ملك والعين الحمراء
★ الحلقة السادسة★
والاخيرة
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من جوة فيلا ملك يقعد ادم ومشمش قدام الشيخ عبد القادر. وبعد ما حكي لي ادم حكاية موسي معهم قال الشيخ
دي حكايه عجيبه جدا واغرب من الخيال. وبصراحه بالنسبه لي ملهاش تفسير ازاي ده جن او شبح ويطلب فلوس
مشمش
ده نفس الكلام اللي قالته ملك
الشيخ عبد القادر
طيب ازاي انس وعنده القدره ان يعمل افعال الجن
ادم
موضوع يحير يا سيدنا الشيخ صح
الشيخ عبد القادر
صح بس كل حاجه وليها تفسير وعموما خلينا نتعامل مع الموضوع علي انها روح شريره او عمل سفلي
ادم
ولو روح شريره او عمل سفلي هاتعرف تخرجها
الشيخ عبد القادر
باذن الله
ويقف الشيخ عبد القادر في وسط الفيلا ويبدأ يقراء قران وهنا خرج موسي من اوضة المكتب اللي في الدور الاول وبص له الشيخ وقال
انت مين
موسي
انا موسي
فيخرج الشيخ ازازة مية مقري عليها قران ويرمي المية دي علي موسي فيضحك موسي فيقول الشيخ
انت داخل البيت ده عايز ايه من اهله
موسي
عايز حق اختي
الشيخ
اختك سلمي
موسي
ايوه قتلوها بعد ما جننوها
ادم
ماحصلش هي اللي كانت عايزا تقتل ملك واحنا كنا بندافع عن ملك وبنحميها منها
موسي
كداب سلمي بعد ما دخلت المستشفي انتوا قتلتوها
الشيخ
اسمع يا موسي هما ما قتلوهاش وانا بامرك تسيب اهل البيت في حالهم او اما هاحرقك
موسي
مش هاتقدر تحرقني
فيقترب الشيخ عبد القادر من موسي ويبص له في عيونه بتحدي وهو يقول
بلاش تتحداني
موسي ضاحكا
انا اتحدي اي حد طول ما حق اختي مارجعش
الشيخ عبد القادر
يبقي انت اللي جيبته لنفسك
ويبدا الشيخ قراءه سوره البقره والايات الخاصه بالسحر فيبص له موسي ويضحك وينتهي الشيخ عبد القادر من قراء القران ويستغرب ازاي موسي. مش متاثر بالقران ويقول موسي ضاحكا
كمان مره بس عايزك تقراء بصوت عبد الباسط
الشيخ
انت مجرد بني ادم.
موسي
انا موسي
ويروح موسي ناحية ادم ويقول
محدش ها يعرف يحوشك من أيدي وأعرف أن قبر ملك هايتفتح علشان تدفنها وبعد كده انت اللي هاتدفن
فيترعب ادم ويضحك موسي ويسيبهم ويمشي فيبص ادم للشيخ ويقول
سمعت يا شيخ قال ايه
الشيخ
سمعت
مشمش
والعمل ايه يا شيخ
الشيخ
لازم نعرف مين دة وازاي بني ادم يقدر يكون بقدرات الجن والارواح بيظهر ويختفي وقت ما يحب
آدم
يعني ايه ما فيش فائده
الشيخ
احنا لازم نروح المستشفي اللي اتحجزت فيها سلمي ونشوف هي ماتت ازاي،.،
ومن جوة المستشفي يقف الثلاثة مع الدكتور اللي كان بيعالج سلمي والدكتور كان بيقول
في اخر ايامها حالتها كانت في النازل دي حتي كانت بتتكلم مع شخص اسمه موسي بتقول انه اخوها وانها بتشوفو وبتتكلم معه لغايه ما في ليله صحيت من النوم وراحت ناحيه الشباك وبالصدفه كان في ممرضه في الاوضه وحاولت تمنعها زقيتها بعيد عنها وقالت لها سيبني انا رايحه مع موسي ونطت من الشباك وماتت
الشيخ
ماتت وعلشان كده موسي فاكر انكم انتو اللي قتلتوها
ويخرج الشيخ وادم ومشمش من المستشفي ويروحو ناحية عربية ادم وبمجرد ما يركبو العربية يلاقو موسي واقف جنب باب العربية وبيقول
صدقتوا انها ماتت
الشيخ
بس لا ادم ولا ملك هما اللي قتلوها
موسي
ازاي هما فعلا قتلوها واكتر من مره يوم ما ملك حرمتها من النجوميه بتاعتها ويوم ماضحك عليها ادم وقال لها انه هايقتل ملك وزق العربيه وهي وملك جواها علشان يخلص منهم ويوم ماخدو. فلوسها
يقول الشيخ لادم
انتو خده فلوسها منها
ادم
أه حصل
الشيخ لموسي
ولو خدت فلوس اختك تبعد عنهم
موسي
الفلوس هاترجع غصب عنهم وهما هيموتو وانا مش هارحم حد منهم
الشيخ
موسي ما تجيب اخرك وقول اية اللي يريحك
موسي
يرجعوا الفلوس اللي خدوها من سلمي كلها وكل فلوس ادم وملك
ادم بعد تفكير لبعض الوقت يقول
وانا موافق بس هتاخد الفلوس بعد خروج ملك من القضيه
موسي
الفلوس تخش النهارده في حساب سلمي في البنك وبعد كده براءه ملك
ادم
في املاك تخص ملك مش ها قدر اتصرف فيها لازم تكون ملك بره السجن
موسي
يبقي النهارده ترجع فلوس سلمي لحسابها في البنك وبعد ماتخرج ملك هاخد بقيت حقي
وبالفعل ينفذ ادم المطلوب وترجع فلوس سلمي لحسابها في البنك.
وتمر الايام والاسابيع بل شهور وموسي اختفي تماما من حياه ادم وادم يبحث عنه في كل مكان ويحاول الوصول له ولكن بلا فائده اختفي فجاه من حياه ادم كما ظهر فجاه وضاع الخيط الوحيد لي أثبات براءه ملك و ملك في السجن تبكي وتنتظر وصول ادم الي موسي وتحدد لها جلسه في المحكمه للنطق بالحكم في قضيه مقتل اشجان وجاء يوم المحكمه وملك واقفه في قفص الاتهام ويجلس في القاعه كل من يعرف ملك والصحافه والاعلام كانت قضيه الموسم وجاءت لحظه النطق بالحكم وينظر القاضي الي ملك ويقول
حكمت المحكمه حضريا علي ملك الحريري سليم بي بالاعدام شنقا لقتلها اشجان محمد السيد مع سبق الاصرار والترصد
فينظر ادم الي ملك الذي صرخت صرخه كلها قهر وظلم وسقطت فاقده الوعي ، ،،
من داخل مستشفي توجد ملك علي سرير في احدي حجرات المستشفي تحت حراسه من اثنين عساكر وكانت في المستشفي تتلقي العلاج بعد اصابتها بحاله فقدان
الوعي عندما سمعت حكم المحكمه باعدامها واثناء ما هي نائمه علي السرير يدخل عليها ادم ويتجه ناحيتها ويرتمي في حضنها فتحضنه ملك بشده وتبكي وتقول
ادم انا مش عايزا اموت اعمل اي حاجه وخرجني من هنا
ادم
ماحدش هايقدر يقرب منك طول ما أنا عايش وهاخرجك من هنا أن شاء الله حتي لو كان التمن اني اتعدم بدل منك
فتنظر له ملك فتجد دموعه علي خده فتمسح دموعه وتقول
للدرجه دي بتحبني
ادم
انا عمري ما حبيت ولا هاحب حد غيرك
ملك
اومال ليه كنت عايز تقتلني
ادم
الشيطان ضحك عليه وقال لي لو انتي وسلمي موته انا هاورثكم انتو الاثنين لاني كنت متجوزكم لحظه ضعف وبدفع تمنها لغايه دلوقتي وعمري ما هسامح نفسي
ملك
خلاص اللي فات مات المهم تشوف طريقه وتخرجني من هنا
ادم
قولت لك متخافيش لو في حد هايتعدم ف هيكون موسي لكن اوصل له ازاي،،،،،،
و قرر ادم ان يذهب الي مدير اعمال ومحامي وكاتم اسرار سلمي مره اخري لكي يساله عن اي معلومه ولو صغيره توصل له للمكان الذي كان يختبئ في موسي وممكن من معرفته لهذا المكان يعرف اي شي يفيده ووصل عند مكتب مدير اعمال سلمي وكاتم اسرارها وهو يركن سيارته يجد موسي داخل العماره الموجود بها مكتب مدير اعمال سلمي فيقول لي مشمش
شوفت اللي انا شوفته
مشمش
ده موسي
ادم
يبقي كده موسي وقع برجله في شر اعماله
مشمش
طيب ماننزل نجيبه من قفا امه
ادم
غلط اكبر غلط احنا نستني هنا ولما ينزل نراقبه ونشوف هايروح فين
وتمر ساعه وادم ومشمش في السياره في انتظار موسي وبالفعل يخرج موسي من العماره ويركب سيارته وينطلق بها وينطلق ادم خلف منه بحذر شديد حتي لايراه ويصل موسي الي فيلا في التجمع في منطقه مهجوره ويدخل موسي الي الفيلا فيقول ادم لي مشمش
اسمعني كويس انا هاتصل بيك افتح عليه الخط انا هاشغل الاسبيكر وانت تسجل كل حاجه هاتدور بيني وبين موسي
مشمش
انت ناوي علي ايه بالظبط
ادم
ناوي اجرجره في الكلام لغايه ما يعترف بان ملك برئيه اوعي التسجيل يوقف انا نازل
وينزل ادم ويتصل بي مشمش علي موبيله ويفتح مشمش الخط ويبدا التسجيل، ،،
ومن داخل الفيلا كان موسي يجلس في حجره النوم يمسك بالموبيل الخاص به فيكسر ادم باب الحجره ويدخل الي الحجره مسرعا ويهجم علي موسي الذي خاف عندما راي هجوم ادم عليه وضربه ادم لكمه قويه وامسك به من ياقه القميص وقال
دافع عن نفسك يا عم الشبح
فيحاول موسي ان يبعد ادم عنه ولكن آدم يمسك به بكل قوه ويقول له آدم بعصبية
انت مين يا ابن الكلب
فلا يرد موسي وهو يحاول الخلاص من يد آدم ومن قوه الاندفاع انقطع قميص موسي في يد آدم وهنا صدم آدم عندما رأي تحت قميص موسي ملابس نسائية وجسمه ابيض واندهش وتعجب بشده وحاول موسي الهرب في اللحظه الذي فقد فيها ادم تركيزه ولكن ادم يتمكن منه مره اخري ويقول
انتي مين
فلا ياتي رد فيضربها ادم بالقلم ويقول بنرفزه
ردي انتي مين
فترد هذه المره قائلا
انا سلمي
فيبتعد ادم مصدوما مما سمعه ووقفت سلمي وخلعت لبس التنكر الخاص بموسي وادم لا يصدق ما يرا ويقول
أزاي ازاي
سلمي
كان لازم اخد حقي منك انت وملك وارجع فلوسي ومش كده وبس وتموت ملك وانت بعديها
ادم وهو لايزال في حاله عدم تركيز من الصدمه يقول
طيب والعين الحمراء والرصاص اللي ضربته عليكي والدكتور اللي قال انك موتي كل ده من تاليفك
فتضحك سلمي وتقول
كنت عايزا اجننكم زي ماجننتوني وقبل ما اقتلكم اشوفكم في مستشفي المجانين واتشفي فيكم علشان كده اتفقت مع الدكتور ان اي حد يسال عليه يقول اللي قاله وبكده تموت سلمي ويطلع لكم موسي اخوها من قبره علشان ياخد حق اخته وبالنسبه للرصاص اللي انت ضربته من مسدسك من بعد ماظهرت انا علي اني موسي فهو رصاص فشنك وانت اللي كنت بتحط الرصاص الفشنك بايدك من غير ماتعرف انه فشنك
وتضحك وتضحك وتقول
والعين الحمراء ده فيرس اكتشفه اخويا موسي الدكتور الكيمائي والفيرس ده كان السبب في قتل موسي علي ايد مافيا الادويه وطور. موسي الفيرس ودخل في الفيرس عمل سفلي خبيث اسمه وسواس وبمجرد دخول الفيرس ووسواس جسم الانسان تتحول عين الانسان لي اللون الاحمر لون الدم لان الفيرس والوسواس بيمشيو في الدم وطبعا الدم بيوصل للمخ وبمجرد وصول الفيرس للمخ انا بتحكم في الجهاز العصبي والسمعي والبصري الخاص بالانسان المصاب بالفيرس ومن هنا اي حاجه أكتبها انا علي اوراق وسواس تشوفها انت وكانها حقيقه. اللعبه كلها. لعبه وهم في وهم لان الفيرس اتلف الخلايا العصبيه الموجوده في المخ والوسواس يخليك تحت سيطرتي انت وملك كان نفسي تتجنن زي ما جننتني ونفسي ملك تجنن وتموت وتموت
ادم وهو ها يتشل من الصدمة
انتي مجنونه
سلمي
ومين فينا عاقل كلنا مجانين انت مجنون كنت عايز تقتل علشان خاطر الفلوس كده انت عاقل. وملك سرقت فلوسي هي كده عاقله كلنا مجانين. بس تعرف اني غلطت والغلطه الوحيده اللي عملتها خليتك تكشفني. مع اني كنت لسه عايزا العب عارف ايه هي الغلطه ان الفيرس بيموت جوه جسم الانسان بعد تلت شهور. وكان لازم تاخد جرعه تاني علشان تفضل تحت سيطرتي واعذبك كمان وكمان
ادم
والفيرس ده دخل جسمي ازاي انا وملك
تضحك سلمي
عن طريق الاكل في يوم كلته انتوا في مطعم من المطاعم بتاعتكم وجوه المطبخ اشتريت واحد من اللي شغالين عندك واتحط الفيرس في الاكل كان نفسي اقتلك زي ماكنت عايز تقتلني
فينظر لها ادم فتكمل سلمي كلامها قائلا
انت مجرم رهيب وشاطر وحبيت تخلص مني ومن ملك وتورثنا احنا الاثنين لكن ربنا وقعك في شر اعمالك. مكان ما العربية بتاعت ملك وقفت كان في صيدلية والكاميرا اللي قدام الصيدلية صورتك واللي شغال في الصيدلية عمل تحرياتة لغاية ما وصل ليا علشان يتفق معايا انه يساعدني في الانتقام من ملك وفعلا فضل يساعدني لغاية ما خلصت علية. وبدات العابكم بنفسي
ادم وهو يصفق لها يقول
لا برافو بجد برافو خليتني اصدق ان في اشباح وعفاريت
سلمي
أوعي في يوم من الايام تيجي علي واحده ست لانها بتتحول نار بتحرق كل حاجه حواليها
ادم
تمام وانا اتحرقت وانتي خدتي حقك ممكن بقي ملك تطلع بره اللعبه السخيفه دي
سلمي ضاحكا
ملك انسها خلاص كلها كام يوم وتتعدم وتموت وتريحنا
ادم
سلمي ملك ماقتلتش اشجان وانتي اللي قتلتيها علشان تلبسي القضيه لملك حرام عليكي هاتنعدم ظلم
سلمي
ايوه قتلت اشجان علشان ماقتلتش ملك وريحتني منها وفي داهيه الاتنين ان كان ملك ولا اشجان
ادم
تمام كده انا مش عايز منك حاجه تاني
ويهجم علي سلمي ويضربها لكمه تسقطها ارضا مغمي عليها فيحملها ادم ويخرج بها من الفيلا ويتجه بها الي قسم الشرطه ويسلمها للبوليس ومعها تسجيل ادانتها، ،،،
وتمر الايام والشهور وتخرج ملك من السجن ويحكم بالاعدام علي سلمي وينفذ حكم الاعدام في سلمي ويحكم علي ادم بالسجن في قضيه الشروع في قتل ملك وسلمي وبعد النطق بالحكم علي ادم ترجع ملك الي فيلتها ومعها مشمش وترمي نفسيها علي اول كرسي يقابلها ويبص لها مشمش ويقول
تعبتي الفترة اللي فاتت اوي
فتبص له ملك وتقول
اوي اوي. ومش عايزا اتعب تاني. انا كنت غلط من الاول لما وافقت ادم علي خطتة وقبلت علي نفسي فلوس سلمي كان لازم ترجع والا بقي يبقي أية الفرق بيني وبينها
مشمش
خلاص الفلوس رجعت لصحبتها
ملك بحسرة
بعد اية. كان لازم من بدري والفلوس رجعت اة لكني قلبي يرجع ازاي بعد كل الوجع اللي في
مشمش
إة. انتي تقصدي أدم
ملك
أدم دة كمان غلطة ولازم تتصلح.
مشمش باستغراب
تقصدي اية
ملك
اقصد اني لازم اسيب ادم
مشمش
أدم فعلا ندمان علي اللي كان عايز يعملة
ملك وهي بترجه بظهرها للوراء
في حاجات ما ينفعش فبها الندم،،،،،،
وتبتعد ملك عن الساحة الفنية بعد اللي شافتة من صراعات وتفتح مصانع ومطاعم وتشغل عمال كتير ملك قررت تستغل الفلوس صح وهي في اسعاد ناس متعرفهاش وفتح ابواب رزق لناس كتير محرومة وتمر السنين ويخرج ادم من السجن ويروح لملك الفيلا ويبص لها ويقول لها
انا طلقتك زي ما انتي عايزا. وهابعد عن طريقك لكن دة مش معني انا بطلت احبك
ملك
سامحني يا ادم لكن الفترة اللي فاتت خلتني فعلا افكر صح الست مننا لما بتحب راجل بتحبة علشان بتحس معه بالامان لكن انا مش هاعرف احس معاك بالامان تاني.
وتتنهد ملك وتقول بصوت حزين
مع اني سامحتك. في الاول لكني لما قعد مع نفسي لقيت نفسي بكذب علي روحي انا الفترة بتاعت السجن كنت عاملة زي اللي بتغرق وعايزا تتعلق باي قشاية وانت كنت بالنسبة لي القشاية دي. لكن بعد خروجي من السجن ولما قعد مع نفسي لقيت اني اخترت غلط من الاول ما كنش ينفع اتجوزك يا ادم.
فيبتسم أدم ابتسامة حسرة ويقول
صح يا ملك كلامك صح. علشان كدة ياريت تخليني قريب منك وشغليني في اي شغلانه عندك في المصنع المهم اني اشوفك ديما
ملك بحزن شديد
ان شاء الله.
فيبتسم ادم كمان مرة وعيونة بتدمع ويقول
بعد اذنك
ويخرج ادم من الفيلا ومن حياة ملك نهائي. ويشتغل مجرد عامل في مصنع من مصانع ملك
ودة اخرة الطمع خراب
النهاية
يارب تكون عجبتكم واوعي تنسوا الشعار بتعنا الايك وبس مش عندنا ده في الجروب اللي جنبنا، ،،،
مع تحياتي لاحلي اعضاء جروب شفتهم في حياتي
إرسال تعليق