عروسة صيني
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتمر كمان ليلة ويطلع النهار وموز يخرج من اوضة ويروح ناحية الموبيل بتاعه ويدخل علي النت علشان يشوف اخبار الفيديو بتاعه اللي تخطي حاجز ال 2 مليون مشاهدة ويسجل فيديو وهو يقول
استنوني النهاردة بالليل هاطلع في التيلفزيون
وهنا يسمع صوت ايفون وتقول له
برضو هاتسيبني لوحدي ادور علي البنت
فيبص لها موز ويقول
بقول لك اية. احنا طول الليل بنتكلم في الحوار دة وانا مافيش حاجة هاترجعني عن اللي في دماغي
ايفون
يا موز انا مدياك شنطة مليانة فلوس علشان تساعدني وتقف جنبي وانت وعدني انك تساعدني
موز
خدي الشنطة مش عايزها. تعمل اية الفلوس من غير شهرة وناس كتير بتشاور علية. وتطلب تتصور معايا بقي بذمتك اسيب دة كلة علشان شنطة فلوس. وبعدين الشهرة هاتجيب فلوس وفلوس اكتر اللي انتي اديتيهالي
ايفون
يعني دة اخر كلام عندك
موز
ايوة. واوعي بقي من وشي خليني انزل احلق كدة وروش نفسي عايز ابقي قمر النهاردة.
ويخرج موز من باب الشقة ويقفل الباب وراء منه والمدلدل اللي كان قاعد علي اللاب بتاعه. بيبص علية وهو مش عاجبة حالة. ويقول لايفون
سيبك منة يا بنتي انا هاساعدك
ايفون
ازاي بس.
المدلدل
انا صورت الرسمة اللي علي ذراع موز وبدات اعمل بحث عن النت عنها يمكن اوصل لحاجة
ايفون
ووصلت لجديد
المدلدل
طول الليل ولغاية دلوقتي. ماوصلتش لجديد. بس لو تقدري تساعديني باي معلومة عن البنت دي يمكن اقدر اوصل لخيط يقربنا منها
ايفون
لو اقدر كنت قولت
المدلدل
طيب وانتي بتتواصلي معها كنتي بتسمعي اي صوت غريب جنب منها
ايفون وهي بتسترجع ذكرياتها ثم تقول
كنت بسمع صوت ماكينة.
المدلدل باهتمام
ماكينة اية
ايفون
ماعرفش. بس لما سالتها قالت لي. دي الماكينة اللي انا شغاله عليها
المدلدل
شغالة علي ماكينة.
ايفون
اة
المدلدل
حاولي تقولي اي معلومة تاني عنها
ايفون بانهيار
ماقدرش ماقدرش. وياريت نقدر نوصلها باسرع وقت. مش فاضل الا اربع ايام والاسبوع يخلص وتموت الغلبانة بسببي
المدلدل
طيب اهدي. علشان اقدر افكر
ويدخل علي النت ويقلب في حادثة في بيت قديم لغية حمام بتحترق او حمام احمر بيطير وهنا يظهر قدام منه شعار لماركة ملابس والشعار يحمل نفس الرسمة اللي مع ايفون واللي علي ذراع موز. فيقول المدلدل فرحا
شكلنا وصلنا
فتبص ايفون علي اللاب مسرعه وتقول
بجد
المدلدل وهو يشاور علي الرسمة الموجودة في اللاب وتقول
مش دي الرسمة بتاعتك
ايفون
هي
المدلدل
طلعت شعار لماركة ملابس مصرية اسمها زينة.
ايفون
ودة معني اية
المدلدل
لما تعرفي مين اللي مصمم الشعار دة هاتعرفي اننا قربنا
ايفون
مين
المدلدل وهو يقرأ بيانات قدامة علي النت
بنت اسمها زينة نادر المرسي.
ايفون
يعني تفتكر ان زينة دي هي اللي كانت بتتواصل معايا
المدلدل
ممكن لية لا. وخصوصا لما قولتي ان اللي كنتي يتتاوصلي معاها كنت بتسمعي صوت ماكينة جنب منها ودي احتمال تكون ماكينة خياطة في شركة من شركات الملابس
ايفون
وعنونها مكتوب عندك
المدلدل
كل بيانتها مكتوبة في الصفحة هنا
ويبص المدلدل للاب علشان يلاقي كل بيانات زينة اختفيت ومابقاش فاضل الا اسمها بس فبرق للاب مش مصدق اللي شافه وقال
ازاي اتمسحت بيانتها
فتضحك ايفون ضحكة شريرة وتقول
علشان ماحدش يوصل لها قبلي واخلص عليها بنفسي. وانت يا انسي كتر خيرك اوي لغاية كدة. كانت فكرة اني مش هاقدر اوصل علشان انا من كوكب تاني. لكن ما تعرفش اني انا لما اضحك علي اهل كوكهبا هاقدر اوصل لها وارتاح منها علشان ما يبقاش مصيري مربوط بمصير انسية من كوكب الارض
فيصدم المدلدل لكن ايفون ما اديتش لي اي فرصة يفكر في اي رد فعل ومسكت دماغة وقالت
انسي كل اللي شوفتة انساني يا مدلدل علشان تفضل عايش. انت راجل طيب وانا مش هاذيك
فيصرخ المدلدل وهي تمسح كل اللي شافة من يوم ما عرفها واتكلم معها.
وتتجة ايفون ناحية باب الشقة وقبل ما تفتحة تلاقي الباب اتكسر ودخل عليها اوبو وبص لها وقال
وقعتي يا ايفون
ويلف اوبو حوالين منها سلك من نحاس وتخرج من صورة العروسة الصيني لصورتها العادية وهي تصرخ وتقول
انا من حقي اعيش سابني يا اوبو
اوبو
انتي هاتموتي زي ما هي هاتموت كمان اربع ايام
ايفون
سابني اموتها بايدية علشان اعيش انا
اوبو
ويدمر كوكبنا. انتي عارفة ان مصيرك ومصيرها واحد. وانتو الاتنين هاتموتو هي علشان. اختارت وبقيت معانا في تكنولوجيا. الموت وانتي علشان خالفتي اوامرنا ونزلتي كوكب الارض تقتليها بايدك فاكرة انك كدة هاتعيشي. انسي يا ايفون
ايفون
هاعيش وهادمر كوكبكم الملعون اللي مصير اهلة بمصير انسيين من كوكب الارض
اوبو
فيها اية لما نضحي بيكي او بغيرك بس يفضل حلمنا الاعظم بيتحقق وهو ان الموت يكون علي ايدينا وبمزاج عشاق التكنولوجيا. خليهم يكبرونا واحنا هانموتهم
ايفون
مايموتو انا مش فارقة معايا. انا اللي يهمني انا. لية مصيري يتربط بمصير زينة
اوبو
تاني يا ايفون هانقول ونعيد دي سياسة ناس كبيرة بتحكم كوكب الارض واحنا بنستفيد منهم مادية شغلتنا كدة نكبر ونتحدث ونبقي اسرع واشيك وفي المقابل يحبونا ويجروا علينا ويشترونا واحنا بنموتهم بالبطي. وبعدين مش زينة هي اللي اختارت ودخلت برجليها للموقع بتاعنا وكمان اختارات تنتحر ازاي وعلي الهواء. وفي بث مباشر يشوفو ملايين من اهل الكوكبين. وعلشان تتم اللعبة لازم تفضل تحت سيطرتنا والرابط اللي بينك وبينها هو اللي خلاها تفكر تموت فانتي كمان لازم تموتي علشان انتم الاتنين اتولدتم في ساعة واحدة وفي نفس الدقيقة دة مصيرك ومافيش هروب منه
ايفون
لا. هاهرب منه وهاقتلها وهاعيش فاهم هاعيش يا اوبو
فيضحك اوبو ويقول
وماله ابقي اهربي. ودلوقتي قدامي
ويسحبها اوبو بمنتهي القوة وهنا يحضر روبي اللي كان باين علية البهدلة ويبص لشكل اوبو وايفون ويصرخ من شكلهم المخيف فتقول ايفون
روبي الحقني. دة اوبو الشرير بتاع القصة
فيبص روبي ل اوبو ويقول
سايبها يلا بدل ما بوظ التاتش بتاع امك
فيبص لة اوبو ويقول
يا عم روح
ويحاول اوبو ابعاد روبي عنه ولكنة ما يقدرش ويصرخ اوبو ويقول
انت مبلول مية
روبي
اة كنت في القسم والظابط حب يحميني بنفسه
اوبو
طيب ابعد المية. بتبهدلني
روبي
بقي كدة
ويجري روبي ناحية اوبو وياخدة بالحضن ويصرخ اوبو ويهرب مسرعا من الشقة ويسيب ايفون فتجري ايفون ناحية روبي وتاخدة بالحضن وتقول لة
انا بحبك اوي يا روبي
فيبص روبي لشكلها ويقول
خشي في العروسة تاني وتعالي نكمل حضن
فتدخل ايفون في العروسة مرة تانية وتقول
لما ارجع من برة هاخدك حضن كبير قد الدنيا
روبي
انتي خارجة رايحة فين
ايفون
رايحة.
وتسكت ايفون لانها نسيت كل حاجة وصرخت وقالت
لا. انا نسيت. نسيت السلك النحاس بوظ لي مركز الذاكرة. في اخر خمس دقائق
وتصرخ باعلي صوت عندها، ،،،،،،،،،،،،،
ومن علي باب استوديو يقف رجل كبير ومعه بنت صغيرة باين عليها المرض والرجل يقول لامن الاستوديو
ابوس رجلك يا ابني عايز اخش للاستاذ مجدي. بنتي محتاجة تعمل عملية ضروري والا هاتموت
فرد الامن
يالا يا حج من هنا. الاستاذ مجدي مش فاضي
الرجل وهو بيعيط
ابوس ايدك ابوس رجلك انا روحت للناس كلها بنتي هاتموت.
وفي هذة اللحظة تصل عربية ملاكي تبع البرنامج وينزل منها موز وهو باين علية الشياكة والوجاهة وكانت معه رانيا معدة البرنامج. ويقفوا قدام باب الاستوديو ويبص موز للراجل الكبير اللي بيعيط ولبنتة المريضة وتقول رانيا للراجل
هو انت ما بتزهقش كل يوم اشوفك عند استديو شكل
الرجل بحزن شديد
بنتي بتموت والله العظيم بتموت. عايز اي مساعدة. الاستاذ مجدي يعرف ناس كتير
رانيا
الاستاذ مجدي مش فاضي للاشكال اللي زيك. يلا امشي
موز وهو بيبص للراجل بتاثر شديد ويقول
ابوس رجليك يا بية كلمهم يدخلوني. بنتي بتموت والله بتموت.
فترغرغ دموع موز ويقول لرانيا
هو لية راجل زي دة ما تحاولوش تساعدو. حتي لو طلع في فقرة في برنامج استاذ مجدي اكيد اي حد هايشوفو هيساعده
رانيا
موز. الناس مش ناقصة نكد. الناس تحب اللي زيك صاحب افكار مطرقعه او مطرب غني اغنية طرقعت انما حزن ومرض. ما فتكرش ان دة حد يحب يشوفو علي الشاشة. ويالا بقي ادخل وركز في مستقبلك. دة انا سمعت ان في شركة انتاج كبيرة هاتمضي معاك عقد لمسلسل في رمضان انت والعروسة بتاعتك.
فيدخل موز الي الاستوديو وصوت وبكاء الرجل في ودنة،
ومن داخل الاستوديو يجلس مجدي في اوضة بيجهز لتقديم الحلقة فتدخل علية الاوضة رانيا ومعها موز فيسلم علية بترحاب شديد ويقول له
نورت يا نجم الجيل
موز
الله يخليك استاذ مجدي. انت مش عارف انا فرحان قد اية اني مع حضرتك النهاردة.
مجدي بتعالي
عارف عارف. اي حد يتمني يجي البرنامج بتاعي من اول رئيس الحكومة لغاية اصغر مؤظف في الوزارة
موز
طبعا. ما انت علم في الاعلام المصري
مجدي
اومال فين العروسة الصيني اللي قلبت الدنيا
موز
مجبتهاش معايا
فيغضب مجدي ويقول
مجبتهاش.
ويبص مجدي لرانيا ويقول بعصبية
جري اية يا رانيا. دة انا ماكد عليكي يجي هو والعروسة جاي لي لوحدة يعمل اية
موز
هي الناس هاتحب تشوف العروسة اكتر ما تشوفني
مجدي
طبعا. هو انت. اية ما غيرها.
فيصدم موز ويضايق ويقول
انا اية
مجدي
سامحني انا صريح. وما تزعلش مني. لولا العروسة اللي قلبت مصر كلها ما كنتش جبيتك معايا ما افتكرش ان الناس هاتحب تشوفك من غيرها. روح هاتها وتعالي بسرعة وهخليك انت الفقرة الاخيرة في البرنامج بتاعي. مش برضو تلحق تروح وتيجي في ساعة
موز
هو انا هالحق اروح بس مش جاي
ويروح ناحية باب الاوضة وهو يقول
عمر الصراحة ما كانت بتزعل لكن اللي انت قولتة دة مش صراحة دي اسمها جليطة وقلة ادب.
ويرزع الباب وراء منه بمنتهي الغضب وهو بيعيط وبيسمع صوت مجدي في ظهرة وهو منفعل بشدة علي رانيا. وخرج من الاستوديو ولقي الراجل العجوز وقال له
عايز فلوس لعملية بنتك
الراجل العجوز
ابوس ايدك ورجلك
موز وهو بيطبطب علي الراجل بمنتهي جبر الخواطر ويقول
تعالي معايا وهاديك اللي انت عايزة وزيادة.
فيرتمي الراجل في حضنة وهو يدعي له كل الدعاء اللي يعرفة، ،،،،،،،،،،،،
ومن داخل شقة المدلدل تجلس ايفون مع روبي وقدام منهم المدلدل اللي فاكر كل حاجة لغاية الفرح ومابعد الفرح وعمال يبص لروبي اللي بيحاول يفكرة والمدلدل يقول له
بس بقي. جننت امي. هو اية اللي ايفون نزلت من كوكب تاني دخلت في عروسة صيني انت اتهيلت زي صاحبك.
روبي باستغراب
انا عايز اعرف بس انت اية اللي حصل لك ما انت كنت شغال لغاية امبارح. معقولة نسيت
المدلدل
انا مش فاكر الا الجذمة اللي اسمة احسن والفضيحة اللي عملهالي
روبي
يادي النيلة يادي النيلة. انت لية الزمن وقف عندك عند اللقطة دي. دة في اكشن تاني حصل ساعة ما روحنا مصر القديمة
المدلدل
احنا امتي كلنا جبنة قدبمة
روبي
لا. هانخش علي شغل بعض ولا اية. انا الوحيد اللي اطرش في القصة دي. هاتطمع في دوري. بقول لك روحنا مصر القديمة
المدلدل
مش فاكر
روبي
طيب غية الحمام المحروقة
المدلدل
مش فاكر
روبي
لا. بقي انت كدة عايز تاخد خبطة علي دماغك يمكن ترجع تفتكر
ويمسك روبي بفاظة قدام منه. ويستعد لخبط المدلدل علي دماغة فتمنعه ايفون وتقول له
هاتعمل اية بس. اعقل يا مجنون
روبي
هاخبطة علي دماغة يمكن يرجع تاني يفتكر
ايفون
طيب ما تخبطني انا يمكن ارجع افتكر اخر خمس دقايق قبل ما يجي اوبو
روبي
هو في اية بالظبط. هي فرة وطاحت فيكم.
ايفون
اعمل اية بس ما اوبو الحيوان بوظ لي مركز الذاكرة وضرب اخر خمس دقايق قبل ما اشوف خلقتة
وهنا يفتح باب الشقة ويدخل موز الي الشقة فاول ما يشوفو روبي يجري علية ويقول له
اية اللي جابك. انت مش المفروض دلوقتي بتسجل
موز
مافيش تسجيل
ايفون
لية بس كدة
موز
اهو بقي اللي حصل
ويروح موز ناحية باب اوضتة ويدخل الاوضة ويقفل علي نفسه الباب فيبص روبي لايفون ويقول
هو موز ماله
ولكنة لقي ايفون بتكلم نفسها وبتقول يصوت مسموع
انا فتحت الباب لقيت اوبو قدامي ولا اوبو فتح الباب في وشي المهم انه وفجاة تش طخ بوم اية بقي اللي حصل قبل ما يفتح الباب علي طول
روبي
ايفون اية هو اللي تش طخ بوم انتي بتقري قصة لميكي.
ايفون صارخا في
بس بقي دة انت رغاي. اوي انا كنت خلاص هافتكر جتك القرف
وترجع تاني ايفون تقول اللي قالتة. وببص روبي للمدلدل اللي كان بيقول
بقي كدة يا احسن تفضحني الفضيحة دي. بس اشوفك يا ابن الكلب
روبي
طيب يعني انا اللي فلوطة فيهم. اما اعمل نفسي ناسي اخر تلت دقايق
ويبص للسقف ويقول
يا. لو انسي اللي انا فاكرة. يا تري انت فين يا مرزوق ،،،،،
ومن داخل اوضة موز يقعد موز فوق السرير ويفكر في كل اللي حصل ويقول لنفسه
بابا كان عندة حق. انا حد تافه وكل اللي عملتة واللي بعملة اهيف من الهيافة. ازاي انا ضايق نفسي. وازاي صدقت في يوم اني ليا لزمة علشان بس هاطلع في التيلفزيون هما يعني كل اللي بيطلعة في التيلفزيون ليهم لزمة مافيهم الحلو وفيهم اللي اهيف مني. وبعدين يا موز تعالي هنا انت زعلت لية من مجدي لما قال لك. انت اية. ماهو معه حق انا فعلا اية. انا ولا اي حاجة. دي رسالة وجت لي من عند ربنا لازم ما فضلش موز التافه الهايف لازم اكون بني بجد بني ادم الناس تتشرف انها عرفته. واول حاجة هاعملها هامسح كل فيديوهاتي علي التيك توك واليوتيوب. وهانشر اللي ينفع مش يضر.
وبالفعل دخل علي حساباتة وبدا يمسح كل اللي يقابله وخرج من حساباتة ودخل علي فيديوهاتة الموجودة علي الموبيل وبدأ يمسح فيديو وراء فيديو وهنا يقع عينة علي فيديو في صوت بس. بس صوت المدلدل وهي بيقول
مش دي الرسمة بتاعتك
ايفون
هي
المدلدل
طلعت شعار لماركة ملابس مصرية اسمها زينة.
ايفون
ودة معني اية
المدلدل
لما تعرفي مين اللي مصمم الشعار دة هاتعرفي اننا قربنا
ايفون
مين
المدلدل وهو يقرأ بيانات قدامة علي النت
بنت اسمها زينة نادر المرسي.
الي اخر الحوار بما في مادار بين ايفون واوبو فنعقد حاجبي موز وقال باستغراب شديد
اية اللي سمعتة دة. والفيديو دة اتسجل امتي وازاي
وهنا يفتكر لما كان بيسجل فيديو وبيقول في
استنوني النهاردة بالليل هاطلع في التيلفزيون.
وساب الفيديو شغال لان ايفون يدات تتكلم معه. ونزل يحلق ورجع تاني واخد الموبيل ونزل راح علي الاستوديو والموبيل كل دة كان بيسجل فيديو. كل اللي حصل فانصدم ويدأ يفكر يعمل اية. لغاية ما قرر انة يخرج ويواجه ايفون باللي عرفة. ومسك مقبض الباب لكنة ساب المقبض تاني وقال لنفسه
تبقي غبي لو عملت كدة لانها ساعتها ممكن تعمل فيك اي حاجة. انا احسن حاجة اعملها اروح لزينة دي وانقذها. طيب وانا بس اوصل لها ازاي. من البيانات اللي علي النت يا غبي. طيب ما تشتمشي طيب. وبعدين انت ناسي ان ايفون سرقت كل بيانتها من علي النت والمدلدل بابا خليتة ينسي . لكن لا. انا قريب منها ومعايا الرسمة ومعايا اسمها هاسال عليها في اغلب مصانع الملابس وهاوصل باذن الله. وانقذها من الزبالة ايفون. وبعد كدة ارمي ايفون في الشارع. بعد ما اعلمها درس عمرها.، ،،،،،،،،
ويخرج موز من الاوضة ويبص لروبي اللي كان لسة باصص للسقف. فيبص موز في المكان اللي باصص في روبي ويقول له
انت بتبص علي اية
روبي
بحاول افتكر
موز
تفتكر اية
روبي
اخر تلت دقايق في حياتي
موز
من تلت دقايق انت كنت قاعد نفس القعدة دي
روبي
قول والله
موز بزهق
والله
روبي
يبقي هافتكر التلت دقايق اللي قبل منهم. المهم اني مخليش حد يكسبني من ايفون وابوك
موز
طيب قوم معايا وبطل هطل
روبي
هانروح فين
موز
قوم بس وبعدين اقول لك ،،،،،،،،،
ومن داخل احدي مصانع الملابس يجلس فرد امن قدام باب المصنع فيدخل علية موز وروبي واول ما يشوف فرد الامن موز داخل علية يقف فرحا ويقول
حبيبي وابن حبيبي.
فيبص لة موز باستغراب شديد ويقول
انت تعرفني
فرد الامن
الا اعرفك. انت موز اللي حررتنا من العبودية
روبي.
عبودية اية بس. دة موز مش الناصر صلاح الدين
فرد الامن
اسكت انت. هو انت تفهم حاجة ولا تعرف حاجة.
روبي
طيب فهمنا يا عم الفهيم
فرد الامن
انا بقبض 2000 ج. ما كونش بيقضوني انا ومراتي السحلية. الهي تنشك في معدتها.
موز
لية بس كدة
فرد الامن
اسكت انت. انت ماتعرفش مراتي. مراتي اصلا كانت اله النكد عن الفرانعة
روبي
مين الفرانعة دول. قرايبك من البلد
فرد الامن
الفرانعة يا استاذ الناس اللي بنو الهرج وابو الهوس
روبي
الهرج وابو الهوس. انت كنت بتاخد التاريخ من وراء
موز
ياعم اسكت انت. سيبة يكمل علشان نخلص
روبي
اصلة معلوماتة بنت كلب اوي في نفسها
موز
مالكش دعوي.
ويبص موز لفرد الامن ويقول
كمل وبعدين
فرد الامن
المهم مراتي السحلية كانت خاربة بيت اهلي والمرتب ما كنش بيقضيني فومت اية اتفرجت علي الفيديو بتاعك وعجبتني الفكرة اوي وطلقت مراتي
موز
لية بس كدة.
فرد الامن
يا عم اسكت انت فاهم حاجة.
موز
طيب وطلقتها وعملت اية
فرد الامن
اتجوزت عروسة صيني زيك يا اسطورة
موز
يخرب بيتك
فرد الامن وهو مبسوط ومنشكح
وربنا احلي جوازة مراة كدة لا بتتكلم ولا بتاكل ولا بتشرب ولا تقول لك رايحة لماما ولاتقول لك عايزا شاشة زي سفلتي ولا تقول دي نقطة علينا ولازم نسدها واية كمان بعاكس قدامها حريم او نسوان مش بتغير علية حتي بص
ويمد فرد الامن ايدة وراء الكرسي اللي قاعد علية ويخرج عروسة صيني ويبص للعروسة ويقول
مديحة انا بخونك
ثم يبص فرد الامن لموز ويقول له
شوفت ولا زعلت ولا فرجت علية خلق الله. وربنا انت اسطورة يا محرر الرجالة من العبودية
ويقوم يبوس فرد الامن موز من خدة وكانة بطل قومي فيقول لة موز
بس دة غلط
فرد الامن
غلط اية يا استاذ. طيب بص الحركة اللي جاية دي
ويضرب فرد الامن العروسة علي وشها وهو يقول
مش عايز اسمع لك حس يا جذمة
ثم يبص فرد الامن لموز ويقول
لو السحلية مراتي اللي عملت فيها كدة. كان زمان القلم دة اتردلي عشرين قلم دة غير الشلوط اللي بيرشق في. وانت عارف بقي. . يا استاذ دة انا بحط القبض كلة قدام مديحة وماتقدرش تمد ايدها تاخد مليم منها. وتقولي غلط وربنا لابوسك تاني
ويقوم فرد الامن ويبوس موز وهو يقول
يا اسطورة يا بطل الحرب والسلام
موز
طيب روق بس واهدئة. وكنت عايز اسائلك عن،،،،،
ويسكت موز لانة نسي اسم البنت فيقول
الله يخرب بيتك نسيت اسم البت
روبي
انت كمان. تعالي بقي نرجع نقعد جنب ايفون وابوك. مستحيل يكسوبنا
موز صارخا
اسكت. سايبني افتكر
ويتذكر موز الاسم ويقول
بنت اسمها زينة نادر المرسي صاحبة الشعار دة
ويحط موز ذراعة قدام فرد الامن ويقول
لا. ماعرفهاش الصراحة بس اوصف لك مين يقدر يوصلك يا اسطورة يا بطل حرب طورادة
روبي
قول يا بطل ارض النفاق والطبلة، ،،،،،،،،،
وتعدي 7 ساعات من اللف والدوارن ويقف موز وروبي قدام مصنع ملابس زينة في التجمع الخامس المنطقة الصناعية. وهما وصلو للمصنع بصعوبة فيبص. روبي للمصنع ويقول
اخيرا وصلنا
موز
ياريت نكون وصلنا للي اسمها زينة دي. حاكم انا خلاص جيبت اخري وحاسس اني لما اشوقها انا اللي هاقتلها بايدي علشان ارتاح منها
وهنا يحس موز بوجع شديد في ايدة ويمسك ايدة وهو يصرخ من شدة الالم فيقول له روبي
في اية مالك
موز بصعوبة
باين ان اللي اسمها زينة. في خطر
وهنا يفتح باب المصنع ويخرج اوبو من المصنع وهو يحمل انسة في العشرينات من عمرها علي ذراعة ويجري بها.
فتقع عين روبي علي اوبو فيقول
موز دة اوبو اللي جة البيت وكان عايز يخلص علي ايفون
فيبص له موز ويقول
يبقي اكيد البت اللي شاليها علي ذراعه دي تبقي زينة
روبي
طيب وهانعمل اية دلوقتي
موز
لازم نلحقة. وننقذها من ايدة ما نعرفش ممكن يعمل اية فيها
ويجري موز وربي وراء اوبو اللي اول ما حس بيهم وقف واخفي زينة بحركة سحرية وبص لهم وقال
خير يا استاذ منك لي بتجروا ورايا لية
موز وهو بينهج
علشان نلحق البت اللي علي ذراعك
ويبص موز لذراع اوبو ميلقيش حد فيبص ل روبي ويقول
روبي مش كان في بت علي ذراعة دلوقتي
روبي
ايوة كان في
اوبو
بت مين بس انتو في حاجة في دماغكم
موز وهو عمال يبص وراء اوبو ويقول وهو هايتجنن
راحت فين بس دي كانت لسة علي ذراعك
اوبو
اكون كلتها دور عليها في بوقي كدة
ويفتح اوبو بقة باستهزاء فيبص روبي في بوقة فيضربة موز في ذراعة وهو يقول
انت متخلف هايحطها في بوقة يعني
اوبو
ممكن اكمل حصة الرياضة بتاعتي
ويجري اوبو مرة تانية وتظهر زينة علي ذراعة مرة اخري وتطلب المساعدة من روبي ولكن صوتها كان مكتوم فيبص روبي علي زينة ويقول
موز زينة عي ذراعة اهو
فيبص موز ناحيتة مسرعا ولكن اوبو قد اختفي تماما هو وزينة فيجروا الاثنين الي النقطة اللي اختفي فيها اوبو ويبصو الاثنين حوالين نفسيهم باستغراب شديد ويقول موز
راح فين دة
روبي
دة اختفي ومع زينة
موز
طيب واوبو يخطف زينة لية. دة من مصلحتة ان زينة تموت. زي ماقال لايفون
روبي
الحوار دة في حوار
موز
والوحيدة اللي تقدر تساعدنا في الحوار دة هي ايفون. اللي لازم نحش عليها بحوار علشان نفهم منها الحوار
ويبص موز لروبي
فهمت الحوار بيقول اية يا حمار
روبي وهو بيهز دماغة
اة اة اة. ،،،،،،،،،،،،
ومن داخل شقة المدلدل تجلس ايفون وجنب منها المدلدل وحالهم لم يتغير فيفتح موز باب الشقة ويدخل الي الشقة ومعه روبي ويقعد قدام ايفون ويقول لها
ايفون عايزك
ايفون
سيبني في حالي يا موز حاكم انا دماغي مقلوبة
موز
ولو فكرتك باللي انتي ناسيا
ايفون بفرحة شديدة
بجد
موز
انا عرفت كل حاجة. بس علشان نتكلم لازم نكون لوحدينا
وياخد موز ايفون ويدخل بيها اوضتة وروبي يروح يقعد جنب المدلدل اللي كان لسة بيقول
بقي كدة يا احسن تفضحني الفضيحة دي. بس لمااشوفك يا ابن الكلب
روبي
انت لسة معلق. طيب اطلع الشريط والفة يالقلم ولا اعمل فيك اية. ،،،،،،،،،،،
ومن داخل الاوضة كان موز ماسك ايد ايفون وبيبص في عيونها ويقول
طبعا مش عايزك تموتي. رغم كل اللي عرفتة عنك لكن انتي في الفترة الصغيرة دي خلتيني اتعلق بيكي اوي. واحبك من كل قلبي
فتضحك ايفون وتقول
انا في حد بيحبني. انا عيشت عمري كلة بدور علي الحب ويوم ما اتحب اتحب من انسي زيك. الفرق بيني وبينك كبير قوي
موز
الحب مايعرفش فروق. ولو قلبك رفض حبي انا هافضل بحبك يا احلي ايفون شافتها عيوني
ايفون فرحا
بجد يا موز
موز
بجد. دة انا حتي روحت لغاية زينة علشان اجيبها واحطها تحت رجليك وتخلصي عليها بنفسك
ايفون
يعني هاتكون معايا ضد بني جنسك
موز
انا ماعرفش زينة لكن اعرفك انتي بحبك انتي. ونفسي بجد نخلص من الكابوس دة سوي وتبقي ليا علي طول يا ايفون. بس ازاي واوبو وصل لزينة قبل مني
ايفون
ماتقلقش انا هاوصل له.
موز
ازاي بس
ايفون
وهو هنا واثناء ماكان بيتكلم مع روبي وبعد ما اتحررت من السلك النحاس. قدرت ازرع في جسمة جهاز تعقب يعرفني فين طريقة علشان ديما يكون تحت عيني
موز
يعني كدة سهل نوصل
ايفون
دقيقة بالظبط وهاعرف لك هو فين،،،،،،،،،
ويخرج موز وايفون من الاوضة ويبص موز لروبي ويقول له
يلا بينا يا حتة
روبي
عرفت مكانة
موز
عرفت
روبي
صاحبك اوبو بيخاف من المية. ما تيجي ناخد معانا مسدسات المية بتاعت العيد علشان لو في عوه
موز
هناخد معانا اللي احسن من مسدس المية
روبي
مين
موز
ابو اليسر، ،،،،،،،،،،،
ومن داخل مخزن مهجور في الطريق الصحراوي يجلس اوبو قدام زينة اللي كان رابطها في عمود حديد وبيبص لها وهي بتقول له
هو انت لية مش عايز تقولي انت مين وبتعمل فيا ليا كدة
اوبو
انا ملاك الموت اللي جاي ياخد روحك بس في الميعاد اللي انا احددة
زينة
ولية جاي انت انا كنت رايحة للموت برجلي. كلها تلت ايام وهاموت
اوبو
في ناس دفعوا اكتر علشان تتصور لحظاتك الاخيرة علي الهواء. بس مش وانتي بتنتحري لا. وانتي يتنقتلي وانا بقي اللي هاقوم بالمهمة دي وبايدية دول
زينة
انت تبع موقع بلاك داي
اوبو ضاحكا
انسي بقي. انتي دلوقتي في موقع تابعي انا.
زينة
مش هايفرق اموت ازاي المهم الفلوس والارياح اللي هاتيجي من وراء مشاهدات موتي تروح لاهلي زي ما اتفقت مع اللي قبلك
اوبو
معايا انا مافيش فلوس هاتعملي كدة حبا في الشهرة وبس مش انتي كنتي عايزا تبقي مشهورة وشعار مصنعك الصغير يلف العالم
زينة
حلمي اللي اتسرق مني وفشلت في اني احققة باسمي
اوبو
انا بقي هاخليكي مشهورة لانك أول فتاة في العالم بتتنقل لحاظتها الاخيرة علي الهواء مباشرة في بث مباشر
زينة
بس انا وافقت اعمل كدة علشان الشهرة والملايين اللي هاتدخل لاهلي مكسب
اوبو
ما انا قولت لك بقي معايا هاتكسبي الشهرة. وبس
فتغضب زينة
وانا رافضة اني اكون معاك انت
اوبو
مش بمزاجك.
ويضحك اوبو ويقول
هاسيبك دلوقتي ولما أحضر لحفلة وداعك الاخير هابقي ارجع لك تاني
وتظل تصرخ زينة بمنتهي العصبية. وهنا يفتح باب المخزن المهجور ويدخل موز وروبي وايفون فيبص لهم اوبو بغضب شديد ويقول
انتو عرفتو مكاني ازاي
موز
من الجي بي ايس يا عينية
ولسة هايتحرك اوبو لقي واحد رابع دخل من شباك المخزن ومسك اوبو بقوة بسلك نحاس وقال له اوبو
اوعي السلك دة من حوالية النحاس بيسلخني
فيتكلم هذا الرجل ويدعي ابو اليسر ويقول وهو بيتفتف في الكلام
شلك اية اللي اشيلو يا حيلة ماما. دة انا ابو اليشر يشري
فيتوجع اوبو بسبب مية التفتفة اللي بتيجي علية ويقول وهو يصرخ
ما تتكلمش حرام عليك. المية يتحرق جسمي وبتبوظ البوردة
موز
ما انا علشان كدة جيبتة معايا.
ويروح موز ناحية زينة ويفكها وهو يقول
انتي بقي اللي مدوخانا من اول القصة.
ثم يبص لجمالها وشعرها السايح ويقول
بس تعرفي برضو تساتهلي شوية الاكشن اللي عيشنا في
زينة
انت مين
موز
انا موز
زينة
وتعرفني منين
موز
دي حكاية طويلة بقي لما نخرج من هنا ابقي احكيها لك
ايفون
هي مش هاتخرج من هنا. انت ناسي اتفقنا ولا اية
موز
لا. مش ناسي بس هي لو فضلت عايشة انتي كمان هاتعيشي. يبقي لية تموت
ايفون
تموت علشان مصيرها مربوط بمصيري. احنا اتولدنا سوي وهانموت سوي. الا لو قتلتها انا مصيري هايبقي مش مربوط بيها ولا بغيرها علشان كدة لازم تموت
وتخرج ايفون من ايديها شعاع حارق فيطير موز وينقذ زينة ويقول
روبي
فيخرج روبي سلك نحاس ويلفة حوالين ايفون فتصرخ ايفون وتقول لموز وهي تتوجع
موز انا حبيبتك ايفون ازاي تخلي روبي ياذيني بالسلك النحاس
موز
انتي مش حبيبتي وماتنفعيش تكوني حبيبتي انا بس قولت لك بحبك بالكدب علشان انقذ برئية منك انتي واوبو
فتتوجع ايفون من كلام موز اكتر ما تتوجع من السلك النحاس وتقول لة
انتو كدة كلكم
وهنا يرقص روبي ويغني
انتو اللي كدة كلكم بتخلونا نحبكم وبعد كدة
فيبص يلاقي كل اللي واقفين ساكتين فيقول باحراج
هي اللقطة دي جد. ما ينفعش اتكلم انا صح.
موز لايفون
كملي يا ايفون الاهطل خلاص هايسكت
ايفون وهي بتعيط
مافيش كلام يتقال بعد اللي حصل دة. بس كل اللي عايزاك تعرفو ان حبيتك بجد حتي لو انت كنت بتكدب ومش هاعرف اعيش بعدك وافضل افتكر كدبك وهاعيش ميتة. موت بموت بقي.
وتحط السلك النحاس في بوقها علشان تتالم وتتالم وهي بتبص لموز لغاية ماتموت وموز يبص لها وهو متاثر ويودي وشة الناحية التانية فيلاقي اوبو بيتوجع فيقول له
وانت
اوبو
انا خدامك انا كلب.
موز
هافكك وتغدر ولا افكك وتغور ترجع كوكبكم
اوبو
هارجع كوكبنا عدل وحرمت اجي كوكب الارض دة تاني. بس فكني ورحمة امك وسايبني امشي
موز
فكة يا ابو اليسر
ابو اليسر
بعدين يغديي بينا دة باين علية غداي
اوبو
وربنا ما هاغديي بس سيبني امشي
ابو اليسر
اشيبة يا موز
اوبو
شيبة يغور
ويفك ابو اليسر السلك النحاس من حوالين اوبو ولسة اوبو هايغدر بيهم وبيرجع لوراء اتكعبل واتلف السلك النحاس حوالين رقبتة وفضل يتوجع لغاية ما مات. فيبص موز لزينة ويقول
تفتكري بقي ان في حاجة في الدنيا تستاهل انك تنتحري علشانها وكمان تذيعي اللحظة دي لايف
روبي
فاكرها حنة شيماء
موز
في حد معانا في القصة اسمة شيماء
روبي
لا.
موز
طيب اية
روبي
عادي يعني اسم جه علي بالي
موز
ولا. انت بتحب شيماء
روبي
لا. والله خالص وبعدين انا روبي هاتجوز شيماء ازاي
موز
اومال انت ناوي تتجوز حد اسمة احمد ولا اية
فتضحك زينة فيبص لها موز ويقول
عارفة انتي لو كنت طلعتي وحشة بعد كل المرمطة اللي شوفتها بسببك كنت زعلت اوي
زينة
يعني انت شايفني حلوة
موز
اوي اوي
روبي
اية اروح انادي الماذون
موز
مش بسرعة كدة دة انا لسة متعرف عليها الحلقة دي
روبي
مافيش وقت انهي دي النهاردة الاخيرة
موز
بسرعة كدة.
روبي
لخص اروح انادي الماذون
موز
روح، ،،،،،،،
ومن داخل قاعة افراح وفرح موز وزينة يحتفل الكل والدنيا بمبي خالص ماعدا المدلدل واقف علي اول الفرح كل اللي يقول له مبروك يرد ويقول
بقي كدة يا احسن تفضحني الفضيحة دي. بس لمااشوفك يا ابن الكلب،،،،،،،
ومن داخل شقة موز يجلس موز مع زينة ويقول لها
مبروك يا عروسة
زينة
الله يبارك فيك.
ويبص موز لصنية الاكل ويقول
انا جعان اوي ماتيجي ناكل
زينة
طيب نقلع الاول
موز
ياشيخة انزلي كدة خلي البساط احمدي
ويمد موز ايدة ويمسك طبق الشوربة وياخد منها معلقة يلاقيها دلعة فيمسك ملاحة علي شكل رجل صيني ويسمع الراجل بيقول
كنت عايزك تساعدني
فيبص موز للملاحة ويقول
انت مين
الرجل الصيني
انا الرجل الملاحة وجاي لك من كوكب سمير. وكنت عايزك تلاقي لي اخويا التؤم سكر
موز صارخا
لا لالالالالالالالالا،،،،،،،،،،،،،،،،،،
النهاية
يارب اكون قدرت اسعدكم واكون عرفت ارسم الابتسامة ولو علي بسيط. ربنا يفرحكم كمان وكمان
محمد منصور. منص
حلوه اوي اوي
ردحذفايه الجمال ده كله والله 😂بتخلينا نبدا يومنا بالضحك ربنا يفرحك
ردحذف