طلوع الروح
★الحلقة الثالثة★
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
**يوسف
اصلي كنت بخلص شوية شغل واتاخرت فنمت في الشركة
باسل
غريبة برضو. انا اللي اعرفه انك نمت ليلتها في حضن غرام احمد مسعود
سمعت اللي اتقال واتصدمت. وفضلت سكته مش عارفه اقول اية ويوسف بارتباك اكتر قال
الكلام دة مش صحيح
باسل
ازاي بس دة البواب بتاع شقتك اللي في العجوزة شهد انه شافك ليلتها طالع الشقة مع اللي اسمها غرام ووصفهالنا وقدرنا نوصل لكل بيانتها.
ووقف الظابط باسل وقال ليوسف
استاذ يوسف ياريت حضرتك تكون متعاون معايا وتقولي قتلت مراتك تاليا لية
يوسف
ما قتلتهاش
باسل
وتيل الفرامل اللي مقطوع بفعل فاعل
يوسف
ماعرفش عنه حاجة والله
باسل
يعني مصمم تنكر
يوسف بانهيار
انكر اية. وانا هاقتلها لية
باسل
علشان الجو يخلي لك مع التانية
يوسف
انت غلطان انا مستحيل اعمل كدة. واسال امن الكمبوند وانت تعرف اني ما رجعتش اليوم دة
باسل
سالت وماحدش شافك الا النهاردة
يوسف
يبقي ازاي انا ما جتش الكمبوند وهاكون قطعت تيل الفرامل في عربية مراتي
باسل
لية ما يكنش هي اللي خرجت لك بالعربية برة الكمبوند مثلا
يوسف بحدة
انا ما شوفتش تاليا بقالي شهرين وياريت حضرتك تقدر انك بتتكلم مع موظف محترم في شركة كبيرة مش مجرم بتحقق معه في القسم
باسل
طيب اهدئة. وبلاش تفقد اعصابك لاني بشوف شغلي دي جريمة قتل ولازم اجيب اللي عملها.
وخلص الظابط باسل كلامه مع يوسف ومشي وساب ليوسف الكارت بتاعه علشان لو حب يكلمة واضح ان لعبتي كبرت. وبسبب اللعبة دي ممكن يروح يوسف لحبل المشنقة لكن عقلي رد. يروح في ستين داهية دة كان في مصر وبات ليلة بحالها في حضن اللي اسمها غرام ولسة صعبان عليكي. قلبي رد
مش قادرة اصدق اكيد العقدة النفسية رجعت لي تاني
لكن عقلي قال
مش كل اللي حصل دلوقتي قدامك دة وهم. الوهم هو اللي كنتي انتي عايشة في. غبية صدقتي ان في حب رغم اللي شوفتي من والدك بعد موت مراته
قلبي قال
يوسف بيحبني وحتي لو كان مع غرام فاكيد ضعف لكنه بيحبني
وفضلت الخناقة دايرة ايام وليالي تعبت من عدها ويوسف يومه عادي جدا يخرج ما عرفش بيروح فين يرجع يكلم اللي اسمها غرام وينام ما افتكرنيش ولا مرة ولا كاني كنت موجودة في حياته لغاية ماجت ليلة عمري ما انساها وانا كنت نايمة من التعب وصحيت علي صوت ضحك وهزار بين راجل وست وصوت همس وكلها اصوات تخص راجل مع مراته فتحت عينية وبصيت من المرايا اللي عملتهالي المهندسة فاطمة لقيت يوسف في حضنها ايوة في حضنها
وعلي سريري والصوت اللي بينهم كان بيقتلني مش قادرة اسمع اسكت اسكتي اسكتو انتو الاتنين وحطيت ايدي علي وداني بحاول ماسمعش لكني سامعه. حتي وانا مغمضة عينية سماعهم العيون تنفع تنقفل وما نشوفش اللي يوجعنا لكن الودان عمرها ما تتقفل. وصرخت من الوجع وفضلت اصرخ واضرخ لغاية ما انهرت ووقعت علي ارض الاوضة. مغمي عليه واخر حاجة كنت بسمعها
بتحبني انا اكتر ولا تاليا
ورد يوسف
انتي وبس
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
وعديت الليلة وصحيت تاني يوم وروحت للحوض اللي بغسل في وشي وغسلت وشي وانا مش واخدة بالي خربشت نفسي فصرخت وجت عيني ساعتها علي غرام اللي كانت في نفس الوقت في البانيو ولقيتها طلعت من البانيو زي المفزوعه استغربت وبدات ابص بتركيز اكتر وهي بتقرب من البانيو وبتفضي من المية ونزلت بودانها ناحية فتحة الصرف بتاعت البانيو هنا حسيت انها ممكن تكون سمعتني وعلشان كدة قامت من البانيو روحت لحوض الوش اللي في اوضي وصرخت تاني وهي بعدت بودانها عن البانيو وكانها سمعاني معقوله تكون سمعاني لية لا. المواسير بتنقل الصوت لكن كان باين عليها انها مش قادرة تميز الصوت وخرجت من الحمام جري وهي خايفة وانا بقول
لا. متخافيش متخافيش. انا ممكن انسي خيانه جوزي ليا معاكي بس انقذيني
ولقيت غرام راحت اوضة النوم وطلعت الموبيل بتاعها من شنطتها واتصلت برقم وفتحت الاسبيكر وقعدت علي السرير وهي خايفة وعماله تبص ناحية الحمام ورد الرقم وكانت واحدة صاحبتها اسمها نانسي قالت لها
الحقيني يا نانسي الفيلا بتاعت يوسف فيها عفاريت
نانسي وهي بتضحك قالت
عفاريت. الصبح كدة
غرام وهي لسة باصة علي الحمام
انا ما بهزرش والموضوع مش محتاج تهريج بجد في عفاريت وانا بخد دش في الحمام سمعت صوت جاي من بعيد كدة
نانسي
غرام ما فيش حاجة اسمها عفاريت. ممكن تشربي حاجة سخنه تهدي اعصابك
غرام
انا هاتصل بيوسف بدل ما انتي مش مصداقني كدة
نانسي
يوسف سافر وانتي عايزا تتصلي بي يجي يشوف العفاريت. اكبري كدة واعقلي واحمدي ربنا ان واحد زي يوسف دة قعدك في فيلا عمر اهلك ما كانو يحلمو يخدمو فيها عايزا بقي تشيلي الراجل الهم ويقول عليكي نكد
غرام
طيب تعالي انتي اقعدي معايا
نانسي
غرام انا عندي شغل مش فاضية. يلا سلام
وقفلت نانسي دي الخط وقامت غرام وراحت ناحية الحمام تاني روحت انا للحوض جري واول ما قربت من البانيو قولت باعلي صوت عندي
متخافيش انا مش عفريتة انا بني ادمه زيك وعايزا مساعدتك
المرة دي غرام سمعتني بس باين عليها مش قادرة. تفسر انا بقول اية فراحت ناحية حوض الوش اللي في الحمام وحطيت ودانها في الحوض فقولت انا تاني
روحي للمكتبة اللي في اوضة النوم وارفعي الكتاب الازرق.
لقيت غرام بتقرب ودانها اكتر واكتر وانا صرخت باعلي اعلي صوت عندي وقولت تاني
روحي للمكتبة اللي في اوضة النوم وارفعي الكتاب الازرق.
غرام
انتي اية جنية
تاليا
انا انسانه والله العظيم وواقعه في ورطة انقذيني ابوس ايدك. الكتاب الازرق في المكتبة ارفعي
وحسيت ان اخيرا ممكن اطلع من هنا لان غرام خرجت من الحمام وراحت ناحية المكتبة اللي في اوض النوم وبدات تدور علي الكتاب الازرق وانا فرحت انها سمعتني ولقيت الكتاب فعلا ورفعته لفوق وشوفت باب الاوضة بيتفتح فرحت اوي وما بقتش مصدقة نفسي وقررت اني انسي كل اللي شوفته واعوض غرام عن اي حاجة هي اتحرمت منها وخرجت من الاوضة وبصيت لي غرام باستغراب شديد وقالت
انا مش مصدقة عينية. انتي تاليا مرات يوسف ازاي لسة عايشة واية الاوضة السرية دي
ما ردتش عليها وقعد علي السرير وانا باخد نفسي وبشم الهواء من جديد وكاني لاول مرة اشم هواء وقولت
سيبني اتمتع بالدنيا اللي اتحرمت منها وبعد كدة هارد عليكي زي ما انتي عايزا
لكنها بصيت لي بغدر وقالت
بس انتي لو فضلتي عايشة انا هارجع تاني للنوم في شقة سقفها واقع وريحة الرطوبة فيها تجيب الربو. دة انا ما صدقت ان انتي موتي علشان انا اعيش
وقربت مني غرام وانا بقول لها
مش هاحرمك من اي حاجة انتي طولتيها هنا كل دة هايبقي ملكك حتي يوسف حلال عليكي انا كفاية علية انك انقذتي حياتي
لكن غرام لفت ايد حوالين رقبتي وايد تانية كتمت بيها نفسي وقالت
وانا مش طمناكي ولا مصدقاكي
وكتمت نفسي بايديها بمنتهي الغل وحاولت افلت منها لكنها رجعتني تاني الاوضة وقفلت الباب وفضلت اصرخ واخبط واصرخ
خلصت حلقتنا اللي يارب تكون عجبتكم
يتبع
متابعه
ردحذف