الهام واللي كان الحلقة الاخيرة

 الشيطان يعزف 

 ‏

                          ‏★الحلقه الاولي★

                          ‏

لعشاق الدراما والرعب 

تابعو معايا حكاية موسيقي عيون القمر اللي بتكون السبب في تحضير سارة. عازفة الشيطان.  

★فيرفع الشيخ ناجي السبحة اللي في ايدة في وش سامح فيصرخ لما يشوف اسماء الله الحسني ويخرج من الاوضة بسرعه. والشيخ ناجي وراء منه بيحاول الامساك به لكنه كان تعبان والدم بينزل منه بطريقة ترعب وبدأ ناجي يخرج من جيبة ازازة مية مقري عليها قران ويرمي المية علي جسم سامح اللي كان بيتحرق وهو بيجري في المستشفي وناجي وراء منه وفجاة لمح سامح طفل بيرضع علي صدر امه سحب الطفل من حضن امه وراح ناحية احدي الشبابيك الموجودة في الطرقا وكسر الشباك وبدأ الرضيع يصرخ وامه هتجنن عليه وقالت سارة

اختار اما الطفل الرضيع يعيش او جسد سامح يرجع له،،،،،

عايزين تعرفو اية اللي وصلنا للمشهد دة هاحكي لكم

من تاليفي، ، 

محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                        

 أحنا دلوقتي سنه 2018 وبالتحديد في فرنسا وجوة حفلة كبيرة جدا للعازف الفرنسي الشهير فرانس ميتال اللي يبلغ من العمر 50 سنه وكان هذا العازف من اشهر العازفين في العالم فهو يعزف علي البيانو ورغم انه ليس صاحب موهبه كبيره. وفشل كثيرا في اول حياته لكنه وفجاة اصبح له عشاق من كل انحاء العالم وكل اللي يسمع الموسيقي الخاصه بي ينبهر بها ولا يستطيع الابتعاد عن سماع هذه الموسيقي ما هو السر في نجاح العازف فرانس ميتال وشهرته التي تجاوزت الحدود مع انه ليس من اصحاب المواهب الفذه فهو في الاصل كما اوضحنا عازف فاشل علي البيانو ومادام هو عازف فاشل ف لية نجح كل هذا النجاح علشان نعرف فرانس ميتال وصل للنجوميه دي ازاي تعالوا نتعرف علي فرانس ميتال قبل الشهره. ،،،،،،،،

 هانرجع بالزمن 20 سنه، ،،

وفي وفتها كان فرانس ميتال شاب فقير جدا ويعيش في بيت صغير وحقير ورثه عن والده وكان ياكل فرانس من صناديق الزباله وكان يشرب مياه ملوثه واستطاع فرانس ان يؤلف مقطوعه موسيقيه وسماها عيون القمر وعرضها علي اكثر من جهه انتاج يمكن حد بشتريها منه ويصبح من العازفين المشهورين ولكن كما قلنا انه صاحب موهبه محدوده لذلك لم ينجح ولم يصل الي هدفه وفي احدي الليالي قرر فرانس ترك فرنسا والسفر الي بعيد وباع البيت وحضر اغراضه وركب السفينه المغادره من فرنسا واخذ معه البيانو بتاعه واتحركت السفينه وهو بيبص للميناء وبيقول 

مش هارجع ليكي تاني الا وانا عازف مشهور

وتمر الايام وفي احدي الليالي قرر فرانس ان يعزف بالبيانو علي سطح المركب موسيقي عيون القمر. الخاصه به و كالعاده تلاقي المقطوعه فشل شديد 

وعدم الاهتمام وكل من كان علي السفينه يطلبو منه التوقف عن العزف ما عدا فتاه جميله جدا شعرها ابيض بياض الثلج مع انها شابه ووجهها ابيض وتدعي ساره وتجلس علي سطح السفينه وتصفق لي فرانس وتطلب منه ان يعزفها كمان مره فبص لها وقال

ما فيش داعي ما حدش هنا حابب يسمعها

وينزل الغطاء الخاص با البيانو فتتجه ناحيته ساره وتنظر له في عيونه وتمسك غطاء البيانو وترفعه وتقول له 

اعزفها كمان مره وكل الركاب سوف يحبوها 

فينظر فرانس في عيونها ويقول

عينيكي جميله اوي يا. انتي اسمك ايه

ساره

أسمي ساره. و عينيه مهما كانت جميله يفضل العزف الخاص بك اجمل  

فيفرح فرانس لسماع هذا الكلام الجميل وبدا يعزف نفس المقطوعه مره اخري والغريب ان هذه المره كل من علي المركب انجذب الي موسيقي عيون القمر والكل بدا يستمتع لعزف فرانس وساره تجلس امامه تستمع للموسيقي وتذوب مع انغام العازف فرانس وينتهي فرانس

من العزف فيصفق له كل الحاضرين في رد فعل غريب فينظر لهم فرانس وهو في شده الاستغراب ويسال نفسه

ازاي رد فعلهم أتغير كده

وينظر الي ساره ويقول لها

هو ايه اللي حصل. اول مره الناس ما كنتش عايزا تسمع لي حاجه وتاني مره ،،،،،،،

فتقاطعه ساره وتقول

بلاش تسال أسئله اجابتها مش هاتفيدك الناس كلها سعيده انها سمعت الموسيقي بتاعتنا

فرانس باستغراب

يعني ايه بتاعتنا دي بتاعتي انا. أنا اللي مؤلفها

فتضحك ساره

الموسيقي دي اتعزفت من 200 سنه

فرانس

ازاي انا عمري ماسمعت الموسيقي دي اتعزفت الا من خلال البيانو بتاعي 

ساره ضاحكا

لا اتعزفت وانا اللي عزفتها والموسيقي دي اسمها موسيقي الشيطان وطالما انت عزفتها يبقي الشيطان اختارك علشان تكون عازف الموسيقي الخاصه به زي ما اختارني علشان اعزفها من 200 سنه

فرانس

انتي كدابه انا عمري ما سمعت عن موسيقي الشيطان دي وبعدين ازاي انتي عزفتيها من 200 سنه ولسه عايشه 

فتضحك ساره

ومين قال لك اني عايشه

وتختفي ساره من قدام فرانس فيخاف فرانس جدا ويبص ل كل ركاب السفينه فيلاقي كل شخص بيتكلم مع اللي جنبه وهو واقفا وحيدا فراح اوضة في السفينه ودخل الاوضة وقفل الباب علي نفسه ونام علي صوت دقات قلبه اللي كانت بتزيد وبيفكر في ساره اللي ظهرت فجاة واختفت فجاة وهو فعلا بيعزف موسيقي الشيطان واية هي أصلا موسيقي الشيطان دي. ميت سؤال وسؤال في دماغ فرانس وفي الوقت دة يسمع صوت المقطوعه الموسيقيه الخاصه به تاتي من فوق منه فيبص ل سقف الاوضة علشان يشوف ساره قاعدة علي البيانو بتاعه ولتعزف المقطوعه بمنتهي المهاره فيفزع ويتعدل علي السرير وهو يقول 

أنتي أيه شبح

فتمشي ساره علي حوائط الاوضة بايدها ورجليها بشكل مخيف وتنزل وتقف قدام فرانس وتقول

انا ساره 

فرانس خائفا

وعايزا مني أيه

ساره

انا مش عايزا حاجه انت اللي عايز

فرانس بفزع 

انا مش عايز حاجه ممكن تسيبني من غير ما تأذيني

ساره

ما ينفعش انت عزفت الموسيقي اللي انا بحبها وانت من الساعه دي ملكي اللي يفرحك يفرحني واللي يحزنك يحزني واي حد يفكر انه يغضبك فهو بيغضبني انا وانا غضبي جحيم فأوعي في يوم تفكر انك تقول ليا لا والا هاتشوف نار الجحيم 

وتحترق عيونها بشكل مخيف و فرانس يبعد عنها ويقول

انا اكيد بحلم

ساره

لا انت ما بتحلمش ولازم تصدق ساره يا حبيب ساره انت اختارك الشيطان علشان تعزف. ولازم تصدق نفسك انت من دلوقتي هاتصبح افضل عازف في العالم وكل العالم هاتسمع موسيقتك ويتفتنه بيها

فرانس مستهزاء 

انا افضل عازف في العالم انا ما حدش بيحب موسيقتي

ساره

انا معاك ولازم تصدق انك انت افضل عازف في العالم مش كده وبس

فرانس

ايه كمان

ساره

انت الوحيد اللي هاترجع عايش من الرحله دي

فرانس

مش فاهم 

ساره

السفينه داخله علي مثلث برمودا ولن يبقي عليها اي شخص حي ما عدا انت

فرانس

مثلث برمودا

وفي هذه اللحظه يسمع فرانس صراخ الركاب والسفينه تدخل في دوامه من المياه وتخترق الماء السفينه من كل اتجاه حتي تصل الماء الي حجره فرانس فيحاول فرانس الخروج من الحجره ولكن ساره تمسك يده وتقول

رايح فين يا فرانس

فرانس

هاهرب من هنا الميه هاتملي الحجره وهاموت غرقان

ساره

بص في عينيه وانت مش هاتغرق

فينظر لها فرانس وينظر الي الماء الذي يتدفق الي داخل الحجره بمنتهي السرعه فتقول ساره

صدقني انا بس اللي ااقدر اخرجك من هنا حي

فيبص لها فرانس في عيونها وتغطي الماء راس فرانس ولكن الغريب انه كان يتنفس وكانه لم ينزل تحت الماء ، ،،،،

ومع شروق الشمس في اليوم التالي يجد فرانس نفسه فوق ميناء فرنسا ومعه البيانو الخاص به فيزيد التعجب

والاستغراب ويسال نفسه

انا كنت بحلم بس بحلم ازاي وانا هنا واقف فوق الميناء لكن ازاي اكون تحت الميه وبستنشق عادي ايه اللي بيحصل لي ده طيب وانا دلوقتي بعت البيت هاروح فين بالبيانو ده هنام في الشارع

فيسمع صوت ساره

أعزف موسيقي عيون القمر 

فينظر فرانس في كل مكان حول منه فلا يحد ساره فينظر يمينا ويسارا ولا يجدها فيقول لها

أنتي فين

ساره

انا قريبه منك اعزف يا فرانس علشان تبدا طريق الشهره والمجد

فرانس

اعزف لمين ده ما فيش ولا بني ادم قدامي

ساره

اعزف والناس هاتيجي لحد عندك تتمني وتترجاك انك ماتوقفش العزف

فيقف فرانس امام البيانو ويرفع غطاء البيانو ويبدا في العزف وهو بيعزف بدا سكان فرنسا يتوافدون علي الميناء ويقفون امام فرانس وهو يعزف ويعزف ويعزف والناس تزيد والكل لايريد ان يتوقف فرانس عن العزف ومنذ ذلك اللحظه واصبح فرانس اعظم عازف في العالم وحققت موسيقي عيون القمر نجاح منقطع النظير ،،،،

ولكن في احدي الايام وفي احدي البرامج الفرنسيه ظهر ناقد فني وموسيقار وعازف بيانو مثل فرانس ويدعي باتريك وكان باتريك من اشد المعارضين للعازف فرانس وكان في ذلك البرنامج يهاجم فرانس وموسيقي عيون القمر وكان باتريك يقول للمذيع

انا سأظل عند رايي فهذا العازف المدعو فرانس لا يستحق ان يجلس علي بيانو فهو لا يستحق ان يكون موسيقار

وكان فرانس يجلس مع ساره يشاهدوا باتريك في البرنامج وكان باتريك يربي كلب بوليسي الماني ضخم وكان هذا الكلب معه في البرنامج والمذيع ينظر الي الكلب ويقول

رهيب ومخيف الكلب الخاص بك باتريك

باتريك وهو يمشي يده علي راسه بحنان ويقول

الكلب ده اوفي صديق ليا

في هذه اللحظه تسلط الكاميرا علي الكلب فتنظر ساره الي الكلب فيهوهو الكلب بمنتهي الوحشيه ويهجم علي باتريك ويغرز انيابه الفتاكه في عنقه ويحاول كل من في الاستوديو ابعاد الكلب عن باتريك ويضربوا الكلب بكل قوه ولكن انتهت محاولتهم بالفشل ومات باتريك بين انياب كلبه في حادثه غريبه ان يهجم كلب علي صاحبه 

وبعد ما مات باتريك ترك الكلب رقبه باتريك واخرج انيابه من رقبته واخذ ينظر له الكلب وهو مش مصدق انه قتل صاحبه وجلس الكلب بجانب باتريك وهو ينظر له

وكان فرانس في هذه اللحظه يقول لي ساره

عملتي ليه كده

ساره

من يغضبك يغضبني 

فرانس

ازاي يظهر لي معارضه وانتي قولتي ان كل اللي هايسمع الموسيقي الخاصه بيا هايتفتن بيها

ساره

موسيقي الشيطان تفتن من هو قلبه أسود ولا يوجد به بقعه نور وباتريك كان قلبه به بقعه النور لكن لا تقلق اللي زي باتريك في الدنيا قليل جدا، ،،

ومرت السنين ووصلنا لعام 2018 ولايزال فرانس هو العازف الاول في العالم ونترك فرنسا والحفل الموجود في فرانس ميتال. ونروح لمصر ،،،،،،،

 ومن مصر وبالتحديد من حلوان ومن داخل شقه شاب أسمه سامح سامي الراعي شغال في سيبر كبير في حلوان بتاع خاله صبحي. وكان سامح شاب وسيم جدا تتمناه اي بنت تعرفه وكان سامح يجلس علي اللاب توب الخاص به في حجرته ويشغل مقطع فيديو لحفله العازف فرانس ميتال فسامح كان من عشاقه لدرجه انه أشتري بيانو حتي يعزف عليها موسيقي عيون القمر وبالفعل كان سامح يجلس علي البيانو ويعزف موسيقي عيون القمر والغريب انه عزفها أحسن من فرانس وكل ما ينتهي منها يعزفها مره اخري حتي قرر ان يصور نفسه فيديو وهو يعزفها وينزل بذلك الفيديو علي القناه الخاصه به علي اليوتيوب وبالفعل صورها سامح وأنزل الفيديو علي اليوتيوب وأنتشر الفيديو بسرعه البرق وفي خلال أسبوع تخطي حاجز ال 50 مليون مشاهده علي اليوتيوب وفي أحدي الليالي كان سامح يجلس في السيبر ويشاهد فيديو لاعلاميين يتكلموا عن سامح وعن عزفه الرهيب والرائع لموسيقي عيون القمر وفجاه يظهر فيديو لسامح علي جهازه فيفتح الفيديو فيجد ساره تقول له

انا ساره ممكن نتعرف

فينظر لها سامح باستغراب لانه فيديو علي اليوتيوب وهي بتتكلم معه وكانها ترا فتقول

أنت ساكت ليه اتكلم

سامح

انتي ازاي مسجله الفيديو وبتتكلمي معايا كانك شايفاني 

ساره

ماتسألش انا ساره وعايزا اتعرف عليك

سامح وهو خائف وبيحاول ان يقفل الفيديو ولكن الفيديو ما بيتقفلش. فراح ناحية مفتاح الكهرباء وطفي الجهاز وخرج من السيبر ومسك باب السيبر الخارجي ونزل بالباب وقبل ما يتقفل الباب يلاقي ايد بتخرج من جوة السيبر وبترفع الباب مره تانية علشان يلاقي قدام منه ساره وبتبص له فيبص لها سامح وهو مرعوب ،،،،

لو عجبتكم الحلقه ياريت تخبط لايك وتكتب كومنت في رايك عشان اكمل القصه.

من تاليفي .. محمد منصور. ( منص )