النداهة
★الحلقة الثالثة★
كتابه واقتباس
محمد منصور *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ونرجع بالاحداث لعشر سنين فاتو.
وصابر كان قاعد مع امه كوثر في وسط البيت ومعاهم رئيفة وبيقول لهم
انا سني بيكبر ونفسي في عيل ومافيش قدامي الا كدة وهاتجوز
رئيفة
صابر انت ما بتخلفش ما تضحكش علي نفسك العيب مش من خضرة العيب منك انت واحنا عارفين ومخبيئن علبها علشان خاطر شكلك قدمها. يبقي هاتخلف من الجديدة دي ازاي
صابر
بالسحر.
بصيت رئيفة لكوثر وهما مفزوعين وقالت كوثر
انت اتجننت اكيد
صابر
لية. مش من حقي ابقي اب
رئيفة
تبقي اب بالسحر
صابر بعصبية
انا حر يا رئيفة. انا كنت جاي اعرفكم علشان فاكركم هاتفرحو لي لكن ما كنتش اعرف انكم هاتقلبو وشكم كدة علية واعتبروني ما قولتش ليكم حاجة
ويقوم صابر ويروح ناحية الباب ومن قدام الباب يقف ويبص لهم ويقول
صحيح نسيت اقول لكم. انا مسموح لي اعرف اتنين بس من دمي وانا عرفتكم انتو الاتنين انما لو حد تالت عرف وخصوصا رفعت اخويا هاتكون فيها موتي هو دة شرط مراتي اللي تحت الارض
ويخرج من البيت ،،،،،،،
ونرجع للوقت الحالي ورفعت بيسمع لامة كوثر حكاية صابر وبتقول
ومن ساعتها واحنا مانعرفش هو اتجوز مين لكننا عرفنا انه خلف عيل اسمة باهر وجابة عندنا مرة لكنة يارفعت عيل يقبض القلب وعيونة تخوف لدرجة انه في يوم الكلب اللي بينام في الزريبة عندنا عضة صحيت تاني يوم لقيت الكلب دة ميت وباهر دة واقف قدام منه وبيضحك خوفت وطلعت من الزريبة جري وقولت لصابر ياخد العيل دة من بيتي وما يجبوش عندي تاني ودي كانت اخر مرة اشوف فيها باهر دة
رفعت
كل دة يحصل وانا ما عرفش
رئيفة
ما احنا خوفنا نقول لك ليموت زي ما قال لنا
رفعت
وباهر دة فين ومين بيربي
كوثر
مانعرفش اي حاجة عنه ولا عن مكانة لان اخوك في الفترة الاخيرة قبل ما النداهة تنادي قالي انه تاب ورجع لربنا واستغفرة وان الشيطان ضحك علية مرة يوم ماجاب عيل بالسحر لكن الشيطان مش هايضحك علية تاني وانه صلح غلطتة
رفعت
صلحها ازاي يعني
كوثر
ماعرفش وماحبتش اسال لاني بخاف لما بسمع سيرة باهر او اخاف لو شوفتة لاني بحس اني شوفت ابليس
وهنا تخرج مية كتير من بوق كوثر وارتفعت لفوق وكانها بتغرق فبص لها رفعت بخضة ورئيفة لا تختلف حالها عن حالة وحاول رفعت سحب كوثر لتحت ولكنة لايستطيع وكوثر تبص لهم خائفة وتحاول ان تاخذ نفسها ولكنها لا تستطيع وبدأ الموت يقترب من كوثر وهنا لاحظ رفعت ان في شي خفي بينقط مية من بعيد فامسك بكوبية مية وقرأ بعض الايات من سورة البقرة ورمي هذة المية في ناحية الشي الخفي اللي بينقط وهنا يسمع صرخة أنثي بتحترق وشي بيخترق الحائط وتنزل كوثر علي الارض وتتوقف المية اللي كانت خارجة من بوقها وتبدأ كوثر تلتقط انفاسها بصورة طبيعية فراحت ناحيتها رئيفة ومن بعدها رفعت لكي يطمئنوا عليها وبص لها رفعت وقال
حسا انك كويسة
كوثر بصعوبة
الحمد لله
فيبص رفعت لرئيفة
خدي امك علي فوق وغيري لها هدومها ودفيها كويس ببطانية
ويقوم رفعت ويتجة ناحية الباب ورئيفة تبص له وتقول
وانت رايح فين
ولكن رفعت لا يرد ويخرج من البيت، ،،،،،،
ومن داخل بيت صابر تجلس خضرة قدام طبق في مية وعروسة سوداء غرقانة في المية ولكن خضرة كانت تمسك ذراعها اليمين اللي كان بي حرق وهي بتبص للحرق سمعت صوت خبط عنيف علي باب البيت فقامت وهي بتقول
مين
صوت رفعت غاضبا
افتحي
فتفتح خضرة الباب فيدخل رفعت الي البيت ويبص في كل انحاء البيت الي ان تقع عينة علي طبق المية اللي في العروسة فيبص لخضرة وللحرق اللي في ذراعها ويقول
انتي بتمارسي السحر الاسود
خضرة باستغراب
سحر اسود يعني أية
فيذهب رفعت ناحية طبق المية ويخرج العروسة المبلولة من المية ويحط العروسة في وش خضرة وهو يقول
يعني بتسخري جن للأذية. والعروسة دي اكبر دليل علي كلامي وكمان
ويمسك رفعت ذراع خضرة وهو يقول
الحرق اللي في ذراعك دة بسبب المية اللي عليها قران واللي انا رميتها علي الشي اللي انتي مسخرا
خضرة وهي تبعد ذراعها عن ايد رفعت
انت موت صابر خلاك تخرف باين كدة
رفعت بعصبية
أسمعي لما اقول لك. اوعي تفتكري اني علشان عايش في القاهرة ابقي نسيت كهن الفلاحين. لا. دة انا فلاح زيك وعارف انتي بتعملي كدة لية
خضرة بمنتهي الشر
طالما عرفت بقي يبقي اعرف كمان اني أنا لسة ما عملتش حاجة. دة انا بس ببتدي. والعيلة دي كلها مش هايفضل من سلاسلها نفر واحد
رفعت وهو يمسك ذراع خضرة بمنتهي العنف يقول
علشان جوزك اتجوز عليكي تخلصي علي عيلة بحالها. انتي اية مجنونة
خضرة
اخوك حرمني من اني ابقي ام وفضل مخبي ان العيب منه هو ومخليني عايشة وفاكرة ان العيب مني أنا. وامك واختك ساعدوا ولازم كلكم تدفعوا التمن.
وتبعد خضرة ايد رفعت عنها وتلف حوالين منه وهي تقول
أنا صحيح ما بحبكش ودة من زمان بس خليني اعترف انك انت انظف واحد في العيلة دي. وخليني اقول لك ان ليلي بنت العسال ماتت بسبب أبن اخوك باهر. وماتت غرقانة في الترعة. علشان ابوها شافها مع باهر
رفعت
انتي بتقولي اية ليلي دي عندها حوالي 20 سنة وباهر دة بالنسبة لها عيل لية ابوها يقتلها بسبب باهر
خضرة
انا ماعرفش اكتر من كدة وماحبتش اعرف لا. ليلي تهمني ولا الشيطان اللي اسمه باهر يهمني أنا كل اللي كنت عايزا اني احرقكم واشفي غليلي منكم واخلي صابر يشوفكم وانتم بتموتو قدام عينية لكن النداهة بدات بي
رفعت
وهو انتي ماتعرفيش مين النداهة
خضرة
دورك جاي وهاتعرف مين هي النداهة
رفعت بتحدي
طيب اسمعيني كويس. انا ما حدش هايقدر يمس اهلي وناسي طول ما انا عايش احسن لك ابعدي عن طريقنا
خضرة ضاحكا
اول مرة اشوف ميت بيتكلم.
رفعت باستغراب
قصدك اية
خضرة وهي بتفتح باب البيت تقول
النداهة غيرت خطتها وهاتسيب باهر للاخر. وهتنادي عليك دلوقتي
وهنا ترتفع دقات قلب رفعت ويحس بصداع رهيب وبانعدام الوزن وصوت ساحر يقول
رفعت. رفعت. رفعت
لكن رفعت فقد السيطرة علي نفسه وراح وهو مسحور ناحية الترعة الشرقية وعند الترعة بدات رحلة رفعت للجنون، ،
من داخل بيت كوثر ينام رفعت علي السرير وهو باصص ناحية الترعة الشرقية ومسهم ومش عايز ياكل ورئيفة تقعد جنب منه وكوثر بتفتح بوقة وبتحط له الاكل بالعافية وهي بتقول
اخوكي رفعت ها يروح مننا
رئيفة
انا مش عارفة لية النداهة بتصطاد رجالة عيلتنا بس
كوثر
دي عين وصابتنا
رئيفة
طيب والعمل يا ما
كوثر
العمل عمل ربنا
وفي هذة اللحظة يسمعوا صوت طفل في الحادية عشر يقول
يا خالة ام صابر. يا خالة ام صابر
فتبص كوثر لرئيفة وتقول
قومي شوفي مين اللي بينادي
فتقوم رئيفة وتروح ناحية الباب وتفتح الباب لتجد هذا الطفل ويدعي مسعود فتقول له
عايز اية يا واد يا مسعود
مسعود
عمي العمدة بيقول لكم تيلفون لعمي رفعت
رئيفة
طيب ماشي انا جاية معاك
وتقول رئيفة بصوت عالي لكي تسمع امها كوثر.
انا رايحة اشوف مين علي التيلفون وعايز رفعت
كوثر
طيب روحي بس متتاخريش،،،،،
ومن القاهرة تجلس كاميليا في شقتها وتقول في التيلفون بخصة
انتي بتقولي اية. يا رئيفة يعني اية النداهة ندهتة
صوت رئيفة
اهو دة اللي حصل زي ما ندهت صابر وحسان
كاميليا
طيب ورفعت فين دلوقتي
رئيفة
في البيت عند امي. ومسهم ومبلم وبياكل بالعافية
كاميليا بقلق
طيب اقفلي يا رئيفة وانا جاية في السكة حالا
رئيفة
تيجي فين بس والدنيا ليل كدة
كاميليا
مش مهم اي حاجة المهم اطمئن علي جوزي
وتضع كاميليا السماعة وهي مصممة علي الذهاب للبلد،،،،،،،
ومن داخل شقة اخو كاميليا ويدعي محمود تقف كاميليا قدام محمود وتقول له
يا محمود علشان خاطري اديني العربية بتاعتك وخليك انت مع مراتك
محمود
انتي اتجننتي مستحيل اسيبك تسافري لوحدك في ميعاد زي دة. استني هنا وانا هاغير هدومي وهاجي معاكي،،،، ،،
وبعدها بكام ساعة تصل كاميليا الي بيت كوثر وتدخل الي البيت مسرعا ومعها اخوها محمود وتسلم علي كل الموجودين وهي تقول بلهفة
فبن رفعت
كوثر
راقد جوة في اوضتة
فتروح كاميليا مسرعا الي اوضة رفعت وتفتح الباب وتدخل الي الاوضة لتجد رفعت نام علي السرير وباصص ناحية الترعة الشرقية فترتمي في حضنة وتبص لمنظرة وهي بتقول
رفعت حبيبي. رد علية انا كاميليا
ولكن لا حياة لمن تنادي فيقف الجميع وراء منها وتبص كاميليا لكوثر ورئيفة وتقول
هو اية هايفضل كدة
رئيفة
مش هايتكلم ولا هايرد عليكي هايبقي عامل زي الميت مع انه بيتنفس وهايفضل كدة لغاية النداهة ما تنادي علية الندهة التانية وساعتها هايموت
فتحضن كاميليا رفعت وهي خائفة علية وتقول من قلبها
بعد الشر علية يا ريت النداهة دي تاخدني انا وتسيبة هو
وتعيط كاميليا فيطبط عليها محمود ويقول لها
اهدئي يا كاميليا مش كدة
كاميليا وهي بتبص لمحمود تقول
محمود. ساعدني نشيل رفعت ونخرج بي من هنا ونرجع بي علي مصر وهناك هادخلة احسن مستشفي
محمود
حاضر
وبمجرد ما يقترب محمود ويحط ايدة علي جسم رفعت يبص له رفعت بغضب شديد ويمسك ايد محمود ويحاول ان ياكلها بسنانة ولكن محمود يبتعد عن رفعت مسرعا وهو خائف فيبص رفعت لكاميليا ويصرخ في وشها فتفزع كاميليا وتبتعد عنه خائفة وهنا يهدا رفعت من جديد ويبص ناحية الترعة الشرقية فتقول كاميليا باستغراب
معني اية اللي حصل دة
محمود
في روح شيطانية متمكنة منه ومش عايزا يخرج من هنا
كاميليا
يعني اية. مش هانقدر نخرج بي من هنا
كوثر
طالما النداهة ندهتة هو بقي ملكها
وتعيط كوثر بحرقة وتقول
ابني التاني هايضيع مني. اللهم لا اعتراض. يارتني ما اتصلت بي ولو جيبتة لغاية هنا
رئيفة
يا ما. دة نصيب ومقدر ومكتوب
محمود
بس احنا لازم نتصرف ونشوف هانقدر نعمل اية
كاميليا
مافيش اي حاجة نقدر عليها غير ان رفعت يخرج من هنا
محمود
انا معاكي بس نخرج بي ازاي والروح المتمكنة منه مسيطرة علية
كاميليا
ماعرفش بس لازم نتصرف يا محمود انا مش هاقف اتفرج علي رفعت وهو بيضيع مني
وهنا يسمعوا جمعيا صوت خبط علي باب البيت فتذهب رئيفة ناحية الباب وتفتحة فتلاقي قدام منها خضرة ومعها زهرة الممرضة فتقول رئيفة
خضرة ازيك
فتقول خضرة
انا بخير. قلبي عندك لسة عارفة حالا باللي حصل لجوزك ومن بعدي اخوكي رفعت
رئيفة
انتي عرفتي اني النداهة ندهتة
خضرة
عرفت وجبت معايا زهرة الممرضة علشان تعالج رفعت
رئيفة
وهي اللي بتنادي النداهة بيبقي لي علاج
خضرة
زهرة هتعالجة بالسحر
وهنا تدخل زهرة للبيت وهي تقول
روح النداهة جوة بيتكم ومسيطرة علي رفعت ولو ضيعتم وقت كتير في التفكير رفعت هايروح منكم
فتبص رئيفة لخضرة باستغراب وقالت
هي شيخة ولا اية
خضرة وهي بتدخل البيت وبتقفل الباب وراء منها تقول
اعتبريها كدة. ودلوقتي من مصلحة رفعت اننا نصدقها لغاية ما تنقذة. الا هو فين صحيح
رئيفة
راقد جوة في اوضتة
وتتقدم رئيفة قدام منهم وهي تقول لهم
تعالو اتفضلو
وتدخل رئيفة الاوضة ومن وراء منها خضرة وزهرة فيبصو لها كل اللي في الاوضة بما فيهم رفعت اللي بص لزهرة وابتسم وفرح جدا وزهرة تبص في عيونة فاستغربت كاميليا وقالت لرئيفة بصوت واطي في ودانها
مين اللي رفعت بص لها اول ما دخلت دي وفرح انه شافها
زهرة وهي بتتقدم ناحية رفعت قالت
ماتخافيش علي جوزك انا هنا علشان اساعدة انه يخف.
وبطرف عينيها بصت زهرة لخضرة وقالت
عايزا الاوضة تفضي. لو عايزين مصلحة رفعت
كوثر لخضرة
خضرة هو في اية ومين دي
خضرة
رئيفة هاتقول لك. ودلوقتي ياريت كله يطلع برة
كاميليا
انا مش هاطلع. دة جوزي وع،،،،،،،،،
تصرخ زهرة بلهجة مخيفة وتقول
قولت برة
فتسكت كاميليا من الرعب فتبص لها زهرة وتبتسم ابتسامة سوداء. وتقول
اسفة. بس انتي مش هاتستحملي اللي هايحصل في الاوضة دلوقتي. ياريت تطلعي برة
محمود بعصبية
هو اية اللي بيحصل دة ومين دي اصلا علشان تشخط كدة
زهرة
انا اللي هاطلع جوز اختك من اللي هو في.
كاميليا لمحمود
خلاص يا محمود تعالي نطلع برة ونسيبها يمكن يكون خلاص رفعت علي ايدها
محمود
هو علاج رفعت هايكون بالسحر والدجل دة
كاميليا
مافيش قدامي غير اننا نصدقها
ويخرجوا جمعيا من الاوضة وتقفل خضرة الباب وراء منهم وتبص زهرة لرفعت وتقول
انت لو تعرف أنا ناوية علي اية هاتتمني الموت ولا انك تسيب لي نفسك.
فتبص زهرة لخضرة وتقول
خضرة طلعي العروسة
فتخرج خضرة العروسة السوداء وتبص زهرة للعروسة وتقول
خلينا نبدأ،،،،،،،،،،
يتبع
إرسال تعليق