم المجرمين اللي جابهم جبران لحمايته وقال واحد منهم ويدعي كبير 

كنا محتاجين فلوس

تماره

يعني دة وقته

كبير

لما كبير يطلب فلوس يبقي الوقت هو وقت الفلوس

فتمد تماره ايدها في درج التسربحة وطلع كل الفلوس اللي فيها وترميهم في وش كبير وتقول

غور الفلوس تحت رجلك اهه

يلم كبير الفلوس ويحطها في جيبة وهو بيقول

دة نصيبي فين نصيب رجالي

تماره

دول كل اللي معانا دلوقتي

 

فيبص كببر لرجالته ويقول 

يبقي ها ياخدوا بفلوسهم متعه 

ويهجم رجلين علي تماره وتصرخ تماره وتحاول الخلاص من ايدهم وعزيزة بتحاول علي قد ما تقدر تلحق بنتها لكن تلت رجال تانيين هجمهوا علي عزيزة ما رحموش سنها ولا سن تماره واغتصوبهم بلا اي رحمة. وبعد ما انتهوا بص كبير لتماره اللي هدومها مقطعه وقال

من دلوقتي لغاية بكرة توصلي للفلوس والا هيبقي بكرة حساب جديد بمتعه جديدة

وخرج هو والرجاله وتمارة بصت لامها ولطمت وهي يتعيط وبتقول

شايفا ابويا عمل فينا اية جاب لغاية عندنا مجرمين هينهشوا لحمنا

لكنها ما تسمعش رد فتبص لعزيزة امها وهي بتغطي جسمها العريان وعزيزة ما بتتحركش وبتقول

اما. اما. 

لكن عزيزة ماتت مقهورة علي نفسها بسبب اللي حصل فبها 

فصرخت تماره وهي بتاخدها في حضنها وقالت بحرقة

دة ذنبك يا زياد.  دة ذنبك عارفة ان روحك هنا وغضبانه لو سامعني اقتلني زي ماقتلت ابويا وريحني

وتعيط تماره بحرقة وهي واخدة امها في حضنها ،،،،،،،،،

وبعدها بتلت ايام بالظبط وبالليل يروح عامر بعربيتة لغاية فيلا شهاب ويركب شهاب عربية عامر لانه كان في انتظارة وبص شهاب ل عامر وقال

مواعيدك مظبوطة

عامر

ما قدرش اتاخر عنك يا فنان

شهاب

طيب. قولي بقي انت هتاخدني ورايح بيا علي فين

عامر

هوريك المكان اللي هنصور في معظم مشاهد الفيلم بتاعنا

شهاب

انت ما صدقت ان قولت لك موافق مضتني العقد واديتني دفعه من الاجر. وقوام جهزت مكان التصوير

عامر

ما حبش اضيع وقت. الفيلم دة اهم مشروع في حياتي ،،،،،

وبعدها بشوية يقف عامر بعربيته قدام المسرح اللي رجع احلي من الاول فيتصدم شهاب ويشوف عامر الخوف مرسوم علي وش شهاب فقال عامر

مالك يا فنان

شهاب بحدة 

انت عرفت مكان المسرح دة ازاي

عامر

من سمسار معرفه. في اية بس ماله المسرح مش عجبك

شهاب

المسرح دة كان بتاع والدي واوراق ملكيته كلها معايا.

عامر

هو كان مسرح دة كان خرابة والنار كلت حيطانه كلها. وحياتك عندي انا صرفت علبه فوق ال 500 الف. ج.

شهاب بعصبية

برضو اشمعني المسرح د،،،،،،،،،

وهنا يلاقي جيهان في صورة وعد بتفتح باب المسرح من جوة وواقفة عند الباب بتبص له بصة ترعب بصة تجمد الدم في الوريد وشهاب مش مصدق اللي شايفة، ،،،،،،،،،،،،

ولغاية هنا. خلصت حلقتنا اللي يارب تكون عجبتكم ولو في العمر بقية هاكمل لكم الحكاية دية. سلام