القناوي وطريق الدم
★ الحلقة السابعة★
والاخيرة
من تاليفي،،،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ولسة هايرد ياسين لقي باب شقته بيخبط فقام يفتح ولقي قدامه فوزية مرات يوسف ومروة مرات عز. والاثنين بيقولو. في نفس واحد
في بينا وبينك تار ودم يوسف اللي مات علي ايدك واحنا النهاردة جائيين ناخدة
وهنا يظهر كام رجل وراء منهم وفي ايديهم اسلحة مصوبة ناحية ياسين فيبص لهم ياسين ويقول بثبات
دة اللي عز عاوزكم تعملو. لكن الحقيقة تاركم مع عز نفسه.
فتشاور فوزية للرجال بتنزيل اسلحتهم وتقول
سمعنا الكلام دة من واحد اسمه حنتيرة وقال لنا باقي الكلام عندك
مروة
ولو كلامك معجبناش هاتنتقل وفي بيتك ودلوقتي
ياسين
يعني لو كلامي عجبك تساعديني اخد حقي من عز جوزك
مروة
مبقاش جوزي وكفاية انه قتل اخويا يوسف ومتنساش اني في الاساس صعيدية وماسيبش تار اخويا ابدا
ياسين
حتي بعد تلت سنين
مروة
ولو بعد ميت سنة. طول ما فيا روح هاخد حق اخويا
ياسين
اكدة انا اقدر افتح لكم قلبي واتكلم معاكم علي المكشوف
ويوسع ياسين من قدام باب الشقة لكي تدخل كلا من فوزية ومروة وقبل دخول الرجاله اللي معاهم قال لهم ياسين
انتم مالكوش مكان. الكلام اللي هيتقال ما ينفعش يسمعه حد غريب
فتبص فوزية لرجالها وتقول
خليكم برة. وعند اول اشارة مننا طربقو البيت علي اللي في
فيضحك ياسين باستهزاء ويقول
بيت اية اللي يطربق انتي جاية عند نادية. خشي يا ست الستات وبلاش الكلام يقع منك.
ويقفل ياسين الباب في وش الرجالة.،،،،،،،
وفي نفس الوقت ومن الساحل الشمالي كان عز قاعد علي كرسي قدام الفيلا بتاعته علي البحر وماسك الموبيل بتاعه وبيبص لصور مروة معه وبيفتكر ايام زمان الي ان يسمع صوت رجل في الاربعينات من عمره يدعي عادل يقول له
طالما لسة بتحبها كدة رجعها لعصمتك يا باشا
عز
ماعدش ينفع خلاص انكتب علية. اطمئن عليها من بعيد لبعيد بس هاتفضل ديما في قلبي. مع اني كنت فاكرها ما هاتصدق اني طلقتها وتروح تتجوز لكنه ماحصلش. وكنها مش عايزا تكون لغيري في يوم من الايام. وكتير بتصل بيها وابقي عايز اتكلم بس اسكت في اخر لحظة.
ثم يتنهد عز ويقول
المهم ياسين هاسمع خبره امتي
عادل
رجالتنا في قنا شافو فوزية هانم ومروة هانم داخلين بيت ياسين ومعاهم رجالتهم وشكلنا كدة هانسمع خبره قريب
عز
خليني اخلص بقي من الوش دة. وارتاح من حنتيرة وبسيوني اللي عرفو عني كتير.
عادل
ماكنش لازم برضو يقربو اكتر من اللزوم
عز
ازاي وحنتيرة كان حلقة الوصل بيني وبين السلاح اللي كان بيخش قنا. وبسيوني الكلب طلع كان مسجل اتفاقي معه علي قتل يوسف. وفضل يساومني ويسحب مني فلوس كتير لكن معلش ملحوقة. وكلها كام دقيقة ويجي لنا خبر موت حنتيرة. الغبي اللي سلم نفسه وكان فاكر اني هاخرجه منها وبعد منه بسيوني اللي افتكر انه لما يروح ويسلم نفسه مش هاعرف اجيبة وبكدة يبقي نفد بعمره غبي
عادل
وافرض العيال دي قالو انك انت صاحب السلاح
عز
ما يقولو فين دليلهم. هما كل اللي ها يقدروا يعملو انهم يخرحوا ياسين من القضية و هايقولو علي مكاني. وقبل ما يتحرك ياسين فوزية ومروة هايخلصو علية بعد ما بعت لهم الاتفاق اللي كان بين بسيوني وياسين. انه بسيوني يروح ليوسف ويلعب علية. واخلص من ياسين وارتاح بقي من السبق اللي بقالو 3 س. دة. واستجم بقي باقي الصيف هنا، ،،،،،،،،،
وفي هذة اللحظة كانت مروة تمسك اوراق مكتوب فيها سبب العجز اللي عند عز وهي احداث عاهة مستديمة في منطقة حساسة بفعل فاعل. وهي بتبص في تقرير الدكتور كان بيقول ياسين وجنب منه تقعد ملك
والوحيد اللي كان مع نسخة من التقرير دة هو الحاج يوسف. واللي عمل كدة في جوزك رجاله يحيي العربي اللي كان مسافر لكنه عرف بخيانه مراتة فقتلها وعلم علي جوزك
مروة بضيق شديد
يعني مش حادثة زي ماكان بيقول. الحقير كان بيخوني بعد كل اللي عملته معه. من اللي اداك الاوراق دي
ياسين
حنتيرة. اللي اتفق مع بسيوني علي انهم يخرجوني من القضية واخلص انا علي عز بمعرفتي
فوزية
وانت خد منهم الاوراق دي امتي
ياسين
بعد ماخرجت من المديرية
مروة
ازاي
ياسين
هاحكي لكم، ،،،،،،،،
ونرجع لكام ساعة وراء وياسين خارج من مديرية. قنا وهو لسة مش مصدق ولا مستوعب ازاي دة حصل ولية بسيوني اعترف علي نفسه ولية حنتيرة غير كلامة ولقي تاكسي وقف قدام منه وقال سواق التاكسي
اركب
ياسين باستغراب
انت مين
السواق
اركب وبعدين هاتفهم كل حاجة
فيركب ياسين وينطلق به سواق التاكسي.،،،،
ومن جوة التاكسي. يبص سائق التاكسي في المرايا الخارجية ويركز بشدة علي عربية ملاكي بترقبه وهو بيقول
انا قاسم. اخو حنتيرة. ودة التاكسي بتاعي
ياسين
وعايز مني اية
قاسم
مش انا اللي عايز. حنتيرة قبل ما يتمسك فات علية واداني شنطة فيها اوراق وفلاشة تخص الحاج يوسف لقاهم في مكتبة بعد ما انقتل الحاج يوسف بيومين في خزنتة السرية اللي فيها كل معاملاتة الشمال في تجارة السلاح. وقالي انه ممكن يتغدر بي من عز اللي هو شغال معه فلو حصل هو هايتصرف ويطلعك من القضية ويعرفك طريق عز وانت تخلص علية وتاخد حقك منه
ياسين
ولية عز يغدر بحنتيرة. دة الراجل بتاعه
قاسم
علشان حنتيرة طلب من عز انه يدخله البلد عن طريق الناس الكبار اللي شغال معه صفقة سلاح يببعها حنتيرة لحسابة ويكبر ويسيب السكة دي بقي لكن عز قاله اعترف علي نفسك وعلي ياسين وسلمة للحكومة ويتسجن وانا هاخرجك منها وهادخلك السلاح اللي انت عايزة.
ياسين
وطبعا عز. قل باصله
قاسم
مش كدة وبس دة كمان كان هايقتل بسيوني فبسيوني اتفق مع حنتيرة عن طريقي انك تخرج وتجيب حقك وحقهم منه لانهم مش هايقدوا عليه. وهما مش زيك. عز تعلب وعلشان يتاكل لازم ديب زيك. دة زي ما بسيوني وصفك.
ويرجع يبص قاسم في المرايا ويلاقي لسة العرببة بترقبة فقال
احنا مترقبين من رجالة عز نصيحة خلي بالك وزي ما كان هو ديما سابق عنك بخطوة اسبق انت المرة دي وهات حقك وحق اللي اتعشموا فيك خير
ياسين
لاخوك ولا بسيوني يستاهلو خير وانا لو هافضل وراء عز فدة علشان اجيب حقي وبس. فين الشنطة اللي انت بتقول عليها
قاسم
في شقتك. تحت كرسي الانترية
ياسين باستغراب
وانت دخلت شقتي ازاي
قاسم
استغليت ان البيت فاضي بسبب الظروف اللي عندكم ودخلت الشقة. علشان ماكنش ينفع حد يشوفني وانا بديك الورق دة. علي كل حال احنا وصلنا بيتكم. انزل وارتاح. وخلي بالك في اي وقت مرات يوسف الست فوزية واخته الست مروة جائيين ياخدوا بتارهم منك. وريهم الورق ونجي نفسك. ،،،،،،،،،
ومن داخل شقة ياسين. كان ياسين بيقول
واظن كدة بان من لي مصلحة في قتل يوسف.
ويبص ياسين لمروة ويقول
ولا انتي نسيتي يوم ما دخل عليكي يوسف وسائلك علي عز جوزك اللي سرق منه الفلوس بتاعته
ثم يبص ياسين لفوزية
وانتي ياست فوزية نسيتي مين اللي بعت لك استاذ سميح اللي قتل يوسف. اظن واحدة من عيلة عز. وهي بالمناسبة ملهاش علاقة خالص من بعيد او قريب دة عز اللي عرف منها بالصدفة قصة المدرس وعطل استاذ سميح الاصلي وبعت المزيف. فكدة احنا التلاتة عدونا واحد واول حاجة لازم نعملها ان رجاله عز اللي بيرقبونا دلوقتي يبلغو انكم قتلتوني
فوزية
سهلة رجالتنا ينزلو يجيبهوم في شوال
فيخرج ياسين سلاحه من احدي الادراج الموجودة في الريسبجين ويقول
وعلي اية المرمطة دي
ويضرب تلت طلقات من سلاح في اماكن متفرقة من الشقة فتصرخ ملك فيقول ياسين
اصرخي باعلي صوت عندك لمي البلد كلتها
فتستغرب ملك فيقول ياسين
اصرخي
فتصرخ ملك باعلي صوت عندها فيقول ياسين لفوزية ومروة.
كدة رجالتة يبلغو ان ياسين راح. علي ايديكم. ويطمئن عز.
ملك
ازاي يعني مهما ممكن يفضلو موجودين لغاية ما يتاكدوا ان انت مت بجد
ياسين
ملك يا حبيبتي الرجاله اللي باعتهم عز مش من البلد انا شوفت وشوشهم دول مجرد متاجرين ينقلو اخبار ويمشوا. وياخدوا عرقهم. ومش هايجي في دماغ عز اننا عاملين علية حوار لانه مش هايصدق ان ممكن الست فوزية والست مروة يكونو معايا.
ثم يبص ياسين لفوزية ومروة
ودلوقتي خدوا رجالتكم وانزلو وامشوا وبعدين هانتكلم
مروة
طيب وعز مش هاتروح له
فيبتسم ياسين ويقول
واروح انا لية. ما يجي هو، ،،،،،،،،،،
وبالفعل حصل ما توقع ياسين وبمجرد ما تجمع جيران ياسين اللي امرهم بانهم كلهم يصرخو اتصل راجل من رجاله عز. اللي بيرقبو البيت وقال
حصل يا عز بية ياسين تعيش انت، ،،،،،،،،
وبعديها باسبوع بالظبط تتصل مروة علي موبيل عز اللي فرح جدا انه لاقها بتتصل فرد بسرعه وقال
مروة
لكنه سمع صوت بنته عايدة تقول له
انا عايدة يا بابا. وبتصل بيك علشان اعرفك اني جالي عريس
عز
وماماتك لية ما اتصلتش بيا
عايدة
ما انت عارف يا بابا هي ما اتصلتش لية
عز
اسمه اية وابن مين العريس دة
عايدة
اسمه سامي وهو ابن الحاج يحيي العربي
فانصدم عز وافتكر اللي كان ، ،،،،،،،
من كام سنة وعز في اوضة مع واحدة تانية دخلو رجالة يحيي العربي وقالو.
يحيي بية عرف باللي بينك وبين مراته و امر اننا نخليك اغا. علشان تحرم تسرق اعراض غيرك
ويمسكوا كويس جدا وتحدث العاهه وهنا يصرخ عز. وبنته تقول له
بابا مالك
عز بمنتهي العصبية
اسمعيني كويس. ابن يحيي دة لو اخر راجل في الدنيا مستحيل تتجوزي فاهمه
وهنا يسمع عز صوت ضحكة مروة وراجل بيتكلم معاها وبيقول
وربنا انتي قمر يا مروة هانم. مستحيل اصدق انك امها
عز بمنتهي العصبية
مين اللي بيغازل امك دة
عايدة
دة عمه يحيي ابوة سامي تاخد تكلمة
فيمسك يحيي الموبيل ويقول
عامل دوشة لية يا عز
فيتعدل عز في قعدتة ويقول
انت مين
يحيي
انا اللي علمت عليك وخليتك زي ماما
ويضحك يحيي ويضحك ويضحك. ويقول
دة انا حتي كنت لسة بحكي لمروة هانم عن الخروف اللي مسكتة وقطعت له.،،،،،،،،
فيقاطعه عز قائلا بمنتهي العصبية
اسمع انت تاخد ابنك وتغور من عندك بدل وربي وما اعبد هاخليك تتمني الموت وتلاقي سعره غالي عليك
فيضحك يحيي ويقول لعايدة
خلاص يا عايدة يا حبيبتي بابا وافق علي الجوازة
وينهي يحيي المكالمة ،،،،،،
فينادي عز علي عادل ويقول له
عادل حضر لي الرجاله كلها. راجعين قنا الليلة دي
عادل باستغراب
لية بس يا باشا
عز
في دبور زن علي خراب عشة وانا مش هاحرمه من الخراب،،،،،،،،،،،،،
ومن داخل مكتب سلطان يقف سلامه قدام سلطان وسلطان يقول له
اسبوع بحاله يا سلامه ومش قادر توصل للي وراء ذبح بسيوني وحنتيرة. اراي بس
سلامه
يا سلطان باشا احنا شغالين ليل نهار علشان نوصل للي سلط علي قتل العيال دي وحضرتك مش عايز ترتاح وتريحنا والعيل السوابق اللي ذبحهم تحت ايدينا واعترف بكل حاجة
سلطان
جري اية يا حضرة الظابط. هو احنا بقينا بنستسهل شغلنا ولا اية. الواد السوابق اللي ذبحهم مدفوع له علشان يعمل كدة. مش زي ما هو بيقول ان كان في خلافات بينه وبينهم انا عايز اللي دفعو. دول اتنين اذبحو في قضية انا اللي ماسك الملف بتاعها. دي حتي تبقي نقطة سوداء في الدوسية بتاعي
سلامة
يا سلطان باشا انا عملت مع الواد دة فوق ما تتخيل كهربته علقته جيبت كل اللي يعرفو وبرضو ما فيش فايدة مش عايز يقول. وعملنا عنه تحريات وعرفنا تفاصيل حياتة وبرضو موصلناش لاي جديد
فينفخ سلطان من الزهق
وبعدين بقي. في ملف القضية اللي ملهاش عدلة دي. واحد يعترف علي واحد وبعد كدة يغير اقوالة ويطلعه براءة. مع اني متاكد انه كذاب وان ياسين فعلا تاجر في السلاح بس بعد شهادة بسيوني وحنتيرة قانونا ما نقدرش نمسك علية دليل.
سلامة
ياسين من التحريات اللي جمعنها عنه بني ادم الناس كلها بتحلف باخلاقة. ف لية مايكنش حنتيرة وبسيوني فعلا لبسو القضية
سلطان
وبعدين ضميرهم صحي وقررو يطلعوا براءة. بقي بذمتك دة كلام يخش عقل عيل في تلته ثانوي
سلامة
تقصد اية حضرتك
سلطان
في حد اكبر من بسيوني وحنتيرة وياسين نفسه وراء كل اللي بيحصل. ولما بسيوني وحنتيرة عصو اوامرة اجر العيل السوابق دة علشان يذبحهم. بس مين هو، ،،،،،،
وليلا واثناء ماكان صديق في جنينية البيت بيشرب قهوتة يقف قدام منه ياسين ويقول له
فضلت مستنيك طول اليوم تطلع شقتي وتقول لي مبروك البراءة
فيبص له صديق ويقول بصوت حزين
مبروك
ويقوم صديق ويستعد للانصراف ولكن ياسين يقف قدامه ويقول له
انا ماليش غيرك وانت اقرب واحد ليا في اخواتي وبعتبرك بوي. مش هاينفع اشوفك زعلان مني.
فيبص له صديق ولا يرد ويمشي خطوة كمان ولكن ياسين يقف قدامه ويقول له ودموعه علي خدة
بالله عليك كلمني. دة انا ما استحملتش اشوف العربية تخبطك وتتوجع بسببي
صديق
ماكنت سيبتني موت بسببك زي اللي مات.
ويبص صديق بحرقة لكرسي بدوي الفاضي ويشاور علي الكرسي ويقول
فاكر اللي كان بيقعد هنا اسمه اية. بلاش. فاكر مات ازاي. احنا صحيح اخوات كتير لكن كنا تلاتة بس. ياسين صديق بدوي. وبعد موت بدوي بقيت واحد بس.
ويسيبة صديق ويمشي كمان مرة ولكن ياسين يقول
ورب الكعبة انا بموت من جوة كل ما افتكر اللي حصل لاخويا بسببي. بس خوك كان هايموت في الميعاد دة لان دة اجله
فيبص صديق لياسين ويقول كمان مرة
كنا تلاتة. وبقينا واحد. اني ماليش اخوات بعد بدوي
ويمشي صديق وياسين بيبص علية بحزن شديد، ،،،،،،
وتاني يوم الصبح من داخل شقة ياسين يقف ياسين في اوضتة وبيحضر السلاح بتاعه وملك بتبص له وتقول له
برضو ناوي علي اللي في دماغك
فيبص لها ياسين ويقول
لازم ارجع حقي علشان اقدر اعيش وابص في المرايا واستحمل منظري
فتقف ملك وتروح له وتقف قدامه
طيب واخد سلاحك معاك لية. انت حلفت لي هاتعلمة الادب وتاخد حقك وبس
فيبص لها ياسين ويقول
السلاح دة مش هايطلع من جرابي الا وقت اللزوم
ملك
ولسة عايز تروح لوحدك. ازاي بس هاتقدر علية وهو معه رجاله زي ما انت قولت
ياسين
انا بقيت لوحدي وماليش غيرك في الدنيا. لان حتي صديق اخويا رافض يتكلم معايا.
ملك
انت لو قولت لصديق اكيد هايجي معاك مش هايسيبك لوحدك.
ياسين
مش هقول لاحد.
وينتهي ياسين من لبس هدومة ويروح لملك ويبوسها في جيبنها وياخدها في حضنه وهو يقول
لو ما رجعتش اعرفي اني ما حبيتش ولا هاحب غيرك
فتعيط ملك وهي في حضنة وتقول
بالله عليك ترجع لي سليم. انا ماقدرش اعيش من غيرك
فيبص لها ياسين في عيونها ويقول
لااله الا الله
فتسكت ملك للحظات ودموعها تقول
ما تروحش. في داهية الفلوس المهم انت
فيمسح ياسين دموع ملك ويقول
لا اله الا الله
ملك
محمد رسول الله
ويخرج ياسين من الاوضة وملك تبص علية بقلق شديد وكانها حاسة انها مش هاتشوفه تاني فتجري وراء منه وتقول
طيب اجي معاك انا.
فيضحك ياسين ويقول
خليكي مع مالك. وانا هابقي معاكي علي التيلفون
ويمشي ياسين وملك لا تزال تبص علية، ،،،،،،،
وبعدها ساعه ومن داخل شقة صديق واثناء ماكان صديق قاعد بيقراء في الجرونال سمع صوت خبط علي باب شقته فقام فتح لقي ملك قدام. منه وبتعيط، ،،،،،،،،،،
وليلا ومن داخل فيلا عز القديمة واللي عايشة فيها مروة وبنتها عايدة تسمع عايدة صوت رن جرس باب الفيلا فتروح تفتح باب الفيلا علشان تلاقي قدام منها عز ومعها حوالي 10 رجال مسلحين فتقول عايدة
بابا في اية. مالك
عز
فين مروة
فهنا تظهر مروة في الطابق الاعلي من الفيلا وتقول له
عز. عاش من شافك. دة كويس ان انت لسة عارف طريق الفيلا
عز
اسمعيني كويس علشان انا مش جاي ارغي. جوازة بنتك من ابن يحيي العربي دة مش هاتم ولو علي جثتي فاهمه ولا لا.
في هذة اللحظة يظهر رجل في الستينات من عمره وهو يحيي العربي ويقف جنب مروة ويقول
مين يا مروة اللي عامل الدوشة دي في بيتي
عز ليحيي
وانت مين بقي ان شاء الله
يحيي
انا يحيي العربي احنا ما اتقبلانش قبل كدة بس عرفك كويس وانت عرفني
فيرفع رجال عز اسلحتهم في وش يحيي فيقول يحيي بثبات انفعالي شديد
لا. بلاش تلعب بالنار لعلشان هاتلسعك يح.
وهنا تظهر فوزية ومعها رجالتها واسلحتهم مرفوعه في وش عز ورجالته فقال عز
الله بقي هي الحكاية كدة
يحيي وهو ينزل علي السلم ومعه مروة. وعز بيبص لها
بتتفقي علية. يا مروة مع. الجربوع دة
يحيي
اهو انت يا قليل الادب
ويمسح يحيي المكياج اللي علي وشة ويظهر ياسين فيقول عز مصدوما
انت.
ياسين بغضب مخيف
ايوة انا. وازعل اوي لو نسيت اسمي
فيضحك عز ويقول لعادل الراجل بتاعه
عارف مين دة يا عادل دة الحمار اللي خد من وراء منه 15 مليون ج. لا وكمان شغلته لحسابي في السلاح تلت سنين ولما زهقت منه سلمته.
عادل
بس بصراحة يا باشا هو لعيب
عز
طبعا اللي يخلي عز الحجار يقطع اجازتة وينزل الصعيد في عز الحر دة اكيد لعيب وعرف يجيبني صح وعلي حجرة بس العيب مش علية
ويبص عز لفوزية ومروة ويقول
العيب علي جوز النسوان دول اللي ساعدوا. بس هما ما يعرفوش اني طول ما انا معايا فلوس اشتري اي حد خلقة ربنا ولا اية يا دكش
ويبص عز ناحية راجل من رجالة فوزية واللي ضرب النار علي كل رجاله فوزية. بسلاح كاتم للصوت وانضم دكش لفريق عز. وبص عز لياسين وفوزية ومروة وقال عز
والله برافو علية انا استاهل اني اسقف لنفسي
ويسقف عز لنفسه ويقول
علشان عارف انكم مش بتحبوني وانكم شايفني نوتي ووحش.
ويبص عز لياسين اللي الرجاله خده منه السلاح اللي كان معه ومسكوا بمنتهي القوة وقال عز
وانت يا ياسين. عايز فلوسك
ويقرب منه عز ويضربه لكمه قويه في وشة لدرجة خلت ياسين ينزف ولكن ياسين بص له وضحك وقال بصوت يخوف الجبال
باين يحيي العربي خلي العاهة فوق وتحت. وخلاك تضرب كيف النسوان
فيغضب عز ويضرب ياسين تاني وتالت ورابع وياسين واقف علي رجله زي الصخر وعيونه بطق شرار وبيبص لعز وبيقول
دة اخرك ولا لساتك قايم من ولادة والرضاعه مقصرة عليك
فيخرج عز مسدسة بمنتهي العصبية ويحطه في منتصف دماغ ياسين ويقول
اركع يا روح امك
ياسين والدم نازل منه بسبب ضرب عز
مابعرفش اعملها الا قدام اللي خلقني
عز
انت عامل فيها سوبر مان وميت دكر في بعض حتي وانت لوحدك
وهنا يسمعوا صوت صديق بيقول
لوحدة كيف يعني هو كان عدم اخواته
وفي هذة اللحظة يقف عند مدخل الباب اخوات ياسين صديق ورمزي وعصام ومنتصر وكل واحد بسلاحة ومعهم اولادهم. فيبص لها ياسين بفرحة شديدة ويقول ياسين
فعلا انت محتاج حد يسقف لك بس علي قفاة امك
ويبعد رجاله عز عنه بضربهم واحد وراء التاني ويضرب ياسين. عز علي قفاة ويمسكة من رقبتة في حركة سريعة ويسحب سلاح عز من ايده ويحط السلاح في راس عز ويقول
خلي رجالتك ينزلو السلاح والا قسما بالله ارقدتك قتيل
فيشاور عز لرجالتة بتنزيل السلاح فيسيطروا اخوات ياسين علي رجاله عز فيقول ياسين لعز
ودلوقتي عايز فلوسي والا
عز بخوف شديد
حاضر حاضر. هاديك فلوسك وبالارباح. بس ما تقتقلنيش،،،،،،،،
ويسلم ياسين عز للحكومة ويقدم لسلطان اوراق وارقام وحسابات التعاملات البنكية بين حنتيرة وعز واللي تثبت تورط عز في تجارة السلاح وتم مصادرة امواله كلها فيقول سلطان لياسين
انت كنت معاهم صح.
ياسين
كنت. ودخلت في الطريق دة بس علشان اسد الفلوس اللي عليه ومستعد لاي حكم
سلطان
قانونا. انت معلكش حاجة. وكأن ربنا اراد ينجيك من طريق الدم بس بعد ما تتعلم الدرس
ياسين
يعلم ربنا اني ندمت واول حاجة هاعملها هاخد مراتي وهاروح احج علشان ارجع من هناك صفحتي بيضاء، ،،،،،،
وراح ياسين لصديق واخواته وبص لهم وقال
مش مصدق اننا اتجمعنا يا ولاد القاضي
منتصر
مهما كان اللي بينا ما ينفعش نسيبك يا خوي وقت شدتك
رمزي
اخوك صديق جمعنا وخلانا نفوق ونبعد الشيطان عن طريقنا
عصام
بدوي كلتنا خسرنا وكلتنا كنا السبب لاننا اللي خليناك تدوس برجلك في طريق الدم
فيترمي ياسين في حضنهم ويبص لصديق وعيونه بتدمع ويقول
كنا تلاته
صديق
لا. احنا سته دلوقتي وبدوي هيفضل معانا بسيرته الطيبة
ويترمي ياسين في حضن صديق، ،،،،،،،،،،
ورجعت فلوس ياسين وفتح المعرض من تاني بعد ما رجع اشتراة واشتري ارضة من تاني. وعديت الايام وفي ليلة من الليالي ومن جوة اوضة ينام في حضن ملك وهي كانت بتلعب في شعره وهو بيقول
حقك عليه يا قلب ياسين من جوة
ملك
بلاش بقي نتكلم في اللي فات والحمد لله انك طلعت منها علي خير. ومالك معانا
فيبص لها ياسين ويضحك وهي تضحك ولكنه يضربها بالقلم قلم هزار مش جد فتستغرب ملك وتقول
الله بتضرب ليه
ياسين
اني اركب رخامه وتقولي عليها زفت. وقال اية ماتنساش نفسك اسمي المهندسة ملك. يا سوابق. ومين الكلب الاجرب اللي انتي اترميتي في حضنه دة
ويمسك ياسين ذراع ملك ويلفه وملك تتوجع وهي بتضحك وتقول
يا مجنون. امتي حصل الكلام دة
ياسين
في حلم عفش كدة كنت حلمته
فتلف ملك ايدها وهي اللي تضربه وبتقول
يعني خيالك المريض خلاك تشوف حلم زي دة تقوم تضربني انا
ياسين
اومال اضرب مين
ملك
انت صعيدي صح
فيضحك ياسين ويقول
بمناسبة ان صعيدي. هقول لك نكته عن الصعايدة
ملك
قول
ياسين
بس ما تضحكيش
ملك
الله. اومال اسمها نكته ازاي
ياسين
ايوة صح. بس برضو ما تضحكيش علشان انا بضايق
ملك
يا عم قول بقي انت لازم تنشف ريقي
ياسين
لية الصعيدي بيطلع له خمس شياطين
استغربت ملك وقالت
ماعرفش
ياسين
ماتفكري شوية
ملك
والله ماعرف. وقول لية بقي
ياسين
علشان واحد يوسوس له واربعه يفهموا
فتضحك ملك باعلي صوت عندها فيضايق ياسين فتبص له ملك وهي بتقول
يعني انت طلع لك خمس شياطين علشان تتاجر في السلاح
ياسين
لية هو انا صعيدي
فتضحك ملك اكتر واكتر وياسين يقول
صدقي اة انا صعيدي.
وتفضل ملك تضحك وياسين يبص لها ومش عايزة تسكت فيقول لها
بقي كدة. طيب يلا بقي نخاوي مالك هو الحمل اللي هيخليكي تعيطي
وياخدها في حضنه وهي بتقول
اعقل يا مجنون ولا اندهه لك خمس شياطين يفهموك ان دة مش وقته،،،،،،،،،،
وتلف الايام واحنا دلوقتي داخل الكعبة وياسين وملك اللي كانت حامل في الشهر السادس بيلفوا حوالين الكعبة وكان ياسين بيطلب الرحمة لاخوه بدوي ولنفسه.
الخلاصة
مهما كان بينك وبين اخوك في المصيبة اللي بجد مش هتلاقي حد اقرب منه ليك. بس احنا نصفي لبعض. ويكفينا شر نفسنا
النهاية
خلصت قصتنا ويارب تكون عجبتكم ومستني راي كل اللي شرفني بقراءة القصة.
برافو بجديامنص
ردحذفقصه جميله ومشوقه وفيها دروس جميله🌹
راءعه
ردحذفجميلة جدا جدا جدا
ردحذفتحياتى لك
كانت تحفه بجد👏👏👏👏👏👏
ردحذفحلوه جدا جدا
ردحذفجميله جداً جداً جداً جداً
ردحذفروعه
ردحذفنهاية سعيد نريد المزيد وشكرا
ردحذفالله عليك
ردحذفربنا يوفقك 🌹
ردحذفالله الله الله
ردحذفتسلم أناملك
بجد تحفه
ردحذفجميلة جدا جدا جدا
ردحذفاه كدة تمام كنت هزعل لو النهاية حزينة 👏👏
ردحذفقصة رائعه وفعلا فيها دروس كتير
ردحذفقصه في منتهى الروعه والجمال تسلم الايادي
ردحذف