عروسة صيني
★الحلقة الثالثة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن علي كوكب أحمد. تجلس انفينكس وهي امراة عجوزة في كوخ كبير وتتكلم فيديو عن طريق الفيس. مع رجل. وتقول
كارت ب50 واوريك لون شعري.
صوت الرجل
كتير اوي 50. علشان لون شعرك. دة انتي انفينكس يعني لازم تكوني ارخص من كدة.
انفينكس
اسمعني كويس انا مابحبش كتر الكلام لان بطاريتي بتفصل بسرعة عايزني اشوفك كويس واكمل معاك اطلع في حتة فيها شبكة يا روح البوردة. رجالة هم رغي كتير وفعل قليل. هو انا عجزت من شوية
وتنهي انفينكس المكالمة وهنا تلاقي الوزير اوبو واقف وراء منها وبيقول لها
سوقك وقف خلاص. كل اهل الكوكب عرفوكي علي حقيقتك عدة واطية
فتبص له انفينكس وهي زهقانة وتقول له
اوبو قصر في كلامك. وبلاش تعايرني علشان ما سخم من سيتي الا ستي. وقولي جاي عايز اية
اوبو
ايفون
انفينكس
راحت كوكب الارض. تدور علي البت اللي هاتغير مستقبلها
اوبو
كله دة قديم وانا عارفة. عايز بقي الجديد
انفينكس وهي بتمد ايدها لي
ما عرفش
فيخرج اوبو فلوس كتير تشبة فلوس كوكب الارض ويحط الفلوس في ايدها وهو يقول
والفلوس دي ما تخليش البوردة بتاعتك تفتكر حاجة
فتبص انفينكس للفلوس بصرع شديد وتقول
الفلوس دي هاتخليني اقوم اتحزم و ارقصلك
ولسة هاتقف انفينكس مسك اوبو ايدها وقال لها
ورحمة شرف امك. مش عايز اي دلع من ناحيتك ما تكهرنيش في الصنف كله. كلة اللي عايزة منك ايفون
فتقعد انفينكس تاني وتقول
دور عليها في مصنع صيني وراء مزلقان طوكيو. وهناك هاتوصل
اوبو
وهي نزلت المصنع دة لية
انفينكس
دي وقعت مني بالغلط ودخلت في جسم عروسة صيني ومن ساعتها واخبارها انقطعت
اوبو باستغراب
عروسة صيني، ،،،،،،،،،،،،
وتاني يوم ومن القاهرة ومن داخل شقة المدلدل يجلس المدلدل علي الكنبة بتاعته بيقراء في كتاب وهنا يسمع صوت خبط علي باب شقته فيبص للباب ويبص في ساعتة ويقول
ودة مين اللي جاي في الميعاد دة
ويقوم يفتح الباب علشان يلاقي موز وروبي وايفون وهي واقفة علي رجليها ولكن المدلدل ماخدش باله من ايفون اللي جوة جسم العروسة لسة واول ما شاف موز مسكة من زمارة رقبتة وقال بعصبية
انت جيت يا خلف الحبايب. دة انا من امباراح بفكر ازاي اخلص منك واسلم نفسي. لغاية ما اتصلت باتنين مطاريد من الجبل يقتلوك وارتاح منك يا متخلف
ايفون
اهدئة يا مدلدل
فيضرب المدلدل روبي بالقلم لانة افتكر انه هو اللي اتكلم وقال بنرفزة
مدلدل حاف كدة يا تربية وسخة
روبي وهو يتوجع من قوة القلم ويمسك خدة ويقول
مش انا اللي اتكلمت
فيضرب المدلدل موز وهو يقول له
يبقي انت اللي قولت مدلدل حاف كدة يا زبالة من غير بابا هو انا ما تعبتش فيك يا ناقص يا مجنون
موز وهو يتوجع
هاقولها ازاي بس. من بطني
المدلدل
اومال مين
وهنا تمشي ايفون ايدها علي شعر المدلدل من الجنب فتبوظ اعصاب المدلدل ويقول لموز
ولا هي امك رجعت تاني
موز
لا
المدلدل وهو هيمان
اومال مين اللي بيفليني. بحنية كدة. وخليت اعصابي باظت
موز باستهزاء
هو انت اعصابك بتبوظ من اللي بيفليك
المدلدل
اومال اية ده قمة الانحراف لما نوصل للقملة
موز
انت فاهم الانحراف غلط خالص . انا كدة عرفت انت لية ما جبتش غيري
المدلدل بحدة
ما تلم نفسك ياض. انا برضو جامد
ثم يضرب روبي بالقلم وهو يقول
ما تشيل ايدك بقي اللي عايزا قطعها. دي انا بسيح من الحركة دي
فيتوجع روبي ويقول
والله ما انا. وانا ايدية الاتنين اهم
ويرفع روبي ايدة قدام المدلدل. فيبص ناحية العروسة ويلايقها بتضحك وبتقول له
دلدولدي
فيفزع المدلدل ويبص لموز ويقول
مين دي. مين دة. مين دول. نحن حلاوة العنتبلي
ويقع مغمي علية، ،،،،،،،
ومن داخل مكوك فضائي يجلس اوبو في المكوك وهو بيستعد للانطلاق ويقف قدام منه. الملك شاومي ويقول له
اوبو وانت في الصين كدة ما تنساش تشوف لي موبيل كسر الزيرو حتة كدة استعمال طبيب. علشان الموبيل اللي معايا بيعلق في البابجي
اوبو بزهق
يا مولاي ادعي الاقي ايفون الاول. قبل ما تنفذ اللي في دماغها وتدمر كوكبنا كلة وساعتها مش هايبقي في بابجي خالص
شاومي
لا. يا اوبو ما تقولش كدة. ان شاء الله
اوبو
نلحق كوكبنا من الدمار
شاومي
لا. الحق العب الموسم الجديد من بابجي
اوبو وهو هايتجنن من الغيظ
ماشي يا مولاي. اللي انت شايفة. ممكن اطير بقي
شاومي
طير. بس ما تنساش لما تقف ريست في الطريق تبعت لي كارت بمية
اوبو بنرفزة
ريست اية بس هو انا مسافر طنطا
شاومي
اوبو انت بتزهق علية
اوبو
لا. يا مولاي مش قصدي. حاضر يا مولاي ممكن اطير بقي
شاومي
طير. بس اوعي تركن المكوك صف تاني ليتكلبش
اوبو
حاضر حاضر. اخرج بقي خليني اطير.،،،،،،،،،
ومن داخل شقة المدلدل ينام المدلدل علي الكنبة وهو لايزال فاقد الوعي فيحط موز بصلية في مناخيرة فيقوم المدلدل قرفان من ريحة البصل ويبص لموز وهو يقول
احسن. شوفت اللي حصل لي
موز
يا عم اسمي موز. بلاش احسن دة
فتميل ايفون علي ودان روبي وتقول له
مين احسن دة
روبي
موز اسمة احسن
فتضحك ايفون وتقول
هي مال الاسامي في البيت دة غلط في غلط كدة
روبي
هو بيت غريب في كل حاجة. طيب انتي عارفة اسم ام موز اية.
ايفون
اسمها اية
روبي
كذا ميزا
فتضحك ايفون ضحكة مكتومة وتقول
يعني اي حاجة عندها ب 2،5
وفي نفس اللحظة كان موز حكي لابوة علي كل اللي حصل فقال له المدلدل
دونن عن كل العرايس السليكون رايح تجيب لينا عروسة لابسها كائن فضائي وضعيت بسببها 20 الف ج. يا جذمة
ايفون
مالك بس يا دلدولدي مضايق لية. لو علي ال 20 الف اللي خادهم منك موز. خدهم اهو
وتلف ايدها مرتين في الهواء وتحط الفلوس قدام المدلدل فيبص المدلدل للفلوس ويقول
ازاي كدة
ايفون
مافيش وقت لاي اسئلة انا حكيت حكايتي لموز وموز حكا ليك حكايتي ومحتاجة مساعدتكم لو ما كنش علشان خاطري يبقي علشان خاطر الفلوس اللي هاتكون تحت رجليكم من وراء مساعدتكم ليا ولو ما كنش علشان الفلوس يبقي علشان تنقذة بريئة مكتوب عليها تنقتل علشان بس مستقبلها مربوط بمستقبلي وفي بيني وبينها اتصال من يوم ما تولدنا سوي
المدلدل
انا لو هاساعدك هاساعدك علشان خاطر انقذ البريئة اللي ممكن تموت دي مش علشان الفلوس. بس قبل ما اقول انا معاكي في المشوار بتاعك محتاج افهم يعني اية مستقبلها مربوط بمستقبلك
ايفون
ماقدرش احكي الا لما اوصل لها واهربها
المدلدل
وانا مش هاساعدك الا لما افهم واظن دة حقي
ايفون
وانا ما قدرش احكي. ياريت تفهمني. حكايتنا لو اتقالت غيرنا هايسمعها وساعتها هايعرفو مكانها ويقتلوها
المدلدل
وهما مين بس اللي عايزين يقتلوها
ايفون
مافيا والزعيم بتاعها الايطالي بلاك بوي. ملك الهكر وتكنولوجيا الموت
المدلدل
اية تكنولوجيا الموت دي
ايفون
مش هاقدر احكي اكتر من كدة. وكل دقيقة بضيع صدقني مش في مصلحتنا ولا في مصلحة البنت الغلبانة اللي هاتموت.
المدلدل
طيب نبدأ منين
فيمد موز ذراعة ويقول
هو دة كل اللي تعرفة ايفون عن البنت دي زي ما قولت لك
فيبص المدلدل للوشم المرسوم علي ذراع موز ويركز في كل تفاصيل البيت ثم يبرق بشدة لما عيونة تقع علي الحمامة الطايرة وهي مولعة ويقول
لو اللي في بالي صح يبقي احنا قربنا واحساسي كدة قربنا
روبي
انا كمان حاسس
ويسكت روبي فيبصولو الثلاثة فيقول روبي
حاسس اني مش سامع. ممكن تعلو بس صوتكو شوية علشان باين فاتني كتير
المدلدل بنرفزة
وانا اللي افتكرت انك هاتقول حاجة تنفعنا
موز
مالكش دعوي بي. دة مخة بيعلق محتاج يتشحن. قولنا بس انت حاسس باية
المدلدل
الحمامة المولعة دي. ولعت بسبب حريقة كبيرة قامت في غية حمام في مصر القديمة لو وصلنا هناك يمكن نوصل لصاحب الغية
ايفون
يبقي نبدأ رحلتنا من مصر القديمة. ،،،،،،،،،،
ومن علي احدي الكفيهات يجلس شاب يدعي حمزة مع فتاة تدعي نسرين ويقول لها بعصبية
ايوة مش هاكمل معاكي اجيب منين انا كل الطلبات اللي عايزها امك. شاشة 65 بوصة. وشاشة تانية في اوضة الضيوف. وتلاجة 60 قدم وكنبة سرير وغيرة وغيرة. خليها تجوزك لحرامي يمكن يلاحق علي طالبتها
نسرين
حمزة ما ينفعش كدة الناس بتتفرج علينا
فيقف حمزة وسط الكافية ويقول باعلي صوت عندة
خليهم يتفرجو. ما كل اللي قاعدين دول بيضحكوا علي بعض وكلهم عندهم اللي بيطلب منهم فوق طاقتهم. ارحمونا بقي احنا هنلاقيها منكم ولا منهم. والله مافيش احسن من ان الواحد يعمل زي موز يتجوز عروسة صيني ويعيش حياتة بلا قرف بقي وعيشة تقصر العمر . وخلاص بقي خليكم جنب اهاليكم ودة بقي الهاشتاج الجديد. اللي هايبقي نمرة واحد علي الفيس وتويتر
فبص له كل الشباب وعجبتهم الفكرة وكلهم قالو في نفس واحد
خليكم جنب اهاليكم. ،،،،،،،،،،،،
وبعدها بكام ساعة ومن داخل مصر القديمة يقف موز وروبي والمدلدل وايفون. قدام احدي البيوت المهدودة ومعهم رجل كبير في السن يدعي عم صابر وكان بيقول
هو دة بيت الحاج اشرف صاحب غية الحمام اللي ولعت من شهر تقريبا.
المدلدل
وبسبب الحريقة دي كان الحمام بيطير من العشة وهو مولع
عم صابر
بالظبط كدة ودخل في بيوت كتير وخرب الدنيا
ايفون
والحاج اشرف دة كان عندة بنت
فيصدم عم صابر ويبص لهم جمعيا ويقول
انا سمعت صوت ست دلوقتي
موز وهو بيقلد صوت ايفون
دة انا اللي بسالك
عم صابر باستغراب
ومال صوتك صوت نسوان كدة لية
موز
اصلي عرق النساء عندي طالع لي في الحنجرة.
عم صابر
ربنا يشفيك يا منسون
موز بصوته الطبيعي
المهم الحاج اشرف دة كان عندة بنات
عم صابر باستغراب
الله صوتك رجع تاني رجالي
موز
اصل العرق طش. ورجع مكانة رد علي السؤال بقي
ويقول موز لايفون اللي كان شايلها علي كتفة.
ممكن تنكتمي علشان مش لازم الدنيا كلها تعرف انك عروسة بتتكلمي
ايفون
طيب بالراحة
وعم صابر كان يقول ساعتها
الحاج اشرف ما عندوش غير ولد واسمة طارق
موز
متاكد انه ماعندوش بنات
عم صابر
الا متاكد دة كان عشرة عمري
المدلدل
طيب ما تعرفش حد تاني في مصر القديمة او اي منطقة تاني كان عندة غية حمام وولعت.
عم صابر
لا والله من بعد الحاج اشرف الله يرحمة وغيتة اللي قلبت الدنيا. بالنار اللي قادت فيها ما سمعتش عن مصيبة تاني زي دي
المدلدل
طيب ماشي شكرا يا عم صابر
ويسيبوا ويمشوا وايفون تقول
والعمل
المدلدل
دة الخيط الوحيد اللي كنت حاسس اني هابدا من عندة لكن طلع مش مظبوط
ايفون
عدي يومين وفاضل خمسة ولو موصلناش
وهنا يتالم موز ويمسك ذراعة اللي علية الوشم او رسمة البيت ويقول بصعوبة
ذراعي ايفون بيتقطع
ايفون
بتقول اية.
موز بعصبية ممزوجة بالوجع
ذراعي مش قادر منة. والوجع عمال يزيد.
فتمسك ايفون ذراع موز وتبص للرسمة وتقول لموز
في حد من كوكبي نزل كوكب الارض. وكل ما حد هايقرب من البنت دي ذراعك هايوجعك ودة نوع من التحذير لان البنت في خطر وبمجرد ما هتلاقي الرسم دة بيتلاشي من علي ذراعك اعرف ان البنت بتموت وفي اخر لحاظتها
روبي
ودة مين دة
ايفون
احتمال يكون الوزير اوبو. هو الوحيد اللي لي مصلحة ما وصلش للبنت بحجة انه خايف علي الكوكب
روبي
هو انتي ساكتة لية. بقول لك مين دة
ايفون بعصبية
قولت اوبو يا ابوة ودن مخرومة. واللي اكيد باعتني لي الواطية انفينكس. والواطي الملك شاومي
روبي
يبقي كدة لازم روبي يتصرف واخلصكم من شرة
المدلدل
هاتعمل اية
روبي
لسة مش عارف بس مش هاسكت، ،،،،،،،،
وفي هذة اللحظة كان اوبو قدام المصنع الصيني الخاص بصناعه العرائس السليكون ودخل في جسم احدي عمال المصنع ونزل سوفت اللغة الصينية وراح للموظف الخاص ببيع العرائس الصيني وقال له بالصيني
في عروسة صيني اتباعت من مصنعكم خلال يومين او ثلاثة كنت عايز اعرف راحت فين
فبص لة الموظف وقال
انت مين
فاقترب منة اوبو وقال بصوت مخيف وهو يمسك ايدة ويضغط عليها بقوة
عايز اجابة مش عايز اسئلة مفهوم
الموظف
مفهوم مفهوم.،،،،،،،،
ومن علي كوكب احمد تجلس انفينكس قدام اللاب الخاص بها وتكلم نفس الرجل وتقول له
عايزني افتح الكاميرا. اشحن لي كارت ب 100 وانا هاوريك البطارية
الرجل
البطارية. كتير عليها كارت ب 100. حلو اوي كارت فكة
انفينكس
لية يا روح البوردة. هي بطارية مسروقة دي اصلي. بقول لك اية انت ماعدش تتصل بيا تاني. بتشيلني ذنوب علي الفاضي لا منك بتشحن ولا منك بتقول كلمة عدلة تدخل تفاصل وبس جتك القرف راجل تجيب الحزن المستعجل. قال علي راي المثل. عايزا تعيشي وتتهني ربي كلب ولا انك تعرفي راجل من المنهادة معه تنهدي
وتقفل انفينكس المحادثة وهنا يظهر لها في اللاب اوبو ويقول لها
ازيك يا ساحرة الجنوب
انفينكس بعصبية
اخلص انت راخر. انا مش طايقة نفسي
اوبو ضاحكة
طيب روقي وانا هاشحن لك كارت ب 100.
انفينكس فرحا
والنبي بجد. الهي تنستر وربنا انت ماخسارة فيك انك تشوف البطارية استني اجهز واجي لك
اوبو
استني بس. انا مش عايز اشوف بطاريات انا عايز اعرف منك حاجة
انفينكس
عن ايفون
اوبو
الله ينور عليكي ديما كدة فهماني
انفينكس
انا ماعرفش عنها غير اللي قولته ليك
اوبو
لا.تعرفي وماحدش هايساعدني الا انتي
انفينكس
هو اية الحوار
اوبو
انا لسة ماشي من المصنع الصيني وفي اليوم اللي هي نزلت في كوكب الارض اتباعت 100 عروسة وكلهم حوالين العالم وفي اللي اتباع في الصين وعروسة واحدة بس دخلت مصر لواحد اسمة احسن زمان
انفينكس
والمطلوب
اوبو
انفينكس انا مش هالف العالم كلة عليها عايز اول الخيط
انفينكس
هي في صورة كانت ديما بترسمها وهي الصورة اللي كانت بتربطها بالبنت اللي علي كوكب الارض
اوبو
والصورة دي فين
انفينكس
مش فاكرة الصراحة. ايدي حطتها فين
اوبو
ولو دخل في حسابك مليون ج. ما تفتكريش
انفينكس
هابعد لك الصورة حالا علي الواتس بتاعك هو مش برضو شغال
فيضحك اوبو ويقول
كلبة فلوس،،،،،،،،،،،،،،
ومن داخل بيت المدلدل يجلسو جمعيا ماعدا روبي وايفون تبص لموز وتقول له
ذراعك بقي احسن
موز. بعصبية
نعم وانتي عرفتي منين حكاية احسن دي
ايفون
انا مقصدش حاجة انا اقصد ان ذراعك بقي كويس
موز وهو يهدأ بعض الشي
اة. بحسب. الحمد لله ذراعي كويس
وفي هذة اللحظة كان المدلدل قاعد بيفكر وبيبص للرسم اللي علي ذراع موز وساكت فتقول له ايفون
مدلدل. ساكت لية
فلايرد المدلدل لانة كان سرحان فتقول كمان مرة بصوت اعلي
مدلدل.
فيبص لها المدلدل ويقول
اية في اية.
ايفون
انت ساكت بقالك كتير افتكرت موت
المدلدل
هاموت وانا قاعد يعني. انا بفكر في الرسمة
ايفون
ووصلت لحاجة
المدلدل
لا. بس باذن الله هاوصل
وفي هذة اللحظة يرن موبيل موز فيرد قائلا وهو يفتح الاسبكير
الو
صوت انسة تقول
موز معايا
موز
ايوة انا. مين بيكلمني
صوت الانسة
انا رانيا الشبيني معدة برنامج مصر دلوقتي
موز فرحا
عارفة عارفة دة بتاع الاستاذ مجدي حمدان
رانيا
بالظبط. كنا عايزينك معانا بكرة في حلقة خاصة عنك وعن العروسة الصيني مراتك
موز فرحا
اية. انا هاطلع في التيلفزيون
رانيا
طبعا انت ماتعرفش ان في شباب كتير عجبتهم فكرتك وعملو هاشتاج باسم خليكم جنب اهاليكم طلع تريند وكلهم هايتجوز عرايس صيني زيك
وهنا يتدخل المدلدل ويقول
يا ست رانيا الاولي باللقاء دة حد يكون علية القيمة كفاية بقي تعملو للتفاهة سعر
رانيا
الو مين بيتكلم معايا
المدلدل
انا والد موز
رانيا
ولية مش فرحان بنجاح ابنك
المدلدل
نجح في اية ابني انة خلي للخيابة سعر. والشباب اللي عايزين يعملو زية. بيتحدوا الفطرة اللي خلقها علينا ربنا. ازاي عايز يتجوز من عروسة صيني.
رانيا
والله يا فندم هما حرين وحابين يكونو واخدين ابنك مثل اعلي
المدلدل بعصبية
مثل اعلي في اية. في العبط والشذوذ الفكري. وبدل ما تحاربو ظاهرة زي دي رايحين تفرجو الناس علية وتقولو للي ما يعرفش يعرف. ارحمونا بقي وبطلو تلمعو الاشكال اللي زي ابني ابوس ايديكم الشباب بيضيع. لله بقي. خليتو البلد دي بلد الاشكال الضالة وهما الوجهه واي نظيف مابقاش لي عيش فيها وبيشحت لقمتة
رانيا
واضح يا فندم انك مش حابب نجاح أبنك
المدلدل
ازاي بس تقولي ان اب ما يحبش نجاح ابنة. دة اي اب يتمني ولاده يكونو احسن منه بس ينجح بجد مش ينجح في الفشل. والفساد وقلة القيمة
رانيا
عموما يا فندم انا كلامي مش مع حضرتك انا كلامي مع موز. وهو لو مش حابب يجي احب اعرفة انه هايخسر شعبية كبيرة لعدم ظهورة في البرنامج الاكتر مشاهدة في مصر والوطن العربي كلة. فياريت يا استاذ موز اعرف راي حضرتك دلوقتي علشان ابلغة للاستاذ مجدي حمدان. جاي ولا مش جاي
موز بلا اي تردد
طبعا جاي
وينهي موز المكالمة فتقول لة ايفون
احنا ماعنداش وقت كدا البنت بيطاردها اوبو وزعيم المافيا يعني لازم نوصل لها قبل منهم
موز
انا ماليش دعوي بالهبد دة كلة انا هابقي مشهور والناس كلها بتتكلم عني
ايفون
والوعد اللي انا خدة منك بانك تساعدني
موز
انسي يا ابلة اللي ورايا اهم
ايفون
انا من غيرك ما قدرش اوصل للبني ادمة الغلبانة دي اللي هاتموت بسببي
موز
ليها رب يحميها ولو ماتت يبقي عمرها وخلص
ويقوم موز من قدامها وهو يقول
انا هابقي مشهور ومش حابب حاجة تعطلني
فتبص ايفون للمدلدل وتقول
هاتسيبة يروح
المدلدل
هو راح من زمان وانا اللي كنت فاكرة انه موجود
ايفون
يعني مش هاتكلمة
المدلدل
مافيش كلام هايرجعة عن اللي في دماغة
ايفون
ولا حتي روبي صاحبة يقدر يقنعة
المدلدل
هو فين روبي بس، ،،،،،،،،،
ومن داخل قسم الشرطة يجلس روبي علي مكتب الظابط من فوق والظابط قاعد قدامة فوق المكتب وهو قالع القميص وبيقول له
بقي هي الحكاية كدة. اوبو عايز يموت ايفون واللي وراء كدة انفينكس وشاومي
روبي
انا مسمعتش حضرتك قولت اية. بس تقريبا كلام حضرتك صح.
الظابط وهو بياكل الورق اللي قدامة علي المكتب
انت كمان اطرش. كمان اطرش يعني مجنون واطرش
روبي
انا سمعت كلمة اطرش يبقي حضرتك عايزني. نعم
الظابط
نعمه ترفسك انت واللي خلفتك
روبي
المهم انا جيت لحضرتك علشان تلحقنا من ايد اوبو
الظابط وهو بيقلع الفانلة الداخلية
دة اللي هو عايز يموت ايفون
روبي
ايوة بالظبط. هو حضرتك بقيت عريان من فوق لية
الظابط
انا كدة لما ضغطتي بيعلي بقلع. المهم بس. هواوي ماجاش معاك لية
روبي
والله ماعرفش هي الخناقة دلوقتي مع اوبو وانفينكس وشاومي
الظابط
يبقي انت كدة مش عايزاني انا في حاجة
روبي
اومال مين بس يلحقنا
الظابط
انت تنزل شارع عبد العزيز وتسال علي توكيل راية وهناك هتلاقي اللي يحل مشكلتك
روبي
يا فندم الموضوع خطير عبد العزيز ما يعرفش يعمل حاجة. يارب امك تحج ابعت معايا اتنين عساكر يحرصو الشقة حاكم باين ان اوبو دة غبي
الظابط
متخافش متخافش. انا هاديك الباور بانك بتاعي اول ما تشوف اوبو قولو هاتمشي من هنا ولا قعدك علي الباور بانك
روبي
وافرض قعد
الظابط بعصبية
يبقي تقعد انت شوية وهو شوية يا ابن المفكوكة
ويمسكة الظابط من لايقة القميص وهو ينزل من علي المكتب وروبي في ايدة ويقول
يا عسكري
فيدخل العسكري مسرعا فيحدف الظابط. روبي للعسكري ويقول
يتحط في زنزانة لوحدة فيها مية وكهرباء وغاز واسود وتعابين عايزة يموت موتة مش مفهومة ابن الكلب دة
روبي
ابن الكلب دة انا
الظابط وهو بيصرخ
اسكت. خدة من قدامي
ويخرج العسكري وهو يسحب روبي ويتصل الظابط بمراتة ويقول لها
حضري شنطتك
صوت مراتة
لية بس
الظابط
هاخد اجازة وضع سنة كدة ولا حاجة ونهج علي اي حد بعيد عن هنا
مرات الظابط
مالك يا ممدوح انت اول مرة تاخد اجازة من يوم ما اتجوزنا
الظابط
اصل اوبو ماسك في خناق ايفون وشاومي وانفينكس هما اللي مسلطينهم علي بعض
مرات الظابط
مين معايا
الظابط
انا جوزك ملووح، ،،،،،،،،،،،،،،
خلصت حلقة النهاردة اللي يارب تكون عجبتكم. سلام
والله 😂عسل ايه الضحك دا كله
ردحذف