ملك والعين الحمراء
★الحلقة الثالثة★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة اوضة نوم ادم كان ادم نايم علي سريره وكانت الساعه عديت 12 الظهر. ففتحت ملك باب الاوضة وراحت ناحيه ادم وقعدت جنبه وقالت وهي بتلعب في شعره.
ادم يا حبيبي يالا قوم بقي الساعه بقيت 12
فيفتح ادم عيونه بصعوبه شديده ويبص لملك وهو بيقول. باستغراب
ملك.
ويتعدل في قعدته ويبص حوالين منه ويقول
انا فين
ملك
أدم حبيبي انت في سريرك
ادم باستغراب
ادم حبيبي. ملك انتي كويسه
ملك
اه كويسه
ادم باستغراب يقول
يعني مش زعلانه مني في حاجه
ملك
وهازعل منك ليه ده احنا راجعين من الفرح بالليل واحنا فرحانين
ادم باستغراب اكتر واكتر يقول
احنا رجعنه مع بعض امبارح.
ملك باستغراب
ادم مالك
ادم
ملك انتي امبارح سيبتي الفرح ومشيتي زعلانه
ملك باستغراب
أنا. محصلش
ادم
ايوه انتي ماروحتيش، معايا أمبارح انا امبارح روحت شقه اختي وي،،،،،،،،،
فيرن موبيل ادم ويلاقي ابوه هو اللي بيتصل فيتصدم ويفتح عيونه ويغمضها وهو مش مصدق اللي بيحصل. فيدوس علي زرار الرد وهو مش مصدق. ويفتح الاسبيكر واول ما يفتح المكالمة يسمع صوت اخته الكبيرة بتقول
الو. ادم. يا ادم
لكنه ما يردتش ويرمي الموبيل بعيد عنه وهو خايف ومرعوب فتقول له ملك
ماترد يا ادم في ايه مالك
وترد ملك علي اخت ادم قائلا
الو
فتقول اخت ادم
الو ايوه يا ملك
ويدور حوار بين اخت ادم وملك وادم عمال يبص للموبيل وبيقول. لنفسه
أزاي أختي المقتوله علي ايد اختي التانيه تتصل بيا ومن علي موبيل ابويا اللي كان بيتحرق قدام عينية في شقة اختي العروسة وازاي عم جمال يشوفه عايش بعد ماراسه أتقطعت وموسي اللي قتله ازاي لسه عايش ويعني ايه ناس كتير كلها شبه موسي وموسي ده ايه انس ولا جن
لا يقطع حبل افكاره الا صوت ملك وهي تقول له
ادم ادم
فببص لها ادم ويقول بنرفزه
في ايه يا ملك
ملك
انت بتزعق ليه
ادم بنرفزه اكثر وعصبيه شديده
عشان كل شويه ادم ادم عايزا ايه من زفت
ملك بنرفزه مثله
مش أنا اللي عايزا اختك بتقول لك هما رايحين يباركوا لختك بعد العصر هاتروح معاهم ولا لا
ادم
انا مش ها ستني للعصر انا رايح دلوقتي
ويقوم من علي السرير ويلبس هدومة مسرعا ويخرج من الاوضة زي المجنون، ،،،،
ومن قدام باب شقه اخت ادم العروسه يخبط ادم علي باب الشقه بشكل مخيف فيفتح له العريس وهو مفزوع ويقول
أدم بتخبط ليه كده
فيبعد ادم العريس عن طريقه ويدخل الشقه ويبص لكل ركن في الشقه بيدور عن اي اثر لحريق لكي يثبت لنفسه انه عاقل مش مجنون ولكن الشقه كانت نظيفه من اي أثر لحريق فمسك أدم دماغه وتحولت عيونه للون الاحمر ووقع علي الارض مغمي عليه بسبب انهيار عصبي ،،،،
ومن قدام فيلا ملك كانت تقف ست عجوزه كانت مخبيئة وشها وراء اشارب اسود. قدام مشمش ومشمش كان بيقول لها
وانتي عايزا ملك في ايه يا حاجه
العجوزة وهي بتعيط قالت
عايزها تساعدني بقرشين انا بصرف علي سبع يتاما وعرفت انها في فعل الخير ما حدش زييها قولت لما اجي
واطلب منها يمكن تساعدني كل شهر بمبلغ اعرف اصرف بي علي عيالي
مشمش
ربنا يعينك يا اما علي تربيتهم ومن ناحيه ملك هي مش
هاترجعك مكانك الا وانتي مجبوره الخاطر
وفي الوقت تخرج ملك من فيلتها وهي راكبه عربيتها فيروح ناحيتها مشمش ويقول
ملك الست دي بتصرف علي سبع يتاما وكانت محتاجة منك اي مساعدة
ملك
اديها كل اللي هي عايزا
فتقف الست قدام عربية ملك وتبص لملك وتحمر عيون ملك زي ماعيون ادم بتحمر وفجاة تدوس ملك بنزين فتتحرك العربية ناحية المراة العجوزة. وتخبطها ملك وهي تقول
كان لازم تبعدي عن العربيه علشان هتوسخيها. جتك القرف
فيستغرب مشمش من اللي شافه وملك تتحرك بعربيتها وتسيب وراء منها العجوزة علي الارض ومشمش بيساعدها انها تقوم وهي بيقول لها
معلش يا حاجه. حقك عليه انا. بس غريبة انا اول مره اشوف ملك كده
فتبص له السيده العجوز. وهي بتقف علي رجليها وتقول
كتر خيرها
وتسيب الست دي مشمش وتمشي وهي ماشيه تبص ناحيه شاب كان وراء شجرة قدام فيلا ملك وبيصور كل اللي بيحصل وبمجرد ما تبعد الست العجوزة دي عن فيلا ملك قلعت الجلبية بتاعتها ورفعت الاشارب اللي كانت بتلفه علي وشها وكان موسي اللي طلع الموبيل بتاعه وبيقول
صورت كل حاجه حصلت
الشاب
كله اتصور
موسي
عايز الفيديو ده ينزل علي النت ويتعمل له هشتاج لازم كله يشوف ملك وهي بتخبط الست الكبيره بعربيتها
ويعدي يوم بالظبط واليوم دة كان كفايةعلشان فيديو ملك ينتشر وبقي الفيديو دة حديث الساعه وكل وسائل الاعلام وتعرضت ملك لحمله هجوم من كل الاعلاميين وملك كل ما تشوف الفيديو تنكر انها عملت كدة ولكن الفيديو دة كان ضربه في مقتل لشعبيه ملك عند جماهيرها واضيقت ملك جدا ومابقتش عارفة تثبت ازاي للناس اللي تعرفها انها برئية من اللي حصل دة.
ومن جوة مستشفي خاص يرقد ادم علي سريرة وكانت حالته الصحية مش مظبوطة بسبب الضغط العصبي اللي اتعرض له وكانت معه في الاوضة السكرتيرة بتاعتة نسرين وهو كان بيقول لها
انا مش مجنون والله اللي قولته ليكي دة حصل
نسرين
ازاي بس وانا شيفاك وانت مروح ليلتها مع ملك وفي عربيتك
ادم بعصبية شديدة
يعني هكون بحلم. موسي دة بشوفه من كام شهر
نسرين
وهو لية بياخد منك الفلوس دي كلها
ادم بارتباك
فلوس شغل قديمة ولازم ادفعها. وبعدين انا بكلمك في اية وانتي بتكلميني في اية.
نسرين
طالما هو بيعمل معاك كدة لية ما بلغتش البوليس يحموك منه
ادم
واجيب لنفسي وجع القلب وسمعتي في السوق تروح في داهية. لا طبعا مستحيل ادخل البوليس في حوار زي دة
نسرين
يبقي تشوف شيخ بقي يطلع من عليك العفريت دة
ادم
شيخ، ،،،،،،
وعدي كام يوم ومن جوة فيلا ملك كانت ملك تقف وقدام منها موسي وهي بتقول له
انت مين وعايز تقابلني ليه
موسي
انا موسي ابن الست اللي انت خبطيها بالعربية
ملك
انت ابنها هي فين الست دي عايزا اعتذر لها واستسمحها انا مش عارفه ازاي انا عملت كده
موسي
خلاص ما باقش ينفع امي ماتت
ويبكي موسي ويبص لملك ويقول بمسكنه
امي لما انتي خبطيها وقعت علي دماغها وقامت ومشيت وهي عندها نزيف داخلي في المخ ومكناش نعرف لغايه ما ماتت الله يرحمها
فتقعد ملك علي اقرب كرسي ليها وكانت منهارة وبتقول
يعني كدة انا السبب في موتها
موسي
ماتقوليش كده هو عمرها خلص لغايه هنا الله يرحمها سابت في رقبتي 6 اخوات وبقيت انا المسئول عن تربيتهم
ملك وهي حزينه تقول
انا مش هاسيبك لوحدك اعتبرني اختك وكل اللي انت عايزه انا تحت امرك
موسي
انا كل اللي عايزه من حضرتك مبلغ افتح بي اي مشروع اصرف منه علي اخواتي
ملك
بس كده خليك واقف ثواني هاكتب لك شيك وهاجي لك
في الوقت دة يفتح باب الفيلا ادم ويدخل فيلاقي موسي فيروح ناحيته بسرعه ويمسكه من لاياقه القميص ويقول ادم بعصبيه
أنت بتعمل ايه هنا يا ابن الكلب
موسي
انت كل ما تشوفني تمسكني من لاياقه القميص والقميص بيتكرمش انت عارف انا بكوي القميص بكام
فيخرج ادم مسدسه من جيبه ويحط المسدس في دماغ موسي ويقول ادم بلغه التهديد
أبعد عني احسن لك
موسي
ولو مبعدتش
ادم
هاقتلك
موسي
انت خفيت وبقيت بتنسي. انا ميت قبل كدة مش كل شوية اقول لك. وبعدين اللي هايموت هو انت وانا اتفقت مع ملك علي كدة وهي بتكتب لي شيك ونازلة بي حالا ثمن روحك
وفعلا في الوقت دة تقف ملك قدامهم وفي ايدها الشيك فيبرق ادم بغضب شديد ويقول لملك. وهو مصوب المسدس ناحية راسها
انا مش هاموت لو في حد هايموت النهارده هو انتي
ويستعد ادم لضرب النار،،،،،،،،
لو عجبتكم الحلقة ياريت تعرفوني رايكم بلايك او كومنت.
دة لو مش خسارة فيا اللايك او الكومنت انما لو خسارة فيا خلاص ما تعلقش وحتي بلاش اللايك
من تاليفي، ،،،
محمد منصور. **منص**
جميله اكمل
ردحذفرووووووعة انت تستاهل مليون لايك ربنا يحميك ويوفقك
ردحذف