اميرة وادي الذنوب
★الحلقه الثانية عشر★
والاخيره
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
خلصت الحلقة اللي فاتت علي علياء. وهي بتحدف المذكرات في المرايا وتبص للمرايا وتصرخ وهي بتقول
نادر حبيبي انا مش حبيب حد تاني
وفي الوقت دة تشوف شيطانة ليها في المرايا وترد عليها الشيطانه وتقول
صدقتي ان احنا كنا صح وهي كان لازم تموت
علياء بغل مخيف
واي حد يفكر انه يحرمني من نادر لازم يموت.
وتحط علياء أيدها علي المرايا وتصرخ صرخه مخيفه
وتروح ناحيه المطبخ وتجيب ولاعه. وتحرق المذكرات وهي لسة بتصرخ لغاية ما تنهار وتقع علي الارض مغمي عليها،،،،،،
ومن جوة عربية غانم يقعد نادر مع غانم وكانو بياكلو. سندوتشات دليفري وغانم بيبص لنادر وبيقول
تطلق مين يا نادر انت وعلياء بتحبوا بعض بلاش تبعد عنها
نادر
غانم. علياء عمرها ماهتسمحني بعد اللي انا عملته فيها ده
غانم
هتسامحك. علياء قلبها ابيض وكلها كام يوم وتنسي
نادر
تفتكر علياء ممكن تنسي ونرجع نعيش زي الاول
غانم
صدقني هاتنسي بس انت كمان لازم ترجع الفيلا وتكون جنبها وتثبت لها انك عملت كده عشان بتحبها
نادر
انا لغايه دلوقتي مش قادر اصدق انا ازاي عملت كده.
غانم
انا اصلا اللي غلطان عشان وافقت علي فكرتك المجنونه دي وبسببك غلطت غلطه كانت ممكن تضيع مستقبلي وزورت ورق لجابر. لكن اهه بسبب طمعه مات وادفن وادفنت معه الاوراق المزوره
نادر
انا اسف. ورطك معايا
غانم
اهي غلطه وماحدش بيتعلم ببلاش
نادر
بس احنا كنا قاصدين خير
غانم
نادر. الغلط غلط.
وفي الوقت دة يرن موبيل غانم ويرد قائلا
الو.
ويسكت لي لحظات ويقول فرحا
الله ينور عليك طلع بسرعه امر ظبط واحضار وانا جاي لك
وينهي المكالمة ويحط الموبيل قدام منه فيقول له نادر
ايه خير
غانم
لقينا اللي قتل جابر
ويتحرك غانم بالعربية وهو بيقول لنادر
انا هاوصلك في طريقي لغايه الفيلا تروح لعلياء وتحاول ترضيها بكلمتين وانا رايح المديريه، ،،،،،
وبعدها بساعتين ومن جوة مكتب غانم يقعد غانم وقدام منه المجرم اللي ضرب علياء في دماغها وقتل جابر والمجرم دة اسمه جمال فقال له غانم
طبعا بعد ما جار جابر شهد عليك وقال ان انت اللي كنت عند جابر ليله ما تقتل ما فيش داعي للانكار قتلت جابر واميرة ليه
جمال بيأس
بص يا باشا انا هاعترف بكل حاجه. بس اطمئن الاول انهم مايعدمونيش طالما اعترفت
غانم
انا مش قاضي عشان اديك وعد بحكم معين انت تحكي اللي حصل واكيد الاعتراف هايكون في مصلحتك
جمال
خلاص يا باشا انا هاحكي. أنا مسجل خطر سرقه بالاكراه وقتل وبقعد علي قهوه في القلعه وفي ليله وانا قاعد علي القهوة وقفت عربيه ملاكي شكلها نظيف قوي ولقيت واحده ست عايقه كده في نفسيها فتحت باب العربيه ورغم انها حلوه لكنها كانت مش طبيعيه بتتكلم كده بطريقه غريبه كلام كله شر وقالت لي
انت جمال القط
بصيت لها وقولت
ولو مش انا يبقي انا
قالت
طيب اركب عيزاك
وركبت معها العربيه وروحنا في حته مقطوعه وبصيت لها وقولت
مين اللي قال لك علي سكتي
قالت
قريبك بتاع المستشفي. ايه هو ما تصلش بيك
ساعتها افتكرت ان ليا قريب ممرض في مستشفي خاصه اتصل بيا وقالي في دكتوره هاتيجي لك في مصلحه
وفجاة طلعت ليا صوره للست اللي حضرتك بتقول ان اسمها اميرة وقالت لي
بكره بالليل الست دي هاتكون نايمه لوحديها في اوضتها وماحدش هايكون في الفيلا خالص والبواب هايكون نايم عيزاك تخش تقتلها بس يبان أنها عمليه انتحار
استغربت وسالتها
ليه يعني
قالت
عشان القضيه ما يبقاش ليها ديل وملفها يتقفل بسرعه انما لو جريمه قتل التحقيق مش هايخلص الا لما يوصلو للقاتل
ضحكت وقولت لها
لا واعيه
وطلعت رسم كروكي للفيلا المداخل والمخارج بتاعتها وقالت لي
احفظ الرسم ده كويس
وشاورت لي علي اوضه في الدور التاني من الفيلا وقالت
دي الاوضه اللي هتلاقي فيها اميرة وقبل ما تيجي انت بساعه هاديها حبيه السيوله عشان الدم يجري في عروقها واول ماتقطع ليها الوريد بتاع ايديها تنزف قوي ودمها يتصفي وتموت
استغربت اوي من الموته اللي هي اختارتها للست دي وقولت لها
يا للدرجه دي مغلوله منها
رددت بمنتهي الغل وقالت
انا لو اطول اقتلها اكتر من مره هاقتلها
وخرجت ظرف في مبلغ واديتهولي وقالت
دول 10000 ج. وليك زييهم بعد ما اسمع خبرها والقضيه تتقفل. وجوة الظرف مفاتيح الفيلا كلها
خد الفلوس وروحت الفيلا تاني يوم ونفذت اللي اتفقت علي معها لكن الغريب اني بصيت من الشباك لقيت علياء وجوزها جم من بره مع انها قالت انهم هيتاخروا في اليوم ده علشان يرجعوا من بره وتلاقي دمها متصفي. عموما اتقفلت القضيه وبقت انتحار وعرفت من الجرايد ان الست اللي انا قتلتها تبقي امها
فيبرق غانم من صدمة المفاجاة
انت بتقول أيه
جمال
ايوه يا باشا اللي اتفقت معايا اني اعمل كده هي علياء بنت اميرة
غانم
انت مجنون ولا ايه. علياء ازاي وهي اللي كانت عايزا تفتح القضيه وبدور علي اللي قتل امها
جمال باستغراب
ازاي هي اللي بدور علي القاتل وهي اللي مسلطاني اقتلها الكلام كده مش مظبوط
غانم
انت اللي باين عليك بتخرف
جمال
والله ابدا
غانم
طيب كمل وبعد كده ايه اللي حصل
جمال
استنيت تيجي وتديني بقيت المبلغ لكنها ما جتش روحت لها الفيلا وهددها وضربتها في دماغها عشان تخاف وتجيب الفلوس وخصوصا انها عملت نفسيها ماتعرفنيش . وفعلا بعديها بيومين لقتها جت القهوه وركبت معها العربيه
تاني وراحت بص لي وقالت بنرفزه
انت ايه اللي خلاك تروح تقابل الواطيه اللي اسمها علياء
استغربت قوي وقولت لها
ما انتي علياء اللي انا قبلتها
رددت وقالت
انا سلمي انما اللي انت قبلتها علياء
وخرجت ظرف تاني ورمته في وشي وقالت
فلوسك اهه. وعيزاك تقتل واحد تاني
استغربت وقولت
تاني
رددت وقالت
وفيها ايه هاديك ضعف اللي انت عايزه
قولت
وعايزه تقتلي مين المره دي ابوكي
قالت بصرامه
لا. واحد اسمه جابر ده عنوانه
وخرجت لي ورقه فيها عنوان جابر وقالت
الراجل ده بيضايق نادر حبيبي وماسك عليه ذله ممكن يتحبس بسببها. عايزاك تخلص عليه زي ما خلصت علي أميرة وبعد ماتخلص علي جابر هاديك 20000ج. وتخلصني من الزباله اللي اسمها علياء
وخرجت يا باشا صوره ليها وانا أستغربت قوي وقولت لنفسي
الست دي اكيد مجنونه وجننها خطير بس قولت انا مالي اخد الفلوس وأطير وروحت لجابر وحاولت اخلص عليه زي ما خلصت علي اميرة لكنه كان عفي وفضل يقاوم معايا لكني برضو خلصت عليه وجيت اهرب لقيت جاره ده في وشي. والباقي بقي انت عارفة يا باشا.
غانم وهو بيتنهد مش فاهم ولا مستوعب اللي اتقال. لكنه بص للعسكري وقال
خده لغايه ما يترحل علي النيابه
وخد العسكري جابر المجرم وخرج بي من مكتب غانم وغانم قام وخرج من المكتب وهو ناوي يروح لفيلا اميرة، ،،،،
وبعدها بساعه ومن جوة فيلا اميرة تصرخ علياء في وش نادر وهي ماسكة المذكرات المحروقه وبتقول
حرقت مذكرات امي ليه. ليه.
نادر وهو بيقسم لها
والله انا ماحرقت حاجه وهاحرق المذكرات ليه
علياء وهي منهاره
علشان مش عايزني اعرف العلاقه اللي بينك وبين امي وصلت لفين
نادر بنرفزه
علياء انا مافيش حاجه حصلت بيني وبين امك غير اللي انتي شوفتي وبس
علياء بصريخ
كداب.
وانهارت علياء وفضلت تصرخ وتصرخ وتصرخ بطريقه غريبه ومخيفه وبتكسر اي حاجه قدامها وفي الوقت دة وصل غانم وشاف اللي بتعمله علياء راح مكتفها بدراعته وخلي نادر يمسك رجليها كويس و حطوها علي السرير وعلياء بتبص لغانم وتقول
قتلها يا غانم وحرق المذكرات بتاعتها عايز يحرمني منها حرام عليك هي كانت عملت لك حاجه. لية هاتبقي انت والدنيا عليها سيبوها في حالها بقي اميرة مظلومه انا بحبها حتي لو انتو كلكم عايزين تخلصوا منها انا برضو بحبها
وفضلت تصرخ وهي بتعيط وبتقول
يا اميرة. يا امي لو كلهم بيكرهوكي انا بحبك. سمعاني يا اميرة انا بحبك
وفي الوقت دة كان راح نادر ناحية الصيدلية الموجودة في الفيلا وطلع حقنة مخدر منها وخدر علياء اللي كانت بتروح في غيبوبة وهي بتنادي علي اميرة
وبعدها باسبوع ومن جوة نفس المصحه. اللي كانت بتتعالج فيها اميرة يقعد غانم ونادر في مكتب الدكتور المعالج لعلياء ويدعي دكتور رشدي. اللي كان نادر بيقول له
طمئني يا دكتور رشدي
رشدي
دكتور نادر. ماخبيش عليك الدكتوره علياء عندها انفصام حاد في الشخصيه نفس الحالة اللي كانت عند امها. أميرة
غانم
معلش يا دكتور ممكن تفهمني اكتر
رشدي
غانم باشا. مريض الانفصام بيبقي عايش بشخصيتين والاثنين في اغلب الوقت بيبقوا ضد بعض وكارهين لبعض وفي حاله الدكتوره علياء فالشخصيه الكارهه ليها هي سلمي. اللي عرفته من علياء ان اسمها الحقيقي سلمي وهي بنت واحده اسمها هاله واميرة. خطفتها وهي صغيره وحاولت تموت سلمي وتحي بنتها اللي ماتت وهي علياء لكن سلمي مماتتش وفضلت عايشه وبتكبر جوا علياء وبتكرهه اميرة وخصوصا انها شافت اميرة والرجاله اللي معاها وهما بيحطوا هاله امها في عربيه والعربيه ولعت بيهم وخافت تقول لحد علي اللي شافته ليحرقوها هي كمان. ومن هنا فضلت سلمي بتكبر وهي بتكره اميرة اللي قتلت امها.. وعلياء بتبكر وهي بتحب أميرة امها وبدا الصراع بين سلمي وعلياء لكن حب علياء لاميرة كان ديما بينتصر وبالتالي سلمي ماتقتدرش تظهر لغايه ما علياء شافت نادر جوزها في حضن امها من هنا بقي بدا الانفصام يزيد عند علياء وظهرت سلمي وكل ما علياء تحس بالصداع سلمي تظهر وعلشان كده اي حاجه عملتها سلمي ما تفتكرهاش علياء واي حاجة تعملها سلمي ما تفتكرهاش علياء
غانم
ده ولا افلام الخيال العالمي.
نادر
وهو دة اللي خلي علياء بدور علي اللي قتل اميرة وهي اصلا اللي قتلتها
رشدي
مش هي اللي قتلتها اللي قتلتها كدة تبقي سلمي
غانم
يااااااااا. مسكينه علياء كل دة كانت مستحمله لوحديها
نادر
وليه ماتقولش مسكينه يا سلمي. اللي اتفرض عليها تعيش باسم مش اسمها ومع ام حرقت امها
رشدي
علشان كده لازم واحده من الاتنين تموت عشان تعيش الدنيا بسلام
نادر
طيب وانت من رايك من اللي تعيش
رشدي
هنا القلب هو اللي يحكم
غانم
يعني ايه
رشدي
قلب علياء كله حب لاميرة وخصوصا بعد ماعرفت حكايتها وقلب سلمي كله كره لاميرة لانها قتلت امها قدامها وغيرت اسمها. هنا بقي اللي هايفصل في الخناقة دي والصراع الداخلي دة الحب اقوي ولا الكره. مع العلم ان علياء وسلمي بيحبوا نادر. وسلمي كانت عايزا تقتل علياء
غانم
طيب لغايه ما نعرف نهاية للصراع دة. ممكن تقرير طبي مفصل عشان اقفل القضيه بتاعتي وارفع اي مساله قانونيه عن علياء.
نادر
يعني كده علياء معلهاش اي ضرر في قضيتين القتل
رشدي
طبعا. دي مريضه نفسيه وفي مرحله حرجه وغير مسئوله عن تصرفتها
نادر
سبحانك يارب. انتقامك كان شديد جدا من أميرة قتلتها اكتر بني ادمه حبيتها، ،،،،،،
وبعد 6 شهور خرجت علياء من المصحه واختار قلبها الحب للي قامت بتربيتها والسهر علي راحتها حتي وان كانت مش امها وماتت سلمي بكل كرها لاميرة وكانت معها نادر وقالت له
عايزا ازور قبر امي
نادر
اميرة
علياء وهي بتعيط
ماعرفش غيرها ام ليا
وراحو المقابر ووقفت علياء قدام قبر اميرة وفضلت تعيط وهي بتقول
الله يرحمك. انا مش عارفه ازعل منك ولا ازعل عليكي ولا عارفه اسامحك ولا عارفه اكرهك كل اللي انا عرفا ومتاكده منه انك عملتي حاجات كتير غلط في حياتك كنتي اميرة وادي الذنوب. بس قلبك ابيض دورتي علي الحب وسط الدم والنار ورغم قسوتك مع اعدائك لكنك كنتي احن ام علي بنتها اللي مش من دمها. مع انك غلطي في حقي بس انا عارفه انك كنتي مريضه نفسيه زيي ما انا بالظبط كنت مريضه نفسيه. عارفه يا اميرة انتي شيطانه بقلب ملاك
وضحكت علياء ضحكه سخريه وقالت
انا اهو مش بنتك لكني ورثت منك حاجات كتير زي ماكان جوه منك شيطانه. كانت جوه مني شيطانه. وزي ماقتلتي اللي كانوا عايزين يحرموكي من عمر حبيبك. انا كمان قتلتك علشان كنتي عايزه تاخدي مني نادر. شوفتي بقي. اني بنتك مع اني مش من دمك ولا كنت يوم واحد ساكنه الرحم بتاعك.
وفضلت تعيط علياء ودموعها تسقي قبر اميرة وتقول
طلبتي مني قبل ماتموتي انا ازورك في قبرك لو سمحتك
انا دلوقتي اللي عايزا ادفن معاكي لو انتي سامحتيني.
وتعيط علياء. بكل بحرقه وتقول
وحشتيني يا أمي. ووحشني حضنك
وتفضل تعيط فيروح لها نادر وياخذها ويخرج بيها من المقابر وتدور الايام وتلف وتظل الرحمه عنوان لكل قلب لسة حي ،،،،،،
خلصت حكاية اميرة وادي الذنوب. يارب تكون الحكاية عجبتكم ومستني رايكم يا احلي جمهور لكاتب زيي مغمور
عيد اضحى مبارك من الجزائر
ردحذفحلوه جدا جدا شكرا جزيلا عيد اضحى مبارك
ردحذفتحفه يا فنان
ردحذفتسلم أناملك
ردحذفروعاتك يافنان
ردحذففي قصة مميزة
ردحذفتسلم ايديك ربنا يوفقك دايما يارب
ردحذفتسلم ايدك جميلة جدا ومشوقة
ردحذف