الهام واللي كان الحلقة الاخيرة

أميرة وادي الذنوب 

           ★ الحلقة الحادية عشر ★

من تاليفي، ، 

محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                          ‏

خلصت الحلقة اللي فاتت علي الحقيقة اللي عرفتها علياء عن اميرة وهو ان اميرة خطفتها من امها وان اسمها الحقيقة سلمي ومش بس كدة دة كمان اميرة كانت السبب وراء موت ابوها وامها في اللعبة الخبيثة اللي لعبتها علي خالتها علشان تبعدها عن طريق عمر وتوهم خالتها انها هي اللي ماتت. وبمجرد ماقرت علياء الجزء دة في المذكرات قفلت المذكرات وقالت. بحرقة وهي بتعيط مش مصدقة نفسها 

                     ‏

معقوله الست اللي ربتني شيطانه كده ازاي بس،، عشان كده خايفه اني انا مسمحاش. بس ازاي كل الحنيه والطيبه والدلع اللي شوفته معاها يطلع لي وانا مش بنتها. الست دي غريبه جدا ازاي قلبها في كل الحب ده وفي نفس الوقت القسوة عندها ملهاش حساب انا مش فاهمه حاجه أميرة دي غريبه جدا بس لازم اعرف حكايتها للاخر

وتفتح المذكرات علشان تكمل قراءة وهنا تسمع صوت نادر ومعه غانم في الدور التاني من الفيلا وكانو بيطردوا جابر اللي مشي وهو ناوي علي الشر واول ما شافت علياء نادر جريت عليه واترميت في حضنه وقالت باشتياق شديد 

كده برضو تسيبني وتبعد عني في عز ما انا محتاجه لك

نادر وهو بيطبطب عليها ويقول بحب شديد 

حقك عليه سامحيني انا مش عارف ازاي شكيت فيكي

غانم

نادر مش وقته الكلام ده. لازم نشوف هانعمل ايه مع اللي اسمه طارق ده

نادر وهو بيبص لغانم وبيقول 

لا يا غانم ده مش طارق ولا اخوها

غانم باستغراب يقول

نادر انت بتقول ايه

نادر وهو بيبص لعلياء يقول 

بقول اني غلط يوم ما فكرت في الخطه الغبيه دي

وبدا نادر يحكي لعلياء كل اللي حصل واتفاقه مع جابر علشان يلعب عليها دور طارق وانصدمت علياء من كميه المفاجات اللي عماله تعرفها وقعدت علي الكرسي وهي مصدومة ورجليها مش قادرة تشيلها وقالت 

هي فين الحقيقه انا ما بقتيش عارفه مين صادق ومين كداب كل حقيقه. بتطلع مره. عن اللي قبليها كفايه بقي حرام عليكم 

فيمسك نادر ايدها ولكن علياء تبعد ايدها عنه وتقول

انا مش عايزا حد يفضل معايا هنا. امشي يا نادر

نادر

علياء

علياء وهي بتعيط قوي وقلبها مكسور

ابوس ايدك امشي. انا تعبانه ومش طايقه اسمع صوت حد ولا عايزا اشوف حد. كفاية بقي. 

غانم

طيب يالا يا نادر نمشي دلوقتي

وخرج نادر وغانم من الفيلا وعلياء وقفت علي رجليها بصعوبه وراحت ناحية اوضتها ووقفت قدام المرايا وفضلت تبص للمرايا والصداع. بيزيد. 

وبعد نص الليل كان غانم في شقته نايم فرن الموبيل بتاعه فرد وقال 

الو

فينتبه غانم للكلام ويقعد علي السرير مفزوع ويقول 

قول الاسم كده تاني

فيسمع غانم الاسم فيقول

اتقتل ازاي

ويفضل يسمع اللي يتقال وينهي المكالمة وهو يقول 

ومين بقي اللي قتلك يا جابر

★وبعدها بشوية ومن جوة شقه جابر يقف غانم وقدام منه جثه جابر علي الارض في صاله الشقة. والغريب ان جابر اتقتل بنفس طريقة اميرة وكان في ايدة القطر اللي قطع بي وريده ايدة الشمال فقال غانم وهو بيبص للجثة 

 ‏ ‏

باين ‏كده ان علياء صح وان فعلا امها ماتت مقتوله والمجرم واحد 

 ‏ ‏

 ويروح ناحية الظابط اللي جاله البلاغ وقال له 

 ‏ ‏

 ‏ ‏أيه اللي حصل

 ‏

الظابط

جالي بلاغ من جار جابر ان سمع صوت خبط ورزع في شقه جابر اللي عايش فيها لوحده وكانه صوت اتنين بيتخانقو نزل يشوف في ايه لقي واحد فتح باب شقة جابر وخرج منها جري 

غانم

وجار جابر ده شاف ملامح الراجل ده كويس

الظابط

مش اوي لانه كان مقنع لكنه قال وهو بيحاول يمسكه شد القناع وشاف ملامح وشه بسرعه لكنه برضو شاف قطع في ودنه اليمين 

غانم باستغراب 

قطع في ودنه اليمين. علي كل حال خلي الراجل ده يوصف صورته علي قد ما يقدر والرسام بتاعنا يرسم الملامح بتاعته

الظابط

حصل يا غانم باشا وفعلا الرسام بيرسم المجرم من وصف الشاهد

غانم

ولغايه ما يخلص الرسم ده انا رايح مشوار وجاي،،،،،

ويخرج غانم ويروح للفندق اللي قاعد في نادر ويطلع لاوضة نادر ويخبط علي الباب فيفتح نادر الباب وفي أيده فنجان قهوه. وكان باين علي نادر انه ما نمش ومش عارف ينام فيبص لغانم ويقول له 

أية المصيبة اللي حصلت تخليك تيجي لي الساعه 3 الفجر انت قلقتني بمكالمتك ليا 

غانم

طيب ايه مش هادخل

فيوسع له نادر علشان يدخل ويدخل غانم ويقعد علي السرير وهو بيقول 

ما تجيب موبيلك كده لما اكلم مراتي اقول لها اني معاك علشان ماتقلقش عليه

فيدي نادر الموبيل لغانم فيبص غانم في الموبيل وهو بيدور عن الارقام الاخيره الذي اتصل بيها نادر ولقي رقم غريب فاتصل ب الرقم دة فلاقا مقفول فيحفظ غانم الرقم ويبص لنادر ويقول

الموبيل مقفول

نادر

مش مهم جرب تاني

غانم

لا. بقي مالهوش لزوم. صحيح عرفت ان جابر اتقتل

نادر باستغراب شديد

بتقول ايه

غانم

أيه مالك استغربت ليه كده. 

نادر بدهشه من كلام غانم يقول

مش فاهم. كلامك ومش عارف لية حاسس انك تقصد حاجه من وراء كلامك ده

غانم

اصله اتقتل بنفس الطريقه اللي اتقتلت بيها نجاة حماتك

نادر

تقصد انتحر زي حماتي

غانم

لا اتقتل زي حماتك وفي الحالتين انت كنت علي خلاف مع الاتنين. يعني

ويسكت غانم فيبص له نادر ويفهم انه شك في فيقول 

يعني انا اللي قتلتهم. تقصد كده 

غانم

طيب مين غيرك من مصلحته موت جابر ومن قبله حماتك بعد اللي كان هايحصل ما بينكم 

نادر

انت تعرفني من زمان تصدق اني انا اقتل

فيبص له غانم ويقول

انت ساعات بتكون غبي في قرارتك لكن عمرك ماتقتل

نادر

وصدقني يا غانم. انا ماقتلتش حد. انا دكتور ربنا جعلني سبب لي احياء الناس مش اكون سبب لموتهم

غانم

اومال مين اللي قتل حماتك وجابر. ماتريحني يا صاحبي وتعرفني اية السر اللي بينك وبين حماتك

نادر بعد ما يتنهد قال

عايز تعرف هاحكي لك 

وفي نفس الوقت كانت علياء بتقراء المذكرات، ،،،،، 

وبعد ماخلصت علي كل الشر اللي في حياتي خدت سلمي وسيبت الشقه بتاعتي قبل البوليس مايجي ويبتدي يحقق في اللي حصل واديت للبواب مبلغ محترم عشان مايجبش سيرتي في اللي حصل ده وهربت وروحت لبعيد لحته مايعرفنيش فيها حد ومعايا فلوسي وطلعت شهاده ميلاد لسلمي باسم علياء خالد وبدت افهم سلمي اني مامتها الحقيقيه وان الست التانيه دي كانت خطفها مني وخد فتره لغايه ما بدات سلمي تنسي امها وتنسي انها سلمي وبدات تبقي علياء. وعرفت ان خالتي اتقبض عليها بعد ما التحريات قدرت توصل لها واتجوزت عمر وهو فاكر ان دي بنتي وعيشت انا وعمر في السر عشان خاطر مايكسرش خاطر مراته الاولي ام نادر ورغم اني كنت بشوف عمر مرتين بس في الاسبوع لكني كنت عايشه معه احلي سنين حياتي حب واهتمام وبدات علياء تكبر وتكبر ونادر يكبر ويكبر والاتنين دخلو طب وعملت مشروع بفلوسي سوبر ماركت كبير والسوبر ماركت بقي لي اكتر من فرع والفلوس ربنا بيبارك فيها مع انها من حرام بس ده انتقام ربنا اني فلوسي بتزيد وعمري ما خسرت وكنت خايفه جدا من بطش ربنا بيا وحاولت كتير اعمل خير يمكن ربنا يرحمني شويه ودخلت في مجال الاستثمار وبقيت مليونيره وعمر كان ديما بيشجعني وديما سندي وجوزي واخويا وعائلتي كلها ،،،، 

وبعد 20 سنه جواز من عمر. مات عمر هو ومراته الاولي في حادثه عربيه مع ان كان معاهم نادر لكنه طلع من الحادثه سليم وكان شاب وسيم وفي شبهه من عمر جدا وعرفت بعد كده ان عمر كان كاتب وصيه وسايبها مع المحامي بتاعه بيوصي في الوصيه بان ليا 1/4 ثروته وبيعترف في الوصيه باني مراته كان سايب الوصيه عشان لو مات قبل مراته مراته تعرف انه اتجوز عليها مع انه كان بيحبها لكن هو لقي معايا حاجات ملقهاش معها واهي ماتت معه مع ان كان نفسي انا اللي موت معه لكن والله انا كنت عارفه ومتاكده اني ربنا شايل لي موته تليق بواحده زيي لكن انا والله ماكنت عايزه اقتل ولا عايزه اكون مجرمه انا كل اللي كنت عايزا احب واتحب ،،،،،

واتنقلت انا وعلياء ونادر لفيلا في التجمع وعيشنا سوي واتولد في قلبي حب لنادر مايقلش عن حبي لعمر. حب عشق وغرام مع انه مايجوزش ان يحصل بيني وبينه حاجه بس ماعرفش ايه اللي حصل لي. وتاني حاجه نادر من سن بنتي لكن حبي لنادر خلاني نسيت فرق السن لكن عمري. ماكنت قادره افهم شعوره من ناحيتي أيه هو بيحبني ولا. لا. لكن المشكله اني ماطلعتش انا لوحدي اللي كنت بحب نادر علياء كمان حبت نادر لانه بصراحه شخصيته جذابه ووسيم من الصعب اي انثي تقف قدام الجاذبيه بتاعته وبان حب علياء لنادر وكان لازم اشوف حل ولفت الايام ودارت ولقيت نفسي واقفه قدام نادر وبقول له

علياء بتحبك

نادر

عارف وحاسس.

قولت 

طيب وانت

نادر

انا ايه

قولت 

بتحبها

نادر

انا ما بفكرش في اي حاجه دلوقتي الا مستقبلي واني ابقي دكتور كبير

قولت 

حتي انا. ما بتفكرش فيا 

نادر

اميرة انتي مرات ابويا الله يرحمه يعني المفروض في مقام امي الله يرحمها

قولت 

بس انا مش امك أنا بحبك. وانا عارفه انك بتحبني

نادر

بحبك لا. خالص

قربت منه بحاول اني اخلي يلمسني مش قادره اعيش من غير حب. والحب هو عمر. ونادر ابن عمر اللي شبه في كل حاجه لكن فضلت الايام تلف وتدور ومش قادره اخرج نادر من قلبي لغايه ماخلص نادر رساله الدكتوراه بتاعته وعلياء برضو اتخرجت وبقت دكتوره واشتغله هما الاتنين في مستشفي كبيره وبقوا يروحوا ويجيوا مع بعض لغايه ماجه يوم ولقيت علياء ونادر داخلين عليه وهما مبسوطين جدا وفرحانين وعلياء بتقول لي

بارك لي يا ماما انا ونادر هانتجوز 

اتصدمت وبصيت لي نادر بصه كنت عايزا اخنقه بعديها مع اني عارفه ومتاكده اني متحرمه عليه بس ماعرفش انا عايزا وبحلم بي لكن قولت اضحي عشان خاطر بنتي علياء واحاول افوق من حب نادر. وعدت الايام واتجوز نادر وعلياء وفضل حبهم يكبر قدامي ومبقاش نادر يقدر يعيش من غير علياء ولا علياء تقدر تعيش من غير نادر لغايه ما حملت علياء وانا كل ده وانا مش قادره اخرج نادر من قلبي وبدات اخد برشام كتير يمكن اقدر انسي نادر لكنه رايح جاي قدامي وكل ما يضحك مع علياء نار الغيره تقتلني وكنت كل ما شوفه معها في اوضه النوم ابص عليهم واتمني اكون مكان علياء في قلبه ومن كتر البرشام تعبت اوي والهلاوس زادت عندي خدوني ودخلوني مصحه نفسيه اتعالجت وبطلت برشام الهلاوس ده خالص وبقيت احسن والدكتور ماكنش عايزني اخرج من المصحه لغايه ماخف 100%100 لكن علياء اصرت اني اخرج واكمل علاجي في الفيلا وخرجت ورجعت الفيلا وبمجرد ما شوفت نادر كل اللي كان بدا يصغر في قلبي من ناحيته رجع يكبر تاني. وخلفت علياء وجابت بودي وكبر بودي،،،، لغايه ما جه يوم وعلياء كانت في المستشفي ونادر نايم في اوضه طلعت له اوضته ودخلت عليه وحاولت معه عايزا يلمسني بس وياخدني في حضنه وهو بدا يضعف وبدا يستجيب لرغبتي الشاذه لكنه بعد عني فجاة وقال لي

ابعدي عني بقي. اللي انتي عايزا ده حرام 

قولت وانا بقرب منه 

نادر انا بحبك. وبحبك قوي كمان

وقربت منه تاني وهو رفض وقال

انا بحب علياء بنتك فاهمه يعني ايه بنتك

قولت 

انا قبل ما اكون ام. انا ست ومحتاجه للحب

نادر

دوري علي الحب بعيد عني

قولت. وانا شيفا عمر 

لا. انا بحبك انت يا عمر. وهافضل احبك

نادر باستغراب

انا مش عمر. عمر مات وادفن انا ابنه

لكني اترميت في حضنه وقعد اعيط واقول

لا انت هو. ضحكتك نفس ضحكته. عينك عسليه زي عيونه. عمر ما متش انت عمر حبيبي انا

وبدا يضعف من تاني وبدا نادر يبادلني نفس الحضن لغايه ما دخلت علينا علياء، ،،،،، 

وفي الوقت دة تحدف علياء المذكرات في المرايا وتبص للمرايا وتصرخ وهي بتقول 

نادر حبيبي انا مش حبيب حد تاني

وفي اللحظة دي تشوف شيطانة ليها في المرايا وترد عليها الشيطانه وتقول 

صدقتي ان احنا كنا صح وهي كان لازم تموت

علياء بغل مخيف 

واي حد يفكر انه يحرمني من نادر لازم يموت. 

وتحط علياء أيدها علي المرايا وتصرخ صرخه مخيفه وتمسك دماغها وتقع علي الارض مغمي عليها ،،،،

ولغاية هنا. خلصت حلقتنا اللي يارب تكون عحبتكم

الحلقة الاخيرة