النداهة
★الحلقة الثانية★
كتابه واقتباس
محمد منصور *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
يجري رفعت في البلد باقصي سرعة متجها ناحية بيت اختة رئيفة فيتعب من الجري ويقف يلتقط انفاسة بصعوبة وهنا تقف بجانبة نفس الفتاة وتبص له وتقول
لازم تبطل السجاير علشان الربو بدا يتمكن منك وانت كمان مريض بالقلب
فيمد رفعت ايدة ناحيتها وهو يلتقط انفاسة بصعوبة فتبص له وتقول
بتجري علشان تلحق حسان. جوز اختك مش هاتلحقة حسان خلاص النداهة ندهتة
رفعت بصعوبة
انتي مين
الفتاة
اسال ولاد عزام عن اللي ماتت مقتولة في دار كبيرهم العسال وانت تعرف انا مين
وتضحك الفتاة ضحكة غموض وتكمل قائلا
حاول تجري باسرع ما تقدر علشان تلحق حسان
وتدخل الفتاة وسط الغيطان ورفعت يبص لها بمنتهي الاستغراب ويستجمع قوتة ويكمل جري ناحية بيت اختة ويصل الي البيت وهو يلتقط انفاسة بصعوبة و يقف قدام باب البيت وهو ينهج وينادي قائلا
حسان
فيسمع صوت رئيفة تقول بصعوبة
حسان. النداهة ندهتة
فيبص لمصدر الصوت فيلاقي رئيقة واقعة علي الارض وهي مضروبة بمنتهي العنف ودة باين من الدم النازل من بوقها فيروح ناحيتها مسرعا ويبص لها وهو يقول
رئيفة مين اللي عمل فيكي كدة
رئيفة
حسان. ضربني علشان بمنعة انه يخرج للنداهة. الحقة يا رفعت قبل ما يشوفها وتسحرة
رفعت وهو بيحاول ايقاف دم رئيفة يقول
طيب.
ويخرج من البيت مسرعا ويجري وسط الغيطان متجة ناحية الترعة الشرقية ويصل عند الترعة ليجد حسان واقفة قدام الترعة وبيبص للمية اللي كانت بتتحرك فيقول له رفعت
حسان
ولكن حسان لايرد علية فيقول رفعت كمان مرة
حسان رد علية
وهنا يخرج من تحت المية صوت ناعم وساحر وهو صوت النداهة وهي بتقول
روح يا حسان واستني مني الندهة التانية علشان تكون ملكي يا حبيبي
فينصرف حسان وهو مسحور فيبص له رفعت باستغراب شديد ثم يبص للترعة باستغراب ويقفز في الترعة باحثا عن صاحبة الصوت فلا يجد اي احد في الماء وهنا تهتز الغيطان وكان احد ما بداخلها فيخرج من المية ويجري وسط الغيطان فلا يجد أي أثر لاي شي، ،،،،،،،،
ومن داخل اوضة نوم حسان ينام حسان علي سريرة وهو لايتكلم ولا يرد علي اي حد وباصص من شباك اوضة ناحية الترعة الشرقية ويقف قدام منه كلا من رئيفة ورفعت اللي كان بينشف هدومة ورئيفة بتقول
صدقت يا رفعت ان في نداهة واهي اختارت جوزي علشان يكون التاني.
فيبص لها رفعت وهو مش عارف يرد يقول اية وبيفكر في اللي حصل وبيحصل ورئيفة تكمل قائلا
اروح فين من بعدك يا حسان يا جوزي. يا خسارتك يا زين الرجال. اخويا وجوزي النداهة اختارتهم يا خسارة يا ميت خسارة
رفعت
رئيفة بطلي نواح. جوزك ما مامتش علشان تعددي علية كدة
رئيفة
هايموت زي ما صابر مات طالما النداهة ندهتة
رفعت
مش هايموت باذن الله. وصابر اخوكي عايش وهايرجع ان شاء الله
رئيفة
انت لية مش عايز تصدق ان النداهة راجعة وهتاخد رجالة ياما في وشها
رفعت بحزم
علشان النداهة اسطورة ومستحيل اصدق اسطورة.
رئيفة
النداهة حقيقة انت بس اللي بتكابر
رفعت
مش حقيقة. ودلوقتي بقي روحي هاتي حبل طخين
رئيفة باستغراب
اشمعني
رفعت
علشان اربط جوزك كويس
رئيفة
لية
رفعت
علشان النداهة لما تنادي علية تاني ما يقدرش يتحرك من مكانة
رئيفة
حاضر يا خويا
وتخرج رئيفة من الاوضة فيبص رفعت لحسان اللي كان لايزال باصص ناحية الترعة الشرقية فيمسك رفعت بايد حسان ويتحسس مكان النبض ويلاقي النبض بتاع حسان سريع بطريقة تحير فيبص لعيون حسان فيلاقي النني بة انعكاس لصورة الترعة الشرقية والنداهة واقفة علي وش المية بشكل غريب فعلا فيقترب رفعت اكتر واكتر من عيون حسان وهنا يسمع رفعت صوت صرخة النداهة جاية من عيون حسان والنداهة تقول
الحق حبيبتك يا حسان من اللي عايز يحرمك مني
فتتحرك أيد حسان بمنتهي السرعة وتمسك رقبة رفعت بقوة غشيمة ورفعت يحاول الخلاص من ايد حسان ولكنة لا يستطيع الي أن سمع صوت قلة بتتحطم في راس حسان وهنا سقط حسان مغمي علية وافلت رفعت ايد حسان من حوالين رقبة وبص للي ضرب حسان فشاف الفتاة الغريبة فقال لها
أنتي
الفتاة
النداهة مش هاتسيبك خلي بالك من اللي جاي
وتختفي الفتاة من قدام رفعت وتدخل رئيفة ومعها الحبل وتصرخ عندما تجد القلة مكسورة فوق راس حسان فبصت لرفعت وقالت
رفعت انت ضربت حسان بالقلة
رفعت وهو بيمد ايدة يسحب منها الحبل. يقول
جوزك كان عايز يقتلني
ويبدأ رفعت في ربط حسان بمنتهي القوة ورئيفة تقول
حسان يقتلك طيب لية
رفعت
علشان هي طلبت منه كدة
رئيفة باستغراب
هي مين
رفعت وهو يقف بعد ما انتهي من ربط حسان
النداهة، ،،،،،،،،،،
ومن القاهرة وبالتحديد شقة رفعت تجلس كاميليا مع اختها هالة وهالة تقول لها
هه بقي اية رايك بذمتك انا غلطانة
فلاترد كاميليا اللي كانت سرحانة في مكالمة رفعت وقلقانة علية فتقول هالة كمان مرة
كاميليا انا بكلمك
كاميليا انتبهت لها وقالت
معاكي يا هالة.
هالة
معايا فين بس انتي سرحتي مني
كاميليا
معلش حبيبتي بس كنت بفكر في رفعت ومكالمتة ليا
هالة
مالة رفعت
كاميليا
اخو صابر في حد خطفة وقال اية النداهة هي اللي عملت كدة
هالة ضاحكا
النداهة. وربنا الفلاحين دول عليهم حكايات ما بزهقش منها
كاميليا بجدية
هالة. انا ما بهزرش وبجد أنا خايفة علي رفعت اوي من اللي بيحصل هناك
هالة
هو رفعت صغير علشان تخافي علية. دة مخة يوزن بلد
كاميليا
بس حكاية النداهة دي تخوف
هالة
بقول لك اية انا كلها يومين وابقي عروسة وغلط علية اني اسمع حكاية النداهة دي بدل ما احلم بيها واقوم مفزوعا
كاميليا
هو ممكن بجد يكون في نداهة
هالة
كاميليا احنا في زمن ممكن في اي حاجة
كاميليا
ولو في نداهة فعلا. رفعت لوحدة هايقدر عليها، ،،،،،،،
وتمر الليلة ويطلع النهار ويروح رفعت لبيت اختة ويخبط علي الباب فتفتح له الباب رئيفة فيبص لها وهو يدخل الي البيت ويقول
جوزك عامل اية
رئيفة
زي ما هو مسهم ومبلم ومش عايز ياكل
فيتجة رفعت ناحية اوضة النوم ويدخل الي الاوضة ويبص لحسان ويخرج حقنة فاضية من جيبة ويضرب الحقنة في ذراع حسان واخذ منه عينة دم فتبص له رئيفة وتقول
انت بتعمل اية
رفعت
عايز اتاكد من حاجة
ويجلس رفعت قدام حسان ويقول
حسان لو سامعني اديني اي اشارة افهم انك بخير
ولكن حسان لا يرد ولا يعطي أي اشارات فيبص رفعت لرئيفة ويقول
الا صحيح يا رئيفة اية حكاية البت اللي ماتت في بيت العسال الكبير
فيصرخ حسان ويهيج بشدة ويحاول الخلاص من قيودة ولكن رفعت كان رابطة باحكام فيبص له رفعت باستغراب ويحاول ان يفهم اية اللي بيحصل لكنة مش قادر يفهم حاجة فخافت رئيفة علي جوزها وحاولت ان تهدي ولكن بلافائدة فقالت رئيفة لرفعت
ماتعمل حاجة يا رفعت
رفعت
اعمل اية بس. وانا مش قادر افهم اي حاجة من اللي بتحصل هنا. ولية هو اتعصب لم جيبت سيرة البت اللي ماتت في بيت العسال الكبير
فيبص حسان لشباك الاوضة فينكسر ازاز الاوضة بشكل مخيف ويبص للمبة جاز كانت علي رف خشب فوق منه فتقع لمبة الجاز علي جسم حسان فيبص لها حسان بغضب شديد فتولع اللمبة وتمسك النار في جسم حسان فيصدم رفعت من المنظر وتصرخ رئيفة ويمسك رفعت مسرعا ببطانية كانت علي الارض ورامها علي جسم حسان وكتم الهواء عن النار واطفي النار وبدأ حسان يهدا ورفعت بينهج من شدة العصبية وحاسس ان قلبة المريض هايقف وبص رفعت لرئيفة اللي كانت بتترعش من الخوف وقال لها
انتي بخير
رئيفة وهي مرعوبة من اللي شافتة قالت
أة. بس هو اية اللي حصل دة
رفعت
مش عارف. ،،،،،،،،
وفي هذة اللحظة كانت خضرة تجلس في اوضة مظلمة وبتولع في عروسة ورق وبتقول
ياما نفسي يا صابر كنت اشوفك وانت بتتفرج علي عيلتك وانا بولع فيهم واحد وراء التاني علشان اشفي غليلي منهم
ومن داخل المستشفي العام يجلس رفعت في مكتب دكتور غانم ويقول رفعت
ادي يا سيدي حكاية النداهة اللي انا جيت من القاهرة لغاية هنا علي ملا وشي
غانم ضاحكا باستهزاء
وانت بقي مصدق ان في نداهة
رفعت
انا لغاية امبارح بالليل وانا متاكد ان مافيش حاجة اسمها النداهة انما اللي حصل النهاردة الصبح في بيت اختي خلاني، ،،،،،،،
غانم
خلاك تشك ان في نداهة
رفعت
ماعرفش بس كل اللي بيحصل دة غريب وغريب جدا كمان
غانم
طيب وانا اقدر اعمل اية في حكاية زي دي
رفعت
ماعرفش بس انا كنت محتاج اتكلم مع حد قبل ما يحصل لي حاجة
غانم
والله يا رفعت الحكاية دي غريبة ومافيش عندي ليها تفسير علمي
رفعت
تفتكر ان فعلا النداهة رجعت
فيضحك غانم بشدة ويقول
معني كدة ان رفعت اسماعيل اللي لف معظم دول العالم أمن وصدق بالاسطورة
رفعت وهو يشعل سيجارة
ماعرفش ماعرفش. بس قولي انت علي تفسير واحد منطقي يقبلة العقل لكل اللي بيحصل دة
غانم
ماعنديش بصراحة اي تفسير
فيخرج رفعت الحقنة اللي فيها دم حسان فيبص لها غانم ويقول
أية دة
رفعت
دي عينة من دم حسان. كنت عايز احلله
ويمد رفعت ايدة بالحقنة ناحية غانم فياخذها غانم ويضرب جرس في مكتبة فيفتح باب المكتب وتدخل ممرضة يبص لغانم ويمد ايدة بالحقنة لهذة الممرضة ويقول لها
خدي يا زهرة عينة الدم دي وعايز نتيجة تحليها في اسرع وقت
زهرة وهي تمسك الحقنة تقول
حاضر
فهنا ينتبة رفعت لصوت زهرة اللي شبة صوت النداهة بالظبط فيبص ناحية زهرة اللي كانت بتستعد للخروج من باب المكتب ويقول
لو سمحتي ممكن تستني
فتقف زهرة وتبص له باستغراب فيقول غانم
في حاجة يا رفعت ولا اية
رفعت
صوت الممرضة دي نفس الصوت اللي سمعتة بينادي علي
حسان
فيضحك غانم ويقول
يا راجل قول كلام غير دة.
رفعت بحزم
غانم انا متاكد من اللي بقولة
زهرة بارتباك
دكتور غانم هو في اية بالظبط
غانم
مافيش حاجة روحي انتي دلوقتي
فتخرج زهرة من المكتب ورفعت لايزال يبص عليها فيقول له غانم
واضح ان حكاية النداهة دي هاتخليك تتجنن
رفعت باصرار
صدقني يا غانم انا متاكد هو دة الصوت اللي انا سمعتة
غانم
يا اخي ازاي بس زهرة دي شغالة معايا من ساعة ما جيت هنا وبت غلبانة بتصرف علي يتاما ازاي بقي. تبقي هي النداهة اللي سيادتك سمعتها بتنادي علي حسان
رفعت بحدة
غانم انا مش مجنون وعارف انا بقول اية
غانم
طيب اهدئة تحب اطلب لك فنجان قهوة
رفعت
لا. شكرا
وقام رفعت وقف فقال له غانم
رايح فين
رفعت
مشوار وهارجع لك تاني، ،،،،،،
ويمشي رفعت في شوارع البلد متجها الي بيت العسال الكبير ويقف قدام باب البيت ولا بيت اية قولو قصر وبقي مهجور فاستغرب رفعت بشدة ازاي قصر زي دة مهجور كدة ولية. دي عيلة العسال عيلة كبيرة ولف رفعت وشة ولسة هايمشي لقي صوت خبط في شباك ازاز جاي من فوق فبص بسرعة لقي نفس الفتاة بتغرق لكن جوة الاوضة قلبة انقبض والفتاة دي بتبص له وهي بتخبط علي الازاز فحاول انه يجتاز البوابة ولكنة مش قادر يفتحها وهنا يظهر حارس القصر وهو يجري من بعيد ومتجهه ناحية رفعت وهو يقول
انت يا حضرت. واقف عندك لية
فبص له رفعت وقال مسرعا
في بنت بتغرق فوق ومحتاجة مساعدة
وشاور رفعت بصباعة ناحية الاوضة فلاقها فاضية استغرب بشدة والحارس قال
انت عايز اية
رفعت وهو بيتنحنح من الاحراج قال
مافيش حاجة
ومشي رفعت وهو عمال يبص علي الاوضة وفي دماغة ميت سؤال، ،،، ،،،،،
وبعد مرور كام ساعة ومع حلول الظلام رجع رفعت لغانم ودخل مكتب غانم وقال له
نتيجة التحاليل طلعت
غانم
طيب قول السلام عليكم
رفعت وهو بيرمي جسمة علي كرسي المكتب قال
سلام عليكم. ومعلش اعذرني حاكم اللي شوفتة النهاردة يقلب اي عقل
غانم باستهزاء
شوفت اية تاني. ام رجل مسلوخة
رفعت
سيبك من اللي انا شوفتة وقولي نتيجة التحليل طلعت
فيمد غانم يدة في درج مكتبة ويخرج ورقة بها نتيجة التحليل. ويحطها امام رفعت فيبص رفعت لنتيجة التحليل فلايجد بها اي شي غريب فقال
نتيجة التحليل سلبية
غانم
وهو انت كنت مستني تلاقي اية في نتيجة التحليل
رفعت
اية خيط يخليني اقرب من حل لغز النداهة
ويتنهد رفعت ويقول
هو انت تعرف اية عن بيت العسال الكبير
غانم
اعرف انه بيت مهجور. وكل قرايب العسال بيخافو يقعدوا في بعد اللي حصل
رفعت باهتمام
وهو اية اللي حصل
غانم
بنت العسال ماتت جوة اوضتها ومن ساعتها والشبح بتاعها موجود في البيت واللي بيخش البيت بيطلع ميت غرقان
رفعت
ازاي يعني يدخل بيت يطلع ميت غرقان
غانم
ماحدش يعرف بس دة اللي بيحصل ودة اللي خلي قرايب العسال يبعدوا عن البيت
رفعت
اسمها اية بنت العسال دي
غانم
اسمها ليلي
وهنا يفتح الباب ويقفل ويسمع رفعت صوت ليلي وهي تقول
النداهة بتسحب حسان وحسان هايكون ليها ومن بعد حسان. باهر ودة من دمك
فيقف رفعت مسرعا فيقول له غانم
هو اية اللي بيحصل دة
رفعت
بعدين هاتفهم كل حاجة
ويخرج رفعت من المكتب مسرعا وهو خارجا يري خضرة تجلس مع الممرضة زهرة في اوضة الممرضات و تمسك بشعر زهرة وتسحب شعرة من شعر زهرة وتربط عروسة قماش من رقبتها بهذة الشعرة وبتسحبها علي ظهرها فاستغرب رفعت بشدة ولكنه مافهمش اية اللي بيحصل وخرج من المستشفي وركب عربيتة واتجة بها مسرعا، ،،،،،،
وفي هذة اللحظة كان حسان يسحب من رقبتة ويتجة ناحية الترعة الشرقية بمنتهي العنف ورفعت في نفس الوقت يركب عربيتة ويتجة بها مسرعا الي الترعة الشرقية وهناك عند الترعة وعند لحظة وصول رفعت يري حسان يسحب الي الترعة ويغطس حسان في الماء فيقفز رفعت مسرعا في الماء ولكنة لا يجد حسان ويجد صورة لليلي وهي تغرق في نفس الترعة فظل يبص للمنظر بتركيز شديد يمكن يفهم حاجة لكنة ماقدرش وخرج من الترعة وهو هايتجنن ومش فاهم اية اللي بيحصل، ،،،،،،،
ورجع للبيت لقي رئيفة في حضن امها وبتصرخ وبتعيط بشكل هستيري فبصت لرفعت وقالت
حسان راح زي صابر. النداهة ندهت حسان يا رفعت يا خويا
فياخذها رفعت في حضنة وهو يقول لها
حسان ماممتش حسان عايش. صدقيني
رئيفة وهي في حالة عصبية شديدة
مات. حسان راح زي ما راح صابر النداهة هاتخلص علي رجالة البلد
فقال لها رفعت وهو بيطبط عليها
طيب اهدي
رئيفة
عايزة جوزي. عايزة ابو عيالي.
وتصرخ بمنتهي الحرقة
يا حسان. روحت فين وسيبتني
رفعت وهو يحضنها بمنتهي الحب بيحاول ان يهديها بص لكوثر وقال
مين باهر دة اللي من دمي يا حجة
فانصدمت كوثر وحتي رئيفة من الصدمة بصيت لامها وقالت
هو عرف ازاي
رفعت وهو بيبص لي امه واختة يقول
ممكن افهم انتم مخبيئن علية اية. ومين باهر دة
كوثر
باهر دة يبقي ابن صابر
انصدم رفعت وقال
ابنه ازاي وخضرة ما بتخلفش
كوثر
ابنة من مراتة التانية
رفعت
عايز اعرف الحكاية بالتفصيل
كوثر
انا هاحكي لك، ،،،،،،
يتبع،،،،
إرسال تعليق