الهام واللي كان الحلقة الاخيرة

 صابره والايام

                        ★الحلقة السادسة★

من تاليفي، ، 

محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                      

★وتشاور صفية ناحية صابره فيبص حسن لصابره ويصدم صدمه رهيبه دي هي صابره حبيبته صابرة اميرة احلامه بدا قلبه يدق بمنتهي السرعة وقال 

صابره

 

صابره باستغراب 

انت تعرفني

نادر

حسن انت تعرف صابره مراتي

فيصدم حسن ويبص ل نادر. ويقول له بنرفزه وهو يمسكه من لايقه القميص ويخنقه بعنف 

مراتك يعني ايه ازاي مراتك أزاي ازاي انت ايه كل حاجه بتسرقها مني ليه. امك وسرقت حبها. سنين من عمري قضتها في السجن بسببك وكمان عايز تسرق مني صابره. لا صابره لا. فاهم صابره لا 

ويفضل حسن يخنق في نادر وهو في حاله هياج شديده مش مصدق ان دة حصل اللي فضل يحلم بيها سنين تبقي متحرمه عليه وصرخت صفية وزقت حسن بعيد عن نادر وهي بتقول 

سيب رقبه اخوك هاتخنقه. 

وقعد حسن جنب نادر وهو بيبكي وبيبص لصابره بعيون مشتاق محروم. وصابره بتبص له باستغراب شديد ويكح نادر بسبب خنق حسن لي. وقال نادر بعصبية 

كنت عايز تموتني يا حسن بس اعرف اني انا مش هاسيبك وبعدين ايه حكايه صابره لا. انت تعرف صابره منين 

ويقوم نادر ويمسك صابره من أيدها ويقول

انتي تعرفي حسن اخويا

صابره وهي عماله تبص ل حسن باستغراب وفي نفس الوقت نظره اشتياق كانها تعرفه لكن تعرفه ازاي وهي عمرها ما شافته. فيشخط فيها نادر ويقول

انطقي تعرفي

صابره 

انا اول مره اشوفه

حسن وهو خايف عليها من قسوة اخو

وانا كمان اول مره اشوفها انا افتكرتها واحده تانيه اصلي اعرف واحده شابها بالظبط 

نادر

واللي انت بتكلم عنها اسمها صابره بردو

حسن وهو بيبص لصابرة

اه اسمها صابره 

نادر

وتخنقني علشان واحده

حسن

انا خنقتك علشان كل اللي شوفته بسببك مش علشان واحدة. ولا انت ناسي انا اتسجنت ليه ومين كان السبب

نادر

انا ماقولتكش تقتل 

حسن بعصبية

وهو انا اتسجنت علشان قتلت. المحامي قدر يثبت ان دة كان دفاع شرعي عن النفس. انت اتسجنت في بنت شهد اللي رميت بلاها عليه في عمله انت اللي عملتها

نادر

شهد عملت كدة علشان انت قتلت عواد جوزها. وكانت عايزا تاخد حقها منك وانت ما تعرفش انا عملت اية علشان اثبت برائتك

حسن

انت ما عملتش اي حاجة انت وقفت تتفرج عليه وانا بتسجن ظلم. دة انت كمان دفعت لشهد علشان تشيلك من دماغها

نادر اتصدم وقال

انت مين اللي قالك الكلام الفارغ دة

حسن 

اللي قالي قالي. حتي يشهد عليك المحل بتاعك اللي بعته بنص مليون. واترموا في حضن شهد

نادر

حسام الكلب بتاعك صح

حسن بعصبية

حسك عينك تغلط في بني ادم نظيف زي حسام. والا هاديك بالجذمة

صفية

خلاص بقي يا حسن ما ضيعش فرحتنا بخروجك في مشكلة جديدة بينك وبين اخوك

حسن بعصبية 

مش لو اخويا. اسمعني كويس انت تلم كل اللي يخصك في الشقة هنا وتغور ما،،،،،،،

ويسكت حسن لان عينه وقعت علي صابرة ولو طرد نادر يبقي انكتب عليه ما يشوفش صابرة تاني وهينكتب عليها البهدلة مع نادر اللي ما عندوش مصدر دخل فقال نادر

عايز تطردني من بيت ابويا

حسن بكسرة قدام قلبه واللي عايشة في صابرة. وترغرغ عيونه بالدموع

مش هقدر. انا داخل اوضي ارتاح 

نادر

قبل ما تدخل. خلي امك بقي تبارك الجوازه بدل ماهي غضبانه كده عليه وخليتني اتعصب عليها وعملت حاجه عمري ما كنت هاعملها 

حسن وهو بيبص ل صفيه

خلاص يا صفيه باركي الجوازه بقي وحقك عليه في اي حاجه زباله هو عاملها

صفيه

انت بتقول ايه يا حسن ده رماني بره الشقه علشان خاطرها 

فيبص حسن ل نادر ويقول

بوس راس امك وقول لها حقك عليه

فيروح نادر ناحيه صفيه ويبوس علي راسها ويقول

حقك عليه يا ست الكل انا غلطان 

فتبص له صفيه وما تردش ،،،،،،

ومن جوة فيلا زهره كان السيد عامر يقف امام زهره

وزهره منفعلا انفعال شديد وهي تقول

يعني ايه مش لاقيها يا عامر انا عايزه بنت عائشه حيا او ميتا

السيد عامر

انتي عارفه انها من ساعه ماهربت مني وانا بدور عليها لكن مافيش فايده ملهاش اثر

زهره

انا ماليش دعوه بالكلام ده كله اتصرف يا عامر دي من الاول غلطتك انت يوم ما عرفت تهرب منك. ما تباقش بين ايدينا وتهرب 

السيد عامر

كلام ده عده عليه سنين وانتي كل شويه تفكريني انها غلطتي وانا قلبت عليها الدنيا اعمل ايه تاني اكتر من اللي عملته

زهره

نزل لها صوره في الجورنال واكتب تحت منها اللي هايجيب اي معلومه توصلنا ليها هياخد 5 مليون جنيه

السيد عامر باستغراب

5 مليون جنيه مش كتير

زهره

لا مش كتير بس اشوف بنت عائشه ميته 

السيد عامر

طيب وانا اجيب صوره ليها منين

زهره

تجيب لي احسن رسام في مصر وانا هاوصف له ملامح وشها وهو يرسمها وننشر الصوره في كل الجرايد وعلي مواقع النت عايز الصوره تنتشر في مصر كلها في اسرع وقت ممكن،،،،،

واترسمت الصورة وبقيت صورة صابرة في كل المواقع والجرائد العامة والمجلات. وفي نفس الوقت ومن جوة شقه حسن يقعد حسن ونادر وصفيه وصابره علي السفرة وكانو بياكلو وحسن كان بيبص ل صابره وصابره بتبص له وهي بتحكي حكايتها وبعد ما خلصت قال حسن 

يا. كل ده ظلم انتي شوفتي في حياتك

صايره

الحمد لله علي كل حال

فتبص صفيه ليها بي لامبالاه وتقول بنبره حاده 

واحنا بقي المفروض نصدق كل الحكاية دي. ونصدق اصلا ان في واحدة شافت كل دة 

صابرة

هي دي الحقيقة وانتم اللي طلبته مني اني احكيها. وانا ما بكذبش.

صفية 

طيب يالي ما بتكدبيش لو خلصتي اكل قوم شيلي الاطباق وخشي بيها علي المطبخ واغسليهم ولا انا اللي هالم من وراكي

فتبص لها صابره وتبتسم في وجهها وتقول 

لا. طبعا انا هنا في خدمتك انتي زي امي

صفية بقرف

طيب اخلصي 

وتقف صابره وتشيل الاطباق مع انها كانت لسة ما خلصتش اكل وتقول 

فين المطبخ

صفيه

في وشك اهو ولا انت عمياء

فتبص لها صابره وما تردش وتروح ناحيه المطبخ فيبص حسن ل صفيه ويقول

ما تروقي كده يا امي واهدئي علي البت حرام عليكي مش هاتبقي انتي والزمن

صفيه

هو انا عملتلها حاجه انا عايزها تنطف مطرح ما كلت ولا انا اللي هانظف

نادر

لا طبعا يا ست الكل هي اللي تنظف وتشيل وتحط وتعمل كل حاجه انا اصلا اتجوزتها علشان راحتك

صفيه

انت عمرك ما عملت حاجه علشان خاطر حد انت عايش لنفسك وانا اللي وصلتك لكده بدلعي ليك 

نادر

ماتروقي يا امي وخلاص بقي حقك عليه

فتبص له صفيه وتقول

خلاص مافيش حاجه انا مش زعلانه انا بس مضايقه رايح تتجوز واحده ملهاش اصل وجايه من بلد تانيه وياعالم بنت حلال ولا. بنت حرام 

وتسمع صابره اللي قالته صفية وهي راجعه تشيل بقيت الاطباق وتقول بحرقة 

انا بنت حلال وكفايه بقي لو سمحتي تجريح فيه. انا مش عدوتك ولو جوازي من ابنك سبب المشاكل دي كلها انا ممكن اخرج وارجع للشارع تاني واريحك مني 

وتروح ناحيه اوضتها وهي بتعيط بحرقه فيبص نادر لصفية ويقول 

ليه كده بس 

ويدخل وراء صابره للاوضة فيقول حسن لصفية 

حرام عليكي مالهوش لزمه الكلام ده

صفيه

انا مابحبهاش وعمري ما هانسي ان نادر حدفني بره الشقه بسببها

حسن

هي اللي قالت له يعمل كدة. ولا انتي اللي وصلتي نادر لكدة زي ما انتي قولتي 

سكتت صفية فباس حسن ايدها وقال

حرام عليكي البت باين عليها غلبانه بلاش تفتري عليها كفاية اللي هي شافته في حياتها

صفية

هو انت مالك ومال البت دي حاسة انك كنت تعرفها قبل كدة

فيتنهد حسن ويقول لنفسه 

اعرفها من قبل ما اشوفها. وفعلا الارواح بتتلاقي. بس نفسي اعرف لو هي مخلوقة ليا لية بقيت لغيري، ،،،،،،

ومن جوة الاوضة تقعد صابره علي السرير وهي بتعيط ونادر بيقول لها

خلاص بقي حقك عليه انا

صابره

دي ست كبيره ولازم استحملها. وربنا يهديها 

فيقترب منها نادر وهي لسة بتعيط ويقول لها

انسي بقي وخلينا ننبسط

ويطفي نادر النور ويحاول مع صابره ودي ما كنتش اول مرة لكنه ما يقدرش يعمل حاجة يتخنق ويولع النور وببص لصابره ويقول

في اية انا عمري ما كنت كدة. 

صابره

لسة ربنا ما اردتش

نادر

لا. في حاجة غريبة انا عمري ما كنت كدة اكتر من مرة احاول ادخل بيكي وما قدرش زي ما يكون في حاجز بيني وبينك

فيبص لصابرة اللي كانت ساكتة مش لاقيا حاجة تقولها لكنه قعد علي السرير وضحك وقال

عادي يا صابره لكل عقده حلال. برضو احنا لسة مش واخدين علي بعض. 

وقام وراح ناحية الموبيل بتاعه وشغل فيديو اباحي وقعد جنب صابرة وقال

اتفرجي كده وقولي ايه رايك

فتبص صابره للفيديو وتقف مفزوعا وتقول 

استغفر الله العظيم ايه اللي انت شغلته ده

نادر وهو بيقرب منها 

وفيها ايه انت مراتي اتفرج معاكي علي اي حاجه

صابره وهي تبعد عنه بتقول

لا مش اي حاجه انا مراتك واي حاجه تغضب ربنا انا مش معاك فيها ومش هاعملها معاك

نادر بنرفزه

لا أيه انا ما حبش مراتي تقول لي لا أحمدي ربنا اني لميتك من النوم علي الرصيف 

صابره

انا النوم علي الرصيف احسن لي من اني اعمل حاجه تغضب ربنا

نادر

ما كفايه نكد بقي دة انا كل ما اقرب منك احسن اني مش قادر وعاجز. ولا الخمار اللي انتي لابسة طول اليوم ومخليكي شبه ستي 

صابره

انا بلبس الخمار علشان اخوك عايش معانا. وكمان لما طريقه لبسي انت ما بتحبهاش اتجوزتني ليه

نادر

علشان انتي حلوه وكنتي عايزك وخلاص. واللي زيك ماكنتش هاعرف اوصلها الا بالجواز

صابره

بس كده يعني ما بتحبنيش 

نادر وهو بيقرب منها مره تانية 

لا بحبك. بس ساعديني دة احنا متجوزين بقالنا تلت ايام ومش عارف ادخل بيكي

صابره

انا عملت كل اللي اقدر عليه. وماقدرش اعمل اكتر من كدة 

نادر

خلاص انسي بقي اللي اتقال وخلينا نعيش اللحظه الحلوه دي

صابره وهي تبعد أيدها عنه تقول

ازاي انسي واسلم نفسي لك وانا بالنسبه لك مجرد انثي تريد المتعه منها فقط وانا أنثي تريد الحب كيف اسلم نفسي لك وانت مش عاجبك لبسي 

نادر وهو زهقان 

يعني اخرتها ايه 

صابره

سايبني لوحدي لو سمحت 

نادر وهو يضمها بكل قوه

هو ايه اصله ده انا جوزك وبقول لك تعالي يعني تعالي

وتصرخ صابره ونادر بيزقها ناحية السرير بمنتهي القوه ويهجم عليها فيسمع حسن وصفيه صوت صراخ صابره فيروح حسن ناحيه الاوضة ويخبط علي الباب ومعه صفيه ويقول حسن 

نادر افتح يا نادر

ولكن نادر لايفتح الباب ويستمر حسن يخبط علي الباب لغاية ما تفتح صابره الباب وملابسها متقطعه ويخرج نادر وراء منها وصابره تستخبي وراء حسن ونادر يحاول البطش بها ولكن حسن يمنعه من الوصول لصابره وتقول صابره

الحقني من ايده يا حسن

نادر بمنتهي النرفزه والغضب

حسن اوعي تدخل بيني وبين مراتي ابعد عن طريقي احسن لك

حسن

أهدئه يا نادر وبالراحه علي صابره 

نادر وهو يمسك أيد صابره بقوه ويسحبها من وراء حسن ويبص لها بغضب ويقول

انتي فاكره ان حسن هايحوشك من ايدي تعالي هنا 

ويسحبها بقوه من أيدها فتقع علي الارض من قوه السحبه وتصرخ وهي تمسك رجليها فيهجم حسن علي نادر ويقول 

انت ايه غبي 

ويمد أيده ليضرب نادر ولكنه يرجع في اخر لحظه ويخاف نادر من رد فعل حسن ولكن حسن يروح ناحيه صابره ويلاقي رجلها اتكسرت فيمد ايدة علشان يشيلها لكنه يفتكر انها متحرمه عليها فيرجع ايده وقلبه بيتقطع عليها ويقول لنادر 

شيلها وغير لها هدومها بسرعه خلينا نروح بيها المستشفي لان باين رجليها اتكسرت

صفيه

ما تكسر رقبتها ولا تكسر دماغها حتي. ده دلع ماسخ

حسن لصفية

مش وقته يا امي.

فيبص حسن ل نادر الذي كان واقف مش مستوعب اللي بيحصل فيشخط في حسن ويقول 

انت هاتفضل واقف كده غير لها هدومها بسرعه ،،،،،،،،،

ومن جوة المستشفي يحط الدكتور رجل صابره في الجبس وياخذها نادر وكان معه حسن ويخرجوا من المستشفي ويرجعوا بها الي البيت وصابره لا تزال تتوجع

وصفيه تبص لها وتقول

عقبال التانيه 

فتبص لها صابره وما تردش وتبص ل حسن بصه كلها حب وحسن يبص لها وكانت عيونه تقول

 الف سلامه عليكي. يا قلب حسن من جوة 

 ‏

 ويدخل نادر صابره الي الاوضة وعيون حسن عليها ونفسه هو اللي يدخلها بنفسه ومايسبهاش الا لما يطمئن عليها فيسمع صفية تقول

يارب كانت ماتت وارتحنا

حسن بحرقة 

حرام عليكي المفروض تقولي لها الف سلامه

صفيه

الف سلامه لمين لواحده بنت حرام ملهاش اصل

حسن

ليه بتقولي بنت حرام دي ديما. وانتي عارفه ان امها ماتت في الغربه غدر

صفيه

انا شيفها بنت حرام وبلاش كلام عنها سيرتها بترفع لي الضغط

حسن

بس بردو الرحمه بيها دي. ما اخترتش لنفسيها انها تعيش كده

صفيه

اللي خلقها يرحمها انا ابني مارحمنيش بسببها انا هارحمها

حسن

ربنا قادر يرحمها، ،،،،،

ويدخل حسن اوضه وتفضل دموع عيونه تنزل مع دموع قلبه ويقول بحسرة

يارب حلها من عندك. انا مش معترض اكيد في حكمة من كل اللي بيحصل دة. بس اية. ولية. يارب قلبي مش قادر تبقي قدامي ومتحرمه عليه. انا لازم امشي من هنا واهج واسيب الدنيا دي كلها

وقام حسن ولم هدومة وحطهم في شنطتة ،،،،،،،،

وفي نفس الوقت كان نادر بيبص في الموبيل بتاعه علي صورة صابره المرسومه في الفيس بوك وتحت الصوره مكتوب ( من يعثر علي هذه الفتاه وتدعي صابره له مبلغ مالي 5 مليون جنيه هديه )

وتحت هذا الكلام رقم موبيل خاص بالسيد عامر فيقف نادر ويروح ناحيه البالكونه ويتصل بالسيد عامر ويقول

الو

السيد عامر

ايوه مين 

نادر

انا نادر و عارف مكان صابره ،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام 

الحلقة السابعة