طلوع الروح
★الحلقة الاولي★
يارتني ما كنت سمعت كلام شيطاني ولا دورت علي اللي هايحصل بعد موتي.ولا كنت شوفت بعينية خيانه جوزي ليه لكني شوفت الخيانه واتكويت بنارها وسمعت ضحكته معها وسمعت ضحكتها معه. لكني ماقدرتش اعمل اي حاجة غير اني اتوجع واصرخ مهما اصرخ ما حدش يسمعني وهايسمعوني ازاي وانا بالنسبة لهم ميتة.
**ملوحظة القصة دي اقتباس من فيلم هندي قليل اوي اللي هايعرف اسمه انا غيرت في الاحداث شوية فيارب تعجبكم القصة**
عايزين تعرفو حكايتي هاقول لكم بس في الاول اعرفكم باسمي. انا تاليا من الاردن جيت مصر مع والدي واستقرينا هنا وانا عندي 10 سنين. ووالدي اسمة ظافر وماتت امي الاردنية وانا طفله وبعد ما تميت 16 سنه. أتجوز والدي مصرية اسمها ياسمين وكان بيحبها جدا وماتت ياسمين وعاش والدي حزين لمدة اسبوع بس وبعد كدة اتجوز واحدة تانية استغربت اوي وبقيت اسال نفسي
ازاي بعد حبه. لياسمين قدر ينساها بسرعه كدة واتجوز واحدة تانية
وخليني اقولكم اني كبرت وعديت ال 20 وقدامي ديما والدي ظافر واللي عمله وبقيت مقتنعه ان مافيش حاجة اسمها حب وان الراجل دة مجرد كذاب كبير بيلعب بمشاعر الست علشان يوصل لغرضة منها. لغاية ما قبلت يوسف في النادي ومش عايزا اقولكم قد اية يوسف دة وسيم جدا وراجل بجد تتمنا اي بنت وقلبي بدأ يخوني ويحبة وانا رافضة الحب دة بس مش بايدي ديما ادور علية واشوف هو فين واقرب منه لغاية مالقيت نفسي مش هاقدر اعيش من غيرة وهو كمان قرب مني كتير وبقينا بالنسبة لبعض احلي ما دنيتنا واتخطبنا وبعد ما اتخطبنا حصل اللي ما كنتش اتوقعه
شوفت يوسف واقف مع واحدة تانية بسرعه كدة بدا يخوني روحت ناحيتة وبصيت ليوسف وقولت
ممكن اعرف مين اللي واقفة معاك دي
يوسف استغرب وقال
مافيش حد واقف معايا انا واقف لوحدي مستنيكي
فبصيت جنب يوسف مالقتش حد. فعلا كان واقف لوحدة النهاردة ميعادنا سوي انا وهو يعني هو جاي دلوقتي علشاني. بس ازاي انا متاكدة ان كان في واحدة واقفة معه معقوله يكون عرف يهربها بسرعه اول ما شافني وانا جاية فقربت من يوسف وقولت له.
هربتها صح
يوسف باستغراب
هي مين دي
تاليا
اللي كانت معاك
يوسف بعصبية
برضو اللي كانت معايا
تاليا
اومال اية بس. دة انا شيفها بعنية
يوسف
تاليا انا بحبك انتي وبس وعمري ما حبيت غيرك
تاليا
ما بابا كان بيحب مراته المصرية وبعد موتها باسبوع حب واتجوز غيرها
يوسف
حكيتي لي الحكاية دي قبل كدة وانا قولت لك اني مش زية
تاليا
يعني لو مت هاتفضل تحبني. ولا هاتتجوز غيري
يوسف
عارفة انا من ساعة ماعرفتك وانتي سالتي السؤال دة كام مرة وانا كل مرة اقول لك السؤال دة ما ينفعش يتسال لاني ممكن انا اللي اموت قبل منك. وكمان انتي حبيبتي وانا عرفت بنات كتير لكني عمري ما حبيت غيرك انسي بقي او اما روحي اتعالجي. علشان دي مش طريقة دي
*** للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
وسابني يوسف وراح ناحيه عربيته وندهت عليه لكنه ما ردش عليه وركب عربيته ومشي بيها وانا واقفة عماله ابص له ومش عارفة اخرة اللي بعمله دة اية انا بحب يوسف بحبه اوي كمان. لكن خايفة لما اموت يكون لغيري ويطلع زي بابا وقررت اني ما خسرش يوسف واروح اتعالج زي ما هو قالي وسالت علي احسن دكتور نفساني في البلد ووصلت لدكتور اسمه ايمن حجزت عنده وجه دوري ودخلت اوضة الكشف. وبصلي دكتور ايمن وبعد ما اتعرف عليه وحكيت له علي العقدة اللي عندي قالي بابتسامه خفيفة
انتي ما عندكيش حاجة دي كلها مجرد وساوس. خلقها ليكي الشيطان ولازم تقدري عليها
تاليا
ازاي بس اقدر عليها وانا مش شايفة غير بابا قدامي وهو بيتجوز بعد مراته ما ماتت باسبوع
ايمن
وانتي كدة حاسة ان والداك خاين
تاليا
طبعا خاين.
ايمن
انتي عارفة اية هي الخيانه
رديت بسرعه وقولت
ان واحد يكون بيحب واحدة ويكون في علاقة مع غيرها
ايمن
حتي لو الواحدة دي ماتت
تاليا
ولو. فين حبه ليها
ايمن
موجود بس مش من الطبيعي اني حياتي. تنتهي عند موت شخص. ووالدك عمل الصح. ومش شرط الراجل بس اللي يتجوز بعد موت مراته عادي لو الست اتجوزت هي كمان بعد موت جوزها ونهاية عدتها
تاليا
وحبه ليها
ايمن
الحب هايفضل موجود. يعني انا متاكد ان والدك لسة ببحب مراته الميتة
تاليا
انا بقي اشك انه فاكر اسمها حتي
ايمن
طيب لنفترض ان بعد الشر والدك. هو اللي مات ومراته اتجوزت بعد منه كان هايبقي دة رايك برضو
تاليا
الست مش زي الراجل في الحب الست ممكن تعيش حياتها كلها بعد الراجل وتفضل وفية لحبه
ايمن
ومش كل الرجاله زي والداك في رجاله ممكن تعيش اللي فاضل من حياتها علي ذكري انثي
تاليا
يعني انت تنصحني باية
ايمن
بالحب. حبي واتمتعي بحبك وخلي بكرة في ايد. ربنا وبلاش تدوري علي اللي هايحصل بعد موتك لانك ممكن ما تموتيش وحبيبك هو اللي يموت قبلك. فكري في اللي قولت ليكي وهاشوفك كمان اسبوع
عايزا اقول لكم اني فضلت اروح للدكتور كام جلسة وراء بعض لغاية ما بدات اتخلص شوية بشوية من العقدة اللي عندي وبدات احسن اني لازم اتمتع بحياتي مع يوسف ومخليش الافكار الشيطانية دي تهدني وتكسر فرحتي وعدي كام شهر واتفق يوسف مع بابا علي ميعاد جوزنا واتجوزنا واتعملي فرح ما تحلمش بي اي بت وروحت عيشت انا ويوسف في فيلا كدة محندقة في كمبوند وكانت حياتي مع يوسف احلي ما اتمنيت او حلمت وعدي سنه بالظبط بعد جوازي من يوسف وما خلفتش وكشفت وطلع العيب مني لكن يوسف احتواني بحبه وعمره ما حسسني باني مريضة او حرما من العيل اللي نفسه في لغاية ما جت ليلة وسمعت صوت يوسف وهو بيتكلم بهمس وصوته كان واطي جدا قومت ابص عليه
لقيته قاعد علي اللاب بتاعه. وشغال فقولت له بعصبية وانا ببص علي اللاب
كنت بتكلم مين
يوسف
ما كنتش بكلم حد انا بشتغل
تاليا بصوت الشك
بتشتغل وش الفجر
يوسف
اة. علشان الملف دة مطلوب مني ولازم اخلصه النهاردة
تاليا
هو فاكرني عبيطة ولا مجنونه انا سمعاك بوداني وانت بتتكلم مع حد
يوسف
تاني يا تاليا مش كنتي خلاص خفيتي ورجع لك عقلك
تاليا بعصبية
انا ما كنتش مجنونه علشان اخف. انا عقلي يوزن بلد وعارفة ومتاكدة انا بقول اية
قام يوسف وحاول ان يطبطب عليه علشان اهدئة لكني قولت
كنت بتكلم مين
يوسف
ما كنتش بكلم حد واعقلي بقي وروحي شوفي الموبيل هتلاقي مقفول وجنب منك علي الكومدينو
بصيت لقيت فعلا موبيل يوسف علي الكومدينو اتكسفت اوي من نفسي وهو قال
وادي اللاب يمكن اكون بكلمها علي النت مثلا
وبصيت للاب ولقيت صفحة كلها رسوم هندسية فقال لي
انا عارف انك كونك ما بتخلفيش دة ممكن يسبب لك عقدة نفسية جديدة لا انا والله بحبك وموضوع الخلفة دة عمره ما هايقصر علي حبي ليكي
وخدني يوسف في حضنه
لكن انا مابقتش عارفة انا صح ولا هو اللي صح فعلا بقيت مجنونه وبيتهقي لي حاجات ما بتحصلش رجع شيطاني يوسس ليا وهداني لفكرة مجنونه اعرف من طريقها انا مجنونه ولا عاقله لكن علشان انفذ الفكرة دي لازم يوسف ما يبقاش موجود في الفيلا وعدي شهرين وجت سفرية ليوسف تبع شغله هايغيب فيها شهرين قولت جه الوقت المناسب اللي انفذ في فكرتي وروحت لمكتب هندسي كبير وسالت عن اشطر مهندس هنا كل الناس اجمعوا علي مهندسة شاطرة اوي اسمها فاطمه روحت لها مكتبها وقولت لها
عايزا حضرتك في شغل
فاطمة
اوي اوي تقدري تقولي عايزا اية
تاليا
مش هابنفع في المكتب ممكن اخد حضرتك ونروح اي مكان برة
فاطمة
لية يعني
تاليا
اصل الطلب اللي هاطلبة من حضرتك غريب شوية بس انا مستعدة ادفع لك كل اللي تطلبي بس يطلع زي ما انا عايزا
فاطمة
اعرف الاول انتي عايزا اية وبعد كدة نتكلم في الفلوس
وخد المهندسة فاطمة للفيلا بتاعتي ودخلتها اوضة النوم بتاعتي اللي كان فيها مكتبة ديكور و طلبت من المهندسة انها تبني اوضة وراء المكتبة الديكور دي اللي كانت وراء منها فاضي. وهو المكان اللي ماشي في مواسير الصرف الخاصة بالفيلا. وكانت المساحة دي كفيلة بانها يتبني فيها اوضة 3. م في 4. م. بحيث انها تكون اوضة مراقبة فيها كل الكاميرات والسماعات وتخليني اشوف كل شبر في الفيلا استغربت المهندسة اوي وقالت لي
ولية عايزا تعملي كدة
تاليا
اسباب شخصية احب اختفظ بيها لنفسي وعايزاكي تعرفي ان هاديكي قد اللي انت هاتطلبي مرتين.
فاطمة
خلاص مافيش مشكلة
تاليا
عايزا الاوضة السرية دي تخلص في اقل من شهرين
فاطمة
صعب جدا
تاليا
لا اتصرفي زودي عماله اشتغلو 24 ساعه المهم استلم الاوضة قبل شهرين وعايزا الاوضة تبقي مجهزة لاني اعيش فيها شهر كامل
فاطمة
يعني عابزها بحمام وفي التلاجة بتاعتها
تاليا
بالظبط وسرير صغير اريح عليه
فاطمة
تماما
تاليا
وعايزا مرايا بالحجم الكبير تكون جنب المكتبة والمرايا دي تكون هي باب الاوضة السري اللي ادخل منها للاوضة واخرج منها
فاطمة
ولو حبيتي اخلي المرايا تشوفي من خلالها كل اللي بيحصل في اوضة النوم ماغير ما اللي في الاوضة يشوفوكي
تاليا
هو دة انتي كدة بتداتي تفهميني
★اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي ★
المهندسة فاطمة وجهزت الاوضة قبل رجوع يوسف من السفر باسبوع بالظبط. ودخلت الاوضة وجربت المفتاح والاوضة كانت تحفة وفيها كل حاجة احنا محتاجها علشان اعيش فيها لمدة شهر واتفرج علي يوسف واشوف دنيته هاتبقي عاملة ازاي من غيري وياتري هايفضل يحبني ولا حبي هايموت مع موتي. بس انا لو اختفيت بس يوسف ممكن يفضل مستنيني ويدور عليه ومش هايبان علي حقيقته لانه هايبقي عارف اني ممكن اظهر في اي وقت لا. لازم اموت وهو يصدق فعلا اني موت وكل اللي حوالية يصدقة اني ما بقتش موجودة ومستحيل ارجع تاني للدنيا من هنا كان لازم خطتي تتغير وابدا افكر ازاي اخلي يوسف يصدق فعلا اني موت. وهداني شيطاني لفكرة تانية مجنونه وخد بعضي وروحت للمقابر وهناك قابلت راجل تربي اسمه عم حازم وقفت قدامه وقولت له
تحب تكسب 30 الف ج.
عم حازم
احب اوي بس اعرف اية المطلوب مني
تاليا
عايزا جثة لبنت في سني وفي جسمي
حازم
لا مواخذة انتي عايزا الجثة دي لية
فكرت لكام ثانية كدة وقولت له
عايزها علشان اشرحها ما انا طالبة في كلية طب
حازم
بس كدة غالي والطلب رخيص. عايزها تكون ميتة من امتي
تاليا
ياريت لو من يوم او اتنين
حازم
سيبني النهاردة وعدي علية بكرة وطلبك هايكون عندك. مع اني عارف انك مش تبع طلبة طب بس برضو عينية ليكي
ومشيت من الترب واللي اسمه عم حازم دة عمال يبص لي من فوق لتحت لكن مش مهم لما ياخد الفلوس وانا امشي وما يشفنويش تاني هاينساني ورجعت الفيلا وبصيت للعربية بتاعتي وقولت لنفسي فاضل كدة بقي اعمل اي خلل في العربية علشان يبقي في مبرر للحادثة اللي هاعملها. بتقولو حادثة اية هاقولكم اصل بقيت الفكرة بتاعتي المجنونه اني موت بسبب حادثة حصلت لي بالعربية فلما يحصل تحقيق يتعرف اني عملت حادثة بسبب مثلا ان تيل الفرامل اتقطع بس انا ماعرفش شكل تيل الفرامل. فدخلت علي اليوتيوب وعرفت شكل تيل الفرامل وفين مكانه في العربية وفضلت اقطع في تيل الفرامل بسكينة مطبخ لغاية ما اتقطع خالص ومابقاش فاضل غير اني اخد الجثة من عم حازم واحطها في العربية والعرببة تعمل حادثة وتانك البنزين يولع وتنفجر العربية والجثة جوة منها كل شي متخطط له صح. وزي ما انا عايزا وعدي اليوم وروحت خد الجثة من عم حازم وحطيت الجثة في صندوق العربية واجرت عربيه اجر بيها عربيتي وكانها عطلانه لغاية مكان معين في الصحراء في منحني خطر وفعلا وصلت للمكان اللي انا حددته وهناك وبعد ما اتاكد ان الدنيا فاضية فتحت صندوق العربية وطلعت الجثة من العربية اللي كنت ملبسها فستان من بتوعي. وحطيت الجثة علي كرسي السواقة وخليت ايديها يمسكو دركسيون السواقة وحطيت جنب منها شنطتي وكان فيها الموبيل بتاعي. وزقيت العربية بعزم ما عندي لغاية ما نزلت في المنحني دة ووقعت في اخر المنحني بعد ما اتقلبت اكتر من مرة واترج تانك البنزبن بعنف لغاية ما انفجر وبصيت علي العربية وهي بتتحرق ومشيت بسرعه. قبل ما اي حد يشوفني ورجعت الفيلا وجه الوقت بقي اخش الاوضة ووقفت قدام المكتبة الديكور ومديت ايدي ناحية كتاب معين ورفعت الكتاب دة من مكانه علشان يتفتح باب الاوضة ودخلت الاوضة وانا جاهزة للعبة المجنونه دي وقفلت الباب لكن بعد ما الباب اتقفل عليه لقيت المفتاح اللي بفتح بي الاوضة من جوة. مش موجود معايا وقعد اصرخ واقول
ازاي انسي المفتاح برة ازاي. دة من غير المفتاح دة انا هافضل محبوسة هنا وماحدش هايعرف يوصل لي.
خلصت الحلقة الاولي من قصتنا. ياتري تاليا هاتقدر تخرج من الاوضة قبل فوات الاوان ولا هاتموت. تابعوني
يتبع
جميلة
ردحذفجميله روايه من نوع جديد المتابعه زاي
حذفجميله جدا
ردحذف