صابره والايام
★الحلقة السابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي نفس الوقت كان نادر بيبص في الموبيل بتاعه علي صورة صابره المرسومه في الفيس بوك وتحت الصوره مكتوب ( من يعثر علي هذه الفتاه وتدعي صابره له مبلغ مالي 5 مليون جنيه هديه )
وتحت هذا الكلام رقم موبيل خاص بالسيد عامر فيقف نادر ويروح ناحيه البالكونه ويتصل بالسيد عامر ويقول
الو
السيد عامر
ايوه مين
نادر
انا نادر و عارف مكان صابره
وفي الوقت دة ياخذ حسن الموبيل من علي ودن نادر فيقول نادر بعصبيه
أيه ده ايه اللي انت عملته ده
وما يردش حسن ويحط ايدة علي بوق نادر بمنتهي الغل وينهي المكالمه مع السيد عامر فتظهر له صفحه الفيس ونادر يحاول ان ياخذ الموبيل من أيد حسن ولكن حسن يشوف صوره صابره المرسومه والمبلغ المعروض ويتصل السيد عامر ب نادر ولكن حسن يقفل الموبيل خالص ويشيل ايده من علي بوق نادر واول حاجة يقولها نادر وبمنتهي البجاحة
هات الموبيل. دة
لكن حسن يسحبة من ذراعه برة ويخرج بي برة الشقة ويطلعوا علي سطح. البيت وحسن بيقول بعصبية
انت عايز تبيع مراتك يا اوسخ خلق الله
نادر بعصبيه
وانت مالك مراتي وانا حر فيها أبيعها احرقها انا حر
حسن
انت عارف هاتبيعها لمين
نادر
مش مهم مين المهم انها طلعت تساوي 5 مليون جنيه
حسن
هو ده المهم عندك انما انهم هايقتلوها ده مش مهم
نادر
ما يقتلوها انا مالي
حسن
انت مالك ازاي مش صعبانه عليك ده انت عارف قصتها من اول ما اتولدت لغايه مأنت أتجوزتها ايه ما صعبتش عليك. دي من ساعه ما أتولدت ما شفتش يوم حلو جاي انت كمان تبيعها دي مراتك
نادر
انا أبيع نفسي بس يكون معايا فلوس اصرف واجيب اللي نفسي في مستناش لما واحد بخيل زيك يمن عليه بفلوسه ده انت حتي لما كنت في السجن وقولت اروح اخلي بالي من محلات الجمله بتاعتك حسام منعني من دخول المحل وقالي ممنوع من دخول المحلات بأمر منك وخليت واحد غريب شغال عندك هو اللي يخلي باله من تجارتك
حسن
عارف ليه لان الغريب ده عمره ما هيسرقني وهيخلي باله من فلوسي زي ما اكون انا موجود وأكتر انما انت لو كنت مسكت المحلات بتاعتي كنت سرقتني مع انك اخويا بس حرامي وديما مستكتر عليه النعمه اللي في ايدي وبعدين انا حر في ملكي
نادر
وانا كمان حر في مراتي وانا ناويت أبيعها واخد ال 5 مليون جنيه
حسن
للدرجه دي صابره رخيصه عندك
نادر
دي واحده انا جايبها من علي الرصيف يعني ماتسواش حاجه
حسن
ولما هي ماتسواش حاجه خليتها مراتك ليه
نادر
تقدر تقول عجبتني وكنت عايزها وخلاص وعلشان توصل لواحده من بتوع الشرف والكلام المقرف ده لازم تتجوزها واتجوزتها علشان ااقضي معها يومين وترجع للرصيف تاني
حسن
انت واطي اوي يا نادر لان مش اي حد علي الرصيف رخيص صابره دي اشرف منك ميت مره ولو هي رخيصه عندك فهي عندي غاليه جدا
نادر
يعني ايه مش فاهم
حسن
انت عايز تبيع صابره بي 5 مليون انا هاشتريها
نادر باستغراب شديد
حسن البخيل هايدفع 5 مليون في صابره
حسن
شوفت بقي.
نادر
انت بتحبها بقي وكنت هاتخنقني وتموتني علشانها انا بردو ما دخلش عليه حكايه انك تعرف واحده شابها واسمها صابره بردو. بس كنت قولي والله ما هستخسرها فيك. دة كمان كنت ممكن اجوزهالك وهي مراتي
حسن
بطل رخص بقي. انت اية شيطان.
نادر
لا بني ادم مالحقتوش ولا مليم عايش عويل علي اخوه الكبير
حسن
مالوش لازمه كل الكلام ده قولت ايه تاخد ال 5 مليون وتطلق صابره وما تبلغش عن مكانها
نادر
اطلقها ليه انت ناوي تتجوزها
حسن
هاتفرق معاك انت بتبيع وانا بشتري ومافيش بياع بيقول للي بيشتري منه حاجه هاتعمل بيها ايه المهم الفلوس مش ده كلامك
نادر
ايوه المهم الفلوس و انا بالفلوس اجيب 1000 زي صابره واحلي منها
حسن
ماتعرفش علشان صابره واحده بس
نادر
ماشي يا حب. بس عايز ااقول لك ان صابره دي بارده اوي في اللحظات الحلوه. فاهمني طبعا فبلاش تتجوزها. لان لغاية دلوقتي مش عارف ادخل بيها ولسة انسه
حس حسن ان فعلا صابره لي وربنا عمل دة كله علشان هي لي وبس مش لحد تاني لكن حسن ما بينش وقال
دي حاجه تخصني انا مش انت
ويخرج حسن دفتر الشيكات من جيبه ويكتب شيك بمبلغ 5 مليون ويلوح بالشيك قدام عيون نادر ويقول له
الفلوس اهه شيك بي 5 مليون جنيه
فيمد نادر يده كالمسعور لكي يمسك الشيك من أيد حسن ولكن حسن يبعد الشيك عن نادر وهو بيقول
ورقه طلاق صابره الاول
فيخرج نادر عقد زواج عرفي من جيبه ويدي ل حسن وياخذ منه الشيك وهو يقول
قطع الورقه دي وكده هي بقت طالق
فيبص حسن في العقد ويقول بنرفزه
أيه ده يا اوطي خلق الله. عقد جواز عرفي
نادر
أه اومال انت. كنت عايزني اتجوزها رسمي ده انا جايبها من علي الرصيف كل شويه افكرك
فيضربه حسن بالقلم بكل الغضب الموجود في الدنيا ويقول
حرام عليك انت ايه يا اخي حيوان كده انت زنيت بيها
نادر بنرفزه
انت بتضربني ليه انت مالكش ضرب عليه فاهم ولا لا طيب والله ما أنا قاعد لكم فيها
ويمشي نادر من قدام حسن وحسن ينزل علي ارض السطح وهو حزين ومخنوق بسبب اللي عمله نادر مع صابره ويقطع الورقة بمنتهي العصبية. ويقول
حقك عليه انا يا صابره ماحدش عرف يربي اخويا.
ويبكي علي صابرة ويقول
لية يا نادر كانت اذيتك في اية. دي طول عمرها طاهرة وعفيفة،،،،،،،،
وفي نفس الوقت ومن جوة شقه شهد الرقاصه كانت شهد بتعمل بروفه علي رقصتها الجديده فيرن جرس الباب فيفتح الباب احدي اعضاء فرقتها فتلاقي جريشه اللي حاول قتل حسن في السجن واللي اتحكم علية ب 10 سنين بعد ما اعترف عليه مرشد كان جوة التخشيبة وقالت شهد اول ما شافته
جريشه انت هربت ولا ايه
جريشه
أه هربت ومش هارجع السجن تاني الا لما اخد روح حسن
شهد
وهو فين حسن ده في السجن
جريشه
حسن خرج يا شهد. حسن سير وسلوك
شهد
خرج لقضاه
جريشه
عرفيني عنوانه عايز اشرب من دمه
شهد
بس كده انا كمان نفسي اخد حق عواد منه. بس اصبر ليلة علشان اكيد الحكومة قالبة عليك الدنيا، ،،،،،،
وتاني يوم ومن جوة البنك كان نادر قاعد مستني تحضير مبلغ ال 5 مليون رن الموبيل بتاعه. فيرد قائلا
دة انا من ساعه ما فتحت الموبيل وانت عمال ترن. مين انت
السيد عامر
نادر معايا
نادر
انا نادر
السيد عامر
انا السيد عامر وبتصل بيك بخصوص صابره انت كنت اتصلت وقولت انك تعرف مكانها
فيقول نادر في سره
هو انت. دة انت باين عليك انت كمان حيحان علي البت دي.فرصتك وجت لك ولازم تستغلها يا نادر
وفي وقت ماكان نادر سرحان يسمع صوت السيد عامر يقطع افكارة ويقول له
نادر انت معايا
نادر
أيوه انا عارف مكانها بس بصراحه في ناس دفعت لي 10 مليون علشان ما قولش علي مكانها ليك
السيد عامر
ناس مين
نادر
جوزها
السيد عامر
طيب يا استاذ نادر انا هاديك 15 مليون وتعرفني مكانها
نادر ولمعه الطمع في عيونه
15 مليون. موافق طبعا. سلام دلوقتي وانا هابقي اتصل بيك تاني ،،،،،،،،،
وينهي السيد عامر المكالمة فتبص له زهرة وتقول
دة باين عليه طماع.
السيد عامر
اللي زي دة تعرفي ازاي تاخدي منه اللي انتي عايزا.
زهرة
بس 15 مليون مبلغ كبير اوي
السيد عامر
يعرفني بس مكانها وهاخلي ياخدها بالحضن في نفس القبر، ،،،،،،،،،
ومن جوة شقه حسن كانت صفيه تقف عند باب اوضة صابره ولتخبط علي الباب بمنتهي العنف وهي بتقول
أنتي يا ست هانم يالي نايمه لغايه دلوقتي
فتفتح صابره الباب وهي تقف علي رجل واحده وتبص
ل صفيه وتقول
خير
صفيه
مش ناويه تخرجي من اوضتك وتورينا وشك الجميل
فتتوجع صابره وتقول
اصلي رجلي بتوج،،،،،،،،،
صفيه مقاطعه لها
والمواعين دي مين هايغسلها والمطبخ عايز يتنظف
صابره
ممكن بكره لاني دلوقتي مش هقدر اقف علي رجلي
صفيه
يعني ايه بكره انا ما حبش المطبخ بتاعي يبقي معفن مش كفايه اني عملت لك الطفح كمان ها غسل المواعين
صابره مغلوبة علي امرها
حاضر
وتروح صابره للمطبخ وهي لتتوجع وماشية علي رجل واحدة وصفية تروح ناحية الشاشة وكانت بتقول
أعملي لي كوبيه شاي
فتبص لها صابره. ودموعها بتصرخ بميت اهه واهه. اة. من وجع رجليها واة من وجع الذل اللي هي في وتحط المية في الكاتيل وتغلي المية وتمسك الكاتيل ولكن توازنها أختل فوقعت علي الارض والمية المغلية جت علي ايدها فصرخت صابره بسبب حرق أيدها وبدات تتوجع وتمسك ايدها وصفيه قامت وراحت ناحية المطبخ وشافت المنظر وقالت بلامبالاة
ماكنش شويه ميه دول اللي وقعه عليكي
وبمجرد ما قالت كدة كان حسن في ظهر امه وبيبص للي بيحصل وشاف المية المغلية بالكاتل جنب منها
فيمسك حسن أيدها المصابه ويبص للحرق وهو بيقول
وانتي ايه بس اللي دخلك المطبخ
صفيه
انا. هي ايه هاتفضل راقده علي السرير وانا هاخدم عليها
حسن
حرام عليكي يا امي ده رجليها مكسوره وانتي عارفه يعني ايه كسر
صفيه
نعم يا عم حسن انت كمان تعالي اضربني. علشان خاطرها
وتسيبهم صفيه وتدخل اوضتها وهي متعصبه فيمسك حسن أيد صابره المحروقه وماحسش بنفسه الا وهو بيبوسها وبيقول
حقك عليه انا
فتبعد صابره أيدها عن حسن وتقول بعصبية
ايه اللي انت عملته ده
حسن
عملت ايه
صابره
انت عارف
وتبتعد عنه فيمسك حسن أيدها ويحطها تحت مياه الحنفيه ويقول لها
الميه دي ها تخليكي تبقي احسن ياريت الوجع اللي انتي حساه احسه انا مكانك
صابره وهي بتبص في عيون حسن وتقول
انت عينك فيها سحر غريب بتخليني عايزا أفضل بصا ليهم وماشوفش غيرهم بس ما ينفعش
وتبعد أيدها مرة تانية عن ايد حسن وتقول
انا مرات اخوك ما ينفعش
وتخرج من المطبخ فيقف حسن قدام منها ويقول
هو انا ضايقتك ولا حاجه
صابره وهي مش عايزا تبص في عيونه تقول
لا مافيش مضايقه ولا حاجه
حسن
اومال عايزا تسيبني وتمشي ليه
صابره
علشان انا مرات اخوك وما ينفعش سيبني امشي انا خايفه
حسن
خايفه من ايه
فتسكت صابرة وتقول في سرها
من حبك اللي عمال يكبر في قلبي من كل لحظه بتمني فيها اني اترمي في حضنك واقول بحبك صابره بتعرف تحب وبتحبك يا حسن بس لازم اهرب من حبك بس اهرب اروح فين هو الحب حد يعرف يهرب منه. دة انت الوحيد اللي بتحن عليه في الدنيا القاسية دي الوحيد اللي عرفته من كام يوم وحسيت اني اعرفك من سنين. حاسة اني قبلت نادر علشان اشوفك انت
حسن
انتي ساكته ليه اتكلمي
صابره
ابعد عني
حسن
صابره انتي بتحب نادر
صابره باستغراب
نادر. أيه لزمه السؤال ده
حسن
ردي عليه بتحبي نادر
صابره
انا، ،،،،،،،،
ولكن في هذه اللحظه يدخل جريشه ومعه شهد الي الشقه ويبص جريشه ناحيه حسن ويقول له حسن
أنت
جريشه وهو يهجم علي حسن بكل قوه يقول
ايوه انا جاي علشان اخد روحك ومش هتفلت مني المرة دي
ويضرب جريشه حسن لكمه قويه جدا تسقط حسن داخل المطبخ فيهجم جريشه عليه مره اخري ولكن حسن يقف مسرعا ويمسك الكايتل ويرمي في وش جريشه فيصرخ جريشه ويتالم ولكنه يستمر في الهجوم علي حسن وفجاه يسمع حسن صرخه صابره المكتومه وهي تقول
حسن
ويبص حسن ناحيه صابره فيلاقي نادر بيكمم بوقها وخارج بيها من الشقه وسط مقاومه من صابره وفي لحظه نظر حسن علي صابره يضربه جريشه لكمه قويه تفقد حسن توازنه فيحمله جريشه ويقول
زي ما رميت اخويا من الشباك هارميك
ويتجه جريشه ناحيه الشباك وهو يحمل حسن وتخرج صفية وهي بتصرخ علي منظر ابنها وجريشة بيرمي من الشباك ولكن ،،،،،، ،،،،،،،،
استنوني بكرة باذن الله والحلقة الاخيرة. ويارب حلقة النهاردة تكون عجبتكم. سلام يا احلي جمهور
تم
ردحذفتحفه بجد
ردحذفجميلة جدا جدا
ردحذفتسلم أناملك
ردحذفجميلة جدا
ردحذفجميلة جدا كملي
ردحذفرائعة
ردحذفتسلم يا احلى كاتب
ردحذفتم تم تم تم تم تم تم تم تم تم تم تم تم تم
ردحذفتم
ردحذف