الهام واللي كان الحلقة الاخيرة

 سجينة من جهنم 

                           ‏الحلقة الثالثة 

                           ‏ والاخيرة 

من تاليفي، ، 

محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                           ‏

وخلصت حلقة امبارح علي ان ابويا ذبح امي وذبحني وذبح نفسه واتجمع الدم وبقي عبارة عن مخلوق والمخلوق دة هو انا. وروحت ناحية باب البيت وفتحت الباب وبصيت ناحية ابويا وامي الميتين واللي اتحولو لهياكل عظمية شكلهم مخيف وقفلت الباب مش مستحمل المنظر لكن الغريب اني بعد ما قفلت الباب لقيت طريق طويل قدامي والدنيا ليل ومش شايف حاجة اية دة هو انا عميت ولا اية بس عميت ازاي ما انا كنت لسة شايف ابويا وامي بصيت ورايا عشان افتح باب البيت تاني واشوف انا عميت ولا اية لقيت البيت بتاعنا بينزل تحت الارض والارض بتبلع في البيت زي الواحد مننا وهو بياكل وبيبلع لقمة علي قد ما اتخضيت من المنظر لكني فرحت اني بشوف وبمجرد ما الارض بلعت البيت كله رجعت اعمي تاني ومش شايف حاجة طيب ازاي مديت ايدة اتحسس وشي لقيت وشي املس ايوة املس لا حاسس بمناخير ولا حاسس ببوقي ولا حتي عيوني موجودة طيب شعري مافيش صرخت لما اتخليت منظري عامل زي المولود اللي لسة بيتكون بس مولود ازاي وانا واقف علي رجلي وكنت شايف بيتنا والارض بتبلعه وشوفت ابويا وامي واللي عملو أنا اية اللي بيحصل انا مجرد كهربائي علي قد حالي وابويا وامي كانو ناس طيبين لية بيحصل فيا كدة وليه هما يطلعوا كدة وصرخت بعلو صوتي وقولت

انت يا شحات يا اعور انا عملت لك اية عشان تعمل فيا كدة رد علية زي ما جيبتني هنا خرجني

لكن ماحدش رد علية وصوت السكوت بيخوف من الظلمة اللي انا فيها مش عارف اعمل اية واروح فين مديت ايدي قدامي وبدات امشي خطوة خطوة خايف لاقع وفضلت ماشي لغاية ما سمعت صوت بنتي وداد وهي بتقول وبتعيط

الحقني يا بابا بيمص دمي

الصوت جاي من ناحية اليمين بصيت بسرعه ناحية اليمين وانا بقول

وداد بنتي.

لكن سمعت صوت جاي من ناحية الشمال ومراتي بتقول بصعوبة 

رفاعي الحقني هاموت

بصيت بسرعه ناحية الشمال وقولت 

سماح. مالك 

وسمعت صوت بنتي مع صوت مراتي مع صوت ابويا وصوت امي كلهم بيصرخوا كلهم بيصرخوا ما بقيتش عارف الصوت جاي من وراء ولا من قدام وانا بقول

ارحمهم وارحمني. وقولي عايز مني ايه يا اعور

وفجاة لقيت الشحات الاعور واقف قدامي والغريبة اني شوفته وما بقيتش اعمي وقال لي

الحق اختك من نار الجحيم. اكسر الحيطة وخرجها

قولت له

اختي اللي هي بنت ملكة الجن. واللي انت عايزها قربان ليك 

الاعور

هي.

قولت بتحدي

انا مستحيل اساعدك في اللي انت عايزه دة

الاعور

انت فاكر ان جسمك ملكك. دة بقي ملكي بعد ما ابوك وامك وهابوك ليا 

وشاور بصباعة علي البيت القديم اللي كان قدامي مع انه بعيد وقال لي

خش البيت والحق اختك

قولت

الحقها من اية. ما تضحكش علية انت عايزها ليك وعايزني انا اجيب هالك

الاعور

نار الجحيم هاتحرقها لو هي ما بقتش ليا وانا مش عايزاها تتحرق. انا عايزها تكون ليا. الحقها عشان ترجع لبيتك ومراتك وبنتك

قولت له

هما فين. مراتي وبنتي انا سمعتهم بيطلبو المساعدة مني

الاعور

هما لغاية دلوقتي بخير لكن لو نار الجحيم حرقت اختك هايتحرقو معها  

بصيت ناحية البيت القديم وانا مسلوب الارادة ومافيش قدامي اي اختيار ولقيت نفسي ماشي ناحية البيت ومع اني حافي بدوس علي ازاز مكسور وجمرات من نار لكني مش حاسس باي وجع ومشيت كتير لغاية ما وصلت مش عايز اقولكم اني مشيت حوالي 3 ايام. وماتعبتش ولا ريحت ووصلت عند باب البيت القديم ولسة بمد ايدي عشان افتح الباب لقيت كلب اسود سواد مخيف هجم علية وبدأ يغرز انيابة في رقبتي وانا مش قادر اقاوم وظهر ليا الشحات الاعور وقال

خلص علية

بصيت له وانا بفادي انياب الكلب وقولت له

ساعدني وخلص علية معايا

الاعور

انا ماقدرش علية. لكن انت تقدر

ولقيت نفسي ببص للكلب وبلف ايدي حوالين رقبة الكلب وبخنقة بكل غل وظهرت ظوافر في ايدي وبدات اغرز الظوافر دي في رقبة الكلب ودبحتة وانا زي المجنون وخوفت وقومت بعيد عن الكلب اللي عمال يجيب في دم وانا مش مصدق نفسي انا ازاي عملت كدة انا مستحيل اكون بالوحشية دي ووقفت اترعش من الخوف والاعور وقف قدامي وقال

صحيح ابن عوض. تقدر تذبح بدم بارد

بصيت له وقولت وانا مرعوب 

انا ماعملتش كدة انا ماقتلتش الكلب انت اللي خليت الظوافر تظهر في ايدي واذبحة

ضحك الاعور وقال

ماتخليش اللي حصل ينسيك اختك اللي محبوسة جوة 

ولقيت ايدي بتفتح باب البيت والغريب اني لما دخلت البيت القديم دة الاعور فضل واقف برة مش قادر يخش وانا سالت نفسي لية البيت دة ماحدش بيقدر يخشة واشمعني انا اللي دخلتة لكن وانا بتمشي جنب البيت لقيت صورة لجدي الكبير أحسان وبعديها صورة من فرح ابويا وامي وايات قرانية كتير من سورة البقرة مكتوبة علي سجاد عجمي وملايات بيضاء عليها ايات قرانية وكلها خاصة بابطال السحر وقعد افتكر البيت دة انا عيشت في اول كام سنة في حياتي قبل ما ابويا يشتري شقة وكان جدي احسان بيعمل جلسات لفك السحر وتطليع الجن من الملبوسين وشوفت نفسي وانا ابن 4سنين وواقف علي باب الاوضة وجدي احسان بيطلع جنية عاشقة من علي ابويا أبويا عوض ايوة افتكرت افتكرت مع اني كان سني صغير لكني فاكر اليوم ابويا دخل اوضة جدي اللي بيقابل فيها اللي محتاجين مساعدة والباب اتساب مفتوح وانا كنت نايم وصحيت علي صوت صريخ ونزلت جري لقيت ابويا مربوط في السرير وجدي بيقرأ علية ايات قرانية وصوت ست بتقول

مش هاخرج يا احسان جسم ابنك ملكي ومافيش واحدة هاتكون مراتة غيري. انا بنت سيد الجان الاعور. وماحدش يقدر علية

اتصدمت. لما عرفت ان الاعور عايز بنته مش اختي. كان بيلعب بيا وباعصابي لكن فين بنته. ولية الاعور سكت السنين دي كلها علي حبس بنته. يمكن عشان جدي لسة ميت من اسبوع. والبيت بقي فاضي. اكيد عشان البيت بقي فاضي طيب ماجدي قدر يخرجها من ابويا معقول يكون حبسها في الحيطة. معقول يكون سجنها عشان كدة الاعور عايزني اكسر الحيطة ويسترد هو بنته بس اني حيطة دخلت جري للاوضة اللي حصل في الجلسة وقعد افتش في كل حتة في الاوضة مافيش اي حيطة فيها شي غريب يدلني علي مكان بنت الاعور قولت ادور في ارضية الاوضة. ودورت عن اي دليل يوصلني للمكان المحبوسة في بنت الاعور ولقيت ان الارضية هي السقف الاوضة معكوسة ايوة انا فاكر ومتاكد السقف كان في نشع من حنفية المية اللي علي السطوح اللي ديما كانت بتنقط طيب قومت بسرعة وجيبت سلم وطلعت للسقف ومعايا مطرقه صغيرة وبدات اكسر في سقف الاوضة لغاية مالقيت دم نازل من السقف بس مش دم بني ادمين دة دم اسود خبيث وخرجت راس بنت الاعور وهي بتصرخ وتصرخ ومسكتني ووقعت انا وهي من علي السلم وهي بتبص ليا وعماله تصرخ وانا بالمطرقعة بضربها في دماغها لغاية ما وقعت علي الارض سايحة في دمها سمعت الاعور من برة البيت وهو بيقول

سامع صوت صرخة بنتي

بصيت له من شباك الاوضه وقولت

بنتك بين ايدي تحبها تخرج ليك عايشة ولا ميتة

الاعور

سيب لي بنتي وانا هاسيب لك مراتك وبنتك

وفجاة لقيت أيد بنت الاعور بتغرز ظوافرها في رقبتي من وراء لفيت جسمي بسرعة وبصيت لها وانا بقرأ اية الكرسي وهي بتصرخ وبتصرخ وبتبعد عني زي المجنونه مش طايقة صوتي وهو بيقرأ القران. كلام الله بيحرق الشيطان 

ومن برة البيت الاعور غضبان عايز يدخل ينقذ بنته لكنه ماتحرم عليه الاماكن الطاهرة وسمعته بيقول

سيب بنتي وهاسيب كل احبابك

لكني كنت عايز احرقة واحرق بنته بعد كل العذاب اللي سببه ليا وروحت ناحية بنته اللي كانت لسة بتصرخ وشيلتها ورميتها من شباك الاوضة وراح عليها الاعور وهو بيطمئن عليها كنت سحبت ملاية من المكتوب عليها ايات القران ونطيت من الشباك وغطيت الاعور وبنته بالملاية دي وبدأت اقرأ قران بصوت عالي وهو يتحرق ومش قادر يخرج من تحت الملايا ولا قادر ينقذ بنته وبعد ما اتحرق الاعور هو وبنته لقيت الليل بقي نهار وطلعت الشمس ودخلت بيت جدي والاوضة المعكوسة رجعت تاني لطبيعتها وخلصت الرحلة العجيبة وانكتب علي حيطان الاوضة ان جدي تعمد سجن بنت الاعور في الاوضة عنده عشان ماقدرش يحرقها فخاف انها تاذي ابنه او اي حد من نسله. ورجعت تاني الكهربائي اللي بيدور علي شغل عشان يعيش هو عائلتة اللي الحمد لله كانو نايمين وماشافوش الاعور او حتي بنته.  

                              النهاية 

                              ‏

لو عجبتكم القصة ياريت تعرفوني رايكم بلايك او كومنت.

دة لو مش خسارة فيا اللايك او الكومنت انما لو خسارة فيا خلاص ما تعلقش وحتي بلاش اللايك 

من تاليفي، ،،، 

محمد منصور. **منص**