القناوي وطريق الدم
★الحلقة الخامسة★
من تاليفي،،،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★ياسين واقف في المحكمة والقاضي بيحكم علية ب
15 س. وملك واقفة قدام القفص بتقول له
طلقني يا ياسين. انت ما تنفعش تكون جوزي
ياسين بحزن شديد
ملك
ملك بحدة
طلقني. خليني اعيش حياتي
ياسين
وانا مش هغصب عليكي تكوني معايا في شدتي. انتي طالق يا ملك. بس بالله عليكي بلاش مالك يعرف حقيقتي
وقال ياسين كدة والعساكر بداو يسحبوا لخارج القفص وكل احبابة زعلانين علية وعديت السنين وخرج ياسين من السجن ملقاش حد مستني اتصل بصنيعي رخام زميلة
وطلب منه يشوف له شغل علشان هو مش هاينفع يعيش في البلد تاني وفعلا زميلة شاف له شغلانه وقال
هاستناك تيجي لي الساحل الشمالي. في موقع هناك كبير محتاج صنيعية زيك
ياسين اللي بان علية الكبر من شيل الهم
هاجي لك
وسافر ياسين وقابلة زميلة وقال له
دقيقة بس وادخلك للباشمهندسة بتاعتنا علشان تمضي لك علي ورقة التعين
ويدخل ياسين وزميلة دة لمكتب في كرفان خاص بالمواقع. وكانت ملك هي المهندسة دي فقال له زميلة
باشمهندسة ملك. صنيعي الرخام الجديد اللي حضرتك طلبتي
فيدخل عليها ياسين ويقف قدام منها وتقول ملك لنفسها
ياسين بعد السنين دي كلها
فيبص ياسين لملك ويقول لنفسه
ملك معقولة. اشوفها تاني بعد كل العمر دة
ملك للرجل اللي دخل مع ياسين. تقول له
امشي انت
فينصرف الرجل فيبص ياسين لملك ويقول وهو قلبة بيدق بشدة
ملك
ملك بحدة
اسمي المهندسة ملك. واوعي تنسي نفسك انت هنا. في الموقع مجرد صنيعي وانا المهندسة بتاعتك.
فيبلع ياسين ريقة بصعوبة ويقول
اسف مش هانسي نفسي تاني. يا باشمهندسة ملك
ملك
انا مش عارفة ازاي الراجل دة يجيب لي واحد سوابق زيك
ياسين
انا مش سوابق انا مظلوم مظلوم ماكنش قدامي الا طريق الدم علشان اسد الفلوس اللي علية واوعي تاني تقولي علية سوابق. فاهمه.
ملك
انا اقول او ما قولش مش هاتفرق كتير. وعلشان اثبت لك انها مش فارقة كتير هاخليك تشتغل معايا علشان تلاقيك مش معاك فلوس حتي ترجع بيها الصعيد لو انا قولت لا.
اتوجع ياسين وندهت علي الراجل اللي جاب ياسين ودخل الراجل للمكتب فقالت له
خده وشغله وعينك تفضل عليه لو قصر في شغله عرفني
وفي الوقت دة دخل للمكتب مهندس شاب وسيم اسمه عادل راح ناحية ملك وقال
مش هنروح بقي ولااية
بص ياسين لعادل وقلب اتقطع وقال لنفسه
انتي كمان اتجوزتي يا ملك. لكن اقول لك اية عملتي الصح مش انا اللي حياتك تقف علشانه
ومخرجهوش من الحالة دي الا صوت ملك بتقول بعصبية
قولت روح علي شغلك مش من اولها هتنح
فيبص لها ياسين ويقول بكسرة نفس
حاضر يا باشمندسة
ويخرج ياسين ويشتغل في الموقع ويرجع وينام علي الارض وسط الصنيعية ويصحي ويروح الشغل علشان يسمع ملك بتقول باعلي صوتها للمشرف
مين اللي ركب الرخامة دي
المشرف لسة هايرد قال ياسين
انا اللي ركبتها
ملك بعصبية
زفت
فيسكت ياسين ويفضل يبص في عيون ملك اللي حس انهم غرب عنه. وملك بتقول
تكسرها وتركب غيرها وعلي حسابك فاهم
وتسيبه ملك وتمشي والمشرف يبص لياسين ويقول
انا مش عارف اية اللي حصل للمهندسة ملك. انا اول مرة اشوفها كدة
ياسين وهو بيبص عليها وهي رايحة لمكتبها
انا عارف
ويروح ياسين وراء منها ويدخل المكتب علي ملك فتبص له ملك وكانت بتعيط فيجري ناحيتها ويترمي في حضنها وهي تسيب نفسها لحضنه ودموعها تنزل علي هدومة وتقول بصوت حنون ودافي
وحشتني اوي
ياسين
وانتي كمان وحشتيني اوي
لكنها تخرج من حضنه فجاة وتبعده بعيد عنها وتبص له وتقول
كان نفسي افضل في حضنك الباقي من عمري لكن
وتخرج الموبيل بتاعها وتوري ياسين فيديو لابنه مالك بعد ماكبر وهو بيمشي لكنه كان بيعرج فيتوجع ياسين وتقول ملك وهو بيتفرج علي الفيديو
دة مالك ابنك. انكتب عليه يعيش بقيت حياته اعرج بسببك
فيقعد ياسين علي الكرسي وهو هيموت من وجع القلب وملك تقول
وانا انكتب عليه اكمل حياتي مع راجل خاين كل يوم والتاني مع واحدة شكل. شوفت انت عملت فينا اية. شوفت وصلتنا لاية. كنت هابقي في ظهرك وسندك وانت مسجون علشان ما قدرتش تسد اخواتك لكن وانت تاجر سلاح. لا يا ياسين
ياسين
اخواتي كانو هيشمتو فيا وكنت هموت في اليوم ميت مرة وانا شايف الشماته في عيونهم
ملك
بس كنت هتفضل ياسين الطيب. ياسين اللي طريقه كان ديما خير. فكر كدة واحسبها كام واحد مات بسبب السلاح اللي انت بعته
ياسين
السلاح في الصعيد عندينا زي رغيف العيش عنديكم في كل بيت ومع كل الناس
ملك
ودة صح. تبيع الموت وتمشي في طريق الدم يا اطيب خلق الله. وتبقي سوابق
ياسين
انا مش سوابق انا مظلوم واتظلمت واتغدر بيا من القريب قبل الغريب ولو رجع بيا الزمن كنت هعمل كدة ومخليش حد من خواتي يشمت فيا ويقولو عليه العبيط اللي انضحك عليه اهو
ملك
يبقي ما تعملتش الدرس ولسة غبي مع انك اذكي واحد انا قابلته في حياتي لكن العصبية اللي في عرقك الصعيدي خلاك تبيع كل شئ حلو وتجري وراء الشيطان. اللي سخرك لخدمته زي ما يحب ولغاية ماترجع ياسين اللي حبيته واللي كان سبب فرحتي وهنايا لسنين كتير ارجع ملك اللي انت اتجوزتها
وتشاور ملك علي باب مكتبها وتقول
ودلوقتي اطلع برة مكتبي
ياسين بصوت مجروح
ملك. دة انا ماصدقت اني شوفتك
ملك ودموعها بتقطع خدودها
المهندسة ملك واوعي تنسي نفسك تاني
وفي الوقت دة دخل عادل جوز ملك وملك تجري عليه وتترمي في حضنه وتقول له
عادل احميني منه
وتبص لياسين فيتجرح ياسين ولسة هايقوم ويهجم علي عادل شاف عز هو اللي واخد ملك في حضنه وبيبص له وبيضحك فيصرخ ياسين بشدة. وهنا يصحي ياسين من هذا الكابوس علشان يلاقي نفسه علي السرير في المستشفي لسة فيتنهد ويبلع ريقة بالعافية ويقول
اعوذ بالله من الشيطان الرجيم اعوذ بالله من الشيطان الرجيم
ويبص لسقف الاوضة ويقول
يارب انت عارف ان الدنيا كلتها جت علية وانا مادوستش برجلية في طريق الدم دة الا غصب عني والله غصب عني
ويعيط ياسين بحرقة ويقوم ويتضوأ ويصلي ركعتين لله ويقول
بقالي كتير ما وقفتش قدامك علشان كنت مكسوف منك لكن دلوقتي انا ماليش غيرك وعارف انك علشان بتحبني خليتني ارجع لك واتوب لك. انا بين ايدك حلها من عندك يارب حلها من عندك انت، ،،،،،،،،
وبعدها بكام يوم يتعافي ياسين مما اصابة ويقف علي رجله علشان يلاقي مالك مع ملك وهو كمان خف وبقي كويس ففرح ياسين اوي وبص لمالك ولسة رايح علشان ياخده في حضنه شاف الرصاصة اللي كانت هاتيجي في فتالم ورجع وقف مكانه فبصيت له ملك ولقيت سلامه والعساكر وصديق بيبصو لياسين وسلامه يقول لصديق
اظن احنا كدة مقصرناش بس لازم ياسين يخرج معايا دلوقتي علشان نكمل اجراءاتنا ويترحل علي النيابة
فيبص ياسين لكل الحاضرين ومنهم حسين صاحبه وحماته واخت ملك. فيقول صديق
حقك طبعا. وانا شاكر ليك جدا انكم سيبته خوي في المستشفي لغاية ما بقي كويس
فيبص ياسين لملك اللي كانت عيونها مليانين حزن وكلام كتير كله بيخلص بالدموع المحبوسة ويبص ياسين لمالك والظابط يقول للعسكري
هاته يا عسكري
فيمسك العسكري ذراع ياسين ويسحبة ناحية باب الاوضة وقبل ما يخرج ياسين من الاوضة يحط ياسين في ايد ملك ورقة ويقول لها
كنتي مستنيكي تسالي انا لية عملت كدة مش تقولي طلقني وخلاص. لكن في الورقة دي كل حاجة كنت مخببها عنك. ومش هاطلقك يا ملك. علشان ماحدش يقدر يعيش من غير روحه. وطلاقي منك بطلوع روحي
فتعيط ملك بحرقة وتبص في عيون ياسين ومش عارفة تقول اية. ومالك يمسك ايد ياسين ويقول
بابا انت رايح فين وسايبني
فيميل ناحيتة ياسين ويرفع لفوق وهو واخدة في حضنة وبيقول له
اوعي لما تكبر تخلي حد يعايرك بيا انا مش زي ما انت هاتسمع عني. انا زين مش عفش.
ويعيط ياسين بحرقة ويقول
والله زين وما عمري ما كنت عفش
مالك
بابا.
فيبوسه ياسين في خده وينزله علي الارض ويخرج من الاوضة وملك تبص علية بحزن شديد وتبص للورقة ،،،،،،،،،
ومن داخل شقة ياسين وبعد ماعدي اليوم قعدت ملك علي سريرها لوحديها بعد اذان الفجر بعد ما نامو كلهم وفضلت تفكر في كل اللي حصل وهايحصل وهي بتفكر راحت ناحية شنطتها وفتحتها وخرجت الورقة اللي خدتها من ياسين وفضلت تقرا كلمة وراء كلمة وسطر وسطر لغاية ما وصلت لليوم اللي اتجمعوا في اخوات ياسين وعرفو انه اتنصب علية ،،،،،،،،،
ومن الجنينة الموجودة قدام البيت يجلس ياسين مع اخواتة ورمزي بيقول
اني ماعرفش غير ان في حد اتصل بينا وقال لنا انك اضحك عليك وفلوسك راحت واني واخواتك منتصر وعصام عايزين فلوسنا
ياسين
وانا قولت لكم دة واحد كذاب انا ماخسرتش ولا مليم بل بالعكس كل الرخام اللي عندي في المخازن اتباع
عصام
بجد. يعني مشروعك بينجح وانت في السليم
ياسين
طبعا وكلتها سنه. وهتشوفوا ياسين دة بقي في حتة تانية
منتصر
يعني سنه وناخد فلوسنا منك.
فيسكت ياسين مش عارف يقول اية فيكرر منتصر كلامه قائلا
سنه وناخد فلوسنا منك. ولا هاتطلع مراة ومش قد كلامك
ياسين بعصبية
انا مش مراة وكلكم عارفين مين ياسين وياسين قد كلامه
صديق لاخواتة
خلاص خلصت المحكمة ولا لسة في كلام تاني
رمزي
مالك يا صديق هي كلمة الحق بتزعل لية
صديق
اللي انتم بتعملو دة مش حق دي شماتة في اخوكم اللي نفسكم انه يفشل اكتر ما نفسكم ينجح
منتصر
اخوك هو اللي عامل فيها فالح وواعي واذكي واحد فينا وهو باين علية اخيب واحد فينا
بدوي
مش بكفاية بقي. ولا تحب ياسين يقلب علي الوش التاني وترجع انت تزعل وتشتكي
منتصر بحدة
لا وش تاني ولا وش تالت انا عايز حقي وخلاص. وبعد كدة ينجح يسقط يطلع بملحق مش حكايتي دي حكايتة هو
فيبص ياسين ويقول لنفسه
ازاي اقول لهم اني اتنصب علية واخليهم يقفوا جنبي ويساعدوني اجيب حقي. بس لا انا ياسين القناوي وفلوسهم هاتيجي مهما كان الثمن، ،،،،،،
ومن قدام البوابة الحديد لبيت القناوي يقف حنتيرة ويعمل نفسه ببصلح الموتوسيكل بتاعه وبيتكلم في الموبيل بتاعه وبيقول
ايوة يا عز بية حصل اللي انت رسمته وخطط لي. اخواتة قلبو علية وعايزين فلوسهم. وهو قال لهم سنة وفلوسكم تكون عندكم
صوت عز
حلو الكلام فرصتنا جت علشان نضمة لينا في تجارة السلاح وهو دلوقتي مخبوط كام خبطة علي دماغه ومش فايق
حنتيرة
طيب واحنا هانستفاد اية يا كبير من دخول ياسين معانا. دة انت من مصلحتك انه يبعد عنك
عز
حمار. لما يكون في حد بيجري وراءك وانت مسبقة لازم ديما تكون شايف هو فين. علشان لو شد في الجري تشد انت وتفضل محافظ علي نفس المسافة ولو حب يلقط نفسه تلقط انت كمان نفسك علشان ما تتعبش من الجري. فياسين لازم يفضل تحت عينية وكمان الواد دماغه حلوة وهيساعدنا ندخل الطلقة الحارقة للصعيد لانه عارف مطاريد الجبل وبيطلع وبينزل من عندهم عادي وتالت حاجة العائلات اللي بينهم مشاكل هيشتروا منه بقلب جامد لانهم عارفينة. والاهم من دة كلة ان كمية السلاح اللي هاتخش علي حسة هياخد منها نسبة اقل كتير من اللي كان بياخدها يوسف. لان دة مش كارة وهو المهم عنده انه يسد فلوس اخواته وفلوس القرض اللي واخدة من البنك. فهمت بقي يا جحش احنا محتاجين ياسين لية
حنتيرة
فهمت يا عز بية. يا ابو دماغ الماظ
عز
تعدي الليلة ومع اذان الظهر تظهر له وهاقول لك تعمل اية وازاي تخلي يوافق علي انه يتاجر معانا في السلاح، ،،،،،
وتعدي الليلة ومن قدام بيت القناوي. يقف حنتيرة وينادي علي ياسين فيخرج له ياسين ويقف قدام منه ويقول
انت.
حنتيرة
مع اني زعلان منك بعد اللي عملته فيا يوم القطر. بس انا احسن منك وجاي عايز مصلحتك
ياسين
تصدق بالله انا جوايا نار لو خرجت تحرق عيلتك كلتها نصيحة خد بعضك وامشي من قدامي
حنتيرة
حتي لو انا جاي اعرفك ان فلوس يوسف كلها معايا
فيصدم ياسين
معاك انت طيب ازاي،،،،،،،،
ومن داخل مخزن كبير تحت الارض. في سوهاج يقف ياسين وسط المخزن بالظبط ومعه حنتيرة والمخزن كان مليان سلاح فيقول ياسين
اية دة
حنتيرة
فلوس يوسف واللي ماحدش يعرف مكانها غيري. سلاح ب20 م. ج. لو عرفنا نصرفه. ليك فيهم النص وانا النص
فيبص ياسين لحنتيرة وهو مستغرب بشدة، ،،،،،،،،،
ونرجع لملك بعد ما اتسجن ياسين ومن كتر الحزن خدت برشامه منوم علشان تعرف تنام وفعلا تنام وفي حضنها الورقة اللي خدتها من ياسين قبل ما يتقبض عليه ومع اذان الظهر تلاقي ايد بتمشي علي شعرها فتفزع ملك وتبص للي مشا ايدها علي شعرها فتصدم من اللي شافته، ،،،،،،،،،،،،،
يارب تكون الحلقة عجبتكم. مستني رايكم.
من تاليفي، ،
محمد منصور. منص
رووعه بس الحلقه قصيره
ردحذفروعه
ردحذفجميلة جدا كملي
ردحذفجميل وممتع
ردحذفروعه
ردحذفتسلم أناملك
ردحذفروعاتك يا منص
ردحذفتحفة تسلم ايديك
ردحذفشييقةوممتعة
ردحذفشييقة وممتعة
ردحذفده انا صدقت يطلع في الاخر حلم ولسه هايكمل
ردحذف