ملك والعين الحمراء
★الحلقة الرابعة★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويرفع ادم المسدس في وش ملك ويستعد ادم لضرب النار فتبص له ملك باستغراب شديد وتقول
عايز تقتلني يا ادم
ادم
ها قتلك اقبل ما تقتليني انتي
ملك بصوت حزين
انا اقتلك. طيب لية
ادم
ملك بلاش كدب انا مش اهبل ولا عبيط ده انا شايف في ايدك الشيك
ملك وهي بتبص علي الشيك تقول
قصدك الشيك ده
ادم وهو بيبص لموسي الذي كان بياكل فاكهه ببرود شديد يقول
اه الشيك ده. مش ده التمن اللي هاتدفعي للكلب ده علشان يقتلني لكن عارفه انا مش زعلان منك لانك لما تعرفي اني كنت عايز اقتلك لازم تفكري في انك ازاي تاخدي حقك
فتصدم ملك عند سماعها لهذا الكلام ويقول موسي لنفسه
ياحمار قولت لها ليه كده حرقت ال سبرايز دانا كنت ماخليها لعيد ميلادها
ويستمر موسي في اكل الفاكهه الموجوده امامه وملك بتبص ل ادم وتقول له
انت يا ادم كنت عايز تقتلني. طيب لية
ادم
اه كنت هاقتلك مع اني بحبك بس الحرمان والفقر لما يلازمو بني ادم بيكره نفسه وبيكره اي حاجه حلوة في حياتة وانا في لحظه اتمنيت موتك علشان اورث كل فلوسك بس صدقيني ندمت وحمدت ربنا كتير علي انك ما موتيش ومن ساعتها وانا حبيبك اللي اتمنتيي وانتي حبيبتي اللي ما حبيتش غيرها
ملك وهي بتعيط بحرقة وبتقول
انت عمرك ما حبيتني انت حبيت الفلوس ولما اتجوزتني اتجوزتني علشان معايا فلوس ولو كنت فضلت انا زي ما انا ملك بتاعت الهوس كيبن عمرك ماكنت اتجوزتني
ادم
ما تقوليش كده، ،،،،،
ولكن ملك تروح ناحيته. وتمسك ايدة اللي فيها المسدس وتحط المسدس في دماغها وهي بتقول
اقتلني علشان تورثني حلال عليك الفلوس
ادم وهو بيبعد المسدس عن دماغ ملك وبيقول
انا انسان زباله وواطي بس والله بحبك وعمري في يوم ما اتمنيت حد غيرك ولاخر يوم في عمري هاتفضل ملك هي ملك قلبي. كلمه اخيرا ليكي يا ملك لو عايزا تقتليني اقتليني وانا مسامحك
ويسيبها ويخرج من الفيلا وهي بتبص له ومنهارة من العياط. فيبص لها موسي ويقول
انسان مش كويس الحمد لله ان ربنا خلصك منه
فتبص له ملك وتقول
ايه ده انت لسه هنا
موسي
اه
ملك
وقاعد هنا بتعمل ايه
موسي
كنت باكل فاكهه. مع اني زعلان علشان طبق الفاكهة مافيهوش مانجة
ملك بنرفزه شديده تقول
فاكهه ايه امشي اطلع بره
موسي ضاحكا يقول
طيب والشيك
ملك
شيك ايه
فتبص ملك للشيك اللي في ايدها وتدي الشيك لموسي وهي بتقول
اتفضل ويالا امشي من هنا
موسي وهو بيبص في الشيك يقول
دول بس متحطي كمان صفرين
ملك بنرفزه تقول
من فضلك اطلع بره انا مش فايقه لك
موسي
انا لو طلعت من هنا هاطلع علي البوليس
ملك
نعم انت بتقول ايه
موسي وهو بيعلي صوته
هاطلع علي البوليس
ملك
ما تطلع علي البولبس انت بتهددني
موسي
ما بلاش ندخل البوليس وسطينا
ملك
انت بتخوفني بالبوليس انا ماعملتش حاجه عشان اخاف من البوليس
موسي
ما عملتيش حاجه يا جبروتك
ملك
بقول لك ايه اطلع بره بالذوق بدل ما جيب الامن يطلعك بالعافيه
موسي وهو يمسك طبق الفاكهه. وبيبص للطبق وبيقول
هو انتي مش حاطه مانجه ليه يا ملك هي المانجه دخلت جدول منشطات
ملك بنرفزه شديده جدا تقول
اطلع بره يا حيوان
موسي
انا حيوان شكرا يا متربيه عموما لو عايزا تعرفي انا هاطلب البوليس ليه اطلعي لغايه اوضه النوم بتاعتك
ملك باستغراب تقول
في ايه فوق
موسي
اطلعي وانتي هاتشوفي ،،،،،،،
ومن جوة اوضة ملك كانت اشجان مرات سيد الشرنوبي علي سرير ملك مقتوله بسكينة في صدرها فراحت ملك ناحيتها واتعرفت عليها وقالت باستغراب.
اشجان
وفي الوقت دة يدخل موسي وراء منها ويقف عند باب الاوضة ويقول
ايه ده واحده مقتوله
فتبص له ملك وتقول بغضب شديد
انت هاتستهبل اكيد انت اللي قتلتها
فيضحك موسي ضحكه كلها شر ويقول
وربنا صح انتي عرفتي ازاي هو انا باين عليه اني قتال قتله مع ان اللي يشوفني يقول عليه كيوت
ملك
قتلتها ليه
موسي
علشان ادخلك السجن
ملك بغضب تقول
وليه عايز تدخلني السجن
موسي
علشان انا ما بحبكيش
ملك
ليه هو انا عملت لك حاجه
موسي
لا بس عملتي لي اختي
ملك
اختك مين
موسي
سلمي ابو سالم
فتصعق ملك لسماع هذا الكلام وتقول
انت اخو سلمي
موسي
اه وجاي علشان اخد حق اختي
ملك
انت كداب اخو سلمي ازاي سلمي مالهاش اخوات
موسي
ما أنا اخوها الميت
ملك بفزع شديد
انت بتقول أيه
موسي
بقول اللي سمعتي وانا جاي النهاردة علشان اخد حق سلمي اختي اللي اتجننت علي ايدك
وتتحول عين موسي الي اللون الاحمر فتترعب ملك وترجع للخلف وهي تقول
الحقني يا مشمش
ويقترب موسي منها وهي تروح ناحيه البالكونه الموجوده في اوضتها وتدخل للبالكونة وموسي بيقترب منها وتفضل ملك تنادي علي مشمش ومشمش يبص لها وما يردتش ولا حتي يحاول انه بساعدها فتستغرب ملك ووقتها يزقها موسي زقة قوية فيختل توازن ملك ويعدي جسمها
الهاند ريل الخاص بالبالكونه وتصرخ ملك و،،،،،،.،،،،،،
لو عجبتكم الحلقة ياريت تعرفوني رايكم بلايك او كومنت.
دة لو مش خسارة فيا اللايك او الكومنت انما لو خسارة فيا خلاص ما تعلقش وحتي بلاش اللايك
من تاليفي، ،،،
محمد منصور. **منص**
جميله جدا
ردحذفمتابعه
ردحذفروعه
ردحذف