الهام واللي كان الحلقة الاخيرة

طلوع الروح 

**الحلقة الرابعة والاخيرة **

 وقبل ما نبدأ نوحد الله ونصلي علي سيدنا محمد

وكتمت نفسي بايديها بمنتهي الغل وحاولت افلت منها لكنها رجعتني تاني الاوضة وقفلت الباب وفضلت اصرخ واخبط واصرخ وانا بقول

ابوس ايدك ورجلك انا مش عدوتك خدي كل حاجة بس سيبني اعيش انا مش عايزا اموت مش عايزا اموت

وبعد ما شميت هواء الدنيا تاني اتحرمت منها ورجعت للاوضة بس المرة دي الاوضة بقيت قبري اكيد قبري وفضلت غرام تبص في المرايا وتسرح شعرها وشوفت في عيونها الجحود ولا كانها بتقتل بني ادمه بالبطئ بس مش غريبة اللي تخون جوزها وتكون لراجل غيرة وهي علي ذمته مستحيل تكون عندها ضمير او تعرف ربنا 

كدة ما بقاش قدامي غير اني الفت نظر يوسف عن طريق مواسير الصرف زي ماعملت مع غرام وعدي اسبوع كمان لغاية ما يوسف رجع من السفر واول ما رجع استنيت لغاية ما يخش الحمام واول ما دخل الحمام شغلت غرام اغاني بصوت عالي وانا بصرخ في المواسير يمكن يسمعني يوسف لكن صوت الاغاني اللي كانت بتشغلها غرام اعلي من صوت صراخي وضاع الوقت والمجهود ويسافر يوسف تاني والزباله اللي اسمها غرام بتسد اي طريق يمكن يوصلني ليوسف لكن الوم علي مين فيهم هما الاثنين زي بعض دة خاين وهي خاينة ولازم الاثنين يموتو دة لغاية دلوقتي بيقابلها وبتكون في حضنه. بالحرام وسند راسي علي المخدة بتاعتي والاكل خلاص بيخلص ومابقاش فاضل الا ازازة مية واحدة ومابقتش عارفة الايام اللي جاية مخبيئه لي اية وبصيت للسقف وقولت يارب وعدي كام يوم تاني وفضلت اطلب الرحمة من غرام لكنها مهما سمعتني ما كننش بترد علية وهنا لقيت فار داخل الاوضة من ماسورة الصرف وفكرت في فكرة مجنونه وهي اني اقتل الفار واخلي ريحته تعفن في الاوضة والريحة مش هايمنعها من انها تتنقل حوائط عازله للصوت لا هاتتنقل حتي لو رميت الفار في ماسورة الصرف وساعتها غرام هاتعرف اني مت وهتخاف الريحة تنتشر في الفيلا كلها وهاتفتح الباب وساعتها تبقي جت فرصتي وفعلا موت الفار. وخليته معايا في الاوضة لغاية ما الريحة عفنت. وبطلت اطلب منها المساعدة. وهي تروح للبانيو والحوض وتميل عليهم عايزا تسمع ليا حس لكن مافيش صوت 

ولا حتي نفس 

وبدات ما طقش ريحة الفار معايا في اوضي وروحت راميا الفار في ماسورة الصرف وريحتة قلبت الحمام الموجود في اوضة النوم وهنا شوفت غرام بدات تتحرك وتفكر كتير وتفكر وكانها شكت فعلا اني انا مت وجت اللحظة اللي انا مستنيها وهي انها تفتح الباب علشان تشوفني وفعلا فتحت الباب ولقيتني نايمة علي السرير كتمة نفسي قربت مني بحذر شديد وهي كاتمة مناخيرها مش طايقة الريحة واول ما بقيت علي بعد خطوة مني هجمت عليها وخبطها في دماغها بطبق استلس ووقعت علي الارض وانا قومت وخرجت من الاوضة بسرعه وقفلت الباب وراء مني وفضلت غرام تصرخ وتصرخ وتروح ناحية الحوض وتطلب اني ارحمها لكن اللي ما يرحمش حرام يترحم واترميت علي السرير وانا عماله اعيط واعيط مش مصدقة اني خرجت مش مصدقة اني عايشة ولسة هاخرج من الفيلا لقيت الكارت بتاع الظابط باسل علي الارض تحت السجادة خد الكارت وخرجت من الفيلا جري

وعدي اسبوع واول ما رجع يوسف من السفر دور علي غرام في كل حتة في الفيلا وراح له الظابط باسل ورن جرس الفيلا ففتح له يوسف وقاله

جالنا تيلفون من ست مجهوله انك قتلت مراتك وحطيت جثتها في اوضة سرية

يوسف بعصبية

دة تخريف انا ما عملتش كدة

دخل باسل للفيلا وطلع لاوضة النوم زي ما انا وصفت له بالظبط وفتحت باب الاوضة السرية وشاف غرام ميتة وايديها علي المرايا اللي في الاوضة بتطلب الرحمة استغرب اوي يوسف وبص باسل ليوسف وقال

دي غرام

الصدمة شلت يوسف لكن يستاهل اللي يخون وهو متجوز لازم يموت

 واتقبض علي يوسف ومهما قال طبعا ماحدش صدقة واتحكم علية بالاعدام ولحظة النطق بالحكم شافني في قاعة المحكمه او انا اللي خليتة يشوفني وكان هايصرخ وينادي اسمي لكنه ما قدرش وخرجت من المحكمة وركبت عربيتي الجديدة وطلعت من شنطتي اخر صورة اتصورتها مع يوسف وقطعتها ميت حتة ومشيت والصورة طايرة وراء مني وبتقطع حتة وراء حتة علي الارض.

 ‏خلصت حكايتنا. اللي كانت مقتبسة من قصة فيلم

 ‏ موردر 3 اللي ما اتفرجش علي الفيلم دة فاتو كتير يارب تكون الحكاية عجبتكم واكون عرفت انقلها ليكم