ملك والعين الحمراء
★الحلقة الخامسة★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويقترب موسي منها وهي تروح ناحيه البالكونه الموجوده في اوضتها وتدخل للبالكونة وموسي بيقترب منها وتفضل ملك تنادي علي مشمش ومشمش يبص لها وما يردتش ولا حتي يحاول انه بساعدها فتستغرب ملك ووقتها يزقها موسي زقة قوية فيختل توازن ملك ويعدي جسمها
الهاند ريل الخاص بالبالكونه وتصرخ ملك وهي في الهواء بتقع ووقتها يمد موسي ايده ويمسك ايد ملك وهو بيقول
عايزا تعيشي
ملك وهي تمسك أيده بكل قوتها وتقول
طلعني
موسي
هاطلعك بس عايز منك حاجه
ملك وهي خايفة انها تقع تقول
طلعني وهاعمل لك اللي انت عايزه
موسي
تكتبي لي شيك بي 5 مليون
ملك
هاديك اللي انت عايزه
فيسحبها موسي لغاية ما تدخل البالكونه وتبص له ملك وهي بتلقط انفاسها بصعوبه وبتبص لعيون موسي الحمراء وبتقول
انت جن ولا انس ولا شبح
موسي
انا موسي
وتدخل ملك لاوضتها فتلاقي سريرها فاضي ومافيش اثر لجثة اشجان حتي مافيش دم علي السرير فتستغرب بشدة وتبص لموسي وتقول
راحت فين جثه أشجان
موسي
رجعتها لصاحبها
ملك باستغراب تقول
يعني ايه رجعتها
موسي
يعني رجعتها مطرح ما كانت. ولا انتي عايزها تنام في حضنك
ملك وهي بتبص له بشك وتقول
انت عايز تجنني ولا عايز اية تخوفني بس انا عارفة انك
انس لانك لو جن او شبح وجاي تنتقم لاختك سلمي هاتعوز فلوس ليه ما تقتلني وانتقم لاختك وريحني
موسي وهو بيقرب من ملك ويبص في عيونها ويقول بتهديد
انا فعلا هاقتلك بس لما اخد حق اختي الاول
ملك
جاي تاخد حق اختك اللي كانت عايزا تقتلني. انا لو عملت حاجة في اختك فكنت بدافع عن نفسي من شرها
موسي
بجد. ادائك مش مقنع انت صحيح مطربة شاطرة بس ممثلة فاشلة اوي. وعلشان ادائك دة تستاهلي السبرايز دي
ويبص موسي ناحية باب الاوضة فتبص ملك ناحية الباب فتلاقي ظابط واثنين عساكر واقفين قدام منها والظابط بيقول
مدام ملك مطلوب القبض عليكي
ملك باستغراب وتقول
ليه هو انا عملت ايه
فيبص الظابط ناحية السرير وهو بيقول
قتلتي اشجان مرات سيد الشرنوبي
فتبص ملك ناحيه السرير فتلاقي جثة اشجان والدم لسة بينزل منها وكانها لسة مقتوله. فتصدم ملك ومن الصدمة كانت هاتقع من طولها وموسي بيقول لها
هاتوحشينا يا فنانه
وملك تبص لموسي وتقول للظابط وهي بتشاور علي موسي
انا ماقتلتهاش هو ده اللي قتلها
فيبص الظابط مكان ما شورت ملك ومابشوفش حد ويقول
مافيش حد في الاوضه غيرك يا مدام
فتبص ملك ناحيه موسي اللي كان بيضحك ضحكه مخيفه وياخذو العساكر ملك ويخرجوا بيها من الاوضة وملك منهارة وبتقول
انا ما قتلتش حد ماقتلتش حد. والله العظيم ماقتلت حد ,,,,,,
وبعدها بشوية ومن جوة القسم كان مشمش قاعد مع ملك في اوضة المامور. وملك منهارة من العياط ومشمش بيقول لها
اهدئي شويه وكفايه عياط
ملك بانفعال
اهدئه وانا مسجونه ازاي ازاي. انا لازم اخرج من هنا انا برئية ماعملتش حاجة والله.
مشمش
لازم نوصل للي اسمه موسي ده. بس اوصل لواحد زي ده ازاي واحنا مش عارفين دة جن ولا انس ولاشبح دة انتي بتقولي انك فضلتي تندهي عليه وهو في اوضك والبوليش عدي بيكي قدامي وهو قابض عليكي وانا لاسمعت ولا شوفت اي حاجة من اللي بتحكي
ملك
مشمش لازم تفتكر كويس اللي حصل في اليوم ده ولو موسي ده شبح او جن فالظابط والاثنين عساكر اللي جم يقبضوا عليها أكيد مش جن يعني اكيد شوفتهم
مشمش يفكر لي لحظات ويتذكر ما حدث في ذلك اليوم ثم يقول
ماشوفتش حد انا متاكد
وفي الوقت دة يدخل ادم عليهم الاوضة فتبص له ملك باستغراب وضيق في نفس الوقت وقالت
انت بتعمل اية هنا. جاي تشمت ولا بتتفق مع حد يخلص عليه جوة السجن
ادم
ليكي حق تقولي كل اللي انتي عايزا لكن انا مش هرد عليكي وماينفعش اعرف باللي حصل لك وماقفش جنبك
فتبص له ملك وتسكت مش عارفة تقول اية. وهي في نفس الوقت محتاجة لمساعدته وقعد ادم قدام ملك وقال
اية اللي وداكي الشياله بتاعك في ميامي. امبارح بالليل
استغربت ملك اوي ومشمش ما اختلفش عنها كتير وقالت
انا ماخرجتش من الفيلا امبارح خالص
ادم
ازاي بس والبوليس قبض عليكي في الشالية وعلي السرير جثة اشجان. هي حاولت تقتلك وانتي كنتي بدافعي عن نفسك
ملك
ادم انت عايز تجنني انا ما خرجتش من الفيلا خالص. ومشمش قاعد علي البوابة ليل ونهار
وبصت ملك لمشمش وقالت
ما تقول لادم انا كنت فين امباراح طول اليوم
مشمش
في الفيلا.
ادم
يعني اية الظابط بيكذب عليه. دة لسة قايل لي انك اتقبض عليكي في ميامي وتم تحويلك للقاهرة
ملك وهي هاتجنن
انا مابقتش فاهمه حاجة. اية اللي بيحصل لي دة ادوس واحدة بعربيتي وانا مش في وعيي واكون في اسكندرية وانا مش في وعيي.
ادم
كل دة من تخطيط موسي
ملك
موسي دة قالي انه اخو سلمي وجاي ياخد حقها مني
ادم
سلمي. يبقي انا عرفت المفروض نبدأ منين علشان نوصل للحقيقة، ،،،،،،،،
ويعدي يوم ويروح ادم ومشمش لمكتب مدير اعمال سلمي وكاتم اسرارها طارق ويقعدوا الاثنين قدام منه فيبص لهم ويقول
السكرتيرة قالت لي انكم محتاجين تتكلمو معايا ضروري. خير اقدر اساعدكم ازاي
ادم
مش هنضيع وقتك. عايزين كل حاجة تعرفها عن اخو سلمي ابو سالم
طارق
تقصد موسي
ادم
هو موسي دة
طارق
بس في وعد بيني وبين مدام سلمي باني ماحكيش مع اي حد عن موسي اخوها دة
فيحط ادم ايدة في جيبة ويخرج شيك باسم طارق ويحط الشيك قدام طارق وهو بيقول
اتاكد كدة من ان الشيك اللي قدامك دة في اسمك الرباعي مظبوط
فيمسك طارق الشيك ويقول
مظبوط
ادم
اتاكد بقي من الرقم اللي مكتوب في الشيك. كفاية انه يفك وعد ولا محتاج تاني
فتلمع عيون طارق وهو بيبص للرقم بطمع شديد فيسحب ادم الشيك من ايده ويقطعه وهو بيقول
حاسس ان دة مش كفاية
ويخرج شيك تاني برقم اعلي ويحط الشيك في ايد طارق ويقول ادم
دة بقي كفاية
يحط طارق الشيك في جيبة وهو بيقول
سلمي كان ليها اخ اصغر منها اسمه موسي من ام افريقيه اتجوزها والد سلمي وهو في رحله عمل للسنغال وكان موسي دة دكتور صيدلي وأتقتل في ظروف غامضه بعد ماساب السنغال وجة يعيش في مصر وسلمي كانت بتصرف علية وعلي ابحاثة العلمية وكل دة في السر
ادم
واللي اسمة موسي دة جة مصر لية
طارق
ما عرفش بصراحة اصل سلمي كانت ديما حريصة انها ما تتكلمش مع اي حد في موضوع موسي دة
ادم
معاك صورة لموسي دة
طارق
لا. الصراحة
ادم
طيب ممكن توصفة
طارق
انا ماشفتوش غير مرة واحدة مع سلمي وبعد كدة عرفت منها انه مات مقتول
مشمش
حاول تفتكر اي حاجة تخصة يا استاذ طارق
طارق وهو يتذكر شكل موسي
هو لا طويل ولاقصير واسود وجسمة مش نحيف قوي وشعرة خشن جدا
ادم
هو موسي اللي احنا بنشوفة
طارق باستغراب
موسي ازاي بس موسي مات. وانا طلعت تصريح دفن بايدي باسمة
ادم بعصبية
يعني اية اللي بيطلع لنا دة شبح.
مشمش
اهدئة يا ادم اكيد في حاجة غلط ولازم نفكر صح عشان نحل اللغز دة، ،،،،،،،،،
ومن جوة القسم يقعد ادم و مشمش مع ملك وتبص لهم ملك بعد ما عرفت كل اللي عرفو وتقول
يعني ايه موسي ده شبح فعلا
ادم
كل الادلة بتقول انه شبح لان فعلا موسي دة ميت انا اتاكد بنفسي
مشمش
ده احنا باين علينا داخلين علي ايام جميله
ملك
هو في اشباح فعلا
ادم
اظاهر ان فعلا في اشباح.
ملك
وده نخلص منه ازاي
مشمش
مافيش غير الشيخ عبد القادر هو اللي يقدر يتعامل مع الارواح الشريره،،،،،،،،،،
لو عجبتكم الحلقة ياريت تعرفوني رايكم بلايك او كومنت.
دة لو مش خسارة فيا اللايك او الكومنت انما لو خسارة فيا خلاص ما تعلقش وحتي بلاش اللايك
من تاليفي، ،،،
محمد منصور. **منص**
جميلة جدا كملي
ردحذف