الهام واللي كان الحلقة الاخيرة

ملك والعقربة 

                       ★الحلقة الخامسة★

من تاليفي، ، 

محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وتاني يوم ومن جوة عربية سلمي تقعد سلمي وجنبها شريف اللي كان بيقول

ملهوش لزوم بقي نكمل مع بعض انا فكرت كتير ولقيت ان الجوازة كدة واقفة عليه بخسارة. عمري بيضيع مع واحدة من سن امي

سلمي بغيظ

سن امك

شريف

انتي اللي قولتي كدة

سلمي 

طيب خلص اللي طلبته منك وبعدين نشوف حوار الطلاق دة

فينزل شريف من العربية وهو بيقول

انا خلاص طلقتك والحوار خلص. وهاشوف حياتي بقي مع اي حد تاني 

ومشي شريف وساب سلمي لوحدها وهي بتقول

كلهم باعوني هاتيجي عليك انت ،،،،

وتتحرك سلمي بالعربية وتروح لشقة مفروشة كانت فيها اشجان اللي كانت هادية جدا هدوء يخوف وبتبص للحيطة اللي قدام منها واللي علقت عليها صورة ملك مع سيد. وفي نص الصورة سكينة. فبصت سلمي للمنظر فقالت اشجان

مش ناوية بقي تعرفيني مكانها

سلمي

قريب اوي بس الوقت يسمح علشان تقتليها من غير ما البوليس يقبض عليكي وساعتها يا اشجان هتاخدي اعدام

فتقول اشجان وهي لسة باصة للصورة

وبعد ما يعدموني اموت. طيب ما انا ميتة من يوم ما شوفت خيانه سيد ليا وكنت في المستشفي بتعمد اني اعمل نفسي هايجة وبكسر في كل اللي حوالية علشان يحطوني علي جهاز الكهرباء واموت بس ما بموتش واهو لسة عايشة. والكل فاكر اني مجنونه وجناني خطير لكن ماحدش يعرف اني اعقل منكم كلكم

وتمسك السكينة اللي في الصورة وتقوم تقف وتروح ناحية سلمي اللي كانت بترجع لوراء وهي خايفة و بتقول 

اشجان انا معاكي مش ضدك 

لكن اشجان تفضل تقرب منها لغاية ما سلمي تلاقي نفسها لزقت في الحيطة وقربت منها اشجان وقالت

عايزاني اقتلها والبوليس ما يقبضش عليه علشان ماحدش يعرف انك وراء اللي حصل. وهربتيني من المستشفي ودفعتي كتير علشان ماحدش يعرف انك وراء خروجي

وتبعد اشجان عن سلمي اللي كانت مفزوعه وخايفة جدا من بصيت اشجان ليها اللي حطيت السكينة علي ايدها وقطعت حتة من لحم جسمها وبتدات تاكلها وهي بتقول

زي ما بتكرهيها انها بكرها. وصليني بس ليها وانا هاكل لحمها ني 

بصت سلمي للمنظر ودم اشجان النازل من ذراعها وخافت اكتر واكتر واشجان بتندغ حتة اللحم وراحت قعدت قدام الصورة تاني، ،،،،،،،،،،

وبعدها بيومين تروح ملك ومعها مشمش لمرسي مطروح علشان تصور مشاهد من مسلسل شاديه وكان معها سيد والمولف ماجد وكانت ملك تستعد لتصوير بعض المشاهد ويتم تصوير المشاهد وينتهي يوم التصوير وتروح ملك للشاطي علشان تتمشي علي البحر وقت الغروب وفجاة تظهر قدام منها أشجان وفي ايدها سكينة وبتبص لملك وتقول 

خدي جوزي مني ليه

ملك بخوف واستغراب تقول

جوزك مين انا ماعرفش انتي بتتكلمي عن أيه

أشجان

زي ما قالت ليا انتي فعلا خبيثه وليئمه ده انا شايفكم بعنيه دول وانتوا واقفين مع بعض من كام دقيقة 

ملك

انتي بتتكلمي عن ايه انا مش فاهمه حاجه

اشجان

مش فاهمه يبقي اموتك وبعدين افهمك عشان انتي باين عليكي غبيه

وتهجم اشجان بالسكينه علي ملك ولكن ملك تتفادي ضربه السكينه وتصرخ ملك وتستغيث يمكن اي حد يسمعها ولكن اشجان تهجم مرة تانية علي ملك لكن ملك تمسك 

ايد اشجان وتمنع وصول السكينة وتفضل ملك تقاوم بكل قوتها لغاية ما تقع السكينة من ايد اشجان وتفضل ملك تصرخ وتجري من اشجان لكن اشجان تمسك ملك من شعرها وترميها في البحر وتروح ناحيتها وملك تصرخ وتصرخ وهي بتجري في البحر ولكن اشجان تلحق بيها وتمسكها من رقبتها وتحط راس ملك في المية بكل قوتها وملك تحاول الافلات بكل قوتها وهي بتكتم نفسها علشان المية ما توصلش للرئة ولكن قوه ملك انهارت ونفسها خلص واستسلمت لمصيرها ودخلت المية للرئه وبدات ملك تشم رائحه الموت غرقا ولكن في الوقت دة كان مشمش ومعه ادم بيجروا ناحية ملك باقصي سرعه ويبعد ادم اشجان عن ملك ومشمش يخرج راس ملك من المية بعد ما كان اغمي عليها ويروح بملك بسرعه ناحية الشاطي واشجان كانت في نفس الوقت بتغرز ظوافرها في رقبه ادم لدرجة ان ادم بدأ ينزف من رقبته وزقته أشجان بعيد عنها وجريت بسرعه ناحية السكينة اللي واقعه علي الشاطئ ومسكت السكينة وبمجرد ما هجم عليها ادم كانت السكينة سبقت ودخلت في بطن ادم فصرخ ادم ووقع علي الشاطي والدم كان بينزل منه بمنتهي السرعه وهنا ظهر معظم افراد فريق عمل المسلسل وكان معاهم سيد وماجد وجري سيد ناحية اشجان وانصدم لما شافها وقال

اشجان طيب ازاي

جريت اشجان واترمت في حضنة وقالت

كانت عايزا تخدك مني لية. ارجع لي يا سيد وانا هاخلف وهابقي ام واخليك اب زي ما انت عايز. بس ما تكنش لغيري 

يفضل سيد مصدوم ويبص ناحية ملك اللي بدات تخرج المية اللي بلعتها وكمان يبص ناحية ادم اللي بيجيب دم من بطنة، ،،،،،،،،

وبعدها بكام ساعه ومن قدام اوضة العمليات كانت واقفة ملك ومعها مشمش ومشمش كان بيقول

انا اللي عرفته مكانك وعرفته انك بتصوري هنا في مرسي مطروح وهو جه لغاية عندك علشان تسامحي. ادم ضاع من غيرك وعرف قيمتك لما بعدي عنه سامحي يا ملك دة مهما كان ادم حبيبك ولولا انه سمعك بتصرخي ما كناش لحقنا نوصل لك

ملك بحزن

للدرجة دي بيحبني طيب لية كنت بحس انه قاسي عليه

مشمش

الفقر بيموت اي حب جوة القلوب

ملك

لا يا مشمش دي حجة علشان نبعد بيها عن اللي بنحبهم. انا كنت فقيرة ساعه ما حبيت ادم. وحتي لما بقي معايا فلوس بتلغبط في عدها فضلت احبه يعني قلبي ما اتغيرش علي حسب الفلوس اللي امتلكها

مشمش

انتي ممكن لكن هو قلبه اتقسم نصين بين الفقر وحبك وادم لو مش بيحبك ماكنش ضحي بعمره علشان يفديكي

ملك

مشمش انت اخويا الكبير وطول عمرك في ظهري وعمرك ما هاتضلني برايك. تفتكر الصح أن اسامحه

مشمش

لو شوفتي لهفته عليكي وانتي بين ايدين المجرمة دي وبتحاول تغرقك ما كنتيش سالتي السؤال دة

فتبص ملك لاوضة العمليات تاني وتقول

باين كدة اني هافتح ابواب قلبي تاني لادم ،،،،،،

وفي نفس الوقت كان سيد جوة عربيته وبيتكلم في الموبيل بمنتهي العصبية مع الدكتور نبيل اللي بيعالج اشجان وبيقول له

انت ازاي ما تعرفنيش ان اشجان هربت من المستشفي 

نبيل

ما كنتش عايز اقلقك وانا كنت بدور عليها بمعرفتي وكنت قربت اوصل لها 

سيد بعصبية

توصل لها ازاي. وانت ما تعرفش عنها اكتر من اللي انا اعرفه. ولا انت نسيت ان دي مراتي انا 

نبيل

اهدئة يا سيد مش كدة

سيد بعصبية زيادة

اهدئة أية بقول لك كانت هاتقتل اثنين وتقولي اهدئة. اسمع يا نبيل ما تعديش الليلة دي الا وتكون عارف لي مين الي هرب اشجان من المستشفي وهربها ازاي ولية كان عايزها تقتل ملك 

نبيل

قبل ما يطلع النهار هاكون عرفت لك كل اللي انت عايزه. المهم هي فين اشجان دلوقتي

سيد

اتقبض عليها والظابط هايخلص اوراق ترحيلها علي المستشفي عندك بعد ما يحقق معها

نبيل

طيب ما عرفتوش تطلعو منها باي معلومة تخص اللي هربها

سيد

اشجان من ساعه ما اتقبض عليها وهي ساكتة ومش عايزا تتكلم

نبيل

خلاص سيبني انا هعرف بطريقتي

وقفل نبيل مع سيد واتصل برقم سلمي واول ما رديت سلمي قال نبيل

اسمعيني كويس حوار اشجان دة لو ما اتلمش بسرعه قبل الشوشرة انا هقول علي كل حاجة وهعرف سيد انك انتي اللي خرجتيها

سلمي بجبروت

وهاتعرفه انت خد مني كام علشان تبيعه وتبقي فضيحة ملهاش اخر والدكتور نبيل سمعته تبقي في الارض وممكن كمان 

فيقاطعها نبيل قائلا

بس اسكتي. انا اية اللي خلاني اسمع كلامك

سلمي

الفلوس ليها سحر وانت ضعيف قدام الفلوس وانا استغيلت دة. فبلاش بقي جو الصعبنيات دة. وحاول تخرص اي لسان عندك في المستشفي ممكن يفضحنا

نبيل

افرضي اشجان قالت علي كل حاجة

سلمي

اشجان ما تعرفنيش

نبيل

بس ممكن توصفك

سلمي بلامبالاة 

توصف. دي واحده مجنونه واي محامي واقع هايطعن في شهادتها ولو كترت حقنة هواء يديلها اخويا الصيدلي يخلصني منها.

نبيل 

انتي اية ازاي فنانة وانتي بالوحشية دي

سلمي

الفن دة اكل عيش لكن اللي بيجي علي سكتي بحرقة.،،،،،

وبعدها بيوم كانت ملك قاعدة في احدي اوض المستشفي وقدام منها يرقد ادم علي السرير وهو ماسك ايدها وبيبص لها وبيقول 

ولو حصل لي اكتر من كدة مش مهم. المهم انك انتي بخير

ملك

من امتي اتعلمت الكلام الحلو دة

ادم

من ساعه ما عرفت قيمتك وانتي بعيدة عني

ملك

كان لازم اضيع منك علشان تعرف قيمتي

ادم

بلاش نتكلم في اللي فات وخلينا نبقي ولاد النهاردة 

وسامحت ملك أدم. وعدي كام يوم وخرج من المستشفي وراح شقته وفي ليلة وهو قاعد في شقته سمع صوت خبط علي باب الشقة فقام فتح ولقي قدام منه سلمي بتبص له من فوق لتحت وبتقول

تعرفني مكانها وابعت لها اشجان علشان تقتلها زي ما اتفقنا وانت اللي تلحقها. احب افهم

فيضحك ادم ضحكة الشيطان ويقول

خشي يا قلبي وهافهمك، ،،،،،،،،،،،،

معقوله ادم يكون اتفق مع العقربة علي ملك ولا الحكاية فيها حكاية. عايزين تعرفو استنوني. واوعو تروحو بعيد، ،،،،،،،،،

الحلقة السادسة