ملك والعقربة
★الحلقة السابعة
والاخيرة. من الموسم الاول ★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بكام ساعه تروح قوه من الشرطه ومعهم ظابط الي فيلا سلمي فيلاقو باب الفيلا مفتوح فيدخلوا الفيلا ويدورا في كل مكان في الفيلا عن سلمي وتقع عين الظابط علي دم قدام اوضة نوم سلمي فيفتح باب الاوضة ويلاقي سلمي علي السرير غرقانه في دمها فيقرب منها فيلاقي سكينة مغروزة في بطنها فبدأ الظابط يقيس نبضها فيلاقي النبض شغال لكنه بطئ فيبص لعسكري من اللي معه ويقول بسرعه
لسة فيها الروح اطلب الاسعاف بسرعه
وفعلا تيجي الاسعاف وتنقل سلمي للمستشفي. وبعدها بساعه يتم اخبار الظابط بان سلمي ماتت فبدأ الظابط يرفع البصمات الموجوده في الفيلا كلها وبدات المباحث والطب الشرعي التحقيق في قضية مقتل سلمي ،،،،،،،
ومن جوة فيلا ملك تقعد ملك مع سيد اللي كان بيقول
الخبر لسة جاي لي حالا.
ملك بتاثر
ومين بس يعمل كدة فيها
سيد
انا خايف تكون مراتي اشجان
ملك باستغراب
اللي حاولت تقتلني.
سيد
هي.
ملك
طيب هي كانت عايزا تقتلني علشان شكت ان في علاقة بيني وبينك. انما تقتل سلمي لية
سيد
مش عارف اقول لك اية او اجبهالك ازاي. بس انتي لازم تعرفي
ملك
خير يا استاذ سيد
سيد
اللي خرجت سلمي من المستشفي اول مرة وفهمتها انك عشيقتي تبقي سلمي
انصدمت ملك وقالت
ياااااا للدرجة دي سلمي دي بتكرهني
سيد
النجمة اللي ماحدش كان بيطولها وكلنا كنا يدوب نبص لها من بعيد ظهرتي انتي وخلتيها شوية تراب اللي رايح واللي جاي بيدوس عليها
ملك
وبدل ما تفكر ازاي تنجح وترجع زي ما كانت. تفكر ازاي تقتلني
سيد
اختارت الطريق السهل وهو انها تخلص منك
ملك
كانت ممكن بدل ما تركز معايا تركز في نفسها وتبقي احسن مني
سيد
في ناس يا بنتي لما بيقابلو اللي احسن منهم بيتمنوا موتهم ولا انهم يفكروا يتغيروا للاحسن. دول الناس اللي ربنا مسلط عليهم دماغهم. واخرة الشر اللي زرعته سلمي تكون نهايتها مقتوله في فيلتها،،،،،،،،
ومن جوة المشرحه الساعه الثالثه صباحا يدخل ادم الي المشرحه ويروح ناحيه عم مدبولي المسئول عن المشرحه ويخرج ادم من جيبه شيك ويدي لعم مدبولي فيبص عم مدبولي في الشيك ويتاكد من الرقم المكتوب فيقول ادم
ماتقلقش الشيك مكتوب في الرقم اللي انت طلبته
فيروح عم مدبولي ناحيه احدي ادراج التلاجه ويخرج جثه سلمي ويحطها علي التورالي الخاص بنقل الموتي ويحط فوق سلمي ملاية. فيمسك ادم ايد التورلي وهو يقول
زي ما اتفقنا يا عم مدبولي مش عايز اي غلطة
عم مدبولي
عيب يا باشا. هو انت دافع قليل
ويخرج ادم بالتورلي من المشرحه ويروح عم مدبولي للرف تاني في الثلاجة ويخرج جثه اخري شبيها لجثه سلمي بالظبط ومضروبة سكينة في نفس المكان ويحطها مكان جثة سلمي ويقفل الثلاجة ويرجع تاني يبص للشيك بطمع شديد، ،،،،،،،
وبعدها بكام ساعه ومن جوة فيلا في طريق المريوطيه كان ادم شايل جثه سلمي وبيطلع بيها الدور الثاني في وراح ناحية اوضة ودخلها وحط سلمي علي السرير وخرج من جيبة منديل في برفان وبدأ يشممها المنديل لغاية ما تفوق سلمي وتبص ناحية ادم وتبدأ تفوق واحدة واحدة واول ما تستوعب هي فين تقول
أدم حبيبي
ادم
حبيبتي سلمي حمد لله علي سلامتك
سلمي
انا مش عارفه انا طوعتك ازاي وعملت كده
ادم
لو ماكنتيش عملتي كده كان ها يتقبض عليكي بتهمه الشروع في قتل ملك وتدخلي السجن وخصوصا بعد ما نبيل قال لسيد علي كل اللي حصل
سلمي
لو ماكنتش رجعت تاني ليا امبارح
ادم
احمدي ربنا اني نسيت الموبيل امبارح بالليل وانا معاكي ورجعت علشان اجيبة وسمعتك وانتي بتتكلمي مع سيد وعرفت منك كل اللي قاله وان سيد ناوي لك علي نية سوداء
سلمي
يعني كدة البوليس مش هيدور عليه
ادم
انتي بالنسبه للبوليس واحده مقتوله وتقرير الطب الشرعي والدكتور اللي طلع لك شهاده الوفاه اثبته كده. كله بالفلوس بيمشي وصدقيني كده احسن انك تموتي مقتوله بدل ما تتسجني. انتي مراتي ومش هاسيب حاجه تحصل لك.
وتترمي سلمي في احضان ادم وهي تقول
يا حبيبي يا ادم
ادم
المهم دلوقتي ايدك علي 5 مليون علشان اكمل بقيت الملعوب وقفل القضية بتاعتك نهائي. واسلم اشجان للمستشفي
اتصدمت سلمي وقالت
أشجان. هو انت تعرف هي فين
ادم
انا اتفقت مع واحد زميلي يهربها علشان هي اللي هاتخلصنا من ملك
سلمي
ولية ما قولت ليش. انك ناوي تهربها
ادم
خوفت ترفضي
سلمي
كان لازم ارفض علشان بسبب اللي انت عملته نبيل قال لسيد علي كل حاجة وبسببك كنت هاتفضح
ادم
وهو انا كنت اعرف منين ان نبيل ممكن يضحي بسمعته ويبلغ سيد بكل الحكاية
سلمي
واهو عملها
ادم
خلاص بقي اللي حصل. حصل. ومش وقته المهم دلوقتي نحضر للي انتي عايزا وهو انك تخلصي من ملك وفي نفس الوقت تلبسها اشجان
سلمي
وينكتب عليه اعيش طول الوقت ميته
ادم
خلاص اطلعي وقولي للناس انا عايشة وانا اللي قولت لاشجان روحي اقتلي ملك. وبدل ما تعيشي ميتة تعيشي في سجن النساء
سلمي
مابقاش قدامي غير اني اكمل معاك الطريق. بس لو عرفت او شكيت ان هربت اشجان علشان تخلص ببها مني ومن ملك مش هارحمك يا ادم
ادم
عيب عليكي ودة برضو كلام. دة انتي قلبي. ايدك بقي علي الفلوس خلينا نسكت كل اللي ممكن يعملنا وش
فتتوجع سلمي وتحط ايدها علي بطنة وهي بتقول
كان لازم تتضربني بالسكينة في بطني.
ادم
اومال بس اسبكها اراي
سلمي
طيب افرض كنت مت
ادم
متخافيش السكينة كانت معقمة وانا ضربتك في منطقة مش مؤثرة كان يدوبك شوية نزيف وخلاص
سلمي
انت اية شيطان. عرفت دة كله ازاي
ادم
لاني كنت شغال ممرض في عيادة دكتور باطنة واتعلمت عند الدكتور دة كتير. هانفضل بقي نرغي كتير اكتبي الشيك ورايا هم ما يتلم. وبعد ما الدنيا تهدئه تجهزي علشان تاخدي مهرك.
سلمي
روح ملك
ادم
اسم الله عليكي، ،،،،،
ووصلنا بالاحداث لعام 2017 نهار اليوم الذي حدثت فيه محاوله قتل ملك في عربيتها وكان ادم قاعد مع سلمي في فيلا المريوطية وبيقول لسلمي
النهارده بالليل ملك عندها حفله في فندق كبير وهاتتحرك من فيلتها في حوالي الساعه 9 هاتلبسي نقاب وهاتركبي عربيتها وتخنقيها من وراء وتموت وساعتها يبقي اشجان هي اللي خنقتها
فتلمع عيون سلمي اعجابا بالفكره وفي نفس الوقت حضر ادم لمخططه بكل دقه وفي المكان المحدد وقفت عربية ملك كما عرفنا في احداث الحلقة الاول وسلمي وهي ترتدي النقاب تهجم عليها من الخلف بحبل وتحاول خنق ملك. ★التفاصيل في اول حلقة★
وبعدها بتلت أيام نرجع ل ملك اللي كانت لسة في المستشفي بتتعالج بسبب الحادثة اللي حصلت لها ويتفتح باب الاوضة بشويش وسلمي لبسة النقاب وفي أيدها جركن بنزين ورمت البنزين علي ارضيه الاوضة وبدأ البنزين يجري في الاوضة لغاية ما وصل لتحت السرير فتولع سلمي عود كبريت وترمي العود داخل الاوض ويشتعل البنزين والنار تمسك في الاوضة كلها بما فيها السرير اللي عليه ملك. وتقول سلمي بكل الغل والحقد الموجود في الدنيا
موتي
فتيجي ملك من ورها ومعها مشمش وكانت ملك تمسك موبيل وبتصور فيديو لكل اللي حصل وتقول لسلمي باستهزاء
ازيك يا طنط
ومع انطلاق صافره الانذار الخاص بالحرائق وتشغيل المياه الموجوده في سقف المستشفي تلف سلمي وجهها الي مصدر الصوت مسرعا فتلاقي ملك فتصدم وترجع الي الخلف خطوتين وهي مفزوعا وتقول
ازاي اومال مين اللي نايم علي السرير جوه
وتبص سلمي للنار اللي بتاكل السرير واللي عليه فتلاقي جزء من وش ادم فتصرخ فيقول مشمش
كدة غلط يا طنط دي كانت وصيه ادم الوحيده قبل ما يموت ما حدش يصوت عليه
ويبدا الهرج والمرج في المستشفي يزيد فتخرج ملك بنج وترشه في وش سلمي وتقع مغمي عليها، ،،،،
وبعدها بساعة ومن جوة فيلا ملك. تقعد سلمي علي كرسي خشب وكانت متكتفة وقدام منها يقعد مشمش وملك ويبص مشمش لسلمي بعد ما رفع النقاب عن وشها وقال
احسن حاجه عملتها فيكي ملك انها خليتك تلبسي النقاب وتريحنا من السحنة دي. بس المهم تكوني لبستي النقاب عن اقتناع
ملك
صحيح نسيت اقول لك مبروك عليكي جوزي او اللي كان جوزي
سلمي
انتي عرفتي اننا كنا متجوزين
ملك
انا عارفه عنك وعنه كل حاجه من ساعه ماخرج من الفيلا وراح اترمي في حضنك يا طنط. وقال اية انتي موتي مقتوله
سلمي
انتي عرفتي ازاي كل دة
ملك
هاقول لك بس مش دلوقتي.
سلمي
ملك خليني امشي وانا اوعدك اني مش هتعرض لك تاني
فتضحك ملك وتبص لمشمش وتقول
عمرك شوفت واحدة ميته بتوعد حد عايش بانها مش هاتتعرض له تاني
مشمش
دة اللي ميت مسلخ بس هو اللي بيقول كدة
فتضحك ملك ومشمش بيمسك سلمي من ذراعها وهو بيقول
بقي يابنت الملحوس تطلعي لي بالليل وتعملي فيها قال اية عفريته واقرأ عليكي اية الكرسي وانتي تكمليها عادي. في اية دمك خفيف انتي وليكي هزار معايا. دة انا بسببك كسرت كوباية ازاز شيفون ماضي عليها الحاج سنخ ملك الازاز في زيزنيا
سلمي
انت بتقول اية انا مش فاهمه منك حاجة. ممكن تسكت
وتبص سلمي لملك وتقول
اخرة الربطة دي. هاتموتيني زي ما مموتي ادم موتيني وخليني اخلص
ملك
اموت واحدة ميته دة حتي الضرب في الميت حرام
سلمي بعصبية
لو كنتي فاكرة انك هاتفضلي تحرقي في اعصابي كدة وتلعبي بيا وتتسلي انتي والارجواز اللي معاكي دة تبقي غلطانه. هاتي اخرك يا بت
ملك
افتكر ان الميته اللي زيك مش محتاجة فلوسها. وقبرك في فيلا المريوطية اللي هاسيبك فيها لغاية ما تموتي بجد وتعفني
فتضحك سلمي وتقول باستهزاء
فلوس ايه اللي انتي عايزها. انتي تموتيني احسن من انك تاخدي فلوسي قدام عينيه
ملك
يبقي انتي اللي اخترتي تموتي بس بعد ما أفضحك في كل حته وفيديوهاتك وانتي في اوضه النوم مع ادم تنزل بقي
مشمش
اه. ايوه. ياريت. مافيش احلي من فيديوهات تزواج العقربة
سلمي
اخرص يا حيوان انا سلمي ابو سالم نجمه مصر الاولي وهافضل النجمه الاولي
ملك
علي فكره ده مش موضعنا انتي دلوقتي واحده ميته وانا في ايديه اخليكي ترجعي تاني للدنيا بس من غير فلوسك او ندخل الحكومه بينا ويتحكم عليكي بالاعدام
سلمي بعصبية
واطيه. انا مش هاموت ولو مت هاخدك معايا مش هاسيبك تتهني بحياتك بعد مني واوعي تنسي انك لو خلصتي مني اشجان مش هاتسيبك في حالك
فتضحك ملك وتقول
اشجان
وتنادي ملك علي اشجان وتخرج اشجان من احدي الاوض الموجودة في الفيلا ومعها سيد وتبص ملك لاشجان وتقول
انتي ممكن تصدقي يا اشجان اني اخونك مع سيد
اشجان
لا. انتي ماتعملهاش يا ملك
سلمي وهي هاتجنن
انتي اللي هربتي اشجان. طيب لية ادم قال انه هو اللي هربها
ملك
هو هربها وانا خدها منه.
سيد لسلمي
شايفة الحقد والغيرة وصلوكي لفين. كلنا اتفقنا اننا نكون ضدك
ملك
ملهوش لزوم الكلام. هي اختارت الفضيحة
وبصت ملك لمشمش وقالت
اتصل بالبوليس يا مشمش خلي يجي ياخد الزباله دي
فتبص سلمي ل مشمش وتقول بلغه الرجاء
لا انا هاعمل لكم اللي انتوا عايزينه بس ازاي وانا قدام الحكومه واحده ميته ازاي هاتنازل عن كل ممتلاكاتي
ملك
دة بقي مش شغلك انتي. الاوراق يا مشمش
فيجيب مشمش اوراق ملكيه خاصه بكل شي تملكه سلمي وعليه تاريخ قبل موتها. كما هو مسجل في اوراق الحكومه ويحط مشمش الاوراق قدام سلمي ويقول
كل الاوراق دي بتاريخ قديم عايزين امضتك الجميله ام فورمه ورصيدك اللي في البنك ها يخش في رصيد ملك
فتبص سلمي الي الاوراق وتقول لملك
انتي طلعتي مش سهله
ملك
علشان اعرف اعيش في الدنيا اللي فيها عقربة زيك. لازم اكون مش سهلة. ولا اية يا طنط. ياللي اسهل حاجة عندك القتل ولا كاني عدوتك مش مجرد منافسة ليكي في ساحة فنية المفروض ان الفنان يكون حساس وعنده اخلاق مش زيك
وتبص ملك لمشمش وتقول
اديها القلم يا مشمش
فيدي مشمش القلم لسلمي وتمضي سلمي وهي هاين عليها الموت ولا التنازل عن فلوسها وتبص لملك وتقول
اديني عملت اللي انتي عايزا سيبيني امشي بقي
فتبص ملك ل مشمش وتقول
فكها يا مشمش
فيفكها مشمش فتقول لها ملك
اوعي اشوفك في طريقي ولو صدفه
وتروح سلمي ناحيه باب الفيلا وهي بتبص ل ملك بغيظ شديد وتفتح باب الفيلا علشان تلاقي قدام منها أدم واقف
فتفزع سلمي وتقول بخضة
أنت لسه عايش،
ادم
اه
سلمي
اومال ازاي انا شوفت النار ماسكه فيك
ادم
ده ماسك يشبهني علي جسم عروسه صيني انتي عارفه بقي احنا بتوع السيما
سلمي
هو انت كمان معاهم
ادم
يمكن اكون زعلت من ملك بس مش هايوصل بيا الحال لاني اقتلها انا برضو بحبها
سلمي باستغراب
بتحبها. دة انت اللي متفق معايا وراسم لي الخطة اللي اقتلها بيها وحتي يوم اشجان انت اللي عرفتني طريقها. انت بتلعب علي كله المهم تطلع كسبان.
وتبص سلمي لملك وتقول
اوعي تصدقي الشيطان دة. دة لو يطول كان خلص علينا احنا الاثنين المهم الفلوس
ملك وهي بتبص لادم. فيقول ادم
معذورة اي حد مكانها هيقول اي كلام علشان يوقعنا في بعض. لان بمنتهي البساطة لو انا اللي عرفتها مكانك لية لحقتك من ايد اشجان ماكنت سبتها تقتلك
سلمي
انت قولت مش وقت موت علشان اطلع كسبان لازم استني شوية
ملك
مش شايفة ان كلامك كله كذب فكذب. اي حاجة عملها ادم من يوم ما رجعنا لبعض كان بالاتفاق معايا علشان نربيكي ولو قدرنا نجننك يبقي زي الفل. هي الغلطة الوحيدة اللي كانت هاتكلفني حياتي اننا معملناش حسابها ان العربية وقفت في منزل ومع الحركة بتاعتي انا وانتي جوة العربية اتحركت ولولا ربنا ستر كان زماني ميته.
ادم لسلمي
اية بقي مش يادوبك ترجعي القبر بتاعك علشان ماحدش يعرف انك عايشة
ويدخل ادم للفيلا ويزق سلمي برة الفيلا ويقفل باب الفيلا في وشها وملك تقول لادم
فلوس سلمي هاترجع لها زي ما وعدني
ادم
طبعا. بس لما تتربي شوية
ويسمعوا سلمي وهي تقول باعلي صوت عندها
انا النجمة الاولي في مصر وهافضل النجمة الاولي. انا سلمي ابو سالم
وتفضل تقولها اكتر من مرة. وتخرج من الفيلا وهي بتقولها وتصرخ وتصرخ لغاية ما تتجنن ويتم القبض عليها ويحطوها في مستشفي المجانيين. وتعدي الايام والشهور ويعمل ادم مشروع المطعم اللي كان نفسه في والمطعم يكبر وبقي سلسلة مطاعم في وقت قليل وفي يوم وهو قاعد في مكتبة يلاقي نغمه رسائل الواتس بترن فيفتح الواتس علشان يلاقي فيديو لي وهو بيزق عربية ملك وقت ما كانت سلمي بتحاول تقتلها. فيبرق ويصدم ويلاقي رساله صوتيه وحد بيقول
انا موسي. هكملك تاني.
فيرمي ادم الموبيل علي مكتبة وهو مش مصدق اللي شافة وقال بلغة مايفهاش الا الشيطان
بعد كل اللي عملته وبعد مالعبت بيهم كلهم يطلع عليه دليل زي دة. ومين بقي موسي دة. ، ،،،،،،،،،،
لسة الحكاية مخلصتش استنوني والموسم الثاني
★ملك والعين الحمراء★
ويارب يكون الموسم الاول عجبكم وياريت اعرف راي كل اللي شرفني بقراءة الموسم الاول
لا تطول بالجزء التاني
ردحذفرائعه زي قصصك الا متعودين عليها ولازم يكون فيها الغاز
ردحذفجميله
ردحذفجميله جدا
ردحذفرؤؤؤؤؤعه
ردحذفماشاء الله جميله
ردحذفجميله اوي يا منص
ردحذفجميلة جدا والله العظيم مستنين باقي القصة ربنا يوفقك
ردحذفتحفه فعلا
ردحذف