القناوي والموال المر
★الحلقة التاسعة★
الاخيرة
من تاليفي، ،
محمد منصور. ** منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم،،،
وتمر الليلة ويطلع النهار وحربية من الصبح بدري تدخل علي خميس اوضة وهو بيغير هدومة وتقول له
رايح فين علي الصبح كدة يا خميس
خميس وهو لايزال يلبس هدومة
مالكيش صالح
حربية
رايح تطلع ياسين براءة من قتل اختك
فيبص لها خميس ويقول
كنك اتصنتي علية وانا بتكلم مع بنتي
حربية
ايوة اتصنت وما عجبنيش كلامك
خميس
يعجبك ولا ان شاء الله عنه ما عجبك انا رايح المركز ومعايا امل ومش هارجع من هناك باذن الله الا وياسين معايا واستسحمة يمكن يسامحني
حربية وهي بتخرج سكينة من هدومها وتقول
وتفتكر انا هاسيبك تضيع حق فاطمة بالساهل
فيبص خميس للسكينة ويقول
اية هاتقتليني يا ختي
حربية
طالما عايز تنصر ياسين علينا
خميس
انصر اية. هي حرب دة حق مظلوم ولازم يترد له
حربية
المظلوم دة هو السبب في موت اختك
خميس
ياسين ماضربهاش بالنار هي، ،،،،،
فتقاطعة حربية بصوت مخيف
اختك ميتة قبل ما تضرب بالنار فاطمة الوردة المنورة بقيت وردة ذبلانه بعد ما سابها ياسين انت أية. ما كنتش بتشوف اختك وهي بتموت قدام منك يوم بعد يوم
خميس
هي اللي كانت عايزا تموت نفسيها. لهي اول واحدة اتخطبت وخطيبها سابها كانت نسيت وعاشت واتجوزت
حربية
الغبية عشقته
خميس
مايبقاش ذنب ياسين اننا نحرق ايامه بالحزن والمر علشان اختك غبية
حربية بجنون
لا. ذنبة طالما عشقتة كان لازم يكون ليها وما يكنش لغيرها
خميس
وبعدهالك بقي احنا مش هاننفض من موال فاطمة المر دة
حربية
مش هاننفض الا لما احرق قلب ياسين
خميس
والله الحرقة اللي انتي فيها دي حرقة واحدة هي اللي بتعشق وبتاخد تارها من اللي بتعشقة. وهو ماعشقهاش
فتقع السكينة من يد حربية من شدة الارتباك وترتعش ايديها وتقول
بتقول اية انت
خميس وهو يمسك حربية من ذراعها
انتي بتعشقي ياسين يا حربية بتعشقي اخو جوزك
حربية وهي تبلع ريقها بالعافية
لا. لا. انت ازاي تقول كدة
خميس
الكرهه اللي اتولد في قلبك دة ما كنش بسبب اختك وبس شكله بسبب عشق. مالعشق ممكن يولد كرة وغل
حربية بارتباك شديد
انت اتجنيت. انا اعشق ياسين. دة اصغر مني
خميس
وهو العشق يعرف سن يا بنت بوي
ويضربها خميس بالقلم ويمسكها من شعرها بمنتهي العنف ويقول باعلي صوت عنده
عشقتي
حربية وهي بتعيط
ايوة عشقتة. وهافضل اعشقة لغاية ما موت. وهو رفض عشقي وطردني من اوضة ورفض عشقي علشان اية جمال اخوة ولما عرفت انه هايتجوز فاطمة اتجننت وعملت عمل لفاطمة خليتها تفضل تزهق في علشان يسيبها وفعلا سابتة وحاولت معه تاني وبرضو رفضني. كان لازم قلبة يتحرق زي ما قلبي كان بيتحرق في كل دقيقة هو فيها بعيد عني
فيضربها خميس بالقلم كمان مرة وهو يقول
كان لازم يرفضك علشان نظيف مش زيك يا وسخة. اختي انا خاطية خاطية. يا خلفة ابليس
ويفضل يضربها وهو زي المجنون لغاية ما يتوقف عن الضرب لان حربية طعنتة بالسكينة في بطنة فوقع خميس علي الارض في داخلة مرات خميس وبنتة امل اللي اتلمو علي صوت العراك بين الاثنين وحربية تبص لهم وتقول بمنتهي الجنون
كان بيضرب فيا علشان بقول له علي تار فاطمة
فيقول خميس بصعوبة
كذابة. دي فاجرة
فتجري حربية برة الاوضة. ويبص خميس لمراتة وهو يقول
امسكيها وسلميها للمركز. القاتلة الفاجرة
وتجري مرات خميس وراء حربية ولكن حربية تهرب من البيت وتفضل تجري في البلد وتفشل مرات خميس في الحاق بها فترجع لخميس اللي كان بيقوم بصعوبة بمساعدة امل بنته ويخرج من الاوضة. ومرات خميس تساعدة في الخروج من البيت والذهاب بي لاقرب مستشفي . ،،،،،،،،،
ومن داخل بيت ام صفية تجلس حربية معها وهي خائفة ولاول مرة تخاف حربية وتبص لام صفية وتقول لها
انا هاستخبي عندك كام يوم وهاديكي اللي انتي عايزا
ام صفية
طالما هاتدفعي. يبقي بيتك ومطرحك بس في الاول اديني حق العمل اللي عملتة لاختك فاطمة قبل ما تموت واللي انتي قولت لي هاتفوضي علية ليلة امبارح وما فوتيش
حربية
من امبارح للنهاردة ما روحناش بعيد وانا جيت لك اهو وهاديكي كل اللي عايزا
ام صفية
يبقي ايدك
حربية
يا ولية اجيب لك منين دلوقتي وانا جاية لك هربانة من بيت خوي
ام صفية
اومال امتي هاقبض منك
حربية
الدنيا تهدئة وهاجيب لك اللي انتي عايزا، ،،،،،،،،،
ومن داخل شقة ملك. في القاهرة تجلس ملك فوق السرير وهو مكتئبة وحزينة ومديحة والدتها تقول لها
برضو مش هاتاكلي
فتبص لها ملك ولا ترد فتقول مديحة
يا ملك اللي انتي بتعملي في نفسك دة غلط. عليكي
فتبص لها ملك ولا ترد وهنا ياذن لصلاة الظهر فتصرخ ملك وتحط ايديها علي ودانها وتقول
اقفلي شباك الاوضة. اقفلي شباك الاوضة.
فتجري مديحة باقصي سرعة وتقفل شباك الاوضة وتقول
اية اللي جرالك يا ملك. لاعايزاني ارقيكي ولا عايزا تسمعي صوت الاذان وتفضلي تصرخي مالك يا بنتي
ملك
انا مش كويسة يا ماما. مش كويسة جسمي كله ازرق وفي كدمات وكان في حد كان بيضربني
مديحة
لا. الموضوع كدة يخوف وما يتسكتش علية، ،،،،،،،
ومن داخل الحجز يجلس ياسين وسط المساجين وكان حزين وبيفكر في ملك وبيقول لنفسه
معقولة يا ملك اهون عليكي. تسيبني وتمشي. للدرجة دي انا رخيص عندك. ولا هي زعلت مني علشان سيبتها وخد السلاح ونزلت وافتكرت انها مش غالية عندي. لا. بس برضو لو حصل انا كنت متعصب ومش عارف انا بعمل اية لازم تستحملني دة انا حبيبها زي ماهي بتقول. مشيتي لية يا ملك زعلانه مني. ولا فعلا ما يشرفكيش اني جوزك يبقي قتال قتلة. ارجعي ملك وخليكي جنبي انا بجد
ما بقتش اعرف اعيش الا ييكي. ،،،،،،،،،
ويعدها بساعة ومن داخل اوضة ملك يجلس شيخ قصاد ملك ويقرأ عليها ايات قرانية وهي تصرخ ويظل الوضع علي هذا الحال لمدة ساعة وينتهي الشيخ من هذة الجلسة ويخرج من الاوضة ويقول لمديحة وشيماء. وحسين اللي كانو واقفين برة الاوضة
ملك معمول لها عمل بجن كافر عاشق وكمان باذية نفسيها
فيصدم كل الحاضرين وتقول شيماء
هو في حاجة اسمها كدة.
الشيخ
يا بنتي السحر موجود وذكر في القران. والاعمال السفلية اللي بتفرق بين الزوج وزوجتة موجودة من زمن الزمن ومش خرافة ولا كذب واللي يقول غير كدة يبقي غلطان
حسين
واية يوصل بني ادم لدرجة انة ياذي بني ادم زية بعمل سفلي خبيث زي دة
الشيخ
قلة الايمان والبعد عن ربنا يخلو قلب البني ادم حجر وساعتها يبقي الشر بلا رادع او كاسر
مديحة
ومين بقي اللي اذي بنتي بالشكل دة
وهنا يسمعوا صوت صراخ ملك فيدخلو كلهم الي الاوضة بمنتهي السرعة ويلاقو ملك ماسكة موس وبتقطع في لحم رجليها فيروح حسين ناحيتها باقصي سرعة ويمسك منها الموس ويبدأ الشيخ في قرات ايات بطلان السحر وهو يقرأ الايات يربط ايديها ورجليها في السرير ويقول
لازم نعرف مين عمل فيها كدة. ونوصل لمكان العمل الخبيث اللي اتعمل لها قبل ما تموت نفسها
ويبص الشيخ لمديحة ويقول وصراخ ملك لا يتوقف
اوعي تصعب عليكي وتحاولي تفكي رجليها او ايديها وديما القرأن يبقي شغال في اوضتها علي سورة البقرة
ويبص الشيخ لحسين
وانت يا حسين لازم تعرف مين عمل لها العمل دة بسرعة وتوصل للمكان المدفون في العمل علشان نقدر نبطله. العمل المعمول اخبث انواع الاعمال السفلية ومعظم اللي اتعمل لهم العمل دة قتلو نفسيهم
شيماء
اكيد الزبالة اللي اسمها حربية هي اللي عملت العمل دة.
حسين
يبقي انا لازم ارجع قنا تاني واتصرف من الحرباية دي ومش هارجع من هناك الا وانا عارف هي دفنت العمل فين
الشيخ
لو وصلت للمكان المدفون في العمل اتصل بيا وهاقول لك تعمل في اية
شيماء
حسين انا هاجي معاك
الشيخ
لا. مش هاينفع خليكي انتي مع مامتك هي مش هاتقدر علي ملك لوحديها، ،،،،،،،،،،،
وليلا ومن داخل مكتب المامور. يسمع المامور صوت خبط علي باب المكتب فيقول
ادخل
فيفتح الباب العسكري ويقول بعد التحية
في واحد اسمه خميس عايز حضرتك بخصوص قضية ياسين
المامور
خلي يدخل
فيدخل خميس وهو مسنود علي مراتة بعد ما تم خياطة الجرح اللي بطنة بسبب طعنة حربية له. وكانت امل معاهم فيبص له المامور ويلاقي بالحالة دي فيقول له
اقعد يا خميس
فيقعد خميس بصعوبة ويقول
انا جاي النهاردة علشان انقذ برئ من تهمه معملاش يمكن ربنا يغفر لي ويسامحني
المامور
تقصد مين بالبرئ دة. ياسين
خميس
ايوة يا باشا. ياسين ما قتلش فاطمة وبنتي امل كانت هي الوحيدة اللي في البيت وقت ما جه ياسين وشافت كل اللي حصل بينه وبين فاطمة
ويبص خميس لبنتة ويقول لها
احكي يا امل يا بنتي علي اللي شوفتي ليلتها، ،،،،،،،،،،
ومن داخل اوضة في بيت صفية تنام حربية علي السرير وتحس بانفاس ساخنة في ظهرها وايد تتحسس جسمها فتصحي من النوم مفزوعه وتلاقي الاوضة فاضية ، فتقوم من السرير وهي مرعوبة وتجري لاوضة نوم صفية وتصحيها من نومها وتقول لها
أصحي يا مراة سو
فتصحي ام صفية وتبص لها وتقول
في أية يا حربية
حربية
انا حسيت دلوقتي بانفاس حد معايا في السرير وايد بتحسس علي جسمي.
فتتخض ام صفية وتخبط بايديها علي صدرها من الفزع وتقول
بتقولي اية. كنك اتمسيتي يا حربية
حربية وهي تمسكها من جلابيتها وتقول
اتمسيت يعني العمل صابني. ازاي دة حصل يا ولية يا خرفانة انتي
ام صفية
ما عرفش ازاي
حربية بغل شديد وبعصبية
يعني اية ما تعرفيش. اتصرفي يا بنت الملعونة. ازاي العمل صابني وازاي انفك منه
ام صفية
العمل مربوط واختك فاطمة بلعت العمل في معدتها
حربية باستغراب شديد
ولية عملت كدة
ام صفية
قالت انا اكدة اكدة ميتة وبدل ما نحط العمل في جت غير جتتها فهي اولي
حربية
يادي المرار الطافح يادي المرار الطافح.
ام صفية
افتكري بس العمل صابك ازاي
حربية
ماعرفش ماعرفش.
وتلطم علي وشها من الخوف والفزع من اللي مستنيها وخصوصا انها عارفة ان العمل بيخلي صاحبة ياذي نفسه وهنا افتكرت حربية ازازة الدواء اللي كانت في اوضة فاطمة وهي شربت منها واتصدمت وبصيت لام صفية وقالت
هو العمل اللي كان معه فاطمة كان في ازازة دواء
ام صفية
اة. مية العمل في ازازة دواء
حربية
يبقي اللي شربتة بيدي دي هو العمل
ام صفية
ولية تشربي حاجة ماتعرفيش اصلها
حربية
كنت فاكرة دواء يخليني اعرف انام وارتاح.
وتمسك حربية. ام صفية بكل غل وتقول
والعمل يا بنت الملعونة
ام صفية
لازم العمل المربوط يكون معانا ونحرقة. وساعتها يتفك العمل
حربية
ودة بس اوصل لي ازاي
ام صفية
تفتحي بطنها وتخرجي العمل
حربية
انتي اتجنيتي اكيد. افتح بطن اختي
ام صفية
عندك حل تاني
فتسكت حربية للحظات تفكر فتقول ام صفية
مافيش حل تاني. ما تفكريش كتير الجن اللي عليكي كافر وهاياخد منك اللي هو عايزة وهايخليكي. تاذي نفسك. لغاية ما تموتي
حربية
طيب اعملها ازاي دي.
ام صفية
مش لازم انتي. اجري اللي يعملها. لو قلبك مش هايطوعك
حربية
يا ولية افهمي جتت فاطمة لستها عند الحكومة بتتشرح مين يقدر يعدي ويدخل عند الحكومة ويفتح بطن فاطمة ويطلع العمل
ام صفية
اي والله صحيح دي شبكة سواد
حربية
بس انا لازم اتصرف، ،،،،،،،
وتعدي الليلة ويطلع النهار وتخلص اجراءات. خروج ياسين براءة. بعد شهادة امل ويقابل ياسين بعد المركز كلا من صديق وبدوي وباقي اخواتة وكانت فرحة كبيرة. ويظهر وسط الحضور حسين اللي كان باين عليه تعب السفر واول ما شاف حسين. ياسين قال
انا ما صدقتش نفسي لما سمعت الناس في البلد بتقول انك طلعت براءة
ياسين فرحا
الحمد لله ربنا ظهر الحق
حسين
الحمد لله. انك طلعت علشان تساعدني في اننا نلحق ملك
ياسين بخضة
مالها ملك
حسين
اتعمل لها عمل سفلي بجن عاشق ممكن يخليها تاذي نفسيها لدرجة انها ممكن تموت نفسها
ياسين. بغضب شديد
يبقي دة الشر اللي عملته فاطمة لملك.
حسين
انا مش فاهم انت تقصد اية. بس ملك ما سيبتكش بمزاجها. دة العمل الخبيث فرق بينك وبينها. ولازم نوصل للمكان المدفون في العمل قبل ما ملك تموت نفسها
ياسين
مافيش غير حربية. اللي توصلنا،،،،،،
ومن داخل بيت خميس يقف ياسين. وحسين قصاد خميس المصاب وخميس يقول له
ومن ساعة ما ضربتني بالسكينة وهربت وانا ماعرفش عنها حاجة
ياسين
هاتكون راحت فين بس.
حسين
مصيبة لتكون سابت البلد
ياسين
احتمال بعيد بس ممكن. خلينا ندور عليها الاول في البلد كلتها وبعد كدة نتصرف، ،،،،،،
وبعدها بكام ساعة وليلا ومن قدام بيت. كبير في قنا وهو بيت دكتور الطب الشرعي المسئول عن تشريح جثة فاطمة تقف حربية قدام البيت وفي يدها شنطة بلاستيك سوداء وفيها 50.الف ج. وتنتظر رجوع الدكتور من شغلة اللي عرفت بيتة من احدي العساكر وبالفعل تقف عربية الدكتور فؤاد قدام بيتة فتروح له حربية وتقف قدام منه وتقول
انت الدكتور فؤاد
فؤاد وهو يبص لها باستغراب
ايوة انا خير في حاجة
حربية
خير باذن الله. بس امسك دول في الاول
وتحط الشنطة البلاستيك في ايدة فيبص فؤاد للشنطة باستغراب شديد ويقول
اية دة
حربية
دول 50.الف ج.
فؤاد وهو يرجع الشنطة ليها. ويقول ببعض الحدة
وبتوع اية دول بقي
حربية
اني عرفت انك انت اللي بتشرح جتت واحدة اسمها فاطمة
فؤاد
اة. والمطلوب
حربية
تفتح بطنها وطلع حجاب اسود كانت بلعتة بالغلط
فؤاد
يعني انتي جاية هنا لغاية بيتي علشان تديني 50.الف ج. رشوة وفي المقابل اديكي حجاب اسود في بطن جثة عندي بقوم بتشريحها
حربية
الله ينور عليك
فؤاد
عارفة لولا انك ست انا كنت فضحتك وخدك من ايدك كدة ورميتك في اقرب قسم. لكن انا صعيدي وهاعتبر نفسي ما شوفتكيش
وتتغير ملامح وشة للجدية الشديدة والحزم
لو عديت دقيقة كمان وانتي لسة واقفة قدامي هارميكي في التخشيية وهاهينك وانسي انك مراة
فتاخد حربية شنطتها البلاستيك وتمشي من قدامة بسرعة
ويبص عليها فؤاد ويقول
لازم اعرف اية حكاية الحجاب دة
وركب عربيتة كمان مرة ورجع للمشرحة، ،،،،،،،،،
وفي نفس الوقت كان ياسين وحسين في بيت ام صفية وياسين بيقول بحدة
ما تنطقي يا مراة يا سو انتي وقولي فين حربية
ام صفية بانكار
ماعرفش
ياسين
حريم البلد شافوها وهي داخلة عندك.
ام صفية
كذابين ولا شوفت حربية من سبوع فات
حسين بعصبية
مش عيب تبقي ولية كبيرة وكذابة
ياسين بتهكم
كذابة دة الكذب هو الحاجة الحلال الوحيدة اللي بتعملها اللي قدامك دي انجس خلق الله وياما سمعنا عنها واحنا صغيرين وكان بنخاف بس نعدي قدام بيتها اللي مليان بالجن والعفاريت
حسين
ولما هي كدة سايبنها لية عايشة وسطيكم
ياسين
علشان عضم التربة. ابوها كان راجل البلد كلتها بتحبة وياما كان في ظهر كل محتاج. لكن نقول اية يخلق من ظهر العالم فاسد
ام صفية
مش خايف وانت عمال تغلط فيا كدة. اسلط عليك اللي يجيبة اجلك
فيقترب منها ياسين ويقول
تعرفي اعمليها. وخلي بالك انا مراتي ملك اتمست ولو طلعتي انتي اللي وراء اللي حصل مش هارحمك
فتبلع ام صفية ريقها بالعافية من شدة الخوف وياسين يقول لحسين
اقعد يا حسين القعدة شكلها ها طول مع الساحرة الشريرة دي
ويقول باستهزاء مخيف
بس عارفة لو روحتي ناحية المقشة وركبتيها وطيرتي برضو هاجيبك واخلص عليكي. فاهمه يا مراة
ام صفية
انتو عايزين تقعدوا ازاي بس انا ست عايشة لوحدي
ياسين
بصي موضوع انك عايشة لوحدك دي انا معاكي انه مايصحش . انما تقولي ست مش حلوة في حق جنس الستات كله انك تتحسبي عليهم. وانكتمي بدل ما اكمتك بيدي. دي مرتي اللي شكلها اتاذيت بسببك
فتسكت ام صفية من الخوف وتمر كام دقيقة من السكوت وهنا يفتح باب بيت ام صفية وتدخل حربية الي البيت علشان تلاقي ياسين قدام منها ومعه حسين فتبص لهم حربية وتقول
يا اهلا بالغالي. بقالنا كتير ماتقبلاش من بعد موت رعد تقريبا
فيقف ياسين ويروح ناحيتها ويقول
وانتي الصادقة من بعد موت فاطمة.
حربية
انا ما شوفتكش وانت بتقتل فاطمة
ياسين
غريبة مع اني انا شوفتك لما فاطمة اتكلمت وطلعت كل السواد اللي جوها حسيتها انتي بالظبط.
حربية
دي حاجة تفرحني ان فاطمة تشبهني. لدرجة انك قتلتها اول ما فكرتك بيا
ياسين وهو يقترب منها
لساتك مصدقة. اني قتلت فاطمة. بس اقول اية اللي كانت عايزا تقتل اخوها تعمل اي شئ
ويمسكها ياسين من رقبتها بمنتهي الغل ويقول بصوت مخيف صوت نابع من بركان غضب ياسين
هي كلمة ورد غطائها. العمل النجس اللي عملته فاطمة لمراتي اندفن فين
فتختنق حربية وتقول بصعوبة
هاموت
ياسين
موتي. ما النظاف هما اللي بيموتو وبيفضل لينا الاوساخ.
ويضغط ياسين علي رقبة حربية بكل قوتة ويقول بصوت غاضب
اندفن فين
حربية بصعوبة شديدة جدا
فاطمة بلعتة علشان تموت ويندفن معها
فيسيب ياسين رقبة حربية وهو يقول
انتم اية شياطين. ازاي انتم بني ادميين.
حربية وهي تاخذ نفسها مش مصدقة ان الاكسجين رجع يضخ في الرئة تاني قالت
بس مش هاتقدر توصل للعمل لان جتت فاطمة لستها بتتشرح. والدكتور ما رضيش ياخد فلوس ويفتح بطن اختي
فيبص ياسين لحسين ويقول حسين
هي بتتعقد لية كدة
ياسين
ياما اتعقدت وبتتحل لوحدها من عند ربنا. بس تعالي معايا
حربية
هتعرف تجيب العمل
ياسين
مالكيش صالح انتي. وافوق بس من اللي عملتي في ملك مراتي وراجع لك اخد بقيت حقي
حربية وهي بتعيط
انت اللي ليك حق. انت اللي حرقت قلبي اللي حبك واتمني ليك الرضا بس انت ترضي. ويبقي ليك حق انا اللي ليا حق عندك وحقي هخده منك
ياسين
انتي مجنونه وبجحة. وتربية ابليس. ومراة خاينة
ويمسكها من ذراعتها وهو قرفان وبيقول
وفي ليلة ما قفت الباب في وشك وقولت لك اياك تتكلمي في الحوار دة حتي بينك وبين نفسك. كنت قاصد كل كلمه يا اعفش خلق الله
ويبعدها عن سكتة ويخرج من بيت ام صفية ومعه حسين فتبص لها ام صيفة وتقول
انتي بتعشقي ياسين.
حربية وهي بتمسح دموعها تقول
انكتمي يا مراة وخلينا في المصيبة اللي احنا فيها دي
ام صفية
المصيبة انتي عملتيها يوم ما قولتي لياسين علي مكان العمل
استغربت حربية وقالت
لية
ام صفية
لو وصل ياسين للعمل وحرقة. الجن اللي سخرته لخدمتي انتقامه مننا هيكون مرار طافح لاننا فتشنا السر
حربية
وكنتي عايزاني اعمل اية وهو لافف يدة حوالين رقبتي اسيب نفسي للموت
فلتطم ام صفية وتقول
كدة هتموتي وكدة هتموتي. لازم احنا اللي نوصل للعمل ونفك السحر زي ماعملنا
حربية
واوصل ازاي بس للعمل والدكتور اللي بيشرح فاطمة رفض حد يسمعني وكان هايحبسني
ام صفية
اتصرفي يا حربية. انا مش عايزا اموت،،،،،،،،
وفي نفس الوقت ومن القاهرة كانت ملك تتوجع بشدة وتتالم وتصرخ من صوت القران الشغال وامها وشيماء اختها ينظرو لها ولحالها اللي يصعب علي الكافر وتقول مديحة اللي قلبها بيتقطع علي بنتها
ما تتصلي يا شيماء بحسين شوفي وصل لجديد ولا لسة
شيماء
يا ماما انا لسة مكلما قدامك من 1/2 ساعة وقال لسة مافيش جديد.
مديحة
اتصلي بي تاني
واثناء ما كانت شيماء بتتصل كانت ملك استطاعت فك ايدها اليمين وبدأت تجرح نفسها بظوافرها فشافتها مديحة فصرخت وقالت
سيبي الموبيل يا شيماء وساعديني نربط ايدها اللي فكت دي وفعلا حاولو الاثنين جاهدين السيطرة علي ملك. اللي كانت هايجة جدا وبعد معاناة قدروا يربطو ايدها اليمين تاني ورجعت شيماء للموبيل لقيت حسين فاتح الخط وبيقول
شيماء اية اللي بيحصل عندك
شيماء
ملك هايجة علي الاخر ومش قادرين عليها. بالله عليك حاول توصل للعمل المدفون دة خلي اختي ترتاح
وتنهي شيماء المكالمة وتبص لاختها اللي بدا جسمها يتعب وينهار من كتر التشنجات وهدئت قليلا، ،،،،،،
ومن داخل بيت ام صفية يقول حسين لياسين
ملك بتتعذب يا ياسين ولازم نعمل حاجة بقي ونساعدها
ياسين
مافيش غير اننا نروح المشرحة ولو لزم الامر أفتح بطن فاطمة واطلع العمل
حسين
هايجي لك قلب تقطع في لحم ميت
ياسين
عمري ما تخيلت ان اعملها. بس عذاب ملك بيقطع قلبي اكتر
حسين
بلاش نقطع في لحم ميت وخلينا نفكر في حل تاني.
ياسين
يبقي ما فيش غير صديق يكلم اي حد من معارفة يوصلنا للدكتور اللي بيشرح جثة فاطمة
ويخرج ياسين وحسين من بيت ام صفية وكان ياسين اخرج موبيلة بمنتهي السرعة وكلم صديق، ،،،،،،،،
ومن داخل المشرحة يقف الدكتور فؤاد قدام جثة فاطمة ويبدأ في تشريح المعدة واخراج العمل الخبيث اللي كان علي شكل حجاب اسود شكلة خبيث ومكتوب جوة منه كلمات بالدم ويمسك فؤاد هذا العمل ويقول
اعوذ بالله. دة مش باين علية حجاب خالص
وخرج بي من المشرحة ،،،،،،
وفي نفس الوقت بدأ انتقام الجن الكافر من اللي عرفت مكان العمل المربوط لحربية ودة في مجال الاعمال السفلية يعتبر خاين للخادم اللي اتحضر وان كان اللي حضرة اقوي منه ما يقدر علية الجن وان كان الجن اقوي منه اذاة انتقاما منه. وبالفعل بدات ام صفية تقطع في لحم
جسمها بسكين وكان المنظر مخيف ونالت ما تستحقة. ووقعت علي الارض غرقانه في دمها. وكانت حربية في نفس الوقت بتقف قدام المبني اللي في المشرحة ووسط هدومها سلاح الالي ومستنيا خروج ياسين من المبني ومعه العمل وفعلا خرج ياسين من المبني ومعه حسين واول ما يدخل الاثنين في شارع جانبي بعيد عن الخلق تظهرلهم حربية وتصوب السلاح الالي ناحيتهم وتقول بتهديد
عرفت انك وصلت للعمل عن طريق معارف صديق.
ياسين
والمطلوب
حربية وهي بتشد الاجزاء تقول
تطلع بالعمل والا بموتك انت وصاحبك
ياسين
العمل اتحرق وخلاص خلصنا
حربية وهي مصدومة تقول
دة يبقي بموتك
وقبل ما تضغط علي الزناد تلاقي عضم ايدها بيتلف عكس اتجاهه وصوابعها بتنكسر فترمي السلاح وهي بتصرخ من شدة الوجع وبتقول بصعوبه
شكل الجن الخادم بينتقم زي ما ام صفية قالت
وتنزل عند رجل ياسين وتقول بصعوبة وعضم جسمها كله بيتكسر
ابوس رجلك نجيني
لكن ياسين يبص للمنظر وكمية الصراخ والالم اللي حاسة بي حربية وتصعب عليه لغاية ماتفارق الحياة وتطلع روحها للي خلقها. ويبص حسين للمنظر ويقول
اية كمية الوجع دة
ياسين
اخرة الطريق العفش. اهي حربية عملت كل شئ هي وخوي جمال واتفقوا عليه علشان ياخدوا مني ارضي والاثنين ماتو وسابو الارض وراحو لملك ملوك الارض. طلعوا من الدنيا زي ما دخلو. ماحلتهمش شئ. هاتنفعهم الارض باية وهتحوش عنهم اية ولا اي شئ. ،،
ويبص ياسين لحربية اللي شكلها وهي ميتة يدل علي نهاية سواد شبه اعمالها وخرج موبيلة واتصل بالاسعاف وحسين كان بيقوله
بتكلم مين
ياسين
الاسعاف. يجي يشيلوها دة اكرام الميت دفنه
وفعلا كلم الاسعاف وبعد كدة بعت لخميس مرسال وقاله علي اللي حصل لاخته، ،،،،،،،،
ومن القاهرة وفي نفس الوقت كانت ملك بدات ترجع لطبيعتها والصراخ والوجع راحو. وبصيت لها مديحة وشيماء وخدوها بالحضن من شدة الفرحة وملك تبص لهم وتقول
فين ياسين
مديحة
جاي يا حبيبتي جاي. ،،،،،،،
وتمر كام ساعة ويصل ياسين الي القاهرة ومنها الي شقة حماتة ويدخل لملك وياخدها في حضنة وهو يقول
الف حمد لله علي سلامتك يا ملك
ملك وهي بتعيط
شوفت اللي حصل لي.
فيطبط عليها ياسين ويقول
انسي كل اللي فات وخلينا نبتدي من النهاردة.
ملك
انا خايفة ارجع هناك تاني. انا مقدرش اعيش وسط الشر دة
ياسين
متخافيش خلاص حربية الجن خلاها تطقطق. زي الفشار
فتبتسم ملك وتقول
انا مش قادرة اضحك علي فكرة.
ياسين
وانا مش عايز من هنا ورايح الا ضحكتك تملي علية الدنيا
ملك
ماتخلينا قاعدين هنا شوية.
ياسين
بلاش هنا تعالي نسافر شرم.
ملك فرحا
بجد والله
ياسين
اية يا ملك انتي ناسية اني مليونير واحنا محتاجين شهر عسل دة احنا عرايس
ملك
مش ناسية
ياسين
طيب فين بقي ضحكتك اللي بتخليني احب الجري
ملك
انت بتجري لما بتسمع ضحكتي لية ان شاء الله
ياسين
عاملة زي انذار الحريق. عايزاني اعمل اية لما اسمعها
فتضحك ملك بشدة وتقول
اديني ضحكتلك قوم اجري بقي
ياسين
انا هاجري اهو. بس هاجري اروح حضنك
وياخدها ياسين في حضنه وهو فرحان جدا وابتدت ايام القناوي مع موال الفرح.
وبعدها باسبوع من جوة الاتوبيس المتجة لشرم الشيخ يقعد ياسين وتنام علي ذراعه ملك. وكان ياسين بيبص لملك بحب شديد وسرحان في ملامحها ومخرجهوش من الحاله دي الا ريحة بص كانت جاية في قفاه فتغيرت ملامح وشة وبص وراء منه يشوف الربحة دي جاية منين لقي الصعيدي اللي قابلة في الارض ليلة ما كان نازل القاهرة فقال له ياسين
يحرق ابو اللي جابك هو انت
الصعيدي
لساتك فاكرني مع انك ما بتسالش عليه خالص ولا كاننا اصحاب
لسة هايتعصب ياسين افتكر ان ملك نايمة علي ذراعه فقال بصوت واطي وهو متغاظ
اصحاب. دة انا يا بارد معرفشي اسمك
الصعيدي
اسمي تيم حسن شاه ترك
يتعصب ياسين اكتر واكتر ويبص بطرف عينه لملك ويقول
امتي بقي في في الصعيد تيم وبعدين دي خلقة تيم. دة انت احول يا حزين.
الصعيدي
بس عيوني بصلي فسدقي
ياسين وهو بيجز علي سنانه
اخفي من وشي بدل ما احدفك من الاتوبيس
فيبص الصعيدي لملك ويقول
مين دي بنتك
ياسين بزهق
اة بنتي. غور بقي
الصعيدي
بنتك ازاي بس وهي من سنك انت بتضحك عليه
ياسين
وعهد الله لو ما مشيتش من قدامي لصحيها واعرف شغلي معاك
الصعيدي
خلاص يا بلدينا ماشي. انا مش عارف اية اللي غيرك مني كدة
ياسين
يا حلاق. هو انت كنت خطيبتي وانا ناسي. يحرق ابو اللي جابك
فيمشي الصعيدي وهو خايف ويرجع تاني ياسين يبص لملك.
ويبدأ ياسين وملك شهر العسل واحنا لو فضلنا معاهم في شهر العسل يبقي دمنا تقيل سيبوهم يتهنوا ببعض. علشان بعد كام سنة كدة من جوازهم يحصل اللي ماحدش ممكن يتوقعه وتبدأ حكاية القناوي وطريق الدم
النهاية
مستني راي كل اللي شرفني بقراءة القصة
باذن الله بكرة اول حلقات الموسم الثاني بعنوان القناوي وطريق الدم.
اروع من الروعة لك الشكر
ردحذفجميلة جدا وجذابة ربنا يوفقك للأحسن دايما
حذفحلوة اوى اوى
ردحذفبس اوعى الجزء التانى يغير ياسين
رائع واصل
ردحذفتم
ردحذفقمة الروعة
ردحذفتسلم أناملك
ردحذفدائما متميز
ردحذفالله عليك الجزء التانى كملها
ردحذفمن اروع ماقرات برافو
ردحذفقصة جميلة تسلم الايادي الى كتبتت الرواية تم تم تم تم تم
ردحذفأحدث جميله جدا
ردحذفروعه
ردحذفاكتر من رائع تسلم ايدك كعادتك دائما مبدع بالتوفيق دائما يارب
ردحذفتك تم تم تم تم تم تم تم تم تم تم تم تم تم
ردحذفجميلة جدا كملي
ردحذفإنت فعلا هايل الأسلوب فى الكتابة راقى
ردحذفتحفة تحفة تحفففففة
ردحذفرائعه تسلم الأيادي
ردحذفالله عليك تسلم ايديك روووووووعه
ردحذف