الهام واللي كان الحلقة الاخيرة

 أميرة وادي الذنوب

                ★الحلقة العاشرة★                         ‏

من تاليفي، ، 

محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                          ‏

خلصت الحلقة اللي فاتت علي جابر اللي راح الفيلا لعلياء ومعه محامي شكله شمال واسمه طلبه ووقف جابر في وسط الفيلا وبدا ينادي علي علياء بطريقه بشعه فخرجت له علياء ونزلت له ووقفت قدامه وقالت

طارق مالك عمال تنادي عليه كده بصوت عالي 

جابر 

عايزك تصحي وتلحقي تلمي هدومك 

علياء باستغراب

الم هدومي يعني اية 

جابر

يعني تلمي هدومك. انتي مالكيش حق في الفيلا دي لاني انا الوريث الشرعي والوحيد لأميرة امي حبيبتي

فتبص له علياء باستغراب شديد. وتقول لجابر بعصبيه

انت بتقول ايه يا طارق 

ويبص جابر لطلبه المحامي و يقعد علي الركنه الموجوده في الفيلا ويقول 

ماتقول لها يا طلبه هو انت مش محامي 

طلبه

علياء هانم. انتي قولتي بلسانك انك مش بنت اميرة وان المرحومه اعترفت لك بكده. وكل كلامك متسجل صوت 

علياء وهي بتبص لطارق وبتقول 

انت كنت بتسجل لي بقي. عموما. انا فعلا قولت كده. بس ماما كانت بتعاني من الهلاوس السمعيه والبصريه. والدليل علي كده انها قالت ان اخويا ميت وهو طلع عايش اهو. فممكن اكون بنتها وهي قالت اني مش بنتها بسبب الهلاوس اللي عندها

طلبه

علياء هانم. موضوع الهلاوس ده مافيش عليه دليل مادي وبالتالي كل املاك أميرة هانم ملك لي طارق ابنها 

فضحكت علياء وقالت

ومين قال ان مافيش دليل علي ان امي كانت مريضه. امي كانت بتتعالج في مستشفي خاصه ومعايا تقرير طبي بحالتها. فبكده انا بنتها. لان كلام مريض الهلاوس لي ياخذ به كدليل 

وتبص علياء لجابر اللي هي فاكراه طارق. وقالت وهي مخنوقة منه لكنها بتحاول تبان ثابته قدام منه 

معلش بقي المقطع اللي سجلته بصوتي بقي ملهوش لزمه امسحه احسن لك 

فيبص جابر لطلبه ويهز طلبه راسه اعترافا منه بان كلامها مظبوط فيقول جابر

بس ده مايمنعش اني لي احق اورث معها

طلبه 

طبعا من حقك تورث انت ابن اميرة زي ما هي بنتها ونصيبك في الورث ضعف نصيبها لغاية ما نثبت هي بنتها ولا لا. 

علياء

يا خساره. بدل ماتحط ايدك في ايدي وندور سوي علي اللي قتل امنا جاي طمعان في ورث امك. علي قد ما فرحت ان اخويا عايش علي قد ماكان نفسي ان امي يطلع كلمها صح وتكون فعلا ميت

جابر

ليه يعني عشان بدور علي حقي

علياء بسخريه

وهو من حقك انك تستغل كلامي معاك ضدي وتيجي عشان تطردني يا اخويا. ده لو انا حتي مش اختك ما ينفعش تعمل معايا كده

جابر

بقول لك ايه. انا مابحبش كتر الكلام انا عايز حقي من ثروه امي

علياء

هاتصل بالمحامي يعمل اعلان وراثه وتاخد نصيبك زي ما قدره ليك الشرع

جابر

ولغايه ما يحصل كده. انا هاقعد معاكي هنا في الفيلا

علياء بضيق شديد 

بيتك ومطرحك.  

وتسيبه وتروح ناحية اوضتها وجابر يبص لطلبه ويقول بصوت واطي 

ايه يا طلبه المشوار ده. شوف لي حل

طلبه

حل ايه. قانونا المريض بمرض عقلي لا ياخذ بكلامه ولا بشهادته

جابر

يعني ايه البت دي هاتورث معايا فلوس مش حقها 

طلبه ضاحكا

انت بجح قوي يا اخي. هو انت صدقت ان اميرة امك فعلا

جابر. بيقول وهو بيبص للدور التاني من الفيلا خايف علياء تسمع 

طيب بس وطي صوتك لبعدين تسمعك.،،،،،

ومن جوة اوضة اميرة تقعد علياء علي السرير وفي أيدها فنجان قهوه وتتحسس مكان الجرح الموجود في جيبنها وتمسك الموبيل بتاعها وتتصل ب نادر ولكن نادر ما يردش ويقفل الموبيل. فتتصل ب غانم فيرد عليها غانم ويقول

اية يا علياء عاملة اية دلوقتي

علياء 

انا بخير والحمد لله. لو بتشوف نادر قول له اني محتاجه لي ما ينفعش يبعد عني في وقت زي دة 

وتعيط علياء وتقول

انا حاسة ان الدنيا كلها جاية عليه

غانم

طيب ممكن تبطلي عياط

علياء وهي منهارة من العياط

ياغانم انا مش قادرة اصدق ازاي نادر ممكن يشك فيا واني اكون بخونه ومع مين. مع المجرم بيقول انه قتل امي

غانم 

نادر مسيرة يهدي ويعرف انه جه عليكي وانتي متستهليش منه كدة

علياء 

انا ما بقتش عارفة القيها منين ولا منين دة حتي اخويا اللي ظهر في حياتي فجاة طمعان فيا وقال اية جايب محامي معه وجاي ياخد نصيبة في الفيلا 

غانم بعصبية

بتقولي اية هو اللي عامل فيها اخوكي جالك تاني 

علياء. باستغراب

عامل فيها اخويا يعني اية. وانت عرفت ازاي انه جالي قبل كدة 

غانم

بعدين يا علياء بعدين. انا لازم اقفل دلوقتي سلام

ويقفل غانم وعلياء تبص للموبيل وهي مستغربة اللي حصل فتقول لنفسها

حياتي بقي فيها كمية اسئلة ملهش اي اجابة انا تعبت. بس لازم اكمل لغاية ما اوصل للحقيقة اللي شكلها هاتخلص علي الفاضل مني

ولقيت علياء نفسها بتمد ايدها وبتمسك بمذكرات امها وتبدي تقرأ ،،،،،،

لكني ما بصتش لي هالة ولا رديت علي كلامها المستفز وبصيت لعز وقولت 

عز. انت رجليك راحت وانا والله العظيم مش السبب. وانا بنتي راحت وانت واختك كنتو السبب يعني لو هنتحاسب انتو اللي المفروض تدفعوا تمن اللي راحت لكن انا مسامحه عشان مش عايزا دم تاني يكون في حياتي علشان كده. انا جيت لك يا عز لغايه عندك. وعايزاك تطلقني 

عز

عايزا تطلقي ليه. جالك عريس

هاله

اكيد جالها عريس. 

قولت 

ولا عريس ولا حاجه انا ليه افضل مراتك واحنا عمرنا ما هايكون بينا ود ولا هايتقفل علينا باب من تاني 

عز

شوفي يا زباله. انتي تطلقي او تفضلي مراتي ده مش هايفرق معاكي كتير 

مافهمتش عايز يقول اية وقولت له

مش فاهمه تقصد اية 

هاله

افهمك. عز يقصد انك مش هاتخرجي من هنا عايشه

وبصيت لقيت باب الفيلا بيتقفل وهاله بتقرب مني والشر في عينيها وصرخت باعلي صوت عندي وقولت 

الحقوني

وساعتها خرجت بنت هاله من اوضتها علي صرختي وكان عندها حوالي 5 سنين و اسمها سلمي ووقفت علي السلم الداخلي الفيلا بتبص للي بيحصل. وقالت سلمي لهاله 

ماما هو في اية 

بصت لها هاله وقالت

مالكيش دعوي انتي وخشي اوضك 

استغليت كلام هاله مع بنتها و لمحت سكينة تقطيع الفاكهة علي التربيزه جنب مني زقيت هاله بكل قوتي وجريت ناحيه السكينه وخدها من فوق التربيزه وبسرعه روحت ناحيه سلمي بنت هاله. وصرخت سلمي وقبل ما تجري كنت مسكتها من شعرها وحطيت السكينه علي رقبتها وقولت لهاله بتهديد

لو ماخرجتش من هنا هاغرز السكينه دي في رقبه بنتك

هاله بترجي

لا. ابوس ايدك بلاش بنتي

ضحكت وقولت 

ياااااااا. عرفتي قد ايه الضنا غالي

هاله

أميرة أنا هاعمل لك اللي انتي عايزا لكن سيبي بنتي في حالها

قولت 

خلي يطلقني

هاله. لعز

طلقها يا عز وخليها تغور تمشي من هنا

عز

ورجلي اللي راحت بسببها

هاله

انا ماليش دعوي برجلك انا اهم حاجه بنتي تكون بخير 

عز

وانا مش هاطلقها عشان تتمتع بحايتها

قولت 

يبقي خلاص البت دي هاتفضل معايا لغايه ماطلقني وبالتلاته. ودلوقتي بقي افتحي الباب ده. وعرفي الامن بتاعك ان اللي هايتعرض لي هاغرز السكينه دي في رقبه بنتك

هاله وهي تقريبا بتعيط 

اميرة بنتي ملهاش ذنب واللي بينك وبين عز بنتي بره منه 

قولت 

لو بنتي كانت خرجت بره اللي بيني وبين عز كانت بنتك خرجت لكن من الاول انتو اللي دخلتو اللي ملهاش ذنب غير اني امها. لكن خلاص وقت الكلام خلص بنتك قصاد ورقه طلاقي. وبطلي رغي بقي وافتحي الباب

وفتحت هاله باب الفيلا لما لقيت بنتها بتصرخ وتعيط والسكينه مغروزه في رقبتها ورقبتها بدات تجيب دم وخرجت من الفيلا وهي بتحاول تخلي عز يطلقني وعز رافض بمنتهي العند. وركبت عربيتي ومعايا سلمي وانا في العرببه لقيت عرببه بتراقبني واللي جواها نفس الراجل اللي بيراقبني والمره دي شوفت وشه وهو راجل من رجاله خالتي اللي كانوا معاها يوم ماقطعت رجل عز ضحكت وقولت لنفسي

القايها بس منين ولا منين. باين كده خالتي مش ناويه تسيبني في حالي

وبدت اقلق علي عمر لتكون عرفت اللي بيني وبينه وتعمل في زي ما عملت في عز. لكن انا لازم ماسكتش وعشان ابدا حياتي مع عمر من غير قلق اخلص من كل اللي عايزين يموتني بالحيا. ورجعت للعماره اللي انا ساكنه فيها ووديت سلمي عند البواب وسيبتها مع مراته علي انها بنت اختي لاني خوفت هاله تبلغ البوليس ويلقلاوها عندي بس بصراحه سلمي كانت صعبانه عليه قوي وهي عماله تعيط وتصرخ عايزا امها لغايه ما تعبت ونامت وطلعت شقتي وبمجرد ما دخلت الشقه لقيت الباب بيخبط بطريقه تخوف فتحت لقيت حميده ضربني بالرجل في بطني بطريقه غبيه خليتني اقع علي الارض من شده الوجع ودخل الشقه وقفل الباب وراء منه ومسكني من شعري بغباء شديد وقال لي بكل غل وعصبيه الدنيا

بنتي فين يا وسخه

بصيت له باستغراب ضربني بالقلم وقال

ايوه سلمي بنتي ولو ماقولتيش هي فين انا اللي هاقتل لك بايدي وخليكي تحصلي بنتك

ضحكت ومسحت الدم اللي نازل من بوقي وقولت

بنتك قصاد ورقتي والا ورحمه بنتي. بنتك هي اللي هاتحصلها

ضربني بالقلم تاني وانا بضحك وبقول 

اضرب من هنا لغايه بكره انا ياما اضربت واتهانت. ومهما تضرب بنتك عمرك ما هاتشوفها الا لما تطلقني من عز

حميده

ما الكلب اللي اسمه عز مش عايز يطلقك

قولت بجبروت 

يبقي اترحم علي بنتك

حميده

ده انا اقتلك لو بنتي حصل لها حاجه

قولت بلامبالاه

اقتل انا قدامك اهو

وفعلا خنقني وانا ببص في عيونه وبضحك مش خايفة من الموت ولا خايفة منه ولا من اي حد. سابني وقال بعصبية 

انتي ايه مش فارق معاكي الموت 

قولت 

انا فعلا ميتة من يوم ما عيالي الاتنين ماتو. من مصلحتك تلحق بنتك قبل ما موتها 

حميده 

اديني 24 ساعه وياما ارجع بورقه طلاقك او ارجع بتصريح دفن عز 

قولت 

ياريت يكون تصريح دفن. وتصور عز وهو مذبوح علشان اصدق انها مش لعبة منكم

بص لي وسكت فقولت انا

يتصور فيديو وراسه بتنفصل عن جسمه 

ماردش وسابني ومشي وهنا ظهرت الشيطانه بتاعتي وقالت لي علي فكرة مجنونه جريت وراء حميدة. لغاية مدخل العمارة وبصيت للراجل اللي بيراقبني وضحكت ضحكة صفراء. وجريت ناحية حميدة قبل ما يركب عربيته وندهت عليه وهو بص لي ووقف وقال

عايزا اية

اترميت في حضنه وفضلت ابوس في زقني بعيد عنه وقال 

في ايه اتجننتي خلاص

قولت

فرحانه انك هاتخصلني من الكابوس اللي اسمه عز 

وضحكت وهو ركب عربيته وانا ببص من تحت لتحت علي الراجل اللي بيراقبني ولقيته باصص وشايف ومتابع كل اللي بيحصل مشي حميدة بالعربية ورجعت العمارة وخبط علي شقة البواب وفتح عم عواض وقولت 

البت لسه نايمه يا عم عواض

عواض

ايوه يا ست هانم

قولت 

طيب خلي بالك منها. وبكره الصبح عايزاك تجيب فرع نور بطول العماره وتذيع خبر اني هاتجوز

عواض فرحا 

الف مبروك يا ست هانم

قولت 

الف مبروك علي ايه بس ده كله كدب يا عواض. 

وبصيت ناحيه الراجل اللي بيراقبني وقولت له

والراجل اللي واقف هناك ده لما يجي يسالك قول له فرحي وتمشي وراءه من غير ما يحس بيك ولو اتكلم مع حد تعرف قال ايه 

وطلعت فلوس للبواب وحطتهم في ايده وانا ببص للراجل اللي تبع خالتي وطلعت لشقتي وانا بضحك وناوية يكون بكرة بداية النهاية لكل الشر اللي في حياتي. وطلع النهار وصحيت علي صوت الباب بيخبط بصيت في الموبيل بتاعي لقيت الساعه 10 الصبح استغربت وقولت مين اللي جاي لي دلوقتي قومت فتحت الباب لقيت حميده واقف قدامي وبيقول لي

مارضيش يطلقك 

قولت 

وبعدين

حميده

بقيتي ارمله

وخرج الموبيل بتاعه وشغل فيديو لعز وهو علي الارض وسايح في دمه ورقبته مقطوعه. ما ستحملتش المنظر وقولت 

لو كان طلقني مكناش وصلنا لكده 

حميده

كده انتي بقيتي حره عايز بنتي

قولت 

بنتك. مش هتاخدها الا لما تيجي هاله هانم معاك وتبوس رجلي 

حميده

مابلاش هاله كفايه ان اخوها اتقتل قدامها وعلي ايدي 

قولت بعصبيه

انا كمان بنتي اتقتلت. وعلي ايدها 

حميده

يعني لازم هاله 

اميرة بحزم

هاله تبوس رجلي بنتك ترجع لك

حميده بكسره 

اجي لك امتي انا وهاله عشان اخد بنتي 

قولت 

9 بالليل

 

حميده

هاجي لك 9. بس لو ملاقتش بنتي هاقتلك ولو هربتي او روحتي لاخر الدنيا هاجيبك وهاقتلك 

قولت 

وهاهرب ليه انا كل اللي كنت عايزا اني ابقي حره وخلاص بقيت حره 

ومشي حميده وجريت ناحيه الشباك لقيت الراجل اللي بيراقبني واقف واول ماشاف حميده وهو خارج من العماره خرج موبيله وطلب رقم وفضل يتكلم وهو اكيد 

كان بيكلم خالتي وعرفت من البواب انه ساله فرح مين ده والبواب قال له انه فرحي وبعد كده البواب مشي وراء وسمعه وهو بيتكلم في الموبيل مع حد وبيقول 

ماتقلقيش يا حاجه هاجيب لك خبرهم هما الاثنين الليله وقبل ما يخش عليها 

وسكت شويه وبعد كده قال

هولع لك فيها هي وجوزها وهما بيتزفوا 

واتاكد ساعتها ان خالتي اتجننت رسمي ومش هاتسيبني اعيش في حالي ولا هاتسيبني اتجوز واعيش حياتي لكن مش مهم. الخطه اللي انا حطتها كفيله تخلصني من كل الشر اللي حواليه واللي انا عارفه ومتاكده ان موت عز مش هايعدي علي خير وان حميده اول مايوصل لبنته.  

 هاله هاتقتلني زي ما اخوها اتقتل عشان كده لازم اخلص من هاله وحميده ويتقفل باب الشر ده خالص. ودخلت شقه البواب علشان اشوف سلمي لسه نايمه ولا صحيت لقيت سلمي نايمه بصيت لها والشيطانه قالت

 ‏

احرقي دم امها عليها زي ما حرقت دمك علي بنتك

وفعلا افتكرت علياء وهي سايحه في دمها وهاله بتقولي

 انا اللي خلصت علي بنتك 

وبكل غل الدنيا لفيت ايدي حوالين رقبه سلمي وحست سلمي وصحيت وقالت

ماما

قلبي دق وشيلت ايدي بسرعه من حوالين رقبتها وخدها في حضني وقولت

علياء بنتي

شافتني سلمي راحت معيطه وقعدت تصرخ عايزا امها وانا وخدها في حضني وبحاول اسكتها لغايه ما تعبت من العياط تاني ونامت وفضلت باصه ليها وهي نايمه وكنت شايفه علياء نايمه قدامي قعد ابوس في كل حته في جسمها وفي لحظه اتزرع حبها في قلبي،،،

واتصلت ببودي جارد من بتوع المطعم واتفقت معه علي انه يشوف لي خمس رجاله من حديد وقلبهم ميت وانا هديهم اللي هما عايزينه وبعت لي الخمس رجاله واتفقت معاهم علي الخطه،،،  

وجت الساعه 9 وهاله وحميده كانوا في شقتي وانا قاعدة قدامهم وحاطه رجل علي رجل وببص لهم من فوق لتحت وحميده يقول لها

فين البت يا اميرة 

بصيت لهاله من فوق لتحت وقولت 

مش لما الهانم تبوس جذمتي

فيبص حميده لهاله فتبص له هاله وفي عيونها الغدر وقال لها حميدة 

بوسي جذمتها خلينا ناخد بنتنا ونخلص من الشبكه الزفت دي 

راحت هاله ناحية رجلي وهي اهون عليها الموت لكن الضنا غالي وركعت هاله بكل جبروتها قدام مني وباست جذمتي وهي بتبص لي والشر في عينيها وقامت وقفت وانا طلعت منديل من شنطتي ومسحت جذمتي مكان ما باست وقولت لهاله 

انا دلوقتي عرفت مين هاله واحده رخيصه بتخون جوزها ومخليه يكتب بنت مش بنته باسمه هو اي حد رخيص شبهك مكانه تحت جذمتي

فتبص هاله لحميده وحميده يقول

اسمعي يا اميرة ملهوش لزوم كتر الكلام. البت فين

قولت 

بت مين

حميده بعصبيه

انا مستحمل امك من الصبح 

اميرة ببرود 

مضايق مني خد الزباله دي معاك وامشي اطلع بره

اتعصب حميده جدا وجه يهجم عليه خرج تلاته رجاله من اوضه اتنين مسكوا حميده كويس وواحد مسك هاله زي ما الراجل بتاعها كان ماسكني في المستشفي والرجاله كتموا انفاسهم بايديهم وانا قولت

بص يا حميده انت والزباله اللي معاك انا قبلت الهديه بتاعتكم. واعتبره بنتكم سلمي ماتت وعلياء رجعت تاني 

يعني ببساطه. سلمي بقت علياء.   

وضحكت وانا شايفاهم متعصبين وبيحاولو يتكلمو لكن وقت كلامهم مات وقولت لحميده 

هو انت فاكرني عبيطه ولا غبيه اديكم سلمي واسيبكم تعيشوا عشان تقتلوني

وضحكت قوي وقولت

بصو لبعض البصه الاخيره عشان مش هتشوفو بعض تاني الا في جهنم

وبصيت لرجالتي ورشو بنج في وشهم وبصيت من الشباك لقيت الراجل اللي بيراقبني واقف ومعه خالتي وطبعا الراجل قال لها اني هاتجوز النهارده وجت خالتي وشافت النور المتعلق علي العماره والعربيه اللي قدام البيت المتزوقه صدقت انه فعلا فرحي. وشاورت للرجاله جابو من الاوضه فستان فرح ولبسنا لهاله وبدله ولابسنها لحميده واديت اشاره لراجل تابعي تحت في الشارع يقف قدام خالتي والرجاله اللي معه بعربيه جمله ليها صندوق عالي لغايه مانحط هاله وحميده في عربيه الزفه وفعلا حصل ونزلو الرجاله وحطوا هاله وحميده في العربيه وبدات الزفه وخالتي امرت رجالتها يفجروا العربيه باللي فيها وضربوا رجالتها النار علي تانك البنزين بتاع العربيه وفعلا انفجرت العربيه وهي فيها هاله وحميده واتقلب الشارع ووسط الهوجه هربت خالتي مع رجالتها وهي خلاص حاطه في دماغها اني انا بتحرق مع جوزي 

ووقتها تقفل علياء المذكرات ودموعها بتنزل زي الشلال وبتقول

ادي اول حقيقة مرة اللي ربتني وفضلت طول السنين اللس فاتت اقول لها امي تطلع هي اللي قتلت بابا وماما

وتصرخ علياء صرخة توجع اي قلب سليم، ،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام 

الحلقة الحادية عشر