سجينة من جهنم
★الحلقة الثانية★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
خلصت حلقة امبارح علي ان الحبل السوري طلع من رحم امي ولف حوالين مني ورجعت تاني لرحم امي ومراتي في ايد خرجت من سقف الاوضه وساحبتها لفوق واختفت واتحبست انا في بطن امي اللي اسمها وداد واللي انا من حبي فيها سميت بنتي علي اسمها. وانا جوة بطن امي رجعت العين السودا لوشي وبدات رحلة غريبة من نوعها وشوفت البيت اللي كنت عايش في انا وامي وابويا وشوفت ابويا وهو لابس جلبية لونها غامق وعليها بقع دم كتير وقدام منه راس خنزير وبيحط في راس الخنزير دة ورقة سودا عليها طلاسم وعمل سفلي بيفرق بي بين عريس وعروسة في بداية حياتهم. ودة بامر من واحدة من قرايب العريس وامي بتساعدة وكان قدامها طفل ابن سنتين ميت وفي كفنه وبتفتح بطنة وبتحط العمل الخبيث جوة بطن الطفل دة بلا اي رحمة اتصدمت من اللي شوفتة ابويا وامي كانو من خدام الشيطان وبيستخدمة السحر الاسود حاولت اصرخ لكن الحبل السوري لف حوالين رقبتي وبدا يخنقني والمية جوة الرحم بدات تنزل وانا بتخنق مش قادر وسمعت امي وداد بتقول لي ابويا
الحقني يا عوض أنا بولد
بص لها عوض وقال
ودة وقتة يا ولية امسكي نفسك لغاية ما خلص اللي بعمله دة
وبصيت اشوف بيعمل اية لقيتة ماسك الطفل الميت وبيخيط بطنة بعد ما امي حطت العمل الخبيث وكان بيخيط بطن الطفل دة بسلك اسود غليظ وفجاة لقيت الواد فتح عينه وبص لي صرخت اكتر وضربت في رحم امي بايدي ورجلي والميه نزلت من الرحم والحبل السوري بيخنق فيا كمان وكمان وانا مش قادر. ومسكت الحبل السوري وبدات اقطع في بسناني وامي تتوجع وانا بحاول انقذ نفسي مش عايز اموت ولقيت امي دخلت اوضه تانية كلها جثث اموات واطفال كتير في كفنهم ونامت علي ظهرها وبدات تصرخ وتصرخ وانا بنزل من بطنها والدم حوالين مني واول ما نزلت مسكت سكينة من جنبيها وقطعت الحبل السوري وبقيت طفل رضيع بصرخ وسط كل الجثث اللي في الاوضة واللي فيها اعمال خبيثة اللي محطوط العمل في بوقه ومتخيط بنفس السلك واللي العمل محطوط في دماغة ومتخيط بنفس السلك كلها مناظر تقرف وانا عمال اصرخ وابص للمنظر واقول نفسي انا اتولد وسط كل النجاسة دي ودخل ابويا الاوضة وامي كانت لسة نايمة علي ظهرها تعبانة من الولادة فبص لي وبص لها
بردو جه ولد.
وداد قالت له
قدمة قربان وخلاص يمكن يقبله الاعور
عوض
الاعور ما بيقبلش الا انثي . لانه بيحب دمكم
وداد
طيب والعمل
عوض
هاقدمك انتي قربان للاعور
وداد صرخت وقالت
بعد كل اللي عملتة عشانك تضحي بيا
عوض
لازم اقدم للاعور في عيد الدم. قربان والا كل الخواص والقدرات اللي بمتلكها هاتروح مني لغيري
وداد
ويوم ما تقدم قربان يكون انا.
عوض
ما انا كنت هاقدم له اللي في بطنك لكنك جيبتي ولد بردو. ودلوقتي مافيش قدمنا غير اسبوع وهاقدمك لي ويارب يقبلك
اتعدلت وداد وبصيت بغل
انت لو قربت مني انا هاقتل لك واقتل نفسي
عوض وهو بيمسكها من شعرها
صوتك بقي يعلي عليه طيب وحياة امك لابدا من دلوقتي تحضيرك لقربان العيد
وبدا يسحبها من شعرها وحطها علي تربيزة الاعمال النجسة قدامة وكتف ايديها يمين وشمال وانا زحفت علي بطني لغاية ماخرجت برة الاوضة اللي فيها العيال الميتة وبدات ابص علي ابويا وهو ماسك راس الشحات الاعور اللي شوفتة علي القهوة وبدأ يبص لراس الاعور ويقول بصوت مخيف
اقبل مني يا سيد السحره هدية عيد الدم.
ووداد بتصرخ وتقول
انا مراتك يا عوض ازاي تضحي بيا بالسهوله دي
عوض وهو ما بيبصش ليها وعمال يقول
اقبل مني يا سيد السحره هدية عيد الدم.
وكررها اكتر من مرة وبدا يحصل في الاوضة حاجات غريبة وصوت ضحك يخوف وصوت الاعور بيقول
قربانك مقبول قربانك مقبول
وبدات راس الاعور اللي من غير جسد تتحرك وتبص ناحية وداد ولسان الاعور بيلف حوالين وداد ووداد بتصرخ والدم بدأ يخرج من شعر راسها بشكل يخوف وفجاة قالت وداد
انا مش عايزا اموت. انا اعرف عنوان البيت القديم اللي في مستخبيئة بنت عوض من مراتة الاولي ودمها افضل من دمي يا سيدي الاعور
اتصدم عوض وبص لوداد. وراس الاعور بصيت لي عوض فبص عوض لراس الاعور وقال
متصدقهاش يا سيدي دي،،،،،،،
وقبل ما يكمل الجملة سحب الاعور لسانة من حوالين وداد ووجه الاعور لسانه ناحية صدر ابويا واخترق اللسان صدر ابويا وبدأ يصرخ ويصرخ والوجع بيزيد وراس الاعور راحت طايرة ناحية ابويا وقالت بصوت مخيف
بنتك هي قرباني في عيد الدم
ابويا بصعوبة
بنت دي من جنية كنت متجوزها ومسخرها لخدمتي وهي خدت بنتي وهربت للبيت القديم وماقدرش اخشه
الاعور وهو بيلف لسانه جوة جسم ابويا وابويا بيصرخ من الوجع وبيقول
بنتك هي قرباني
واختفت راس الاعور وانا ببص للي بيحصل ومش مصدق ولا مستوعب ازاي ابويا وامي بالقذراة دي وهما اصلا كان اللي يشوفهم يقول عليهم طيبين وقعدت افكر اخرج ازاي من المصيبة دي وماخرجنيش من تفكيري الا صوت ابويا وهو بيصرخ في امي وبيقول
اجيبها له ازاي وهي بنت ملكة من ملوك الجن الازرق. ومن يوم ما اتولدت وهي مخبيها مني في البيت القديم وانا ماقدرش اقرب من البيت دة
وداد وهي بتضحك
كنت فاكر اني هاسيبك تضحي بيا ببلاش. شوف بقي هاتقدر تقدمها له ازاي في عيد الدم اللي كمان اسبوع.
ضحك ابويا ضحكة كلها شر وبص لي وقال
انا ماقدرش اقرب من البيت القديم لكن اللي من دمنا يقدر يقرب ويخش البيت القديم كمان
وراح ناحيتي ومسكني من راسي وحطني علي صدر امي ومسك السكينة وذبح امي والدم بدأ يمشي علي جسمها ولقيتة رايح بالسكينة ناحية رقبتي وذبحني انا كمان وقعد اصرخ لكني مع اني مذبوح شايف اللي بيحصل والدم بتاعي اختلط بدم امي ولقيت ابويا ذبح نفسه ودمنا احنا الثلاثة اختلط مع بعضة وبدأ الدم يكون مخلوق مخيف والمخلوق دة هو أنا. ،،،،،،،،،،،،،
يتبع
👍🏻👍🏻👍🏻👍🏻👍🏻👍🏻
ردحذفجميلة بجد واللهي تسلم ايدك
ردحذفمتابعه
ردحذف